منقوله
حكايـة ضيـــاء
الحلقه24
انا: ههههه سبحان الله يامحاسن الصدف علاش جيت لي ليبيا عندك شغل هني؟.
عماد: اءءء لا والله ع حد علمي عندك علم انتي!.
انا: نا؟ وزياده عندي علم علاش انت هني😕.
عماد: اي بوك مقالكش.
انا: شن بيقلي😨.
عماد: شكلك ماتعرفي شي مع انه بوك قالي الامور تمام وقلتلهاا.
انا: ع فكره قااعد تخوف فياا راه شن هوا الي تمام وشن هوا الي بابا بيقولهولي.
عماد: موضوع طويل وانتي متعرفي شي تقدري تقعمزي باش نحكيلك.
انا: تمام.
قعمزت وعشرين الف فكره ف راسي.
عماد: الي صار انه جيتي لي ليبيا مش صدفه وتوا حت لقائى بيك مش صدفه طبعا.
انا: كيييف😦؟
عماد: تقدري تقولي لحقتك بيش نحكي معاك.
انا: والله قاعده مافهمت حاجه علاش انت لاحقني بابا قللك راقبهاا ولا كيف.
عماد: ههه لا مش هكى الموضوع بكل.
انا: امالا كيف.
عماد: الي صاير انه قبل ماتجو لي ليبياا كلمت بوك عليك وقتله انه نبيك ومن الكلام هذا وقالي يصير خيير والمده الي فاتت ردلي خبر انه موافقين وع اساس حت انتي مقايله اي منسحابكش متعرفيش ونزيدك من الشعر بيت امي وخواتي شايفينك وبيجو الاسبوع هذا بيش يعطوا فيك الكلمه.
انا: نقطه نظام بشويه بشويه مش دفعه وحده ارجوك غير الي تحكي فيه جدياات.
عماد: شايفتني نبصر متلاا.
انا: باه دقيقه امك اسمهاا كريمه.
عماد: اي.
انا: "بديت نجمع في القصص انه نفسها الي مره كانت تكلم ف ماما ومره ماما نادتني سلمت عليهاا ف العرس اتاري المياا تجري من تحتي ونا مش عاارفه".
عماد: خيرك مصدومه عادي الامر نا تقدمت وبوك وافق وانتي حتوافقي.
انا: ها ها ها تحلم.
عماد: هههه وتي روحك غدوا بنبعتهم العويله.
انا: شبحتله من فوق لي تحت ونضت...رناا هيااا بنرووح بسررعه.
رنا: هي هي.
انا: سامحناا ياسمير مره تانيه ان شااءلله.
سمير: تي لالا كفيتي ووفيتي منوراا بكل زايده معااك.
طلعناا نا ورناا وركبت السياره بكل غل كل الي ف راسي انه علااااش بابا مقليييش وعلاااش يتكلم ع لسااني ويقول مواافقه وكييف ماما تعرف ومتقلييش وماعمرها جاابت حت خبر قداامي ولا المووقف المحررج الي نحطييط فييه باايخ للمليون واستفزني الحقيير قالي حتوافقي علييش متأكد لدرجه هادي يعني وانا اورديييي بنرفض لكننن بابا يتعب مع ها العماااد يعني بيووقف ف النص وبيقلي مهناااش سبب بييش نررفض تي وربي استحاااله تصييير غير معااذ مانااخد😣😣😣.
رنا: خيييرك ضيوو شن صاار؟
انا: بنهببببل ناا بنهببل مش عاارفه منيين طلعتلي المصيبه هاادي.
رنا: شن هيااا😦.
انا: شفتي عماااد الي مشييت سلمت علييه زي الغبيه وماشياا نرحب بيه زييي العبيييطه استغرب لما مشيتله عنده الحق يستغرررب تخاايلي انه متقدملي وبابا موااافق ومقاايله ضياااء قاالت اييي وشنوو اخرااا بيجوو الاسبووع هذاا بيخطبوو وهذاا كله وناا منعرف بي شيييي توااا بلله مش شيييي يخوخم.
