حكـايـة ضيــــاء
الحلقه19
سعد: لا متخاافيش من ناحية هادي الانه تعرفه ضياء وان شاءلله يصير من الي ف بالي .
ليلى: منووو الي ف باالك.؟؟😱
سعد: انتي من تقولي ترا؟
ليلى: شخص نعرفوه.
سعد: اكيد.
ليلى: متقوليييش ساامي😨.
سعد: لالا سامي قاعد صغير ومنقدرش نحمله المسئوليه.
ليلى: ملا منو؟.
سعد: عماد😊.
ليلى: عماد الي يشتغل عندك ف الشركه ماغيره الي مراا كلمك عليهااا وانت قتله قاعده صغيره😱.
سعد: بي الضبط قبل مانجي لي ليبيا كلمني مرا تانيه وقتله نسأل ضياء ونرد عليك ولي حد الان مكلمتااش ومسألتش ضياء الانه كل مانجي نفتح الموضوع مايصيرش.
ليلى: وعلاش ماقلتليش عليه.
سعد: نسيت قعدت منشغل ف قصة ربيع.
ليلى: وقصدك بتكلمه من دون ماتسأل ضياء؟.
سعد: الراجل مشاءلله علييه خلوق وشخصيه وطموح واجتماعي ومافيشي شي مايعجبش باش بنرده وهادي تاني مره يكلمني وواضح انه شاري بنتك وجي من الباب طول ونا مطمنله ومتأكد انه راح يسعدها.
ليلى: وضياء😢.
سعد: خيرها ضياء دوتلك انه ف حد ف حياتها؟.
ليلى: لا لكن افرض ماتبيش.
سعد: مدامه مافش حد ف حياتها خلاص توا سيوره تحبه الراجل باهي ومش ع كيفها ماتبيش.
ليلى: بتغلط كان بتغصبها عليه.
سعد: ماعنديش حل غيره.
.
.
.
فات اسبوع ممل للغايه معاذ ديما عنده ولاد منشوفش فيه وسامي يتصل مره مره وحكالي انه تعارك مع نورا وجوه مش عاجبني بكل وشغلني الحق ..
اما بابا كلم عماد وقاله باش يجي كان بيتقدم رسمي واتفقو انه يسافر بعد العرس طول وع اساس انا موافقه وبرا عااد ياغافليين لكم الله..
ياسر معش شفته بكل لاهي ف تحضيرات العرس وكمل حوشه مزال حاجات بسيطه وفاطمه بس😂...
.
.
.
وجي يوم الزرده كلهم عند حوش جدى من الصبح وبدو يشيلو ف الحاجات وزحمه وحايسين وجابو باص بيش يمشو فيه اما انا رنا بايته عندي جتنا حسناء تنوض فيناا من صبحات ربي.
رنا: لا حول ولا قوة الا بلله تي خطيني ياحسناء خيرلك .
حسناء: ها شوفو انا مبدله ومكمله والي بيمشي مع ياسر ف البااص يسقد روحه الانه بيمشي.
ناضت رنا واقفه دخلت الحمام وطلعت تبدل.
رنا: ضيوو هياا نوضي عااد.
انا: اييي علييك ازعااج اززح ها نضناا ارتاحي منك ليها.
دخلت الحمام وطلعت لبست سروال جينز وبلوزه بينك ووشاح ازرق كحلي موخر اشويه التالي وسبيدرو بينك وبديت نحط ف لمساتي وحسناء صدعتلي راسي.
حسناء: هياا مش وقت لمساتك حت هكي تهبلي.
رنا: هاتي هاتي حت نا بنحط.
حسناء: ياحليلكم من معااذ ع منظركم كان بتطلعو هكي.
رنا: يمشي يملح شن دخله بينا😤.
انا: سمعت اسمه قلبي فز😂😍.
حسناء: هههه ضياء شكلك خفتي.
انا: لا ياودي خوف شني وهاا حطيت طشة روج ع لون البلوزه تمام هكي.
رنا: اي تهبلي ونا.
انا: عسسل😍.
حسناء: ربي يشفى هيا هيا .
