حكـايــة ضيــــاء
الحلقه 2
منقولة
سامي : يلا خلي نقلكم
نورا: قول
انا: هيا النهارات متنفخهمش.
سامي: هههههههه اعصابك والموضوع ومافيه النتيجه بكرا ولا بعده امبدري قالها ليا وليد .�انا ونورا: 😨😱.�سامي: تي ناا مهمتنيش النتجيه الي هامني انه بعد يوم ولا اتنين والعسسل هدا مايكونش بينا.�انا: بااه بطل لا توا نبكي🙈.�نورا: سامي شن قلت😟.�سامي: حكيت واجد اماا شي بي زبط ..اهاا ع نتيجه قتلك بكرا😂.�نورا: تبصر صاح 😯.�سامي: لا ولله نحكي جد.
نورا: حي ع امي 😱.�انا: تي ناجحين ان شاءلله بأذن الله.�سامي: اهو الكلام المسقم. �انا: ههههههه .
�قعدنا نحكو شويه بعدين نا ونورا روحنا وسامي روح حتي هوا وصلت للحوش دخلت.
�ماما"ليلى": مزال بكري.�انا: اخر يوم باه الي روحت توا😅.�ليلى: علاش اخر يوم نتجيتك مزال.�انا: لا ولله بابا نيته مشاءلله غدوا النتيجه .
ليلى: حاق باه ان شاءلله خير.�انا: ان شاءلله ..نا داخله بنوتي الشنطه متعي.�ليلى: ماتبيش تتعشي.�انا: لا كليت كولو صحه.
�ركبت لي داري قعمزت ع سرير وبديت نلم ف الدنيا ماخليت شي وبعدين حسيت روحي تعبت تمددت ع سرير ورحت ف سابع نومه �نضت مخلوعه اذكرت النتيجه القيت نورا متصله وسامي متتتتتتصل عاودتله.�نا: الو صباح الازعاج. �سامي: خميرة نوم يا كبدي النتيجه طلعت وهيا قاعده متمرقده.
انا: بلله شنو باه شفتها نتاعي نا.
سامي: اي نعم شفتهالك انتي ونورا .
انا: باه شنو😦�سامي: طبعاا نا نجحت ممتاز باركيلي😂.�انا: الله باه يصير منك الف مبروك بااه واناا ياهم مترقيهمش.�سامي: يبارك فيك وطبعا نورا حتي هيا نجحت ممتاز ونسبتها90 الحقيره اكتر مني بي شويه😂.�"طبعا يقهر فيا الحيوان عارفني ع ناار" .
انا: باه مبروك عليهاا😍 ونااا ياحيوااااااان😡�سامي: انتي منو😂.�انا: وربي نسكر ونمشي نشوف بروحي.�سامي: اها انتي ضياء سعد ياستي ياضياء اسمعي�انا: اي سقدني.
سامي: قلتيلي انتي منو؟.
انا: ساااااامي.�سامي: ووك طرشتيني مبرووووك نجحتي ممتاااز وبنسبه صقع ياحمااره جبتي 98%😍.�انا: ووووووه كذااااااب يااربي مش مصدقه💃🙈😍 تراا احلف. �سامي: هههه هبله وربي زي مانحكيلك .�انا: الله علييك يا انااا مش عاارفه شن ندير من الفرحه وووووووه وزغرطي يا أنشراااح واخيرااا.�سامي:😂😂😂 بطلي عيااط يابلوه طرشتيني .�انا: انت سكفمك تي كان قدامي بش عارفه شن درت فيك احسسن سامي ف الدنياا ولله 😍😂.�سامي: اااه يارتني قدامك😂.�انا: بطل براده وخنمشي نقولهاا لي ماما.�سامي: من الي بدي ف البراده😂..بااه تمام وسلمي عليها.�انا: باه باه وشك 😛.�سامي: هههه سلاام💕.�طلعت من الداار نجري ونرقص ونصفق💃👏 ونعيط ومدايره العار الانه جبت نسبه زي هكي يعني ندخل الطب وراسي مرفوع وجوي جميل☺.�ليلى: خير بلاك يابنت😯.�انا: وووه يانبع الحنان بنتك نجحت بي نسبه ترفع رااسك جبت 98%✋💃🙈😹.�ليلى: جت حضنتني...مبرووك عقبال التخرج ياارب .�انا: تراا ماما فكينا من البكي بلله علييك 😢.�ليلى: مسحت دمووعهاا..هههه هادو دموع الفرحه😍 تعالي نكلمو بوك نقولوهاله.�انا: انبااه😂ردي بالك تنسي الهديه تكون سمحه نوصكش عاد يانبع الفلوس انتي😉😜😘.�ليلى: ههههه من عيوني مش ناسيه..وقوليلي من قالهالك النتيجه الانه بوك الصبح مشي مطلعتش قعده.�انا: توا طلعت سامي قالها لياا ويسلم عليك حقاا.�ليلى: سلمه شن نجح هوا ونورا؟�انا: اي ناجحين الاتنين ممتاز😍.�ليلى: وبااه مبروك عليهم ..اهو بوك يتصل شكله شافهاا.�سعد: الو ليلى ضياء بجنبك .