رنا: كييف عمي يقله انتي موافقه وحت رايك مخداشي.
انا: ماااه هاادي الي دوختنييي.
رنا: فيهااا ان لقطت عمي هاادي مش من فرااغ.
انا: تي شن بيكوون فيهاا بلله القصه وربي انه بابا يحب عمااد من قببل وعمااد راجل بااهي مشااءلله علييه وفيش منه من جميع النوواحي علييش بيرفض يعني واااك منين جتني المصيبه هاادي والله ماوقتهاا.
رنا: حيييي ومعااذ😱.
انا: تسحابيني بنرضى بي المهزله الي تصير هاادي ولا ف احلامهم.
رنا: اكيد ف غلط ف الموضوع.
انا: ان شاءلله يطلع في غلط الانه كان صح الدوه هاادي بش حيصيير خير ابدا ولا شن يهدد الاخ ومتأكد انه نا حنوافق وعااند وقاال بجيبهم غدوا اهله.
رنا: معقوله هذا كله صار بكري ف الشويه هذيك
انا: ايييي ياربي الصبر
رنا: ان شاءلله ربي يصبرك.
.
.
.
معاذ: امييي ياا امييي
سميره: نعم
معاذ: السوريه القمحيه وين.
سميره: في دولابك.
معاذ: منوره يانبع الحنان كنت حاير الصراحه نسحابهاا ف التلاجه.
سميره: شن تبيهاا انت.
معاذ: بنعرضهاا للبيع من جدك شن نبيها تي بنلبسهاا.
سميره: ههههه اصبر جيتك توا نوريهالك.
معاذ: هي الان نا معش نشوف.
سميره: حيي علاش الشنطه ويين ماشي.
معاذ: بنهرب.
سميره: لااه عليك ياولدي شن درنالك احناا حرام عليك موفريلك كل شي تبيه.
معاذ: هههه وحق الله انتي يا اميي تصب ع خاطرك المطر ديما تصدقي طول نبصر وهوا انا نقدر نعيش بدونك.
سميره: الانه عندك سوابق ربي يهديك ان شاءلله باه علاش الشنطه هادي؟
معاذ: بنطق مع عبدالرحمن في تونس عنده مراجعه وانا مرات ندير تشك ع العمليه شن جوهاا يعني كان بتكحي فلوس مانقولش لا.
سميره: باه ان شاءلله توا نعطيك امتا طالعين.
معاذ: تعجبيني لما اتوافقي طوول هك😘مش عارف ع عبدو كانك ع الفلوس هاتيهم توا عادي😂.
سميره: شد شد السوريه توا نمشي نجيبهملك واعقل سادك هبال.
معاذ: من عيوني😍وين بوي؟
سميره: ف المربوعه البرانيه.
معاذ: تمام بنطق فيه بنقله انه ماشي وجايك.
سميره: باه.
طلع لي بوه ف المربوعه.
معاذ: خير يابوي.
رجب: انت والخير بتجو مع بعض لا اظن لخص شن تبي.
معاذ: لا حول ولا قوة الا بلله كلكم فاهميني غلط.
رجب: اي كلنا فاهمين غلط وضحلنا الصح.
معاذ: الله غالب لياا رب اسمه كريم.
رجب: انجز بلاش دراما زايده.
معاذ: باه ياحاج حت انت بديت زيهم بصلتك محروقه.
رجب: من الي بصلته محروقه.
معاذ: اناا من غيري يعني.
رجب: قول درهتلي كبدي.
معاذ: ماشي لي تونس انا وعبدالرحمن الفجر طالعين ان شاءلله.
رجب: يعني توا انت جاي تعطي فيا ف علم ولا تشاور ولا كيف.
معاذ: ولا كيف😂.
رجب: نوض نوض تبي فلوس.؟
معاذ: لو بتعطي عادي معندكش مشكله😅.
رجب: كم تبي.
