❝𝐒𝐓𝐀𝐑 𝐎𝐍𝐋𝐈𝐍𝐄❞

အရိပ်ကလေးခေါ်ကြင်​ယာ​တော်​ခခ​လေး

ကျောင်း​တော်​ကြီးဆီသို့ ဦးတည်​နေတဲ့​ခြေလှမ်းတစ်​စုံရဲ့​နောက်​က ထပ်​ချပ်​မကွာလိုက်​ပါလာတဲ့ အခြား​ခြေလှမ်းတစ်​စုံကို သူသတိထားမိသည်​။

နှုတ်​ခမ်းထက်​စွန်းထင်းသွားတဲ့ အပြုံးတစ်​ခုနဲ့အတူ လှမ်းလက်​စ​ခြေလှမ်း​တွေကို ရပ်​လိုက်​တော့​နောက်​က​ခြေသံ​လေးလည်း​ပျောက်​ကွယ်​သွားသည်​။

​ခေါင်းကိုအနည်းငယ်​ငဲ့​စောင်းကြည့်​လိုက်​သောအခါ အဖြူ​ရောင်​ဦးထုပ်​ကို ခပ်​ငိုက်​ငိုက်​ဆောင်းကာ ရပ်​နေ​သော လူတစ်​ယောက်​ကို​တွေ့ရသည်​။

ဘာကိစ္စသူ့​နောက်​ကို ထပ်​ချပ်​မကွာလိုက်​နေရတာလဲ။အ​ကြောင်းရင်းက ဘာများလဲ။ရှည်​ရှည်​ဝေး​ဝေး​တွေးမ​နေဘဲ တန်း​ကောက်​ချက်​ချနိုင်​သည်​။

ထိုလူသားသည်​သူ့ကိုသ​ဘောကျ​နေတာဖြစ်​သည်​။ဒီအ​ဖြေက ယုတ္တိအရှိဆုံးပဲ။ခက်​တာက လော​လောဆယ်​ကိုယ့်​ဘက်​ကစိတ်​မပါတာ။ဒီလူ​တော့ ပင်​ပန်း​တော့မှာပဲ။

ကိုယ့်​အ​တွေးကို သ​ဘောကျစွာတချက်​ရယ်​ကာ​ခေါင်းယမ်းလိုက်​ရင်းက​ရှေ့ဆက်​လျှောက်​ခဲ့သည်​။​နောက်​ပါးဆီက အရိပ်​သည်​လည်း ထပ်​မံ လှုပ်​ရှားလာခဲ့သည်​။

ရုတ်​ချည်းဆိုသလို အ​နောက်​ကိုပြန်​လှည့်​ကာ လာရာလမ်းအတိုင်းသွားလိုက်​တော့ အဖြူ​ရောင်​အရိပ်​လေးသည်​လည်း​ကြောင်​တောင်​တောင်​ဖြစ်​သွားပုံရသည်​။

အရိပ်​လေးကို​ကျော​ပေးလျက်​နှုတ်​ခမ်း​တွေကိုတွန့်​ကွေးကာ ပြုံးလိုက်​ရင်းက အရိပ်​လေးသိ​အောင်​လက်​ထောင်​ပြကာ နှုတ်​ဆက်​လိုက်​သည်​။

​နေရာမှာ ရပ်​လျက်​ကျန်​ခဲ့​သော​ကောင်​လေးတစ်​ယောက်​က​တော့ သ​ဘောကျ​နေသည်​ကိုသတိထားမိသွားတာ​ကြောင့်​မျက်​နှာ​လေးအနည်းငယ်​နီ​နေ​ပေမဲ့​ခေါင်းကဆံပင်​တွေကိုဖွကာ အမှတ်​တမဲ့ရယ်​မောလိုက်​မိသည်​။

ထိုအချိန်​တုန်းက​တော့​တဖျတ်​ဖျတ်​တိုက်​ခတ်​နေတဲ့​လေ​ပြေ​တွေကို ချစ်​ခဲ့ဖူး​လေသည်​။

"Jimin"

စိန်​ပန်းနီနီ​တွေ ပြန့်​ကျဲ​နေတဲ့ လမ်း​လေး​ပေါ်မှာ အ​နောက်​မှကြားလိုက်​ရတဲ့​ခေါ်သံ။ရင်းနှီး​နေတဲ့​ခေါ်သံကို​နောက်​လှည့်​ကာ အပြုံး​လေးနဲ့တုံ့ပြန်​လိုက်​ပြီး နှစ်​ယောက်​သား​ဘေးချင်းယှဉ်​လျက်​အတန်းဆီသို့​လျှောက်​ခဲ့ကြသည်​။