❝𝐒𝐓𝐀𝐑 𝐎𝐍𝐋𝐈𝐍𝐄❞

ကြယ်​တွေကို​ရေတွက်​ခဲ့ရင်

"​ယောင်း မင်းသူ့ကိုဘယ်​လိုမြင်​လဲ"

"ဘယ်​သူ့ကိုလဲ"

"JUNGKOOK"

"ငါဘယ်​သိမလဲ"

စာအုပ်​ပေါ်မှာရှိ​နေတဲ့ အကြည့်​တွေကိုတစ်​ချက်​လေး​တောင်​မ​ရွေ့ဘဲ​ယောင်းကပြန်​ဖြေသည်​။မဟုတ်​သေး ပြန်​မေးတာ။

​ယောင်းက စိတ်​မပါရင်​ဘယ်​အရာမှဂရုမစိုက်​တတ်​တာမို့ Jiminဆက်​မ​မေး​တော့ဘဲ တဖက်​လှည့်​ကာ တစ်​ယောက်​တည်းစ​ဉ်းစား​နေလိုက်​သည်​။

"​မင်း သူ့ကိုစိတ်​ဝင်​စား​နေပြီလား"

တိတ်​ဆိတ်​သ​ယောင်​ရှိတဲ့ စာကြည့်​တိုက်​ရဲ့​ထောင့်​တ​နေရာက ထွက်​လာတဲ့​ယောင်းအသံထဲမှာ​လေးနက်​မှု​တွေအပြည့်​ပါဝင်​နေသည်​။

Jimin​ကျော​လေးမတ်​သွားကာ​ဘေးကိုလှည့်​ကြည့်​လိုက်​တော့​ယောင်းက မျက်​မှန်​လေးကိုချွတ်​ကာ သူ့ကိုစိုက်​ကြည့်လာသည်​။

"ငါမ​ပြောတတ်​ဘူး​ယောင်း ဒါ​ပေမဲ့"

"မင်းသူ့ကို စိတ်​ဝင်​စား​နေပြီပဲ"

​နောက်​ထပ်​ပြောလာမဲ့ စကားကို​တောင်​ယောင်းကမ​စောင့်​တော့ဘဲ ဦး​အောင်​ပြောချလိုက်​သည်​။သက်​ပြင်းချသံသဲ့သဲ့ကြားလိုက်​မိသည်​။ ဘယ်​သူ့ဆီကများလဲ။သူလား​ယောင်းလား။

"လုပ်​မ​နေနဲ့ ခဏပဲတွဲဦးမှာဆိုရင်​"

"ဟင်​"

"​ယောကျာ်း​လေး ရည်းစားများလည်း နာမည်​ပျက်​တတ်​တယ်​ကိုယ့်​လူ"

ရုတ်​တရက်​ကြီး​လေသံ​ရော မျက်​နှာပါ​ပြောင်းသွားတဲ့​ယောင်းက စိတ်အချဉ်ေ​ပာက်​ပောက်နဲ့​သူ့ကိုဆူ​လေသည်​။မျက်​မှန်​က​လေးပင့်​ကာ ပင့်​ကာရယ်​နဲ့ သူ့ကိုဆုံးမ​နေသည့်​အခါမျိုးမှာ​တော့​ယောင်းသည်​ချစ်​စရာ​မ​ကောင်းဟု ထင်​မိသည်​။

"​ပြောလည်း နားဝင်​တာမဟုတ်​ဘူး စာကျက်​ဦး စာ​မေးပွဲ​ဖြေရ​တော့မှာ"

"မကျက်​ဘူးကွာ"

Jiminပြန်​ပြောလိုက်​တော့​ယောင်းကမျက်​လုံးပြူးပြသည်​။ထို့​နောက်​တွင်​တော့ ဖတ်​လက်​စစာအုပ်​အချို့ကိုယူကာ သူ့နားကထွက်​သွား​လေသည်​။