معاذ: انت كريم ونا نستاهل😆.
رجب: شد هادم مشي بيهم امورك.
معاذ: منووور ياحويج زايده معااك😍.
دخل عليهم احمد
احمد: خيانه اهياا حت نا نبي.
رجب: تعال هااك.
احمد: نبصر علييك عندي والحمدلله.
رجب: كم بتقعد غادي؟
معاذ: مش عارف ع عبدالرحمن امتا يكمل مراجعته عموما مش مطولين.
احمد: ع وين؟
معاذ: تونس...هي ماتبو شي.
احمد: نمشي معاكم.
معاذ: ريح رااسك...يلاا انستو بعض.
طلع مشي لي امه خدي منهاا الفلوس ومشي لي جدوده مابين وتت الشنطه.
.
.
.
تركيا.
نورا: نتصل بيهااا قدااش ليااا ديماا مشغوله نبي نحكي معاهاا سكايب ديماا تأجل فيهاا وانى قاعده نستنى ف فرج ربك انت امتاا اخر مره كلماتك.
سامي: امبارح ممكن.
نورا: بلله عليك معش تحكوا كيف قبل قصدك.
سامي: لالا مش واجد كل واحد لهي بي حياته وامتاا نفضوا نحكو اشويه.
نورا: اخيي ع الدنياا ازفت بلله عليك عمرك كنت تتوقع يوصل بيناا الزماان لي فتره زي هادي هك بعااد ع بعضناا بطريقه بايخه.
سامي: لا والله وانتي قلتي بلسانك فتره والفتره هادي سيورهاا بتعدي عادي يعني.
نورا: ان شاءلله تعدي ونرجعو زي قبل واحسن.
سامي: نرجعو زي قبل ممكن لكن احسن لا اظن.
نورا: علاش؟
سامي: احساس بس.
نورا: فكناا من احاسيسك بلله.
سامي: هههه شن جو وليد معاك.
نورا: تمام التمام شن خاصه.
سامي: تذكري امتاا ماكنتيش تبي تكلميه وكارهتيه بكل.
نورا: ههههه اي معش اذكرني بلله.
سامي: شوفي سبحان الله بديتي مكبده عليه وماترضي فيه شي اخرا.
نورا: ههههه صقع عليك.
.
.
.
انا: انزلي انزلي.
رنا: حي ضيااء شوفيي.
انا: شن.
رنا: غادي غادي معااذ وشاد شنطه شكله بيسافر.
انا: هههه والله ماوقتك ووقت برادتك بالعقل هوا السفر بين يوم وليله.
رنا: ف العيله هاادي توقعي اي شي عادي.
انا: اي حق نسيت وهوا العرق الكبير عند بابا طلعت مخطوبه وانا مانعرفش.
رنا: هههه مش قتلك.
انا: تعالي تعالي نمشوله شكله يستنى ف حد.
رنا: متأكده.
انا: كان معرفتش الفضول حيقتلني.
رنا: بري هي.
.
انا: سلام
معاذ: وعليكم
رنا: شن الجو
معاذ: الحمدلله
انا: وكأنه شنطة سفر وجو ع وين ان شاءلله؟.
معاذ: وكأنه مدخلكش.
انا: أوك.
لميت روحي وسنوني ومشيت الانه وحقربي مش ناقصني الا هواا...طول للحوش ومش ناويه خيير بكل ومعااذ زااد عطاني غل بيش نفضيه ف ماما وبابا .
رنا: خيرك مع البنت.
معاذ: عادي يعني ماه حت هيا تقول فيهاا.
رنا: باه انت وين ماشي.
معاذ: طاق ف تونس.
رنا: اوو خلاص سمينسا ومستكة الجمل.
معاذ: تمام.
رنا: والله ترا شن صاير سألتك بلله تقول خيرك؟؟
معاذ: ههههه استغفر الله ياربي مافي شي وراسك وحقا تعالي جاي وين كنتو تلودو.
