حكايــة ضيـــــاء
الحلقه13
رنا: اي شن كاتب😅
انا: هههه وكأني حسيتك مركزه معاياا.
رنا: هكاا موضوع بروحه الان تاني لقطه انشوفهاا فا خليه بعدين توا نفضالك.
انا: هههه نجك لياا وجيت حضنتهاا والله انتي نعمه من عند ربي احسن حاجه صارت ف حياتي اني تعرفت علييك خليتيني نعرف انه الصداقه مش شرط تكون عشره بس.
رنا: هبله😂 حتي نا نحس ف روحي القيت نصي😘 وخيرك شنو صاير مدام بديتي تحكمي معنها ف شي صار.
انا: ههههه توا نحكيلك بعدين تعالي باتي عندي بما انه اليوم عيدميلادي😶.
رنا: تمام .
انا: باه هيا نمشو نقعمزو بجنب البنات الي منعرفهمش والي حنين بتاكل طريحه ع خاطر جابتني منظري هكي ماينشافش.
رنا: هههه ولله حلوا حتي هكي.
انا: عندك الحق المجامله ببلااش.
رنا: هههه حمااره منظرك يحشم هكي بااهي.
انا: ايي كويس بكل😂.
رنا: مضايقتيش من الي كاتبه معاذ ع التورته.
انا: علااش كاتب كل سنه وانتي طيبه شن فيها ميضايق.
رنا: الجهل مصيبه ياكبدي بااش تعلميني تركي باهي.
انا: هههه من حد لاجيت نسمع فيها وامتا نقلك هياا تقوليلي فوتي.
رنا: لا توا جديات😅.
انا: بااه..حسنااااااااء.
حسناء: هااا.
انا: صورتي كل شي وله.
حسناء: اي مفاتني شي.
انا: منوراا خودي بوسه من بعييد اموااه💋.
حسناء: وصللت😍.
انا: حنين ويين ولماا تاكلها الحيوانه خلتني طلعت هكي منظري رااه يابناات حاصل سوء تفاهم مش انا ضيااء 😂.
بنت: انتي هكي وتهبلي ملاا كان تلبسي وتساوي روحك كيف بتولي يااعسل.
انا: ياربي ياربي🙈 توا خودي ساعتين ونا متحشمه🙊.
البنات: ههههه.
رنا: بنولع الميوزك ياعيله.
ريهام: ايي ياريت.
ناضو ولعو المنظومه وتقول ضربتهم كهرباء الجماعه كلهاا ناضت ترقص 💃👏.
.
.
.
سمير: ها خاال وين.
ياسر: ف المكتب.
سمير: لي تواا.
ياسر: شويا وطالع خيرك شنو في.
سمير: نبي نحكي معاك الانهاا جابت ماعندها.
ياسر: باه نفوت عليك تبات عندي.
سمير: تمام.
.
.
.
احمد: سامي سلمت ع خالتك.
سامي: لا ولله .
حمزه: هوا انا توا كيف شفته وسلمت عليه.
سامي: البركه ف معاذ رفعني من صبح ربي وكيف ردني وجيت بنسلم ع خالتي قالو فيه عيدميلاد فتت الموضوع .
معاذ: محدش ضربك ع ايدك وقالك برا معااي قتلك انزل قتلي لاا.
احمد: هههه تبلى شورك عاد.
معاذ: ننقاني المره هادي نحكي ف الصح ياولد امي.
سامي: هههه.
احمد: صدقتك.
معاذ: طز فييك...انا طالع.
سامي: مافش طلوع.
معاذ: قاري فيا الفاتحه ومنندريش ولا كيف.
سامي: ههههه واطي اصبر بنطلع معااك.
معاذ: علييك حصله.
.
.
.
تم العيدميلاد وروحو البنات بعد عطوني هدايا لكن مافتحتهمش ورنا جايبتلي سبونج بوب كبيييير عقريب طولي حبيته يجنن😍 بعدهاا طلعنا من حوش عمي رجب بعد الف واسطه واحني موقفناش هدرزه وضحك مشينا شور حوش عمي نجيب رنا بتجيب توته باش تبات معاي.
رتاج: هيا ادخلي مابين رنا نزلت.
انا: لا خليني اهني ادنيا ليل واكيد امك وبوك راقدين فوتي.
رتاج: براحتك.
دخلت رتاج ونا قعدت قدام الباب نستنا ف رنا وشاده ف ايدي الكيسات وحاضنه سبونج لمحت سامي من بعيد مع معاذ كان مش عيب راه مشيتله.
