حكاية ضيــــــاء
الحلقه29
ماقبل الاخيره.
سامي: تييي ويينك ياارا حط كل شي ف ايييدك وتعاال للمستشفى بسرعه.
معاذ: خييييرك شن فييي ان شاءلله خير.
سامي: ضيووو فاقت ياهببل افررح😍😂.
معاذ: احللللللللللف😳😵.
سامي: تي وربي زي مانحكيلك تعال وشوف بعينك.
سكر ف وجهه الخط.
عبدو: خير شن فيي.
معاذ: بسرعتتك للمستشفى ضيااء نااضت.
عبدو: قول والله😍.
معاذ: والله😂💔...الحمدلله يااربي الحمدلله❤.
عبدو: بااه الي شفنا سنونك😂😂حمدلله ع سلامتهاا.
معاذ: الله يسلمك ياعشيري بسرعه بلله.
عبدو: هههههه ريتك نضتي بكري ياضياء قداش ليا ماسمعتش عشيري هاذي😂.
معاذ: ههههه ضملي فمك لا تتفنكل توا.
عبدو: سبحان مغير الاحوال لاعبه فيك عشره البنت اهياا😍.
معاذ: لاعبه وسكتت نا بروحي مش عارف روحي غر بسرعه توا مش وقتك😂.
.
.
.
رنا: " تبكي وتنقز من الفرحه" الحمدلله ياااااااربي الحمدلله😍😭.
ليلى: الحمدلله😭.
رنا: تربحو نبي ندخل.
سعد: استني شويه وندخلو الكل،خلي الدكتور يطلع.
جي ياسر وفاطمه وجدي وأميمه وعمامي ونساوينهم وريهام وحنين وحسناء وعمتي عبير والي يسمع يجي وجي سمير ومعاه امه.
رنا مشت جري لي سمير سلمت عليه وبدت تحكيله كيف نا نضت لما هيا دخلتلي وقداش هيا فرحانه ونست ان هيا وسمير مايحكوش وحكم مسيبين بعض وهوا فرحان وعيونه قلوب قلوب كيف جاته رنا😍.
رنا: تعررف متشوفهاش ياسمير لما فتحت عيوونها حسييت الحيااة بدت ترجع وحقربيي الا بنطير من الفرحه الحمدلله ياربي الحمدلله😍.
سمير: وحق ربي الا انا الي بنطير من الفرحه واخيرا تنازلتي وجيتي كلمتيني😍.
رنا:😳" رجعلها عقلها واذكرت"...اوي اسفه كنت ناسيه بس عادي اعتبرني جيت نكلم فيك علي اساس بنت خالك لا اكتر.
سمير: تعالي هني وحق الله الا استحشتك مووت سااد خلااص خلي نرجعو زي قبل.
رنا: مشت وخلاته..." واطي يسحابه ع كيفه خلي نرجعو يسحابني لعبه ف ايده الحيوان ليه اسبوعين لا اتصل لا تكلم ويقول استحشتك خزي كذاب".
حسناء: خيرك تهتري بروحك تعالي كان بتدخلي يااهم بي الدفعاات.
رنا: ان شاااااءلله ف حدددددددد دخللل قبلي من ولد الكلب الي دخل قبلي😳.
حسناء: ياحماره سكري فمك امهاا وعمي دخلو.
رنا: ءاا😅.
.
خلي بنحكي ع سامي طشه عارفه مدخلاش في النص وشلخه لكن بنحكي عليه.😂
" سامي من كتر ماهوا موجوع بدي البرود طاغي عليه يعني دخلت المستشفى وف غيبوبه وعادي عنده اي وجعاته وتأتر ف اول لكن بعدها عادي اللهفه الي ف عيونه مش زي قبل...من كتر حبه لياا وقراره انه ينحي فكرة هذا الحب الانه عاارفها غلط ومشاعري اتجاهه كأخوه بس يحاول اكتر مايمكن انه يتناسى وجودي اشويه لين ينحي حبه ليا وترجع علاقته ع الاقل زي قبل يبي يكرهني كحبيبه بيش يقتنع ولو شوي انه يحبني كصديقه".
