❝𝐒𝐓𝐀𝐑 𝐎𝐍𝐋𝐈𝐍𝐄❞

ချစ်​သူသည်​စိမ်းကားတတ်​သည်

"ကိုယ်​စားလှယ်​ကြီး အဆင်​ပြေတယ်​မလား"

"သိပ်​တော်​တယ်​ည​နေကျရင်​မင်းအတွက်​ငွေပို့ထားလိုက်​မယ်​"

"ဟုတ်​ကဲ့ ကိုယ်​စားလှယ်​ကြီး"

ဆို​ယောင်း​ကျေနပ်​အားရစွာပြုံးလိုက်​သည်​။

"သတင်း​တွေက​ရော ဘယ်​အ​ခြေအ​နေရှိလဲ"

"ကိုယ်စားလှယ်​ကြီး ကိုယ်​တိုင်​ပဲကြည့်​လိုက်​ပါ"

တရိုတ​သေကမ်း​ပေးလာတဲ့ သတင်းစာအထပ်​လိုက်​။ပထမဆုံးသတင်းစာရဲ့​ခေါင်းစီးမှာတင်​သူမသ​ဘောတကျနဲ့​အော်​ရယ်​လိုက်​မိသည်​။

"အဆို​တော်​***၏ ချစ်​သူမှ Star Online ကိုယ်​စားလှယ်​***အား ရိုက်​နှက်​မှုဖြစ်​ပွား"

"အဆို​တော်​ကောင်​လေးနဲ့ ပဋိပက္ခအရှုပ်​တော်​ပုံများ"

"နစ်​နာသူက ဘယ်​သူဖြစ်​မလဲ?"

မရိုး​ရ​သော ထိပ်​စီး​ခေါင်းစဉ်​များ​ကိုကြည့်​ကာ သူမအသိအမှတ်​ပြုသလို​ခေါင်းတဆတ်​ဆတ်​ငြိမ့်​နေမိသည်​။ဒီ​လောက်​ဆို လုံ​လောက်​ပြီမလား။

"စိတ်​ဝင်​စားစရာ​ကောင်းသားပဲ သွားလို့ရပြီ"

အနားကလူကို နှင်​ထုတ်​လိုက်​ပြီး​အသာအယာပင်​မှိန်း​နေလိုက်​သည်​။​ဒီချိန်​ကောင်​လေးနဲ့Park Jiminတို့ဘယ်​လို​တွေဖြစ်​ပျက်​နေမလဲ။

​ဒေါက်​ဒေါက်​

တံခါး​ခေါက်​သံ​ကြောင့်​ဆို​ယောင်း​ခေါင်း​ထောင်​သွားရသည်​။စုံစမ်းစစ်​ဆေးမည့်​လူ​တွေ​များလား။

"ဝင်​ခဲ့ပါ"

သို့​သော်​ဝင်​လာသည့်​သူက သူမ,မ​မျှော်​လင့်​ထားသူဖြစ်​လို့​နေသည်​။အ​နှေးနဲ့အမြန်​ရောက်​လာမယ်​ဆိုတာ သိ​ပေမဲ့ သူမသတိရရချင်း​ရောက်​လာတယ်​ဆိုကတည်းက ဘယ်​လောက်​တောင်​အဖြစ်​သည်း​နေလို့ပါလိမ့်​။

"ထိုင်​ပါဦး"

"အမှုကိုရုတ်​သိမ်း​ပေးပါ"

ကုတင်​ခြေရင်းတည့်​တည့်​မှာရပ်​ပြီး ရှုတည်​တည်​နဲ့​ပြောလာတဲ့ Jungkook။ထို​ကောင်​လေးရဲ့​မလိုလားခြင်းအ​ငွေ့အသက်​တွေကို သူမခံစားလို့ရ​နေသည်​။