❝𝐒𝐓𝐀𝐑 𝐎𝐍𝐋𝐈𝐍𝐄❞

ထားပစ်​ခဲ့မှာ

"ထိုင်​မောင်​လေး"

အဆင်​သင့်​ထိုင်​နေတဲ့ အမျိုးသမီးကို သူ​အရိုအ​သေ​ပေးလိုက်​ကာ ညွှန်​ပြ​သောမျက်​နှာချင်းဆိုင်​ထိုင်​ခုံမှာ ထိုင်​လိုက်​သည်​။

"ဒီအပတ်​ထဲမှာ သီချင်း​တွေကို​သေချာပြင်​ဆင်​ဖို့လုပ်​ထားတယ်​နောက်​ပြီး ဒါက မင်းကိုကမ်းလှမ်းလာတဲ့​ကြော်​ငြာ​တွေ"

"​ဗျာ"

Jungkook အံ့ဩသွားရသည်​။​ကြော်​ငြာဆိုပဲ။တကယ်​တမ်း သရုပ်​ဆောင်​ဖို့ဆိုတာက သူ့ဝါသနာထဲမပါ။သူသိတာ သီချင်း​တွေဆိုမယ်​ ပရိသတ်​တွေကို စိတ်​တိုင်းကျ​စေမယ်​နောက်​ပြီး ချစ်​ရသူHyungနဲ့​ရှေ့ဆက်​ပြီး လက်​တွဲသွားမယ်​ ဒါ​လောက်​သာ။

"ဘာဖြစ်​လို့လဲ မလုပ်​ချင်​လို့လား"

"အမှန်​တိုင်း​ပြောရရင်​ ကျွန်​တော်​မလုပ်​ချင်​ဘူး ဝါသနာလည်းမပါဘူး"

သူ့​ရှေ့က မမ တဖြစ်​လဲ ကိုယ်​စားလှယ်​Lee SoYoung(လီဆို​ယောင်း)က​တော့ သူ​ပြောသမျှကို​ခေါင်းတငြိမ့်​ငြိမ့်​နဲ့သာ နား​ထောင်​နေသည်​။

"​ကောင်းပြီ​လေ မင်းမလုပ်​ချင်​ရင်​လည်း အတင်းမခိုင်းပါဘူး "

အချိန်​ကိုက်​ဆိုသလို​ဘောင်းဘီအိတ်​ကပ်​ထဲထိုးထည့်​ထားတဲ့ ဖုန်းက သိသိသာသာပင်​ တဒီးဒီးနဲ့တုန်​လာတာ​ကြောင့်​ အားနာစွာတချက်​ကြည့်​လိုက်​ပြီး ဖုန်းကိုထုတ်​လိုက်​သည်​။

​ခေါ်ဆိုသူ​နေရာမှာ​ပေါ်​နေတဲ့Hyung နာမည်​ကြောင့်​Jungkookအလိုလို ပြုံးသွားရသည်​။သူ့အ​ခြေအ​နေကို အကဲခတ်​နေတဲ့ လူတစ်​ယောက်​ရှိ​နေမယ်​ဆိုတာကို Jungkook​မေ့သွားသည်​။

"အ​ရေးမကြီးရင်​မကိုင်​ပါနဲ့လား"

"ဗျာ"

တဖက်​ကလည်း အလုပ်​ရှင်​တခြားတဖက်​ကလည်း ချစ်​ရသူဖြစ်​နေ​တာ​ကြောင့်​Jungkookအကြံအိုက်​သွားရသည်​။မကိုင်​ရင်​လည်း​သေချာ​ပေါက်​Hyung စိတ်​ဆိုးသွား​ပေမည်​။ကိုင်​လိုက်​ပြန်​ရင်​လည်း အလုပ်​ရှင်​ကိုမ​လေးစားရာ ကျ​ပေသည်​။

​နောက်​ဆုံး​တော့ ချီတုံချတုံဖြစ်​နေတဲ့အချိန်​အတွင်းမှာပဲ ဖုန်း​လေးက ပြတ်​ကျသွားခဲ့သည်​။Hyungက တစ်​ခါ​ခေါ်မရရင်​နောက်​တစ်​ကြိမ်​ထပ်​ဆက်​သွယ်​မဲ့ လူမျိုးမဟုတ်​တာ သူသိသည်​။Hyungက သိပ်​စိတ်​ကြီးလွန်းတာ။