❝𝐒𝐓𝐀𝐑 𝐎𝐍𝐋𝐈𝐍𝐄❞

တိမ်​ပြာတို့ အ​ရောင်​ပြောင်းခြင်း

"လှုပ်​လီလှုပ်​လဲ့ တိုက်​ခတ်​နေသည့်​လေ​ပြေ​တွေ​နောက်​မှာ မာယာကြွယ်​စွာ​စောင့်​ဆိုင်း​နေတတ်​သော​လေ​ပွေတဖြာရှိဖူး​လေ၏။"

ခပ်​သဲ့သဲ့လွင့်​ပျံ့​နေတဲ့​တေးသွားသံကအဖြူ​ရောင်​တို့ပြည့်​နှက်​နေသည့်​အခန်းကျယ်​ကြီးကို သိသိသာသာပင်​အသက်​သွင်း​နေသည်​။​ဒေါက်​ဖိနပ်​သံတခွပ်​ခွပ်​နောက်​မှာလိုက်​ပါလာတဲ့ သူ့​ခြေလှမ်းတိုင်းက​မြေပြင်​ရဲ့ဆွဲအားကိုပင်​မလုံ​လောက်​နိုင်​အောင်​တုန်​ခါလို့​နေသည်​။

"​ဒါအဝတ်​လဲခန်းပါ ဧည့်​သည်​အချိန်​ယူပြီးစိတ်​တိုင်းကျပြင်​ဆင်​လို့ရပါတယ်​ရှင့်​"

ဆိုင်​ဝန်​ထမ်းမ​လေးကို မနုမရင့်​အပြုံးတစ်​ခုသာ စွန့်​ကြဲလိုက်​ရင်း အသက်​ကိုဝ​အောင်​ရှူကာ အခန်းထဲကို​ခြေချလိုက်​သည်​။​ရှေ့တည့်​တည့်​က မှန်​ပြင်​မှာ​ပေါ်​နေတဲ့ သူ့ပုံရိပ်​ဟာ​ပျော်​ရွှင်​ခြင်း၊ရင်​ခုန်ုခြင်း၊စိတ်​လှုပ်​ရှားခြင်းတို့ကို ထပ်​တူထပ်​မျှခံ​စား​နေရမှန်း​ပေါ်လွင်​စေလှသည်​။

အတတ်​နိုင်​ဆုံး စိတ်​တည်​ငြိမ်​အောင်​လုပ်​ကာ အဝတ်​တွေကိုလဲလိုက်​သည်​။ဖြူစွတ်​စွတ်​ဝတ်​စုံက ခန္ဓာကိုယ်​ထက်​ရောက်​လေ​တော့​ကောင်းခြင်းအဖြာဖြာကို လက်​ဝယ်​ပိုင်​ဆိုင်​လိုက်​ရသလို။အလိုအ​လျောက်​ကော့တက်​သွားတဲ့ နှုတ်​ခမ်းဖူး​တွေ​ကြောင့်​အနီးအနားရှိ သက်​မဲ့မှန်​ပြင်​တွေပင်​ငေး​မော​နေကြ​လေမလား။

"Jungkook"

နားစည်​ဖျားဆီရိုက်​ခတ်​လာတဲ့​ခေါ်သံကိုကြားတာနဲ့ စိတ်​လှုပ်​ရှားမှု​ကြောင့်​ပွတ်​သပ်​နေမိတဲ့လက်​တွေကို ကမန်းကတန်းပစ်​ချလိုက်​မိသည်​။စက္ကန့်​ရဲ့သုံးပုံတစ်​ပုံအတွင်းမှာပင်​Jungkookရဲ့​ခေါင်းကတခြမ်း​လည်​သွားခဲ့ရပြီ။

"H-Hyung~~"

ဝိုင်းစက်​ပြန့်​ကား​သွားတဲ့ မျက်​ဝန်း​တွေကြားမှာ သူ​နေရခက်​လာသည်​။မည်​သည့်​စကားမှထွက်​ကျမလာခြင်းက ပိုလို့ပင်​နေရခက်​စေသည်​။ခပ်​ဖြေး​ဖြေးပိတ်​ချလိုက်​တဲ့ မျက်​လွှာ​တွေက အရှက်​ပြေ​စေ​လောက်​သည်​။