رنا: ااءء مشينا سبرماركت وجيناا.
معاذ: باه بري خشي.
رنا: باه توصل كلمني.
معاذ: امي وماعنديش علم ولا كيف.
رنا: هههه خزي واطي غير توصل اتصل وانت زي البلى نكلموك نحصلو.
معاذ: باه تمام توكلي.
رنا: باي.
معاذ: وعليكم السلاام.
رنا: الله نقلبب شيخ رسمي.
معاذ: صقع ع راسك.
رنا: هههه تي كييف عاد.
معاذ: بري بري مبرد وجهك.
رنا: طالعتلك😛.
.
.
.
سعد: غير قولي السلام عليكم.
انا: اماا سلاااام عليييكم باباااا انت شن مرمدت.
سعد: صوتك ماترفعيشي علياا احسلك وبلاش قلة ادب .
ليلى: ضياء تحشمي احترمي بوك نقصي صوتك.
انا: وهوا انتم محترمينيييي ولا مدايريلي قددر ف الحووش هذا تاخدوو وتقريرو وترتبو من ورااي ولا كأنه في كلبه مفروووض تسألوهاااا او تشاورهااا ف حااجه تخصهاا.
ليلى: غير بشويه فهمينا شن في.
انا: لافاهميين باباا فااهم وعااارف ومنظم اموره وحت الكلام علي لسااني تكلم وحت انتي عاارفه لو بابا مش قايلك فا كريمه مقايلتلك ف الشور.
سعد: وانتي من قالك.
انا: عمااد الي قالي نا زي الاطرش في الزفه ومانندري ع شي نسمع من النااس واهلي عندهم علللم المشكله.
ليلى: كان بوك بيقلك اليوم.
انا: مش قصة يقلي ولا ميقلييش تي عاادي اصلاا الموضوع مش مهم بالنسبه لياا لكنن قصة انه يتكلم ع لسااني ويقرر ف حيااتي هاادي لا حت لو كاان بابا منسمحلاش.
سعد: لا بتسمحيلي سلم بنتي لي مصلحتك وتسحابي روحك كبرتي لا رااه قاعده فرخه ونا خلااص وافقت يعني سكري علي الموضوع.
انا: بسس انا مششش موااافقه حياااتي هياا مش حيااتكم.
سعد: باش تحلمي انه فرخه زيك اخر العمر بتكسر كلمتي وتمشي كلامها هاادي لا وحتوافقي غصبن عنك.
انا: لالا مستحيل مستحييل انت بابا هذا مش تفكييرك بكل كييف هك معقووله لالا مستحييل مش مستوعبه انه انت هك تفكيرك.
سعد: لي مصلحتك.
انا: مصلحتي انك تجوزني غصببب عني.
سعد: مش تبي ترجعي لي تركياا خلاص اهو بترجعي.
انا: وزياااده بنرررجع لي تركياا وبرووحي لاا لا لاا بلله خلااص وقفوو ساادني صداماات مش ممكن انتم ماما وبابا لا مش مصدقه اناا الصرااحه مش مصدقه.
خديت المفتاح من الشنطه وجيت بنطلع.
سعد: تعالي تعالي وين ان شاءلله.
انا: لي جهنم الحمراا معش نقدر نتحمل.
سعد: جيبي مفاتيح السيارره مش علي كيفك تطلعي وقت ماتحبي وتدخلي وقت ماتحبي هاتي المفاتيح وادخلي ساد من الدلع.
انا: يااربي شن الي يصيير هذاا.
دخلت للدار وقربعت البااب ع قوة قوتي ومنصدمه ومستغربه بديت نبكي معقووله هنت عليهم بنتهم الوحيده ناا.