ليلى: اي اهي تنقز من الفرحه.
سعد: شفتيهاا الشفشه كم جايبه فرحتني ولله جابت 98% .�ليلى: اي ولله حتي نا قريب نطير من الفرحه توا قالتهالي😍.�سعد: بجنبك هاتهاا.�ليلى: هاك اهياا معااك.�انا: الوو سعوده شن جوو 😂.�سعد: ههههه مش حنكلمك عليهاا سعوده هادي بما انك ناجحه مبروووك والله بروا عليك يابنتي عقباال التخرج ونشوفك دكتوره قد الدنياا.�انا: هههه ان شاءلله يابابا يبارك فييك. �سعد: باه جهزو روحكم الغدا البرا اليوم انا ف الطريق.�انا: ملييح بكل واتيين تلقاناا😍.�سعد: هههه باه هيا بسلامه.�انا: سلام❤.�قلتهاا لي ماما ومشيت طول لداري القيت نورا وبابا مكالمات فائته عودت لي نوراا. �انا: وووووه نونيي مبرووووووك علينااا النجااح😂😍😘�نورا: هههه الله يبارك فينااا😍😘�قعدناا نحكو نا ونورا شويه بعدين دخلت دوشت.
وشسورت شعري وجكترت عمري وطلعت للصاله نستنو ف بابا.�ليلى"ماما": الله الله الله مش ماشين العرس احناا .�انا: ماه اخطيني ياماما😂اناا الفرحه الي انا فيهاا دي كلهاا.�ليلى: دوم ان شاءلله😂😘.�انا: هه لا اظن انهاا ادوم واحناا ع اغلب غدوا مسافرين.�ليلى: الله غالب توا تتعودي😔.�انا: ان شاءلله خير وخلااص. �ليلى: ان شاءلله بوك براا هيا نطلعو.�انا: نجيب فوني من الشحن ونجي.�ليلى: باه مطوليش.�مشيت بنجيب فون من الشحن القيت الهبل سامي بعتلي رساله صوتيه 😂يغني فهاا.�مبرووك مبروك ياحياة قلبي مبروك�هاالفرحه فرحتنا والفرحه جمعتنا �شو حلوه دنيتنا مبروك مبروك �ياسلااااااام �ياسلام شو بنتمنى بحياتك تتهنى�تعرفي ياضيو وربي فرحتلك تقول ناا الي ناجح الاول مش انتي😍😂.��سمعت المسج متعه ونسمع ف بابا يبيب رديت عليه بسرعه �انا: وربي هبببل احسن واحلي رامي عيااش ف الدنياا 😂ولله عاارفه وحتي ناا فرحتلك وربي ماانك عاادي ياسيمو😜😍😘.�بعتتهاا وطلعت نجري ركبت ف السياره وداهشه من الجري�انا: سمعليكوم😸👋.�ماماوبابا: وعليكم السلام .�سعد: هياا وين تبي تتغدي ياسنيورا ضياء.�ليلى: اضربي ياضياء من زيك هي. �انا: الله واكبر شن يانبع الحنان بدايه حسد ولا كيف😉😂.�سعد: ماعليك منهاا وقوليلي وين تواا.�انا: شنو ماما وين تبي تتغدي. �ليلى: وين ماتبي انتي 😘.�سعد: ع الحاله هادي شكلنا بنرجعو للحوش. �انا: لا ولله ماصارهاا برا لي مطعم $^&*😂😍.�سعد: تضرب ع القوي الفرخه😉لكن ادللي😜.
�وصلناا لي المطعم نزلناا وطلبناا وتغديناا وقعدناا نهدرزو وطبعاا ضروري من فقرة نكد عليهم ف الاخير.