معاذ: اسمع انت ادخل كان بتدخل نا ماشي وجاي.
سامي مشي شور احمد ف المربوعه وامتاا شفت معاذ جاي شوري والدنيا ضلاام ونا المشكله بدون وشاح حاطه الطاقيه متع التوته فوق راسي بس عطيته بضهري وجيت بندخل لحوش عمي نجيب ناده هوا
معاذ: اويي استنى.
قبلتله
معاذ: هوا انتي نسحابك رناا( يستعبط).
انا:😑 ساكته .
معاذ: علااش حاضنه الدب نضبحلك ع سامي موجود عااد انتي متعوده ع جو.
انا: طوول الدمعه نزلت وحطيت راسي لوطه ومابيتش انرد عليه الانه كان بنقله رااك ضالمني وولله اول مره تصير اللقطه هادي وبي نية اخوه مش حيصدقني فا نسكت احسلي.
معاذ: السكوت علامة الرضا تم معنها شويه ويجيك خليك ف مكانك ولا انقلك هوا انتي مش مقصره ودوري بين الحياش ف ليل تعالي بي المره قدام المربوعه وتوا نقله يطلعلك ولا حتي كان بتدخليله معندكش مشكله بكل.
انا: نسمع ف كلامه وينزل علياا زي السمم ويجرح فياا💔.
ع طلعت رنا
رنا: اهلاا معاذ شدير اهني.
معاذ: اوو رنا اهلين بنقلك ردي باالك راه من عاشر قوم اصبح منهم فا قليلي شوياا.
رنا: شن تخرط انت...وقبلتلي القتني مطبسه راسي... ضياء ماتعدليش عليه تعباان راه.
انا: صوتي يادوبه طاالع وخانقتني العبره نبيئ نروح😭.
رنا: ضيوو خيرك شن صار 😯.
انا: انا قالت خيرك بديت نبكي بعبرتي وكلام معش قدرت نطلعه الا بي السييف ءءبنمشي.
رنا: هااتي من ايدك حاظر هيا نمشو.
معاذ واقف وساكت.
مشينا نا وقفت ف نص اطريق قدام حوش ياسر ماه بجنبه حوشنا.
رنا: خيرك.
انا: اصبري خلي نمسح دموعي قبل ماندخل مانبيش ماما وبابا ينشغلو ع الفاضي.
احنا واقفين دخلت سياره.
رنا: اسمعي هيا هيا لا يطلعو صحاب عمي ياسر ونقعدو حاصلين.
انا: لالا هدا ياسر.
رنا: ماه مرات معاه صحابه.
بيب عليناا.
انا: درتله بي ايدي بمعني خير👋 ...ممعاه حد مدامه بيب عليناا بري بشويه.
رنا: لالا معااه اناا شفت.
ياسر: ياهوو غير عدلو وقولو كيف حالك ياعمي.
انا ورنا : قبلناله بشوية تقول خنابين.
ياسر: شن اديرو يالواده منك ليهاا البرا وشن الي ف ايدكم هادم.
انا: ولد الخو مقصرش بيكمل العم توا.
ياسر: عالي صوتك شن تمتمي .
رنا: والله ماتكلمت😮 وهدا اليوم كان عيدميلاد ضياء
ياسر: ههههه من كلمك انتي و كل سنه وانتي طيبه ياطشه وبطول العمر.
انا: تسلم وانت طيب.. "وقاعده لقطه العبره خانقتني"
ياسر: خيرك شن في.
انا: لا طحت توا كنت نجري.
ياسر: بشويه مره تانيه يامطفوشه.
انا: باه حاظر .
ياسر: سمييير انزل ع حسب علمي بتبات عندي مش ف السياره.
رنا: 😯💔.
انا: شفت طول لي رنا الي دخلت بعضها.
سمير: ههه جاي" كان يتكلم ف الهاتف".
رنا: هياا.
انا: هيا هي تصبح ع خير.
سمير: اوييي احناا ميسلموش عليناا ولا كيف.
رنا: ارتحتي تواا.
انا: تي كيف عااد غير انت لييك يومين ف السياره مابتش تنزل.
سمير: هههه يومين صار ماشي ماشي.
انا: لا واقف واقف😏.
ياسر: هههه بطلي براده.
سمير: رنا شنجوك.
رنا: ملييح بكل عال العال " وكأنها تقوله غيابك ورجعتك مأترتش فيا لكن كذابه💔"..كيفك انت.
