حكايـة ضيـــاء
الحلقه5
انا: من ياسر😕
ليلى: عمك ياهم😂
انا: ااه باه😅
كملناا دنيتنا اكلهاا وطلعنا بي الشناطي ندورو ف عمك ياسر
سعد: تعالو اكيد اهني.
ومشينا مع بابا وبعدهاا القينااه وطول احضن بابا وقعدو يضبطو ف بعض ويضحكو والدمعه ف عينهم واضح انهم فاقدين بعض ونا نبكي ونضحك كيف انه بابا فرحان قريب يطير.
ياسر: حمدلله ع سلامتكم والله ليكم وحشه نورتو ليبيا.
سعد: سلمك والله وانتم اكتر ليبيا منورا بي اهلهاا.
سلم ع ماما وبما انه اناا كنت خلف ماما مركزش علياا انا قعدت متنحه بي معني خيرناا احناا امناا ارنب
وهوا علييك جماال فيه ازح طرف اغبر🤤غير الله غالب جي عمي بس☹️😂💔.
ياسر: امالاا وينه بنتك ضياء😕؟.
باباوماما شافولي وطربقو ضحك ونا ربعت ايدياا ونشوفله😟.
ياسر: لالا اقسم انه هادي بنتك...وجي سلم علياا بي الخد تي غر مسرع كبرتي ولله ماعرفتك منسحابكش لينا اصلاا شن جووك وشن الاخبار؟
انا: هههه تمام الحمدلله كيف حالك انت عمو.
ياسر: عمو😕 تي قولي ياسر طول فكيناا منها العمو هادي قاعد صغير راه ☺.
انا: هههه يعني عاادي نقلك ياسر حافه هكي وخلاص نحسها تقيله.
ياسر: اوي مش متفقين ع رسميات ايواا تكلمي دج عادي انا قابلهاا منك😂.
انا: هههه اوك غير قاعده مش متعوده بس 😅.
سعد: هادي توا تتعود وتوريك طولت اللسان كيف
شكلها.
انا: اهوو قلك نتعود واستلم 😂.
ياسر: ههههه صار هكي تمام بكل معنهاا.
ليلى: شكلكم ناويين تباتو اهني😂.
ياسر: هههه حسيت تحمسنا ف الدوه حتي هماا هلبا سنين مش شويه يا مرت خوي 😂.
سعد: هي ولله تعرف مش مصدق انك المفعوص ياسر هكي ترا كيف رايح كابر ومترادع.
ياسر: هههه باه علاش توا طياح القدر قدام البنت.
ليلى: 😩.
ياسر: تي غير تعال نركبو للسياره ونحكو لا شويه تانيه ليلى تفصل وتاخد تاكسي😂.
ليلى: باه باه.
انا: ماما واديرها😂.
طلعنا ومشينا شور سيارته وطبعاا سيارته تهبل انا نتعب معاهم ال أودي بصفه عامه وزياده لونها سوده ياويلي احنا وصلنا وهما ورانا جايبين الشناطي حطو تلاته ف الكوفني ووحده معانا من قدام الانه ميسدش.
انا: سيارتك متفهم شي كا موديل وكا لون ذوق طلعت الصراحه ياياسر 😜.
ياسر: مشت السياره ف الدهامه 😂.
انا: هههه تخافش ناخدش بي العين.
ليلى: ياسعد بديت تنطلق شكلك 😂.
سعد: اي شكلني😂.
انا: نحكلكش ياياسر قداش تلقيحك واضح ودمك خفيف😒.
ياسر: ههههه عيله ابدااع شكلك يافرخه انتي جوك جميل وشر.
انا: مزال عندك شك شكرا شكرا😅.
ياسر: توا اركبي ونتفاهمو بعدين مزال قداش بنهدرز انا ويااك وفي شلة خراب تانيه مزال احرف منك 😉.
ركبنا وولع وطلع ونهدرزو ونضحكو وبدايه كانت بي ياسر تبشر وهوا قربوج وينهضم تقول نعرفه من قبل..
سعد: شن وضع العيله قاعدين نفس ااشي.
ياسر: قاعدين مافي شي تغير الا انه العيله كبرت وتوا عندك حوش العيله قاعد زي ما هوا انت الخريطه الي جبتها بنينالك جنب امي ع اليمين زي ماشفت ف الصور الي بعتتهملك ورجب ع اليسار وانا بنيت بجنبك ونجيب من قبل بجنب رجب.
سعد: بااه شن جو الحوش من داخل.
ياسر: كان نبي نحكيلك راه بعتلك الصور 😂.
سعد: ياخوفي مش مفاجأه تطلع فاجعه.
ياسر: هههه شاك ف قدرات خوك.
سعد: اول شغل ليك فلذلك ربي يستر😂.
ياسر: تي درته زي ماتبي واحسن الا غرفة ضياء خليتهاا زي ماقتلي ..ها ياضياء بوك هوا الي قالي خليها هياا توازي ع راحتهاا انا مدخليش تي كان انا درتهالك حتكون ع كيف كيفك وف غرف جديده توا ماتفهمي شي.
انا: هههه خلااص عنهاا ديرهاا ع ذوقكك 😜.
سعد: تي راك توا ف اقل من دقيقه اقنعت صعبة الاقتناع .
انا: مش قصة اقنعني لكن لا اظن انه نلقا كان طلعت بناخد وبندور ع الفاضي فلذلك نختصرو الطريق هوا يفهم ف الشي هدا واعرض خدماته بروحه فا اكيد بنوافق 😁😂.
ياسر: والله مانك ساهله يابنت خوي 😮نفس سوس بوك.
سعد: ملاا شن تربايتي.
انا:😌😂.
ماما غفت شويا مسكينه من التعب وبابا وياسر قعدو يهدرزو ع امه وخواته واميمه اتصلت بي ياسر وقلها ف الطريق وهيا تستنا فيناا الكبد حرفه ونا قعدت نتفرج من الروشن والف قصه ف راسي بنديرهاا.