.
.
وصل معاذ وجري ركب وقبل لا يوصل للمكان الي انا فيه وقف وجي بي يولي ترا شن صارله جاه شعور قله ولي راه الي قاعد ادير فيه غلط ومش لي مصلحة البنت انك ادير اللقطات هادي.
خدي شهيق وزفير وحاول يدخل عادي كا ولد عم لا اكتر.
معاذ: السلام عليكم😊.
سامي وياسر: 😕.
العيله: وعليكم السلام.
معاذ: من عندها الداخل.
سمير: رنا وامها وبوها.
معاذ: وباه.
جي عماد سلم عليهم.
عماد: حمدلله ع سلامتها.
ياسر: الله يسلمك.
عماد: من عندها الداخل.
سامي: 😂.
سمير: امها وبوها😂.
معاذ: 😒
عماد: كيف حال ايدك اليوم.
معاذ: كويسه.
الجماعه:😕.
سمير يفكر ف شنو بيدير مع رنا وسامي مركز مع حنين ومعاذ مضايق من عماد وجايبله قداد ويفكر كيف بيدخلي.
.
.
.
ماما تبكي وبابا واقف فوقي ورنا شادتلي ايدي وتضحك وتبكي زي المختشه.
انا: رنو شن صار معاي؟
رنا: اسكتي ساكته توا نحكيلك كل شي بتفصيل تي ياما صار حاجات هلبااا من وراك.
انا: اوو الفضول بدي يقرمش فيا احكي احكي.
رنا: مش توا بعدين بعدين😂.
سعد: ضياء.
انا: نعم💔.
سعد: بنتي انا مش حنغصبك علي حاجه بعد الي صار وموضوعك مع عماد توا نطلع نقله مافيش نصيب ويتم شنو قلتي؟.
ليلى: سعد مش وقته الكلام هذا توا البنت كيف ناضت راه.
انا: خلي كل شي زي ماهوا لا تقله مافيش نصيب لا شي مدام انت شايف هذا مناسب ليا خلاص وانا اصلا نبي نرجع تركيا ووافقت علي عماد وصراحة الراجل مايعيبه شي ومع الوقت توا نتعود عليه.
رنا:😲😲.
ليلى:😦.
سعد: متأكده يابنتي.
انا: اي متأكده وبي كامل قواي العقليه.
سعد: باه تمام اول مره تاخدي قرار صح ف حياتك.
انا:😊.
ليلى: هههههه اي.
رنا:😔💔.
ليلى: يبو العيله يدخلو يسلموا عليك ضيو شنو نقلهم يدخلو.
انا: اصبري اشويه خلي نستوعب الي قاعد يصير معاي قبل.
ليلى: باه ع راحتك.
طلعو سعد وليلى وقعدت معاي رنا.
رنا: ضيوووو خييرك شن الي قلتيه توا لي بوك معقوله تي نا كيف فرحت قلت بتزبط قصه معاذ.
انا: ههه معاذ ماوكلينها غير نا وياه.
رنا: بااه علاااش درتي هك ياغبيه علااااش.
انا: الانه هك الصح.
رنا: اما صح انتي مستوعبه انك بتخليني وبتمشي ياستي خليك من هاادي انتي مستوعبه انه بتعيشي مع شخص انتي ماتحبيشي خيرك ضيو فيش تحسي.
انا: ضروري نستوعب هادو الاتنين الانه ف موضوع مش مستوعباته لي توا ولا نقدر نستوعبه.
رنا: شن هواا.
انا: مانقدرش نحكيه💔.
رنا: باه تمام صحيتي.
انا: والله مانقدر نحكيه يارنو كان نا مش قادره نستوعبه بتقدري انتي لكن صدقيني لما نقرر نحكي حتكوني اول من يسمع.
رنا: اوك اوك ع راحتك.
انا: باه شن صار احكيلي.
رنا: عادي يعني مصار شي.
انا: رنااااا😐.
رنا: ماخطريش نحكي توا خليني نستوعب الصدمه متع عماد وصدمه انك ماتبيش تحكيلي وبعدين ساهل.