انا: ملاا انت 😂.
ياسر: ههههه.
سمير: تمام الحمدلله دوم ان شاءلله.
رنا: ضربتني ضربه تخلي اليهودي يسلم...دوم عزك ونبضات قلبك.
انا: ااااه يااهم.
دخلنا نا ورنا القيت بابا راقد وماما كيف بترقد تستنا فياا خشت حتي هيا رقدت وبما انه شبعانين دخلنا للدار طول.
رنا: علاش مسكرتها بي المفتاح شن الكنز الي فيها.
انا: وينهاا حبيبت ماما وقعدت ندور ع القطوسه.
رنا: بسم الله العظيم😦.
انا: القيتها ورا المرايا ...تعالي ياسمحه.
رنا: واااك من وين هادي ااع طلعيها كيف تعيشو ف نفس الدار.
انا: اع ف عينك تي انت تطلعي وهياا تقعد.
رنا: متقوليش جيبتها من الشارع.
انا:😒.
رنا: من وين امالا.
انا: معاذ جابهالي.
رنا: اووووو 👏لا تواا بتحكيلي شن قصتكم انتي ومعاذ بتفصيل.
انا: ابداا مافيش جابهالي امس بمناسبة عيدميلادي😁.
رنا: احم احم مافيش علياا انا.
انا: والله مافي حاجه هي باهي وحقا.
رنا: باه باه تبي تغيري الموضوع شنو.
انا: هههه مش سامي طلع ولدخالت حسناء.
رنا: قصدك سامي صديقك نفسه اهوا الي نشوف فيه ف صور طلع يقرب لي صغار عمي رجب.
انا: اهاا هوا بشحمه وبي لحمه وخليك من هدا كله وشوفي كيف عرفت...وحكيتلها اللقطه الي صارت ف الصبح.
رنا: لحظه بس خلي نستوعب الي درتيه بس.
انا: قلنا مش عارفه كيف درتها تحمست شويه بس😑.
رنا: مصيبتك الحرفه...باه علاش مبكري تبكي بعبرتك.
انا: الانه معاذ سمعني كلاام زي السم ووصل ف شرفي ماغير الي قالهولي حضرته وجيت بنبكي.
رنا: باه اقلبي الدسكه وانتي بترجعي بتبكي تاني..ف عندك حاجه حلوا.
انا: الدرج معبي كولي لين تشبعي.
رنا: السوبرماركت كله جايباته.
انا: مش انا معاذ 😅.
رنا: اوووو تي وربي معااذ كان مايطلعش يحبك نقص ايدي من اهني😍.
انا: مالا بري قصاها من توا.
رنا: توا تشوفي.
انا: وشن الي خلاك تقولي هكي.
رنا: تصرفاته يااخت 😉.
انا: هه كيف يعني.
رنا: يااغبو واضحه من غيرته عليك لما شافك مع سامي ومعاذ لما يبدا يهزب اعرفي معنهاا انتي انسانه مهمه ف حياته وانتي هزبك لين بكيتي بعبرتك يعني انتي حياته كلها😂 ولقطاته تغيرو من حد جيتي انتي وهوا رايح طيب وهادي تي مكنااش نحلمو نطلعو مع معاذ طلعنا ف عيدميلادك وامتا نتكلمو ع تورته قال انا نجيبها ودار عليها صورتك وكتيبه بتركي دليل ع شنو انه هوا مهتم بي الامر وعيدعليك قبل الكل وجابلك قطوسه وشوكولاته مسألتيش روحك علااش.
انا: قعدت ساكته ونسمع ف رنا الي كلامها كله صح.
رنا: نقلك علااش الانه عارفك تحبي القطاطيس والشوكولاته ونسييت لما رفعك للبيطري امتا مشيت قتله ضياء تبي تمشي للبيطري قالي باه انا قعدت اسبوعين باش صدقت الانه معاذ حتي لما وحده فينا تبدا مريضه ومافيش غيره يرفع تموت وميرفعهاش تي حتي من الباكوات جايبهم لونهم موف الانه عارفك تحبي البنفسج.
انا: اممم...عادي مرات يبي يصلح العلاقه بينا لا اكتر يعني مش شرط يحبني.
رنا: وانتي شن درتي ع خاطره بيش تصلحي العلاقه.
انا: تحجبت ف يوم وليله الانه قالي غطي راسك غطيته يعني سمعت كلامه.
رنا: بس اطللع ياحق ربي😂.