طلعناا والجماعه كلهاا تجري نا ضحكت ع منظرهم واذكرت شناطي دخلت جبتهم وطلعت ندور ع رنا معش القيتهاا مشيت جيهت الباص.
انا: اووو يسطاا ياعم ياياسر ازيك هوا انت مابتسمعنيش ولا إيه.
ياسر: مالك يابارده قاعد نتفاهم مع التكتك سيبيني ف حالي.
انا: ربي يعااون😂.
قبلت التالي راكبين حنين وجنات اول واحدات من الفرحه.
انا: كيف حالكم😊،
البنات:تمام .
جيت بنمشي لي حوش أميمه كلهم غادي قابلني محمد خو سمير.
محمد: أووو بنت الخال امتى دخلتي للأسلام.
كنت عارفه يقصد ع الحجاب وشفت معاذ جاي شورنا.
انا: من قبل مسلمه غير لما جيت هني ف شيخ دلني ع الحجاب ولبسته لكن بقناعتي.
محمد: من الشيخ الي دار فيك معروف.
انا: اهو جي.
معاذ: خيرني.
محمد: وعليكم السلام.
معاذ: شبحلي شن جوك وكيف حال الحب كلمتيه امس لما روحتي ان شاءلله غير مسببتلكش مشكله انك كنتي عندي او شي من هذا😉.
انا: نصدمت منه كيف قالهاا قدام محمد توا يفهم غلط الولد 😨.
محمد:😕؟.
أنا: تمام الحمدلله لالا مافيش مشكله بي العكس كنت مشاورته واصلاا مايقليش لا علي اي شي نطلبه....ومشيت وخليتهم .
معاذ: ال.... وخبط ايده ع سياره ومشي وعيونه بيطلع منهم ناار كيف رديت عليه بكل برود ومحاولتش نوضح العكس.
اما محمد مافهم شي وبدي يحلل ف كل شي زي مايفهم.
دخلت طول لي حوش اميمه ومتعصبه من كلام معاذ كيف قاله قدام محمد يعني اكيد محمد صدق ومرات يمشي ويحكي بيه.
.
.
ياسر: هي من بيركب معاي.
حمزه: تي فريق الاهلي كله معاك.
ياسر: باه ناقصين ضياء واحمد ومعاذ ومحمد وينهم.
جنى: ضياء بتمشي مع امها وبوهاا.
رنا: كيف صار قتلي بنمشي معاكم.
جنى: ءءا توا قالتلي وانا جايه وشفتها ركبت مع امها وبوها.
رنا جت بتنزل شدتها حسناء
حسناء: خليها علي راحتها متحرجيهاش.
ياسر: باه احمد وين ومحمد ومعاذ.
احمد: اهوا احمد..ومحمد ومعاذ بيلحقو بعدين.
جنى: علاش مايمشوش توا😠.
كلهم شافولها ونخصتها اختها جنات بمعنى اسكتي راك مفضوحه .
سمير: حب ينقذ الموقف الانه عارف رنا تكرها وتستنى فيهاا ع ابسط حاجه 😂..هي توكلنا "وعيونه ف رنا"😍.
ياسر: غير ريحلي روحك وقبل قدام وفكنا من التكحيل😂.
سمير: دير الحوله ياخال😂.
طلعت اول سياره عمتي سعاد وراجلها ومعاهم عمتي عبير وصغارهم وطلع وراهم ياسر.
و جدي ركب مع عمي نجيب وأميمه ركبت مع بابا..
سعد: ليلى وين ضياء.
ليلى: قالت جنى ركبت معاهم ف الباص.
سعد: اه باه.
طلعو اكلهم ف خمس الدقايق الي دخلت فيهم انا للحمام صار هذا اكله طلعت مالقيت حد.