�سعد: اكيد جهزتو كل شي الانه غدوا ف ليل طايرتنا �ليلى: اي كل شي تمام واليوم بيجو الجارات باش يسلمو علينا.�سعد: ضياء نحن هناا وين سرحانه.�انا: ف الي قلته😔💔.�سعد: الله غالب يابنتي ماعندناا مانديرو.�انا: يلا يمشي كله .�ليلى: سعد باش تحطنا اناا وضياء ف مول ناخد شويا حاجات ناقصين.�انا: ماما معنديش نيه حطوني ف الحوش وانتم برو خودو شن تبو.�ليلى: ههههه تي انا ماشيا ع خاطرك خودي انتي شن تبي وحتي لبس الجامعه كله خوديه من اهني كان تبي وكانك بترفعي المول كله ارفعي الكرت هدا ديري فيه ماتبي اليوم هديه مني لييك😜😍.�انا: ووووووه احلي ام ف الدنياا ولله 😘وجيت بستهاا..هاا بنفلس بيك راه😂.�ليلى: فداك مش تبي هديه سمحه😘.�انا: وربي ماانك عاديه ياليلو💋.�ليلى: ههههه مختشه.�سعد: احم حتي ناا جيبلك هديه 😉شكلك متبيهاش امك لحست عقلك احسن ام ف الدنياا وجو.�انا: 😍😍اضررب تي غير من قالك هكي تي انت مافيش منك اتنين تي انت انت غير شن هياا الهديه 😅😂.�سعد: ههههه توا نجيبها ونجي...ولا انقلكم ندفع الحساب ونطلعو مع بعض معش في وقت كان انتم بتمشو المول تواا. �انا: غير بسرعه يا سعوده تعرف بنتك الصبر معندهاش.�ليلى: ههههه حتي نا تشوقت.�سعد: 😂هياا.�طلعت نجري لي سياره ونقز 💃.�سعد: اعقلي احسلك .�انا: ها عقلت 🙇🙈هياا اخرج بما لديك.�ليلى: ياودي ف شك انك تعقلي انتي😂.�انا: غير توا نعقلو مابين طلع الجوهره متاعه بعدين ساهل.�سعد: ربي يهديك وخلااص اركبي اركبي😂.�اركبناا ف السياره وناا مسكتش بكل نبي نعرف شن جايبلي 😍.�ليلى: علييك ازعاج شن هدا متعرفيش تسكتي شويه.�انا: 😂😂 بشويه عليناا ف كادو ليا اهني ومش عارفه شنو وتبيني نسكت.
سعد: هههه ليلى افتحي الدرج الي قدامك واعطيهاا الكيس.�ليلى: بااه..طلعت الكيس ونا عيوني قلوب قلوب..يلاا خلي نشوف نا قبل شن فيه.�انا: مش متفقين ع هكي احناا😒.�ليلى: هههه شدي وانتي ع قريب تبكي�انا:😂😂مااه من الاول..خديت الكيس وقعدت نفتح لين وصلت للجوهره😮😍�ليلى: تي شنو😂😯�سعد: جايتهاا صدمه😂.�انا: ماما غير شدي الايفون الاجرب هدا "مديتلهاا تليفوني"�سعد: ههههه توا اجرب. �انا: طلعت الايفون الي ف باكو وكان لونه وردي زي ماكنت نبيه بي الزبط وفرحانه ع قريب نطير...وربي يابابا انت وله احسسن اب ف الدنياا كلهاا ولله مش عارفه شن نقول من الفرحه مرسي يارب بقد 😍�سعد: ولو تستاهلي😉.�ليلى: هههه مش خساره فيك مبروك تكسريه بي الهني💞.�انا: تي غير شن تقولو مش معاكم ع الخط بكل هاتي الاجرب هدا خلي نبدل الشفره .
سعد: علاش تبدلي فهاا وانتي معش بتستعملها خلي توا ف ليبيا ناخدلك وحده.�انا: ضروري نكد عليهم يعني😒 خلينا نستمتعو بيه اليوم هدا. �ليلى: خليهاا عايشه اللحظه 😂 توا جيها ايفون وبعد شويه بتاخد الي تبيه من المول😉.�انا: نق يامفتاح 😒.