انا: تي هدا يعادل كل الي داره هوا وخوصوصا انا معانديه وسمعت كلامه بصفته شنو.
رنا: الانه قلبك دلك ياحبي.
انا: حي ولدي التاني ويين.
رنا: غيري الموضوع غيري ماعندك وين بتهربي راه وراكم لين نعرف شن في بزبط.
انا: هههه نحيها فكرت انه انا ومعاذ لي بعض الانه استحاااله...وتوا نجيب الفون ونجي.
مشيت جبت الفون وفتحته القيت اكتر من عشرين مكالمه من نورا ومسج من رقم" اهلاا ياهبله شن درتي امبدري وديتينا ف داهيه يامخمجه معش عرفت كيف بنفهمه معاذ راسه كااسح".
رديت عليه" اهلين سامي قله الحقيقه انه احنا زي الخوت صدق باهي مصدقش يصطفل وانت علاش مقلتليش انك ولد خالتهم لما حكيتلك عليهم حتي انت عليك حق كان مقايلي راه مصار شي" .
بعته وقعدت نستنا يرد ماردش قعمزنا انا ورنا ع شوكولاته والهواتف ونت وجو جميل اتصلت نورا طلعت من بجنب رنا رديت عليها بكل برود وقعدت تبرر والمشكله انه عذر اقبح من ذنب.
.
.
ياسر: باه مشكلة الشغل فوتها الانها محلوله شن في تاني.
سمير: رنا🤦🏻♂.
ياسر: خيرها ؟
سمير: قصة انها بتنخطب مش داخلتلي راس.
ياسر: ومن قالك انها بتنخطب.
سمير: جارتكم مرت عبدالسلام اهوا الي يسكن اهني.
ياسر: اي عرفته خيرها.
سمير: مكلمه امي ع رنا لي ولدهاا التيس جمال.
ياسر: باه هدي انت علااش راقيلك.
سمير: الانه الأنسه رنا من حد جيت وهيا متردش ع تليفوناتي ولا علي رسايلي ولا علي شي وامتا كلمتهاا هدكا اليوم ناضت وخلتني ماه تجي وتصارحني وتقلي بننخطب معش تكلمني وحتي الصداقه الي بينا انساهاا خير من لقطات الي ادير فيهم.
ياسر: خيركم شن صاير مش كنتو سمنه ع عسل محلاكم.
سمير: ايي مش عارف شن صار.
ياسر: الي صار ياغزاال انك سافرت بدون ماتعدل عليهااا ومعش سألت عليها وتواا لماا رجعت تبيهاا تقعد زي قبل وتبيهاا ترحب بيك وتاخدك بي الاحضان وتقلك اهلا وسهلاا ليك وحشه تي اكيد بتتغير مصحك وخلااص.
سمير: يقلك ماتعرف خيري ليين تجرب غيري والله صح.
ياسر: اي قول لي عمرك.
سمير: باه شن الحل توا؟.
ياسر: تق وتأكد انه رنا متندريش بموضوع الخطبه وجو ماتبيش ترد عليك ع خاطر بتنخطب هدا قيمه من راسك الانه رنا ونعرفهاا مش عيله.
سمير: باه شن تفسره.
ياسر: مش عارف لكن تقدر تقول ترد في حقها.
سمير: ضرب ع راسه ننقانهاا الا رسمي ترد فيه شكلهاا.
ياسر: وشكلهاا لعبتها صح بنت خوي مخلياتك زي المهبول😂.
سمير: ههههه بزبط لكن توا تشوف.
ياسر: تي انت الي توا تشووف منها الويل وها الاياام قدامناا.
سمير: تي عاادي نشوف كان بتجيني منها هيا.
ياسر: اووو كلام كبير هدا👏.
سمير: براا كلم حبيبت القلب واخطاني نا بنرقد.
ياسر: وشن واجعك كلم حتي انت.
سمير: ماه كان ترد راه مش هدا حالي.
ياسر: ههههههه ووه خلااص وصلني جواب السؤال الي بنسأله.
سمير: ميه ميه😂 هي تصبح ع خير.
ياسر: والله وطحنا قدامك الخير😂.
.
.
.
بعد مشينا احناا قعد معاذ البرا بجنب المسبح مقعمز ومتنح ف المسبح ويهدرز ع روحه.