انا: بسم الله الكريم هادو وين طارو حيي مشو عليااا مش معقووله نسووني😱حطيت ايدي ف جيبي بنطلع الفون اذكرت انه حطيته في الشنطه في سيارة بابا برا عااد كملت مافيش ولا سياره ف جنان رجعت بالك نلقاا حد الداخل ف حوش جدي ناديت طلعتلي الشغاله قتلي مافي حد كلهم مشو...مشيت لي حوشنا طلعت المفتاح الاحتياطي وخديت مفتاح السياره لكن وين بنمشي ونا منعرفش المكان الي هما فييه درست السياره قدام البوابه ع امل انه حد فيهم يحس بي غيابي ويرجعلي...اضايقت قعدت نبكي خاطري فيهاا الزرده ونبي نمشي😢..
.
.
.
ف تركيا
حسن: اهلاا.
سامي:...
حسن: نحن هناا.
سامي: اهلين .
حسن: كنك؟
سامي: نتصل بي ضياء متردش نشغلت الصراحه.
حسن: عادي مرات مش بجنبها الهاتف.
سامي: مرات لكن ديما ترد عليا طول متعطلش.
حسن: قاعد تحبها؟.
سامي: مش قصة حب ياراجل خلااص حبها شلته من راسي وتقعد في الاخير اختي وعشرت عمر.
حسن: نحاول نصدقك مقدرتش.
سامي: صدق ولا جعنك ماتصدق مااه نا التيييس الي قاعد نحكيلك اصلاا.
حسن: غير صلي ع نبي وبشويه علي اعصابك لا ينتلصلك عرق😂.
سامي: عليه افضل الصلاة والسلام.
حسن: شن صار ف نورا حقاا.
سامي: وانت شن علاقتك عليش زاقب ف النص اصلااا.
حسن: هههه مش متعود عليك هكي فا احكي بي لين احسلك.
سامي: زيد غادي علياا ماعندي مانحكي.
حسن: ورحمت والديك لما تحكي.
سامي: امتى بتحلف معش تحلف بي امي وبوي الله يرحمهم احلف بي الله بس.
حسن: باه.
سامي: نورا من حد لا تكيتها معاها ومع وليد ف الكافي معش كلمتهااا ولا كلمتني.
حسن: حقا عليش تعاركتو انتم وحت وليد ننقانه طلع فيهاا عييل بكل.
سامي: القصه ومافيها انه عمتك نورا ووليد متعاركين هداك اليوم كيف مافهمت حاجه من هكي المهم جيت ندوي لي نورا كنك معش زي قبل وبديتي تعرفي وليد فتيناا ومعش دورتينا درتها بجو بصاره ناضت تعلي ف صوتهاا وتفترش وتقول انت وضياء خلتوني وعديتو ومجتوش شوري بكل وانتم وانتم وانتم قلتلهاا واطي حسك واسكتي بلله الانك بديتي تخرطي ناضلي عنتر من الجيها الاخرا وقالي مدخلكش فيهاا نا مقعمز متكلمهاش ولا تجي شورهاا قلتلهم اقعدو في ام امهااا تتهنو وطلعت وهوا هدا اي شي تاني سيد حسن..
حسن: حييي ع العااار مجاش راجل فيهاا وليد.
سامي: تي فوتهم.
حسن: قصدك مش ناوي تصلح شي.
سامي: تي ماهدمت شي بيش بنصلح والي يبي يبعد فرااقه عييد درب يودي معاد يجيب.
.
.
.
طلع معاذ من الحوش ومجكتر روحه ويتكلم ف الفون متقولوش نفسه الي خبط ايده ف السياره قبل شوي...شاف السياره مدرسه عرفني نا جي شوري طقطق ع روشن ونا وقتها مطبسه راسي ونبكي..تفاجأة لما لقيته هوا الي يطق يعني منمشيش للزرده ونحصل الا ف معااذ😳مسحت دموعي وفتحتله ونا متكنطيه منه من لقطة كيف حكي قدام محمد.
انا: نعم
معاذ: خيرك تبكى😨؟
انا: مدخلكش.
معاذ: باه علاش مامشتيش معااهم ولا تبي تاخدي راحتك وتطلعي بروحك.
انا: وشن واجعك؟.
معاذ: انظني قتلك الف مره وقاعد نعودلك فيهاا شن علاقتك وشن دخلك وشن وشن معش تقوليهملي.
انا: شن بدير يعني.
