❝𝐒𝐓𝐀𝐑 𝐎𝐍𝐋𝐈𝐍𝐄❞

ချစ်​၍ သဝန်​တိုသည်​။

အ​ဆောင်​ကိုပြန်​ရောက်​တော့ Jiminတစ်​ယောက်​ထိုင်​လိုက်​ထလိုက်​နဲ့ ဂဏှာကိုမငြိမ်​နိုင်​သေး။​ယောင်းတစ်​ယောက်​ဘယ်​ချိန်​ကပြန်​သွားသလဲဆိုတာပင်​မသိလိုက်​။

ကုတင်​ပေါ်တင်​ထားတဲ့ ဖုန်း​လေးကိုလှမ်းကြည့်​လိုက်​လက်​သီးက​လေးဆုပ်​လိုက်​နဲ့ အခန်းကျဉ်း​လေးထဲမှာ​ခေါက်​တုံ့​ခေါက်​ပြန်​ထပ်​ပြီး​လျှောက်​နေမိပြန်​သည်​။

"ဘာလို့ဖုန်းမဆက်​သေးတာလဲ"

​နာရီကိုကြည့်​လိုက်​တော့ ကိုးနာရီထိုးရန်​ငါးမိနစ်​သာလို​တော့သည်​။​ခေါင်းကဆံပင်​တွေကို ဆွဲဖွလိုက်​ပြီး ဖုန်းကို​ကောက်​ကိုင်​လိုက်​သည်​။

"​ဖုန်းဆက်​ဖို့​သေချာ​ပြောခဲ့တာကို"

ဘယ်​အချိန်​မှာ မြည်​လာမယ်​မသိတဲ့ဖုန်းကို​စောင့်​နေရတဲ့ သူ့အချိန်​တွေဟာ မီးလိုပူ​လောင်​နေပြီလား။အခုထိဖုန်းမဆက်​နိုင်​ရ​အောင်​Jungkook တစ်​ယောက်​ဘာ​တွေလုပ်​နေတာလဲ။

ဟို မမဆိုတဲ့ အမျိုးသမီးနဲ့များ ရယ်ရယ်​မော​မော ညစာစားရင်း​ပျော်​ရွှင်​နေမလား။ဒါမှမဟုတ်​တခြားလူ​တွေနဲ့ဂုဏ်​ပြုပွဲဘာညာလုပ်​ရင်း သူ့ကိုဖုန်းဆက်​ဖို့များ​မေ့​နေတာလား။

Jiminအ​တွေးနဲ့တင်​လက်​ထဲကဖုန်းကို တင်းကျပ်​နေ​အောင်​ဆုပ်​ကိုင်​ထားမိသည်​။ဒီ​နေ့ပဲ ချစ်​သူဖြစ်​သည်​ဒီ​ညပဲ ဖုန်းဆက်​ဖို့​မေ့တာက​တော့ လွန်​လွန်းသည်​ဟု ထင်​မိသည်​။

​Jungkook မင်းကို ငါ တကယ်​စိတ်​ဆိုးမိ​တော့မယ်​။

တဒီးဒီးနဲ့ တုန်​ခါလာတဲ့ လက်​ထဲကဖုန်းကို ဝမ်းသာအားရကြည့်​လိုက်​မိ​တော့​အရိပ်​က​လေးဟူ​သော နာမည်​ကြောင့်​စော​စောကJimin​ဒေါသ​တွေက ဘယ်​တုန်းကမှမရှိခဲ့သလို။

"ဟယ်​လို"

"Hyung​တောင်းပန်​ပါတယ်​နောက်​ကျသွားလား အခုပဲ ကိစ္စပြီးလို့ ဆက်​လိုက်​တာ"

"အိမ်​ရော ပြန်​ရောက်​ပြီလား"

"မ​ရောက်​သေးဘူး အခုလမ်းမှာ"

Jiminနှုတ်​ခမ်း​လေး​တွေပြုံးသွားရသည်​။​ကောင်​လေးက သူ့ကိုသိပ်​ချစ်​တယ်​ဆိုတာကို သိထားပြီးသား​ဆို​ပေမဲ့​ကျေနပ်​သွားမိသည်​။