انا: رنا كنك والله ماصارها ماديريش هك😢.
رنا: ارتاحي انتي توا وبعدين ساهل.
طلعت رنا معصبه.
انا: يااربي توا شن بنقلهاا هي انقلهاا انه ناا مش بنت عمك ولا نقلهااا انه امي الي كنت نحسابهاا امي جت وبدون لا وعي منهاا وتسحابيني ف غيبوبه وقالتلي احناا مش امك وبوك وحكتلي القصه كلها وهذا علاش هما يبو يجوزني لي عمااد نقلهاا انه انا كيف بنسقم نتعامل عاادي ومتع وحده ماسمعت شي ونتقطع من دااخل الف مره نقلها انه نبي نهرررب منهم نبي نهرب من المواجهه ماانبيهمش يقولولي انه نا يتيمه لا ام لا بو لا منبهاااااش.."نهرت😭" ياربي نلقاهاا من منو ولا من منو من بابا وماما هه قصدي من سعد وليلى الي كانو داسيين علياا الحقيقه المره الوقت هذا كله ولا من زواجي بي عماد وسفري لي تركيااا ولا من حبي لي معااذ وحرقتي ع جرح الي سببتهوله يااااربي الصبر من عندك ياارب الصببر.
ليلى: ضيوو بنتي اللطف خييرك تبكي.؟
انا: بنتي😂😏.
ليلى: ايي خييرك شن صارلك.
انا: لا شي الي بيدخل يسلم خلي يدخل وضعي تمام بدي.
مسحت دموعي ودخلو عمامي وسمير ومعاذ💔.
جي عمي رجب عند راسي حسسني وحده عمرها13 مش20😂.
رجب: ايوا يابطله حمدلله ع سلاامتك.
انا: الله يسلمك عمو.
ياسر: ويين ها الغيبه هذا كله نووم.
انا: هههه والله مانندري ع حاجه.
سمير: لكن خلعتيهم خلعه مساويه.
انا: بش تعرف ندخلش الا ع القوي.
معاذ: لا واضح.
كان يشوف لوطا ويلعب برجليه بدون مايقصد طلعت منه...قعدو كلهم يشوفوله ويضحكو😂.
ياسر: 😂
نجيب: انتي ماتشوفيش رنا لا ماكله لا شراب نقولولها تعالي كولي شن شن ناكل وضيو ف المستشفى شن شن والله "يقلد فيها" شويه وحطينالها سرير بجنبك.
رنا: شمييت انه ف قرمه علياا.
نجيب: ههههه لا شي من تكلم ع رنا.
انا: ما حد😹.
معاذ: مافيش حد تكلم مش ماحد😒.
انا: انا بنقولها ماحد في شي ف الحياة اسمه اختصار😌.
ياسر: رد عليهاا هي😂.
معاذ: هادي من النوعيات الي خايفه حروفهاا يكملو زبطتت كيف جماعة بش وعش وكش وبرا لغه جديده😂.
انا: 😐 "ماجتش عيني ف عينه ابدا"
رنا: 😕.
رجب: باه سااد وانت ناوي ترقيهالهاا وتمشي ف غيبوبه من ورا دمك الثقيل.
ياسر: اي صح.
سمير: مزبوط الكلام مثقل دمك.
رنا: اي مبرده.
نجيب: بكل ياراجل.
معاذ: له له له شكله القلوب معبيا يلاا حمدلله ع سلاامتك بنيت عمي وتوا تكبري وتنسى وتوا يقعدو معااك اصحاب الدم الخفيف يلا انا ماشي بثقل دمي😂💔.
انا:" 《بنيت عمي💔》عقريب قتله اقعد انت وخليهم هما يمشو "
سعد: وين وين الا معاااذ ايواا 😂.
معاذ: لا والله هكا هو صاحبي يستنا لوطا.
نزل معاذ لي عبدالرحمن.
معاذ: سامحني عطلت عليك.
عبدالرحمن: شن النزاكه اهياا😂لا عادي ولا يهمك.
معاذ: ههههه واطي.