معاذ: علييك غبااء فياا اززح توا معقوله نقولهاا كلام زي هدا ليين خليتهاا تبكي بعبرتهاا بااااه بنفهم علااش مدافعتش ع روحهااا كان رسمي زي الخوت هادي الي مدخلتليش راس...زعماا نتصل بيها لالا مش متصل هيا قاعده سخونه وتنفجر فيا مرات باه حتي كان اتصلت شن بنقول اسف تي ولله ماتسمعها مني اييي علييك قصه
وناض مشي شور المربوعه ديما يقربع ف الباب تقربيع دف الباب ودخل.
سامي: بشويه يارا فجعتنا.
معاذ: ياي سمله عليك😒.
احمد: وين كنت.
معاذ: ف كزابلانكا.
سامي: لا ف كندا😂.
معاذ: وووه يانمله دغدغيني😒.
احمد: يفنص ف معاذ وف نفس الوقت يضحك ع لقطات معاذ الي مش طايق حد😂.
سامي: 😐.
احمد: تحشم.
معاذ: اقعد فيهاا اني طالع ومش راجع يومين انسوني بايتين ف الاستراحه نا والولاد.
احمد: سألت بوي .
معاذ: تي فوتني منه توا بيقلي لا ونقعد ف محاظره وانا معنديش نيه فافهمه انت ودير جوك معااه.
احمد: هوا هدا انت برا تفرهد وانا نحصل ف الخل.
معاذ: بلله عليك احمد نظم امورك هي سلام الولاد يستنو.
احمد: باه مكش ماشي للزرده.
معاذ: لالا مخاطريش واصلاا جوكم بايخ.
احمد: غير تربح برا درق وجهك لي صحابك.
معاذ: باه..بس انت ياملغز متاخدش ع خاطرك.
سامي: هههه لالا مدورش 👋.
معاذ: ع اساس مقطع عمري.
سامي: مافش منك فايده😪😂.
طلع معاذ ومشي شور الاستراحه هوا وعبدالرحمن وشباب تانين واحمد وسامي رقدو .
.
.
.
اما احنا قعدنا نهدرزو ورقدناا وف الصبح ناضت رنا بكري.
رنا: اس ضياء انا بنمشي لي حوشنا باهي بنكمل النومه غاادي.
انا: باه علاش يكشخ علياا انا مش قصدي قتله افهمني بس.
رنا: هههه هادي خيرها تخرط وامتاا نجي نقلها ع معاذ تقولي لالا مستحيل تي توا نشوفو اخرتها معااك ياضياء😂..ضياء ياضياء.
انا: هاا.
رنا: عصا ع ضهرك قتلك بنمشي ناا.
انا: بااه يارناا بري نفختيهم وراك تنسي سكري الباب وخليني نرقد.
رنا: هههه حقيره سلام.."لفت روحها بي شرشاف وطلعت".
ف هدكا الوقت كان سمير يستنى فيهاا امتا تطلع الانه عارفها بايته عندي ومسكين ليه ساعتين واقف ع سياره...سمير شاف بطنيه تتحرك عرفها هيا ضحك وهيا مطبسه لوطا وتمشي مش منتبها وقاعده بترقد مسكينه😂.
سمير: صباااحو😜.
رنا: يااماااماا...وغطت وجهاا كله بي شرشاف.
سمير: 😂😂 خوافه صبح.
رنا: ساكته.
سمير: رنووش علااش اديري فيا هكي ممكن نفهم.
رنا: طوول دموع واتيات وف خاطرهاا انت الي علاش ادير فيا هكي ساد مادرت علاش جاي اذكر فياا.
سمير: حولي الشرشاف وردي عليا.
رنا: ساكته ومتحركتش بكل حتي تبكي بدون صوت صارلها ستك.
سمير: قرب ع اساس بيجبد الشرشاف هيا وخرت وف هديك اللحظه رنا تفجرت.
رنا: ابببعد متقربنيش ياريتك قعدت بعييد علاااش جاي توا انت اصلاا مافكرت ف حد لما سافرت وتوا جاي تقولي علااش اديري فيا هكي تي نا مدرت شي قدام الي مفروض يندار هه ولاا يبي يففهم تي وااضحه بي العقل يعني انت امتاا مشييت مفكرتش ف رنا الانه هيا ولا شي بالنسبه لييك وتوا امتاا رجعت اذكرتهاا وتبيهاا ترجع زي ماكانت صعبه يابابا ونا نسييت انه كان ليا شخص قريب وولد عمه اسمه سمير فلذلك حتي انت انساا انه عندك بنت خال اسمها رناا..وتتكلم وداهشه وتبكي سمير واقف ومصدوم .