معاذ: وهوا انا نقدر ندير حاجه قدام العيون هادو.
انا: تخزرطت تي خيره هذا شن يفترش😯من جده وجهي بدي الوان جسمي يرعش كله مع بعضه تقول قالي نحبك زي الهبله😂اول مره يديرهاا الصراحه.
معاذ: اوي وين رحتي عقريب تحفري الارض بعيونك.
انا: قبلتله جت عيني ف عينه نعلياا وخلااص من العيون العسليات والطرحات والذووق😍 قعدت متنحه فيه زي الغبيه.
معاذ: رايحتلك حاجه ف وجهي.
انا: لو كملت هدرزتك تقدر تبعد بنطلع.
معاذ: هه عنجد بتطلع الايام الفاتو واخده راحتك صارلك غاب القط العب يا فار لكن ننقانه القط توا رجع ومش حتاخد راحتك يافار.
انا: شديت الضحكه الانه رسمي الاسبوعين الي فاتو نطلع ونخش زي مانبي...باه الحل تواا؟نبي نمشي للزرده لو سمحت يعني.
معاذ: ماقلك حد ماتمشيش معاهم.
انا: هما الي انسوني😔.
معاذ: ههه جديات ع من تكذبي مش غبي لدرجه هادي..ونفهم كل الي يدور ف راسك.
انا: عيوني تعبو دموع الانه قالي تكذبي وعارفه الي يدور ف راسه مسوس وهوا مفكر انه بنتلاقه مع حبيبي الوهمي الي مهناش من الاساس.
معاذ: براا رجعت بتبكي ع ابسط شي تبكي انتي بلااا جو فكينا من البكى تراا.
انا: مكنتش نبي نبين انه نبكي قدامه لكن عيوني ديما فاضحيني.
معاذ: ضياء بنقلك انا..
دخلت سيارة محمد من الباب وقطعت عليه شن بيقول ونا قعدت ف خاطري شن كان بيقول.
محمد: هيا ولد الخال كان بتمشي وهيا حت انتي ضياء اتصلو بيا قالو جيبوها معاكم نسيناهاا😂.
انا: هه نكذب صار؟
معاذ: باه وانتي توا عااد شديها عليناا...غلطناا اسفين ياحنه.
انا: دور وين تصرفهاا😏.
معاذ: توا يصرفهالك حبيب القلب تجي منه احلى😉.
محمد: انا نمشي وانتم اقعدو هدرزو خير.
معاذ: اي برا توا نلحقوا احنا.
انا: لا اصبر بنمشي معاك منقدرش نركب مع المنفصم الشخصيه اهوا😒.
معاذ: اياه غير تربحي تي نا ربي يصبرني ع عقلك الي معشش فيه سوداني هذا.
محمد: هيا انستو بعض نا بسلامه مش فاضيلكم.
معاذ: منور سلام.
.
.
.
رنا: عمتي ليلى مش ع اساس ضياء بتركب معاكم كيف نسيتاها.
ليلى: نسحابهاا معاكم قالت جنى بتركب ف الباص.
رنا: جنى😐مشت جيهت البنات ومعاهم جنى معش ينسكتلهاا هاادي بكل مصح وجهااا من اول ماتكلمت عرفت وراهاا قصه لكن توا تشووف.
نادها عمهاا
سعد: رنااا شناطيكم ف سيارتي يابنتي كان بتاخديهم.
رنا: ان شاءلله ياعمي توا ناخدهم بعدين.
سعد: باهي.
رنا: جننننننننى
جنى: حسكه نقصي صوتك.
رنا: انتي فهميني لي ويين تبي توصلي بزبط علااش كذبتي وقلتي ضياء بتركب مع اهلهاا وكذبتي ع اهلهاا وقلتي بتركب معاناا بيش متبيهاش تجي ولا علي امل انه معاذ يركب معانا بااش متخداش منك تي رااك مرييضه ومووتي اوني ضياااء الي لعبتي لعبتك وكذبتي عليهاا نقلب السحر ع ساحر وجايه مع معااذ ف نفس السياره وافهمي للمره المليوون معاااذ مش طاااايقك ويكره حت يشووف وجهك وانتي زي الدلدوله تلحقي فييه وتجري وراااه ارزني وخلي عندك شوية كراامه.
