❝𝐒𝐓𝐀𝐑 𝐎𝐍𝐋𝐈𝐍𝐄❞

ဖောက်​ပြန်​နေတာမလား

"​ကျေးဇူးတင်​ပါတယ်​ဆရာမ"

အတန်းချိန်​ပြီးလို့ ဆရာမထွက်​သွားပြီဆိုတာနဲ့ လွယ်​အိတ်​ကိုဖြစ်​သလိုဆွဲယူကာ​ကျောင်း​တော်​ကြီးထဲက​နေ​မ​ပြေးရုံတမယ်​ထွက်​ခဲ့လိုက်​သည်​။

နာရီကိုကြည့်​လိုက်​တော့ နှစ်​နာရီထိုးခါနီး​နေပြီမို့​ခြေလှမ်း​တွေကို ပိုအရှိန်​မြှင့်​လိုက်​ကာ​ကျောင်း​ပေါက်​ရောက်​သည်​နှင့်​အငှါးယာဉ်​တစ်​စီးကို လက်​ပြတားလိုက်​သည်​။

"ဒီလိပ်​စာထဲက​နေရာကိုသွား​ပေးပါ"

ယာဉ်​မောင်းကို လိပ်​စာပြလိုက်​ပြီးမှ အသက်​ကိုဝ​အောင်​ရှူနိုင်​တော့သည်​။​ပြေးလာတဲ့အရှိန်​ကြောင့်​နိမ့်​ချည်​မြင့်​ချည်​ရင်​အစုံက အတန်​ကြာသည်​အထိ မငြိမ်​သက်​သေး။

စိတ်​ထဲက Jungkookကို ဖျတ်​ခနဲသွားသတိရလိုက်​တော့ လက်​ဖျား​တွေပါ​အေးစက်​လာသ​ယောင်​။ဟင့်​အင်း ငါဘာမှားလို့လဲ။

"​ကောင်​လေး​ရောက်​ပြီ​နော်​"

"ဟုတ်​ကဲ့​ကျေးဇူးပါ ဘယ်​လောက်​ကျလဲမသိဘူး"

ကျသင့်​ငွေကိုရှင်း​ပေးပြီးတဲ့​နောက်​ကား​ပေါ်ကဆင်းရန်​ပြင်​လိုက်​သည်​။သို့​သော်​တစ်​စုံတစ်​ခုသတိရသွားတာမို့ ခဏလို့လက်​ထောင်​ပြလိုက်​ပြီး လွယ်​အိတ်​ထဲက ဦးထုပ်​ကိုဆွဲထုတ်​လိုက်​သည်​။

​ရှေ့ဆံပင်​ကို နဖူး​ပေါ်ပုံ​နေ​အောင်​ချလိုက်​ပြီးမှ ဦးထုပ်​ကိုခပ်​ငိုက်​ငိုက်​ဆောင်းလိုက်​သည်​။ထို့​နောက်​အငှါးယာဉ်​ပေါ်မှဆင်းခဲ့လိုက်​တော့သည်​။

ကားထွက်​သွားသည်​နှင့်​လွယ်​အိတ်​ကို​ဆွဲကာ​ရှေ့တည့်​တည့်​က အ​ဆောက်​အဦးကြီးထဲကို ဝင်​ခဲ့လိုက်​သည်​။

STAR ONLINEဆို​သော​ငွေ​ရောင်​ဖောင်းကြွစာလုံးကြီး​တွေနဲ့ ခန့်​ညားထည်​ဝါ​နေ​သော အ​ဆောက်​အဦးကြီးထဲကို ပထမဆုံး သူ​ရောက်​ဖူးခြင်းဖြစ်​သကဲ့သို့ သူ​ရောက်​လာမယ်​မှန်းလည်း Jungkook မသိခဲ့ပါ။

​လေးဘက်​လေးလံ အရပ်​မျက်​နှာတို့တွင်​LED ဘုတ်​ပြားကြီးများ အပြည့်​နီးပါးတပ်​ထားကာ သုံးပုံနှစ်​ပုံ​သော ထိုဘုတ်​ပြားကြီးများ​ပေါ်တွင်​Jungkookပုံ​တွေသာ​ပေါ်လို့လာ​နေသည်​။