امواج القلوب❤

افكار شريرة

هلو حبايب 😘

وهذا بارت ثاني واذا شفت تشجيع احتمال افكر بثالث 🤔🤔

............

حسن:
شغلي صعب وموج مرات اشوفها امرأة مرات طفلة متعبة تتلكاني بكل اللي احبه وتختمها بنكد وياي استمرت حياتنا ساعه احلى من ااالعسل وساعه تنتقم مني عبالك عدو مو زوجها 

بعد وفاة كمال اخذت اجازة شكم يوم هي كضتها مناحه اني اللي متت تكولون مو هو والنهار كله تتوسل عوف العسكرية يعني كل عقلها لو عفت شغلي راح اعيش ما تدري العراقيين بالبيوت ويموتون بدون اسباب حتى هاي حياتنا لو الكل صاروا مثلها كل الزلم تكعد ببيوتها ومحد يطلع لا لشغل ولا لاي مكان 

بوفاة كمال تأذيت هوايه من زمان اصدقاء واحسبه اخو الي كنت اذا افرح يعرف سبب فرحي ومن احزن بس يشوفني يحزر بيها زوجتي لان يعرف من يوم تزوجتها واني هذا حالي
كانت وفاته صدمه الي الصبح كعدنا واكلنا سويه وضحكنا والعصر ينادون عليه اروح لمكان اللي استشهد بي منظر ولا انساه وما يروح من بالي ومنظر اهله بعد امر

زوجته واطفاله كلش يقهرون وبنته اللي ملخت نفسها عليه ضلت صورتها بعيني شفت هالمنظر بوحدة قبل فقدت عزيز واتعاطفت وياها بس هالمره تعاطفي مو نفسه يختلف هالمره

ومن يومها وموج تخبلت صارت كل التحاق زعل وكل نزول عركه نستني حتى حظنها وفوك هذا غيرتها اللي صارت ما تنحمل خصوصا لما صارت تشوفني اتواصل ويه عائلة صديقي الشهيد وبدون وعي صارت تتعارك وبصراحة اني ردت اعذبها لان عذبتني هوايه عفتها بنارها ما اطفيها 

موج:
ما كدرت اخليه يترك الجيش ابد بس كدرت اخليه يغير صنفه الحمد لله دوامه شويه اهون مكانه القديم كان عالهندسة العسكرية بالتحديد معالجة الالغام هسه صار اهون وارتاحيت اكثر وصرت اكدر انام ليلي براحه الحجيه كانت مؤيدة الي وهي هم تضغط عليه وتشجعني تكول ابقي على موقفج لحد ما يرضى لو يبطل لو يغير الصنف

الاشهر اللي بعدها صار حسن كل فترة ورايح لبيت صديقه يشوف شمحتاجين ومرتين رحنا وياه اني والحجية انصدمت زوجته تخبل حلوة كلش وبعدها عمرها صغير وعنده بنيه تكول للكمر غيب اني بمكانك بصراحة ابد ما غرت اني

من حقه يسال ويروح وهذا صديقة وعزيز بس الملحة الزايدة مو حلوة وهو كل نزول صار يخصص يوم يتسوك الهم وطبعا اني بكل مره يروح لازم اكون وياه غير بيت صديقة واني هم احبهم😒

مره مرتين ثلاث بعد ما تحملت لازم انطي رأي بالموضوع رجع من العسكرية ومثل كل مره اول يوم يسويلي حجر بغرفته ما اطلع وثاني يوم نروح للسوك ياخذ الهم كل اللي يخطر بالبال اني ما اعترضت ابد بس من راد نروح كلت انطيه رأي

-حسن حبيبي ليش انت تروح اخاف تسبب الهم احراج ومرته تخجل منك دز الاغراض بيد احد
باوع الي بطرف عينه وكمل الطريق لبيتهم بس شنو اني عبالك بيه حصف وينغزني هههه