سمير: رنا نقصي صوتك وبطلي بكي ارجوك عندك الحق ف كل الي قلتيه وسامحيني وحقق علي راسي من فوق.
رنا: بعد شني تأخرت هلبااا للأسف.
سمير: انا والله اسف يابنيه💔.
رنا: كيف جاية بتمشي ولما سمعت يابنيه ضحكت ف داخلها ضحكه مكسوره ع ذكريات كانت حلوه💔قبلتله ...انساهم حتي الذكريات الان يمشو مع سمير القديم اما سمير الي توا لااااااا افهمهاا لاااا 👈😭.
سمير: منقدررررش يااهم.
رنا: توا تقدر زي ما انا قدرت .
ومشت وسمير وراها طول وقفهاا من ايدها.
رنا: اطلقني خليني ف حالي صبح بلله عليك.
سمير: تي علي من تكذبي ترا قيمي عينك فيا وقوليها.
رنا: مطبسه راسها لوطا ومتقدرش ترفعه الانه عيونها بفضحوها وواضح انه تكذب منست شي .
سمير: هي قولي.
رنا: نحت يدها من سمير بقوه...مدخلكششش فيا ماعندكش علاقه بيا اخطااني علاااش شادهاا ف جرتي.
سمير: الان نحبببببببك يااحماااره❤.
رنا:😵😵😵.
وعم السكووت لحظة صمت ع ارواح الشهداء😂.
سمير: يمسح ع جبهته ويضحك😅.
رنا كانت بتمشي لي حوشهم تلخبطت وجت لي حوشنا وسمير ميت عليها بضحك الانهاا تحشمت وعش عرفت شي.
خبطت ع الباب فتحلها بابا دخلت طول من غير ماتحكي ولا كلمه حتي بابا مصبحتش عليه فاتت من جنبه بيسرعه مكسمه قعد يضحك.
سعد: ربي يهدي ان شاءلله نسحاب انا بس عندي مجقجقه طلع حتي خوي عنده نسخه.
دفت الباب ودخلت قعمزت ف اخر السرير جتها القطوسه حذفتها برجلها سمعت عيطت القطوسه نخلعت نضت 😂.
انا: رناا كنك معاها وشن قعده اديري هني مش قلتي بتروحي ولا نحلم .
رنا: ترا فوتيني يارتني ما طلعت وبدت تبكي.
انا: هاادي كنها تعالي دوشه "القطوسه"شن درتي في خالتك خليتها تبكي.
رنا: هههه مبردك شن درت فيها انا المسكينه.
انا: اتبتي ع راي توا بتضحكي ولا بتبكي 😂.
رنا: خزي ولله انا بعد الي سمعته فرحاانه وزعلانه ف نفس الوقت.
انا: شن سمعتي.
حكتلي شن صار وتبكي.
انا: الله واكببر واخيراا تي وربي يبي بوسه من بين عيونه ها السمير زي ماتوقعت بي الزبط علييك فرخ حتي الروتين غيره وقالها ف الصبح 😂 .
رنا: تبوسي عينك نغار راه🙈 .
انا: اضرب😉 لكن ولله فرحتلك وهدا علااش تبكي ياقهره مفروض تنقزي من الفرحه💃.
رنا: بااه علااش كل الي داره فيا مدامه يحبني توا وين اذكرني بعد نا تعذبت بسببه.
انا: الي فاات ماات.
رنا: هئه مماتش قاعد ف الانعااش.
انا: تو يموت😉.
رنا: ههه بعد قرصه باهياا ان شاءلله.
انا: ماشي المهم يموت.
رنا: حقيره وين بنتك خلي نعتذر منها.
انا: حي عليا طلعت كله منك خليتي الباب مفتوح😱.
طلعت نجري من الدار ندور عليها ورنا الحقيره تضحك القيتها بجنب ماما وبابا ف المطبخ قعدت واقفه نستنا ف التهزيبه نتع ماما.
انا:😶🙈.
رنا: صباح الخير.
سعد: طيب فيك صباح النور.
رنا:😂💔.
انا: ماما هزقيني رنا مش غريبه المهم متقعدش ف خاطرك 😅.
ليلى: من وين جبتاها.
انا: من دار الايتام للحيوانات حرام معندهاش لا ام لا بو قلت نرباها.
بابا ورنا يضحكو عليا وماما قارنتهم وع اساس تستجوب فيا.