معش عرفت فييش نفكر ف عماد الي بيجيب اهله غدواا عناد فياا ولا في بابا وماما الي تغيرو وصدموني بكلامهم وطريقتهم ف التفكير ولا معااذ وع اساس كيف بنرد عليه اليوم ولا شن بيصييير فيااا كان بابا ماغيرش رايه الانه ماعنديش كلمه ناا😭مستحييل نجوز عمااد وزيااده بنساافر تركياا وبروحي لالا مستحيل.قعدت ندور علي من يقنع بابا ويغيرله رايه...مجاش في بالي الا سامي اتصلت بيه طوول.
انا: الوو سامي الحقني😭.
سامي: كنك شن في😯.
انا: هلبااا حاجاات نصبو علي راسي ف نفس الوقتت😭.
سامي: بااه بطلي بكي وفهميني بي الحاجه.
انا: زبطته عماد الي يشتغل عند بابا.
سامي: خيره توفى😯.
انا: لااا يااهم غير انت زبطته😭.
سامي: لالا والله ماعرفته هههههه شن مهنااك ف السوق إلا مسعود.
انا: تضحك باه منور هي سلام.
سامي: والله مااقصدي ماديريش الجو...وكنه شن موضوعه عماد هذا.
انا: خاطبني وبابا مواافق ونااا منعرفش المشكله وامتاا عرفت تخاايل قالهالي عماااد شخصياا.
سامي: الله😨.
انا: اي وتخاايل اخراا انه جييت نحكي مع بابا انه غللط يغصبني ع حاجه انا مانبيهاش صدمني قالي حتوافقي غصب عنك وكلمتي متنكسرش.
سامي: ومعاذ؟؟مش تحبو بعضكم💔
انا: قااعده مقتلااش معااذ انه نحبه وشكله بابااا بيقطعهااا العلاقه قبل ماتبداا😭😭فلهذاا مش حنقوول لي معااذ الا لماا بابا يتراجع علي قراره.
سامي: كيف بيتراجع مش حيتراجع عمي سعد ونعرفه.
انا: كلممه انت سيمو بلله عليك هوا يعززك ومراات يسمع مننك😭.
سامي: مش عارف مراات ميسمعليش.
انا: غير انت حاول معااه.
سامي: تمام توا بعدين نحكي معاه.
انا: نجك لياا منور بكل.
سامي: ولياا نجك غير انتي توا اهدي وكل شي يمشي تمام ان شاءلله.
انا: ان شااءلله ياارب.
.
.
.
عبدالرحمن: ههههه رد شنطتك رد.
معاذ: علاش.
عبدالرحمن: خوي مفتاح دارلي قصه حزينه نبي نمشي معااك نونسو بعض والجو الحزين.
معاذ: وبااه عادي امتاا بتمشي املا.
عبدالرحمن: اسبوع الجاي
معاذ: باه تمام خنرد الشنطه وتوا نلحقك انت وين ماشي.
عبدالرحمن: نطقو ف معتز قداش لينا عليه.
معاذ: تم يا اصلي.
خش ودخل الشنطه.
سميره: خيرك مصارش.
معاذ: اي تأجلت.
سميره: وباه.
.
.
.
خداني النوم ولقيت روحي نايضه ع اذان المغرب نضت دخلت الحمام وصليت وقعمزت شديت القطوسه وفكره ترفعني وفكره تجيبني ونا ف عز تفكيري طق الباب.
ليلى: ضيااء افتحيي.
انا:...
ليلى: حرام عليك يابنتي افتحي بنتكلم معاك.
انا: ماما ماعندش نيه نحكي وحرام عليكم انتم وربي😭.
ليلى: باه متكلميناش غير اطلعي كولي حاجه.
انا: مانبيش.
ليلى: ربي يهديك.
.
.
سعد: شن صار
ليلى: ماتبيش لا تحكي ولا تاكل وحي كان تعرف انه كريمه اتصلت وقالت بنجو غدوا شن ادير فيناا ياحليلي كما تحشمناا قدامهم.
سعد: ماتقدرش غير من البدايه هك توا تهدى وتعقل.
ليلى: ان شاءلله.
سعد: غير غدوا نادي رنا وتفاهمي معاهاا بيش تدخل تفهمهاا وتعقلهاا.