جنى: واقفه ومصدومه من كلام رنا😨الي مخلتلهاا شي تحكيه.
جنات: انتي وين تحساابي روحك من الي سمحلك تحكي مع اختي هكي وتقلي ادبك معاها.
رنا: شووف من يتكلم يامامااا نا منستناااش لي حد يسمحلي وتحمد ربهاا هذا شويه فيهاا...قاعده مستعملتش الاسلوب التاني كان هذا وجهها معش ينشااف الحقيره.
ريهام: رنا خلاااص اسكتي فكيناا من المشاكل.
جنان: الي قلتيه كله عند أميمه توا تشوفي.
حنين: جنااان قعمزي واسكتي مادخليش أميمه ف الموضوع جاايين باش نزردو مش باش نتعاركوو.
جنى: حيوانات زيك زي الي دافعي عليهااا الطيور علي اشكالهاا تقع وانتي من امتااا طلعلك لساان وتتكلمي توا وين حليتي فمك لماا القيتي معااك ضياء علماتك من سمهاا البيئه.
رنا:معش شاافت قدامهاا ونقزت ع جنى تنتيش وضرب والجماعه تحز بيناتهم سمعوهم سمير واحمد وحمزه نزلولهم يجرو..احمد جبد حسناء وحمزه جبد حنين الي مدخلهمش بي الموضوع بكل😂💔 بعدين ركزو انه مزالت العركه قاعده فهموا مش خواتهم الي يتعاركو رناا وجنى
ورناا فرصه وجت لي عندهاا ولا همهاا سمير الي حز بيناتهم ولا شي .
حمزه واحمد : جبدو جنى وجنات من رنا وريهام بعد الف واسطه...تي درتو العااار بنوت يتعاارك وهذا جاايين بنزردو بيهم ع اساس باش يغيرو الجو لكن انتم وجهكم فقر مش وجوه زرادي.
سمير: معش عنده حل قام رناا الي مزالت تتحلف وإبعد بيهاا وهياا قاعده عندهاا طاقه وتضرب ف سمير😂.
رنا: نزلنييي يااسميير نزلنييي خليني عليهاا قداش ليا نتمنى فيهاا اللحظه هاادي.
سمير: بطلي يامهبوله شن الشرر هذا كله كنتي طيبه منسحابكش هكي تتحولي لي اندرتيكر فجأ😯😂.
رنا: غير تحشم انت ونزلني.
سمير: ها ونزلناااك تي كنت بنبعت امي بيش نتزوجو لكن غيرت رايي بعد ماشفت وجهك الحقيقي بديت نخااف ياودي😂.
رنا: والله😒.
سمير: حليلي منك وخلاص مش عاارف لو ضيعتك شن كنت ندير ف عمري ماكنتش نشوف فيك ولا كييف.
رنا: اي والله كنت اعمى ياسميرو😌.
سمير: خف علينا يااهوو لكن جبتيني للطريق ياقلبي.
رنا: هههه بيش تعرف بس🙈.
سمير: انحببببببببك.
رنا: سكفمك يامجنوون بتفضحناا ناس يسمعو فيناا😂🙊.
سمير: وخلي يسمعوا نبي العااالم كلهاا تسمع.
رنا: ايواا بزبط باش بابا يسمع ووسام خويا يسمع وخلي العاالم بعدين تسمع عياط امي وامك واحناا وقتهاا مش حنسمعو شي الانه رحمت الله وعليناا😂.
سمير: ههههه عاادي فدااك يااعمري😍.
رنا: اعقل واخطاني وخليناا نرجعو الانه شكلك مش ناوي ع خير انت اليوم.
سمير: شن نقيمك زي ماجبتك ولا تقدري تمشي😉.
رنا: لاااء نمشي بروحي والقيمه توا تشبح علييهاا غير ماكنتش لهيا بييك.
سمير: من زيك حصلتي لفه وانت فوقي.
رنا: حشمم حاالك برا برا العقل طاير اليوم وربك يستر.