ليلى: بلا عبط ومن جابهالك .
انا: رنا👈😊.
ماما قبلت لي رنا بتفنيصه.
رنا: كذابه والله ما انا الا معااذ.
انا:فنصت فيها..تف تف ع البيوع تي لما تاكليها.
ليلى: اطلع ياحق ربي..طبعا القطوسه بنعطيها لي معاذ ونتفاهم معاه يرجعها وانتي مافيش طلوع اسبوع.
انا: معاذ مدخلااش انا الي قتله جيبها.
ليلى: كلمه وقلتها.
انا: تمام ديري الي يريحك هوا انا هكي ولا هكي مقعمزه ف الحوش من غير شي لكن دوشه خليهاا بلله عليك.
ليلى: ومسميتها زايده.
سعد: عندنا دوشه واحده مكفيا وموفيا مش ناقصنا وحده تانيه.
انا: حتي انت يابابا.
سعد: انتي وامك استعدو مدخلنيش.
رنا: عمي حرام كلم عمتي ليلى تخليهالها.
سعد: يصير خير.
ليلى: مشت جابت كيس كبير وبتحط فيه القطوسه انا ف هدكا الوقت كرهت ماما وفصلت فصله حقيره.
انا: لي عند هنيييي وقفي الرفق بي الحيوااان شن هدا انا مش حنرضا هكي بكل من بكري سااكته وقلت شكلها تبصر استحاله توصل بيهاا لي درجة انهاا تحطهاا في كيس تخايلي اناا بيحطوني قدامك ف كيس نفس الشعوور حتي هياا روح رااه زيناا زيهاا...ماما ساكته وبابا ورنا ولا كلمه انا خديت القطوسه وطلعت من الحوش مش عارفه متحملتش انها ترماها ف كيس او انهاا تردهاا
أولا الاني نحب القطاطيس وتانيا وهيا الاهم انهاا من معاذ وهديه وهكي...طلعت قعمزت ف الدرجيحه ورا الحوش قبل بنمشي للمسبح لكن خفت نلقا حد او بي الاحرا نلقا معاذ وانا من غير وشاح ولابسه توته قعمزت وف ايدي القطوسه وبكيت لين شبعت جتني رنا ادور فيا قعمزت بجنبي.
رنا: اسفه ولله ماقصدي ماسحبتش هكي بيصير.
انا: هه فوتي غير نا تخلطت عندي بس.
رنا: خيرك شنو في.
انا: لا شي.
رنا: ضياء.
انا: متشديش ف الموضوع كل مافيه انه من جيها معااذ ومن جيها الاخرا نورا، وسامي هني ونبي نشوفه وماما توا ختمتها بس.
رنا: كلهم ليهم حل اضحكي بس.
انا: توا نسايرك 😊تمام هكي.
رنا: هههه حيوانه .
انا: طالعتلك.
رنا: باه يلاا خشي للحوش.
انا: لالا بنطلع .
رنا: وين ان شاءلله ومع من.
انا: بروحي.
رنا: تطلعي عينك.
انا: باه ابعدي بنقعمز ف السياره .
رنا: وشن ضمني انك متطلعيش.
انا: ياودي المفتاح معنديش تريحي.
رنا: احسسن.
ركبت ف السياره ومعاي القطوسه طيحت الكرسي وعشرين الف قصه ف راسي .
.
.
.
سامي دخل سلم ع خالته وقعدت تبكي اذكرت اختها قعمزو هوا وياها واحمد
سميره" ام احمد": كيف حالك ياعافن وينك معش جيت لي ليبيا بكل.
سامي: اهو جيت😁كيف حالك انتي وكيف حال صحتك.
سميره: تمام الحمدلله سلمك مش ناوي تمشي للشرق.
سامي: لا ماشي غدوا ان شاءلله.
سميره: ان شاءلله ع خير برا معاه يا احمد تونسه انت عارف البلاد شن فيها.
احمد:بيمشي هوا وعيت عمي سعد.
سميره: سعد وين يعرفه.
سامي: صحابناا ف تركيا.
سميره: سبحان الله قداش الدنيا صغيره.
سامي: اي بكل...وين حمزه ماشفتاش الا مره وحده سلم علياا وبعدها تبخر.
احمد: هكاا خمير نوم هوا وحنين حاله ديما راقدين .
سامي: حتي حنين مقبلتنيش بكل منعرفش حتي كيف شكلهاا توا حسناء قاعد نتفكر فيها شوي ياخي امتاا سلمت علياا معرفتهاش.