عبدالرحمن: شنو منو شن الوضع.
معاذ: تباردت عليها ونزلت يعني شن متوقع مني اكتر.
عبدالرحمن: باه شن بدير توا؟.
معاذ: حكيت مع ياسر ونشوفو شن بيصير كان مزبطتش مع ياسر بعدها نعرف نا شن ندير.
عبدالرحمن: شن بدير.
معاذ: بعدين ساهل.
.
.
.
طلعو من عندي عمامي ودخلو جدي وأميمه وجدي وحنينه وبعدهم نساوين عمامي وعماتي هه ماعرفتش شن نسميهم الصراحه😏💔.
طلعو كلهم والي روح روح والي قعد قعد دخلت رنا وماما قصدي ليلى.
انا: نبي سامي وينه عليش مجاش.
رنا: قاعد البرا.
انا: ناديه بلله عليك.
ليلى: رنا كان هناك حد من عمامك البرا ماتنديشي.
رنا: تمام.
طلعت رنا بتنادي ع سامي .
انا: بيدخل سامي مانبي حد هني لو ممكن يعني.
ليلى: علاش.
انا: مزااج.
ليلى: باه ع راحتك.
رنا: ساامي تعال اشويه.
سمير:😠.
سامي: نعم.
رنا: ضياء تبيك.
سامي: مافي حد عندها.
رنا: عمتي ليلى بس.
سامي: باه تمام يعني ندخل.
رنا: اي اي.
دخل سامي وماما طلعت.
سامي: اول ماشافني عيونه تعبو دموع..حمدلله ع سلاامتك ياهبله.
انا: سيموو "وبديت نبكي حسيت انه نا زيه انا ويااه نفس الشعور الاتنين لا عندنا لا ام لا بوه محرهاا اللقطه تحررق الزفت تحس انك برووحك ف الحيااة اهياا ومافيش من تتسند عليه بكل وتحااول بي اي شكل انك تهرب لي اي مكاان".
سامي: عليش البكي امسحي امسحي لا يجيني باتك يقتلني.
انا: توا حسيييت بوجعك ياسامي الي كنت حااس بييه تواا عرفت انه رسمي مايحس بي الوجع غيير صاحبه توا فهمت وعرفت قدااش نا نخدعت ف حيااتي وتوا عرفت قدااش شعوور الوحده صاعب😭💔.
سامي: ضيااء كنك ع شنو تحكي' خاف يسحابني نحكي ع حبه ليا'.
انا: كل شئ تسكر ف وجهي معش عرفت فاش نفكر كل شئ جي مع بعضه خلااص نبي نمووت ياريتني قعدت ف غيبوبه ولا سمعت الي سمعته ياريتني متت ولا عرفت الحقيقه.
سامي: ضياء بعيد السوء قااعده تخوفي فيا راه شن هوا الي سمعتيه وشن هوا الي عرفتيه.
سعد كان كيف بيدخل طاحت في وذنه شن هوا الي عرفتيه وقف بيسمع.
انا: اكتشفت انه بابا وماما الحقيقين ماتوو وسعد وليلى تبنوني وربوني تخاايل بعد الوقت هذاا كله نطلع عاايشه ف كذبه وامي بوي ياريت عاايشين فوقها ماااتو اااه "ونهرت بكي"
سامي من الصدمه معش عرف شن يدير الا انه يحاول يهديني.
سعد: خبط راسه وطلع...عرفت عرفت ياارب فوتها ع خير يارب💔.
فاتو اسبوعين ونا طلعت من تاني يوم روحت ومتغيره ونستنى في امتا نسافر لي تركياا حديدو العرس وبديت نتعامل مع عماد عادي وبرود ونتعامل مع العيله كلها ببرود ومتغيره حت ع رنا ومعاذ معش شفته وسامي يمشي ويجي علياا ويصبر فيا ويقنع فيا انه مهما يكون هما الي ربوني من اول يوم نولدت فيه جميلهم سابق وتقعد هادي امك الي رضعاتك وبوك الي رباك اقنعني شويه وخفف علياا لكن فكرة انه مش اهلي الحقيقين مش داخلتلي دماغ وفكرة انه حبي الاول ضاع وانه بندمر حياتي مع شخص منحبااش وبنعيش ف وحده وغربه مخوفتني قعدت ف دوامه وحاايره ومش قاادره ندير شي.