.
.
.
معاذ: انزلي.
انا: والسبب.
معاذ: جاني الغضروف ونا مطبسلك.
انا: مقتلكش طبس.
معاذ: اييي ع تسكير الراس والعنااد الي عندك.
انا: عاجبتني روحي.
معاذ: حت نا😍 هيا انزلي.
انا: تحشمت معش فهمت كنه معااي هذا اليوم مراا مافيش منه ومرا اعوذ بالله...نزلت وامري لله بنشوف اخرتهاا معااه.
معاذ: مفتاح السياره.
انا: فيها علاش.
معاذ: شن علاش بنسوق نا برى اركبي من الجيها التانيه.
انا: بس انت قاعده عمليتك مليهاش هلبااا تقدرش تسووق وانت كيف طالع من حادت مايصيرش.
معاذ: لا عاادي متحلميش انتي تسوقي قاعد نبي نعيش.
انا: الله واكبر حت نا نبي نعيش وكان الاتنين بنعيشو نسوق نا المفروض لكن كان انت بتسوق يبقى مشينا فيهاا.
معاذ: خلاص نمشو فيهاا معنهاا.
انا: كنننك انت متخاافش ع رووحك ولا كيييف.
معاذ: كييف😞
انا: ها استعبااط كان انت مستغني ع روحك نا نقدرش نستغنى علييك...ركزت ع الكلمه الي قلتهااا طلعت مني من دوون ساابق انذاار يارباااه ماذا فعلت دخلت بعضي ومعش عرفت شن ندير ولا شن نقول ولا شن بنرقع لانرقع😱😱.
معاذ: ياحليلي من الي مايقدرش يستغنى عليااا.
انا: ياربي شن الحصله الي حصلتهاا😵.
معاذ: غير كييف قلتيلي😂.
انا: عارفاتك بتعشش فا سوق انت واخطاني...وتلفتت بنمشي بنركب من الباب التاني.
معاذ: تعالي تعالي تعالي.
انا: اوووف شن تبي؟
معاذ: طبس وقدم علياا نا خفت قلت هذا اليوم شن صاايرله شن بدير يااربي...جبد الوشااح لي قدام...هذا معش نشوفه يباان مراا تانيه فاهمه.
نا هزتله براسي مابتش نرد عليه خايفته يتهور يدير اي حاجه ونا وجهي وله احمر وقلبي دقاته زادو كيف قرب معش فهمت شي😍😂 .
ركبناا وولع السياره وعم الصمت المكاان بعد اشويه ولع الراديو كأنه السياره سيارته وجوه فاايح وواخد راحته نا نشوفله ونتأفأف وخلااص وهوا ياجبل مايهزك ريح يدير ف روحه مش معدل😏.
بعد شويه
معاذ: حط ايده ع مكان العمليه وبدي يتوجع ودرس ع اليمين
انا: قلبي طااح من مكانه الانه قتله عطيني نا نسوق انت متقدرش قعد يكاابر...معااذ خييرك معااذ شن تحس .
معاذ: مكان العمليه وجع رهييب اااه.
انا: قتلك عطيني ناا نسووق ماتبيش شفت اخرت عناادك شن يديير يااربي الصبر منك.
معاذ: طالعلك اااه.
انا: مش وقت برادتك وحت المكاان اعووج ماافي حد معقوله نزلت نجري لي جيهته هاات ايدك انسند عليااا بنرفعك للمستشفي.
معاذ: هئه مش حنمشي معااك ومستحيل انتي تسوقي اصبري توا يخف الوجع ونكمل سواقه.
انا: والله معااااد فيهاا المره الاوله سمعت كلامك وشوف شن صاار .
معاذ: ااااااه ضيااء كلاامي قلته ومراات يشوفناا حبيبك يدرلك قصه مانبيش تخرب قصتكم بسببي والواضح انتي تحبيه حرام .
انا: بديت نبكي هذا خيره معااي غبي مايفهمش ولا كييف... انت كنك معااي علااش هكي ادير فياا نا شن درتلك واما حبيب بلله الي تحكي علييه تواا وقته؟
معاذ: قام راسه زي الجن مافيه شي...توا علااش البكي يادريااا ياكبدي ناا دموع وين تلقي فيهم بس.