سميره: ههههه توا انوضهم يجو يفطرو. معانا ..حسناااااااء ياحسنااء.
احمد: الله الله الله توا ع اساس بسمعوك من هني هادم ترقيلهم ويالله ينوضو.
سميره: ماعنديش جهد بيش نركب.
احمد: توا نركبلهم ناا.
سميره: اصبر شويه ياسامي وشوف الحوش كيف بينقلب.
سامي: ههههه ان شاءلله ربي يحفظهن لك.
سميره: سلمك ويحفظك.
ركب احمد قربع الباب ع حمزه القااه يحكي ف الفون
حمزه:😒.
احمد: يتمعشق ع صبح اززح 😂.
حمزه: سكر واقلب ومره تانيه طق.
احمد: سكر انت وانزل يبوك لوطا.
حمزه: باه تقدر تطلع توا.
احمد: احترم نفسك خوك اكبر منك كانك ناسي.
حمزه: 😂 باه فهمناا ياراجل افهم واطلع.
احمد: مفرخ بلا ربايه يردو ع خوهم الكبير... مزال توا بنشوف العجب من عيت حنه يلا نطق الباب من الذوق عيب ندخل عليهم طول طق طق طق ميبيش حد يرد ندخل يعني تمام نا دخلت 😂.
جي وقف فوق حسناء وقعد واقف يبي يخلعها التفت لي حنين ورجع شاف حسناء لقها فاتحه عيونهاا ع وسعهم وتشوفله😂.
احمد: تستوور وووك ع اساس بنخلعك صار العكس يلاا وفرتي هي نوضي تحشمي ع منظرك وانزلي وتي صفرة فطور مليحه سامي بفطر معانا.
حسناء: كلام هدا ليا متأكد.
احمد: هههه باه نوضي ياعيوني ياقلبي انتي صباح الورد ياورد تبي نوصلك للحمام حتي هوا.
حسناء: هههه ايواا هكي تمام وياريت والله.
احمد: تي نوضي منوض خلي نوض حنين.
حسناء: تمام بشويه فكنا من الخلايع.
احمد: حنيييييييييييين نوضييييييييي نااار نااار ف الحووش نوضي.
حنين: وينهاااا وينهااا..وناضت واقفه مسكينه ودور زي المهبوله واحمد وحسناء ميتين بضحك.
حسناء: خزي علييك 😂😂.
حنين: مبرد ام امك ياحيوااان يااحقيير وبدت تبكي.
احمد: ووووه تعيشي وتاكلي غيرهاا يلا انزلي مع حسناء وتو الفطور.
حنين: مااك ضايقه مني كان تموت .
احمد: جبد هاتفها والسماعات...حتي انتي ماك ضايقتهم ونزل يجري وهياا تجري ورااه وتعيط وهوا يضحك وطلع حمزه لماا سمع الدوشه والحوش نقلب..سامي يضحك وعاجبه الجو اول مره يحس روحه مقعمز في عيله صح😂.
حنين: احممممد جيبهم بلاا جوو ماااااماااا ياماامااااا حمززززه تعالاله النم اهواا.
سميره: خير بلااكم حشمتونا تعالي اهني.
حنين: ماما كلمي ولدك احمد مافوق نوضني بخلايع فوقها خدي م ني الها😮😮.
سميره: حشمتينا قدام ولد خالتك...طبعا سامي هادي حنين اخر العنقود بتهبل وبتهبلنا.
سامي: هههه اي عرفتهاا وواضح شكلها مصدر الازعاج والدوشه وحتي حركيه ومتشوفش قدامها تخبط ف اي شي😂.
حنين ذكرت كيف خبطت فيه تخزرطت ولا وجها الوان ودخلت بعضها وركبت من دون ماتتكلم حتي كيف حالك مقالتهااش قعدو يضحكو عليهاا.
حمزه: مبردك يا احمد ازفت تقول انت الصغير مش هيا.
احمد: ها نااض هكا من غادي تي باه ياكبير.
سامي: هههههه كنكم.
سميره: مابعدي انا نعاني عايشه مع مجانين وهدا كله معاذ الرأس الكبير فيهم مهناش.
سامي: اي معاذ واضح عليه طير شر.
سميره: هكا غير طير شر احكيلي نا بيجلطني وهوا وينه اكيد راقد.
احمد: مش ف الحوش بكل ولا للكتيبه تاني.
سميره: لاااه....
.
.
.
.
يتبع