اما نورا لما سمعت وكلمتها علي الي صاار بكت لين شبعت وحست روحها بعيده واعتذرت هلبا وسامحتهاا وقلتلها ع العرس وانه بنرجع لي تركيا فرحت.
واما العيله رنا قاعده تعذب ف سمير ومرجعتلاش.
حنين تحب ف سامي وماتقدرش تقوله الانه ولد خالتها وتحكي معاه علي اساس الصداقه فقط.
معاذ يجري ويدور ومش فاهم راسه من رجله ويخطط وينفد ومش عارف ربي وين حاطه وهوا وعماد مولين تمام ع اساس.
فاطمه طلعت حامل وياسر واميمه قريب يطيرو من الفرحه.
بابا او سعد معش يجي للحوش هلبا كأنه يتهرب مني وخايف من المواجهه.
وعبدالرحمن عجباته رتاج ويبي يحكي عليها لي معاذ ويتقدملهاا.
فاتو اسبوعين طوال اعراض ولمدت فيهم حاجات للعرس فوقي الفوقي الانه معندش نيه وكانت تطلع معاي رنا واغلب الاحيان هيا الي تختار شبه كملت دبشي مزال غير الفيلو والكوفيرا والصاله.
رنا عاجبتها صاله حجزنا فيها ومشينا للفيلوات خديت فيلو بسيط وكيوت واتفقنا مع الكوفيرا ع كل شي.
وجي اسبوع الفرح والسرور😏💔
البرود كان طااغي ع كل شي حااجه وحيده توجع فيا قلبي وفكرة انه الي ندير فيه يعتبر خيانه لي معااذ لكن غصبن عني الي قاعد يصير.
رنا: ضيو شن مقرره تمشي للحمام ولا.
انا: لالا مانيش ماشيا.
رنا: باه افردهاا وانتي تقولي ترا من ماتلك.
انا:😊
فات اول يومين في العرس زي اي عرس دربوكه وعيلة تهيج وفرحانين ونا ع وجهي ابتسامه صفره نساير فيهم ..عماد مااتصلش بكل استغربت اول مره يسمع الكلام وريحلي راسي😕.
ماما كل ماتشوفني تبكي وجعتني حت وكان مش بنتها لكن عندها الحق هيا الي تعبت عليا وربتني😢💔.
جي يوم الحنه ونا منحبهااش حنوني غصبن عني ع اساس هادي سبرهم والخرفات الزايده وبكيت لين شبعت حسيت انه القصه بدت في الجد وخاايفه انه نضعف ومانتحملش وندمر حياتي الي قاعده مابنتهاش اصلا.
واليوم الي بعده يوم فراغ مافي شي الا العيله وحوستهم بس الانه قالو مش مدايرين كسوه والفاتحه بيقروها الخميس عزمه مع بعضها الرجاله غدي والنساوين عشي.
مافات اليوم الا وانا نبكي ورنا تواسي فيا والبنات مستغربات...قلتلهم يطلعو ويخلوني بروحي ف الدار بنرقد وامتا بيمشو للكوافير ينوضوني.
جبت دوشه لعبت عليها اشويه وبكيت بكيت بكيت كل مانذكر كل شي كان يصير بيني وبين معاذ المواقف واللقطه الي اعترف فيها بحبه ليا كل شي كان غريب فيه كل مانحاول انه ننساه مجرد الفكره بس تخيليني نزيد نعشقه تعبت نا وربي تعبت.
رقدت ورحت ف نوم عميق دعيت انه مانوضش بعده نهائي...لكن للأسف ربي ماأستجابش لي دعائي ونضت علي مسج من عماد من صدمتي بي المسج ماقدرتش نصدق قلت اكيد يبصر ويدير في الجو البارد كان مكتوب ف المسج...
.
.
.
يتبع