ليلى: اي هذا الي بنديره ماعنديش حل الا رنا.
سعد: ناقصك شي بيجو عشاء هما.
ليلى: لالا بعد العشاء جيب حاجه حلوه بس الباقي موجود والحمدلله.
سعد: باهي تمام...هذا سامي يتصل...الو سامي شن جو وشن اخبارك تمام الحمدلله والله حت انت ليك وحشه وشن الدنيا عندك الحمدلله الحمدلله ها تفضل ادلل ياغالي.
سامي: عمي سعد مفروض انا مندخلش ف امور زي هادي الانك انت ادرى بي مصلحت بنتك بس ياعمي الي نبي نقوله انه ضيااء حالتهاا بلهون وهيا مش راضيه ونا زي مانعرف انك راجل مثقف وماترضاش تغصب بنتك علي شئ هيا مش موافقه عليه.
سعد: اسمع سامي نقلك حاجه الموضوع هذا سكرته وزي ماقلت بنتي وادرى بمصلحتها وعندي اسبابي الي راح تعذروني عليها بعدين وانا امتاا حطيتهاا حطيتها ف ايادي أمينه ويعتمد عليها.
سامي: تمام ياعمي دير الي يريحك ونشوفوك طيب ان شاءلله سلم علي خالتي ليلى.
سعد: ان شاءلله يوصل.
.
.
.
رنا مسكينه من بكري تتصل قريب تطلع من الفون لكن والله ماعندي خلوق نرد علي ولا واحد قفلت الفون ورجعت رقدت.
نضت الصبح بكري فتحت لاب توب وقعمزت نتفرج ع صورنا نا وسامي ونورا ونبكي استاحشتهم خااطري نشوفهم....نضت مسحت دموعي ودخلت الحمام وطلعت صليت وقعمزت ندعي لي ربي يفرجهاا وينحل الموضوع هذا ف اقرب وقت نضت اشربت مياا وخديت مذكره وقلم ودروحي بنكتب بنعبر ع الي ف داخلي اشويه.
" احيانا تجبرنا الحيااة بالابتعااد عن اماكن تعني لنا الكتير لي ترمينا ف عالم لا نستضرفه ف البدايه ولكن بعد مانعتاده ونندرج داخله تعود مرة أخرا لتلعب لعبتهاا الشهيره وتجبرنا ايضاا علي تركه ولكن ف هذه المره من الصعب جدا الانه ستدفعنا لي خوض امتحان اصعب من الذي قبله..
لماذا ايتهاا الحياة تفعلي بي هذا مقابل ماذا قولي لي لعلى وعسى استطع تلبية غايتك دون اذى.
طقطق الباب.
ليلى: ضياء ياماما افتحي بلله عليك متخوفنيش.
انا: نضت فتحتلهاا...نعم.
ليلى: اطلعي افطري معانا.
انا: باه توا نجي.
ليلى: تمام😍.
ضميت اشوية الحوسه الي ف الدار ولحقتهاا.
قعمزت ع الطاوله ولا كلمه فطرت وجيت بنوض.
سعد: بيش توتي روحك الجماعه اليوم جايين بعد العشاء.
انا: يتفضلوا توا تستقبلهم ماما انا طلوع مش طالعتلهم.
سعد: توا نشوفوا.
دخلت لي داري ونفكر ف شن بنديير الخرا عمااد سكر راسه ودارهاا وله توا يشبح حت ناا ع العناد نمووت.
جتني رنا العشيه طبعا ماما حصلت عليهاا البرا وحكتلهاا كل شي وقتلهاا اقنعيها ومن الكلام هذا المهم جت رنا دخلتلي بتقنعني ع اساس.
رنا: يامختشه متكسحيش راسك توا العناد مش حيفيدك ف المرحله هاادي بكل اطلعي وشوفي الجو ماقتلكش وافقي توا نا لكن عيب انك ماتطلعيش للجماعه.