انا: هي نرفعك للمستشفى؟.
معاذ: والله مافياا حاجه زي التييس قدامك غير من بكري حاال السكوت قلت نغيرلك جووك.
انا: نبكي بعبرتي هذا ناوي يجلطني ولا كيييف...خزيي علييك وع وجهك حيوااان وربي حيواان مانبكش تغيرلي جوي شكراا اببعد ايدك ابعدد مش هكي البصااره عاااد بيختهااا رااه وجيت ف طريق ترااب ووقفت السيااره بااه حط حق صارتلك حاجه توا هي شن بنديرلك ناا بعدين.
معاذ: ههههه غير تعالي .
انا: حوول من قدامي مانبييش نشوف وجهك.
معاذ: والله لما تقربي يامختشه المسكره كلهاا ساالت.
انا: كذاااب .
معاذ: قرب مسح دموع فيسع مكنتش متوقعتها منه اللقطه الصرااحه ابداا انا استكييت قعدت ف مكاني يبست....مافيش لا مسكره لا شي كله قاعد تابت متخافيش ومره تاانيه اللبز الي ع وجهك توا معش اديريه.
انا: حقيير انت؟
معاذ: فووق ماتتصوري😂...تي حي ع امك اخرتينااا ياسر يتصل.
انا: من الي اخر التاني😒.
معاذ: غير اركبي اركبي...اهلاا بي العم .
ياسر: تي وينك انت وضياء .
معاذ: باه غير سلم وانت دااخل بي كل قوة واندفاع.
ياسر: ضياء معاك ولا.
معاذ: ايي احنا ف طريق.
ياسر: خيركم عطلتوا؟
معاذ: بنت خووك تركب للواحد الشييب ف عز شبابه.
انا: يكذذذب عليييك يايااسر هواا الحيواان يديير ف حركات مايتحملهن حد.
معاذ: الحمدلله ها انت شااهد قلة ادب صوت عاالي وفوق هذا اطرشق فييه شرقاوي من بكري.
ياسر: ههههه ربي يهديكم ان شاءلله غير قلي من اماا مجره جاايين انت وياهاا؟.
معاذ: من الحوش شن من وين جايين.
ياسر: هههه نحكي انكم الاتنين استحاله تكونو طبيعين من اما مجره جيتو.
معاذ: قبلي من اما مجره جايين؟
انا: هدا خيره😕.
معاذ: الكائن الي بجنبي نازل عليه الغباء توا امتاا يصحى توا نقلك.
انا: قهرتتتك.
معاذ: شنوو .
انا: شي.
.
.
.
ف تركيا
نورا: ضاقت بياا الدنيااا متوقعتش ف يوم من الايام انا وسامي نتعاركو ولا انااا وضياء نبعدو عن بعض بكل.
وليد: الله غالب شن بديري توا مع الوقت يتصلح كل شي.
نورا: لا اظن انه يتصلح وخصوصاا مع سامي نا نعرفه ميدورش ميدورش وطييب بكل ماافيش منه لكن كاان صارلك معااه موقف مينسااش ويقعد شايل ف قلبه علييك.
وليد: اي نعرف حت ناا توا خدي مني موقف بايخ.
نورا: اسفه اني حطيتك ف موقف محرج كيف هذاا مش قصدي والله.
وليد: لا عاادي توا نلقو حل نا ويااك وان شااءلله خيير .
نورا: شن هوا ان شاءلله...
.
.
.
وصلناا ونزلناا كانن عباره عن استراحتين ع البحر وحده للرجاله والتانيه للنساوين والواضح انهم جميلات وراقيات بكل.
معاذ: وها شن صار وصلناا سالمين.
انا: بعد شيااط الريق وطلوع الروح.
معاذ: المهم وصلناا.
انا: باه المفتاح اذا ممكن.
معاذ: رااح يقعد عندي بري ادخلي.
جيت نبي ناخد منه المفتااح ولما شفت😨..
.
.
.
يتبع