بابا وماما:😂😂�لمهم بدلت الشفره وفرحانه خديت سلفى ع طول من الفرحه وبعدهاا جي ف راسي سامي ونورا نبي نتسهوك عليهم ونقلهم الي حاسه بيه وانه ضروري نتلاقو وكذا..بابا وقف ونزل للمغسله فرصه اتصلت بي سامي ماردش اتصلت بي نورا ردت .
انا: الو نورا شجو. �نورا: اهو جو الماشي والجاي والجيران نفخوهم وراه بعدين بيمشولكم توا قالتها عمتي كريمه. �انا: انباه مرحبتين بيهم اصلاا حتي بي يودعونا😔.�نورا: باه اقلبي الدسكه مانبيش نبكي😢وقوليلي علاش متصله😂.�انا: تافها من يومك..ياستي ع خااطر انا اليوم العيله مدلعيني الاب جيبلي ايفون الي توا نحكي معاك بيه والام رافعتني المول ع حسابها وخودي ماتبي😂ف قلت نتصل نقهرها شوياا😛هههه نبصر غير الحماس ضربني اتصلت.�نورا: ههههه ياعوينك ربي يحفظهملك ويطول في عمرهم😍.�انا: ويحفظك وفوتينا من الرسميه ياهم 😝.�نورا: هههه باه حاظر ع امتاا رحلتكم؟.�انا: غدوا ف ليل ان شاءلله. �نورا: باه معنهاا توا نتلاقو اليوم ماه بنجو عندكم حتي احناا ف ليل ونتفقو.�انا: باه تمام هيا سلام.�نورا:سلام😘.�ليلى: حسستيني مندلعوش فيك ف الايام العاديه.�انا: هههه وذنك معانا ياكبدي .�ليلى: ماه توا تقول شن بنت الفقر هادي .�انا: ماما اولا نورا صاحبتي وزي اختي وتفهم علياا وتفكيرها مش هكي وتانياا تعرفيني انا منحبش جو الهاي والماي والفشخره ع ناس.�ليلى: باه فهمناا..من قالتلك بجي بعدين .�انا: ام زكي لامه الجارات وجاينك ف ليل.�ليلى: هههه كريمه �انا: من غيرهاا...اسمعي شهيناز تقعد اليوم وغدوا تروح ع اقل تقوم هيا بي الواجب انا ولله مافاهمه حاجه ولا عارفه حاجه.�ليلى: ان شاءلله وانتي شن تعرفي غير طولت اللسان. �ع طلعت بابا من المغسله وجايب معاه بدلاته اكل حسسني ماشي لي امريكيا مش ليبيا .�سعد: السلام عليكم .�انا: اسحبناهم بدو يغسلو فيك انت الداخل .�سعد: هههه عطلت .�ليلى: وعليكم السلام ورحمة الله وبركاته.�انا: كيف وصلتهاا التغطيه الاخت😂.�سعد: 😂😂 شكلهاا .�ليلى:😒.�وصلنا للمول ومخليتش حااجه ف خاطري وماما تدوي معاهم بي التركي بما انهاا واخده لغه وهكي ونا نفترش مره مره ف كلمات لمهم خديت لبس واكسسورات وعطور وقفطان متع حفله فضييع عجبني بكل وسبيدروات وكندره ع القفطان وخديت جاكيت وشال لي نورا وجاكيت وساعه لي سامي فلست بي ماما وهيا خدت هدايا لي ناسها ف ليبيا وخدت حتي لي اهل بابا وقعدت نوازي معاهاا ف حاجات لي بنات عمي الي منعرفش منهم غير وحده الي هيا حسناء كانت تتواصل معايا ع نت وبعتتلي صورها شايفتها وشايفتني يعني وجوهاا جميل فرخه عسسل اكبر مني بي سنه وهدا الي مطمني شوي لما نمشي لي ليبيا ف شخص نعرفه ف العيله ع اقل .�روحنا للحوش وماما بدت توصي ف شهيناز شن ادير وانا دخلت ادوشت وجكترت وطمنت ع الدنيا اكلها واتيه وحطيت الدبش الي شريته كله ف شنطه بروحه ووتيت لاب توب واشيائي الالكترونيه ف شنطه نتع اليد وكل مايلزمني وخديت كم كتاب من المكتبه حتي هما حطيتتهم وطبعاا ضروري من دموع بكيت فشيت غلي ع سرير وع اتصال سامي مرديتش عليه عاود تاني رديت عليه�سامي: ضياء..�.�.�.��يتبع