انا: رنا خيرك تتكلمي وكأنك ماتعرفنيش ناا طلووع مش طالعه قولولهم مريضه قولولهم بتمووت اي شي نا طلوع مش طالعه.
رنا: والله يااضيو كان تسمعي مني بس اطلعي توا بيش عمي مايزيدش يسكر راسه.
انا: مش طالعه سكري ع الموضوع.
.
.
جي الليل والجماعه ع وصول ونا قاعده ف سريري ولا كأنه ف اشخاص جايين بيشوفوني وماما ورنا يوتو ف الدنيا البرا.
رنا: لا مش معقووله قااعده مالبستييش😦.
انا: ههه اضحكي تي مسكينه انتي.
رنا: ضيااء بلا هباال.
انا: ابعدي من قدامي خلي نتفرج.
رنا: واااو ع البروود الي عندك.
انا: الباب يطق بري افتحي وصلو ضيوفكم.
رنا: ياحليلك وخلااااص ربي يفوت الليله علي خير.
فتحولهم وقعمزوهم ورنا قامت بي الواجب وضيفتهم وماما ع نااار.
ليلى توشوش لي رنا : رنا وينهاا البلوه.
رنا: ماتبيش تطلع قوليلهم مريضه وخلاص.
كريمه: امالا وينها ضياء ناديها نسلمو عليهاا.
ليلى: ضياء تعبانه شوياا كنا بيهاا اليوم ف المستشفى ضربيلهاا يبرا وراقده توا سامحوني ان شاءلله ف المره الجايه تسلم عليكم عااد اكيد مش زياره وحده الجيات اكتر😁.
كريمه: خيرهاا ان شااءلله لا بااس عليهاا ماتشووف شر اي اكيد ياخي الجيه الجايه بنلبسوا الدبل مادامه انتم موافقين واحنا موافقين وبنتك مشاءلله عليهاا الصراحه مش حنلقو خير منها لولدنا فقررنا الخميس نلبسو الدبل تبو اديرو بيان ماعندناش مشكله بكل ماتبوش اديرو انتم وراحتكم.
ليلى: الله لا يوريك باس وحت احنا مش حنلقوا خير من عماد لكن وكأن مستعجلين شويا😅.
كريمه: والله مادبيناا ف اسرع وقت الانه عماد بيرجع تركياا فضروري يدير خطوه قبل مايرجع وحت العرس بيني وبينك مايبيش يعطل بيه😍.
ليلى: ان شاءلله ربي يقدم الي فييه الخير.
كريمه: ان شاءلله يارب.
قعدو يهدرزو ويخطيطو لي يوم الخميس ولا حد مداير لي صاحبة الشأن اعتباار...اتفقو علي كل شي وروحو...ورنا خشتلي حكتلي شن صاار وشن قالو نا صارلي استك هادم طلعوا مايبصروش بكل وف عز الهدرزه مانسمعلكم الا الباب تقربع علينا طبعاا بابا داخل بي قوته الانه ماما من طبيعي قتله حشمتنا وماطلعتش لكن هيا لمت الليله وقتلهم مريضه.
سعد: اسمعيني ياضيااء هما كلمتين وحطيهم ف راسك كل ماتزيدي انتي تعاندي كل ما انا نزييد وخطوبتك الخميس هذا وزواج عمااد راح تتزوجي واعلى مافي خيلك اركبيه.
وطلع نا قعدت مصدومه حت الدموع هربو كل الي ف راسي مسرع بابا تحول لي وحش.
رنا: مش قتلك متعانديش واطلعيلهم وفكينا من المشاكل مش قتلك.
انا: تي خليه يهدرز.
رنا: لالا ابداع انتي ماسمعتيشي شن قال.
انا: ماه امس قال احرف من هكي ناا خلاص معش نتحمل كل شي صبوهولي ف مره وحده معش عرفت شن نستوعب فخليت كل شي ومعش نبي نستوعب شي.
رنا: ياروحي علييك تعالي تعالي.
