❝𝐒𝐓𝐀𝐑 𝐎𝐍𝐋𝐈𝐍𝐄❞

နှလုံးသားချင်း နီး​စေချင်

"ဖုန်း"

"ဟ ဘာလုပ်​တာလဲ"

သူရှိရာတည့်​တည့်​ကို​ခေါင်းအုံးနဲ့လှမ်း​ပစ်​ပေါက်​လိုက်​တာ​ကြောင့်​ဒေါသက​ထောင်းခနဲထွက်​သွားကာ အခန်း​ဖော်​သူငယ်​ချင်းကို​အော်​ဟစ်​လိုက်​သည်​။

"ငါ​မေး​နေတာကို မင်းကြားလို့လား"

"ဘာလဲ ဘာ​မေးတာလဲ"

"ငါ့အတွင်းခံ မင်းဝတ်​ထားတာလားလို့"

"ဘာ"

အသံအားက​တော်​တော်​လေး ပြင်းသွားပုံရသည်​။အခန်း​ဖော်​ကြီးခမျာ တချက်​တုန်​သွားလေသည်​။

"မဝတ်​လည်းပြီး​ရော ဒါ​လေး​မေးတာကို"

"Jung Hoseok!"

"​တော်​ပြီ ငါ​ရေသွားချိုး​တော့မယ်​"

"မင်း အဲ့မှာရပ်​နေ "

သူ့ အတွင်းခံကိုယူပြီး ဘာလုပ်​လို့ရမှာလဲ။​မေးပုံကိုက မဟုတ်​တာပါ။မြင်​သေး​လား​မေး​တော့​အေး​ရာ​အေး​ကြောင်းဖြစ်​မှာ မလိုလားသလား။

Jiminကုတင်​ပေါ်က ဆင်းရန်​ပြင်​လိုက်​ပေမဲ့ သ​ကောင့်​သားက ဆပ်​ပြာခြင်း​လေးကိုင်​ကာ တဘက်​လေးတင်​လို့​ကော့​တော့​ကော့​တော့နဲ့ အခန်းထဲကထွက်​သွား​ချေပြီ။

ဒီJungမျိုးနွယ်​အခန်း​ဖော်​နဲ့ကလည်း ရံဖန်​ရံခါဆိုသလို စကားခဏခဏများရသည်​။စကားများရတဲ့အ​ကြောင်းအရင်းကို ကြည့်​ပြန်​တော့လည်း ဘာမှကြီးမားတာမရှိ။ဥပမာ-​စောနကလို အတွင်းခံ​ပျောက်​တိုင်း သူ့ကိုလာလာ​မေးတာမျိုး။​

ဒါ​တောင်​ကိုယ့်​ကုတင်​ပေါ်မှာ ကိုယ့်​ဘာကိုယ်​သရဲကားကြည့်​မိရင်​တောင်​တ​စ်​ဆောင်​လုံးကြား​အောင်​အော်​ပြဲ​တာ မပါ​သေး။အသန့်​ကြိုက်​တာ​လေးတစ်​ခုပဲ ချီးကျူးစရာရှိသည်​။

ပစ်​လိုက်​လို့ ကျသွားတဲ့​ခေါင်းအုံး​လေးကိုပြန်​ကောက်​ကာ အမြင်​ကတ်​ပုဒ်​မနဲ့ ဖင်​ခုထိုင်​ပစ်​ပြီးမှ တဖက်​ကုတင်​ပေါ်ပြန်​တင်​ထားလိုက်​သည်​။ဟင်းဟင်း Park Jiminတိုိ့က အဲ့လိုအဲ့လို ယုတ်​မာတတ်​သေးသည်​။