انا: معاذ وين😭.
رنا: ف تونس.
انا: احسسن شي مانبيشي يكون هني لما يديرو البياان ضعناا احناا ضعنااا مش معقوله هك والله حراام عليهم حسبي الله ونعم الوكيل حسبي الله ونعم الوكيل💔.
رنا: يمووت وعمره طويل اهو يتصل والله غاالب ياخياا شن بديري هي.
انا: افتحي سبيكر.
رنا: الو اول مره تسمع الكلام وتتصل شن وصلت ولا.
معاذ: اي نهيج ف سوسه ليه ليه.
رنا: باه حمدلله ع سلامه.
معاذ: انتي غبيه هكي من ربي ولا تستغبي ولا كيف.
رنا: علاش.
معاذ: شفتي للرقم قبل ماتردي من امتاا الليبيانا تخدم ف سوسه.
رنا: هههه سامحني العقل ترا وين طاير.
معاذ: لا واضح ربي يهنيه الي واخده.
رنا: امين يارب.
معاذ: اشبح السفاله لي وين توصل .
رنا: ههه باه يعني انت قاعد ف ليبيا توا.
معاذ: اي وياخي ف الجنان الوراني.
رنا: باه اي خدمه علاش متصل.
معاذ: مصح وجك.
رنا: غير رسمي خيرك شن في.
معاذ: انتي وين؟
رنا: عند عمي سعد.
معاذ: بجنبك ضياء.
اشرتلها بمعنى قوليله لا.
رنا: لا ناضت تشرب ف ميا.
معاذ: شن جوهاا.
رنا: تمام الحمدلله علاش تسأل.
معاذ: هههه من جدك علاش تسأل سؤال وخلاص.
رنا: باه.
معاذ: بهيلك ايامك ويزهيهاا...قتلك.
رنا: قول.
معاذ: تعالو كسدو معاي ننقاني مكسد بروحي ومافيش حد من الحثاله قتله تعال وجي فقلت لي نفسي يعني مافش الا رناا تقدر تلمهم بعد ياسر😂.
رنا: ههههه وربي ماتستحي نقلك حاجه ارجع قول لي نفسك انه مش وقتك بكل وكان تخش تريح وترقد احسلك.
معاذ: نسيت انك نفسهم حثاله يلاا اضوي.
رنا: طالعتلك وجهك.
قبلتلي القتني نبكي..... مش عاارفه امتاا بيسمع شن بدير وخصوصاا انه بيبدا يحلل الانه نا مارديتش عليه لما قالي نحبك يااريتني ردييت عليه ف وقتهاا وارتحت ياااربي شن بندير نااا مافييش ف ايدي ولا حل من المستحيل انه نجوز عماد ومن المستحيل انه نعترف لي معااذ الانه من المستحيل برضك انه بابا يترااجع قعدت حاايره معش عرفت فيش نفكر جتني فكرة انه ننتحر ونفتكاا لكن تعوذت من الشيطاان...الحمدلله علي كل حاال...
فاتو ايامات رنا مفارقتنيش بكل ومعش تلاقينا احنا والعيله ف الجنان الخلفي بابا وماما ما نكلمش فيهم ابد وسامي سافر هوا وحسن لي دبي..وجي يوم الاربعااء طبعاا بابا قال لي ماما انه بيديرو بيان وجو وماما طايرتلها كيف انه الوقت ضييق ومخلوهاش حت تفكر شن بدير قالها تعزم العيله بس بدت تعزم ف عماتي ونساوين عمي.
سميره: باه ان شااءلله ربي يتمم ع خيير ياارب ويفرحك بيهاا...ان شاءلله بأذن الله صحيتي..بسلامه بسلامه.
حنين : شن شكله ف عرس قريب؟
سميره: توا عمتك ليلى اتصلت وقالت بيش تتفضلو علي خطوبة ضياء غدوه😕.
حنين: ضيااء😱.
معاذ:....
.
.
.
.
يتبع
