حكـايـة ضيــــاء
الحلقه12
ليلى: خلااص ضروري نقولو لي ضياء تعبت وانا نمتل مسكينه اليوم تقولي ياريت عندي خو ولا اخت 😢
سعد:😑
ليلى: والبنت مش صغيره باش بنكذبو عليهاا غدوا بتدخل ف18 راه
سعد: باه كيف بنقولهالها صعبه راه بتجيها صدمه وبتكرهنا هدا شي اكيد
ليلى: نقولولها انه هيا مش بنتنا ونشرحولها الموضوع.
سعد: ياودي ولله معارف باه مش بتطلب تشوف اهلها بعدين من وين بنجيبهملها وهما تحت التراب
ومفش حد من عمامها المرحوم كان وحيد امه وبوه وخوالها مش كويسين استحاله نعرفهاا
عليهم .
ليلى: لا مافش مشي لمكاان بنتي بتقعد عندي معش نبي نقولهاا مانقدرش نشوفهاا بعيده علياا ولو شوي😭.
سعد: امسحي دموعك وصبري بالك قاعدين مقنالها وصار فيك هكي خلييك قويه الانه انتي بتقوليلهاا .
ليلى: لا منقدرش والله مانقدرهاا.
سعد: باه غير اسكتي وامسحي دموعك لا تشوفك توا ويفوت عيدميلادها بعدين ساهل.
ليلى: اااه ياحليلي عليك ياسعد منين البرود هدا جايبه بس 😭تي شن هوا الساهل بنخسرو بنتنا الي تعودنا ع حسها ف الحوش.
سعد: ليلى راك تبالغي ضياء عاقله وان شاءلله تتفهمنا علاش درنا هكي واحنا بنقولولهاا والي يصير يصير.
ليلى: باه كيف بتوضح للناس ولي خوالها كان عرفو.
سعد: اخر همي الناس توا نقول لضياء وانشوف ردت فعلها بعدين نفضى بنااس.
ع جيتي نا طاحت ف وذني نفضى بنااس.
انا: اماا نااس قررت اديرها تاني وتكسرلي ظهري😂😕..قبلت لي ماما القيتها تمسح ف عيونها وكأنهاا باكيه وبابا دخل بعضه لما خشيت نا.
سعد: لالا مش عازم متخافيش.
انا: خيركم شن في😕😯اوي ليلو كنتي تبكي وله .
ليلى: كنت نبكي ع الفيديو الي وريتهولي😅.
انا: بندير روحي صدقتك.
ليلى: غصبن عنك اتصدقي😒.
انا: ههههه باه.
سعد: نا بنوض نتسطح ومرات ياخدني النوم .
انا: ننقانك بديت تتسطح هلباا ياحويج.
سعد: تصبحي ع خير ونقصي من طولت اللسان احسلك.
انا: ان شاءلله😅 قدامك الخير.
ليلى: حتي نا نايضه معاك.
انا: وشوشتلها ف وذنهاا نعلياا من الي تفهم ف راجلهاا...ضربتني ضربه تخلي اليهودي يسلم.
ليلى: بري ارقدي خيرلك.
انا: اااه..تسحابني دجاجه زيهم.
ليلى: اقعدي عسي ياحنه ومن شادك.
انا: ماتوصيش😄.
.
.
.
ياسر: ها شن منو ياقنين.
معاذ: اه خيرك.
ياسر: لا شي نسئل بس😂.
معاذ: انت وينك معش مبين بكل وتوا طالع شن ياراجل في حاجه عنقريب ولاا😉.
ياسر: اهوو نجري ليه ليه.
معاذ: يعني ف خطوه بديرها توا.
ياسر: ان شاءلله .
معاذ: ربي يتمملك ع خير الفال ليناا 😂.
ياسر: ههههه وشن ناقصك تزوج ومن شدك.
معاذ: هدا شادني 👈❤.
ياسر: هههههه معاذ قاهر قلوب البناات شاده قلبه له له له كلاام كبير ياخال.
معاذ: تي غير من كاذب عليكم بس ومقايلكم انه نا بنتزوج بنت كنت نكلم فيهاا.
ياسر: مش راجل معنهاا كان بتتزوج واحده مخترتهالك امك والي تكلم فيهم كلهم حقهم ف رقبتك راه.
معاذ: توا من قال بنتزوج وحده ع ذوق امي بنتزوجهاا ع ذوقي ونكون مكبد عليهاا زياده...وانا كل البناات الي كنت نكلم فيهم ماوعدتهمش بي ولا حاجه ومقايللهم انه انا مش متع حب لكن هما تقول قلتلهم نحبكم يكبدو فياا ماعندي مانديرلهم والحق عليهم مش علياا😌 وتوا خلااص ياراجل التوبه معش عندي تالاهم جو اابداا 😪.
ياسر: هي انت برا ناديلي معاذ وتعالا.
معاذ: اللطف خيرك انا معاذ شكلك ضربك شي جن وبديت تخرط.
ياسر: ههههه عنجوك انت معاذ مش معقوله ياغبي مدايرها بجو وانت صدقت عليك براءه شكلك انت الي ضاربك جن وعااقل زياده.
معاذ: ايااه باه يلاا شوف طريقك عندي كم حاجه بنديرهاا وانت معطلني " وكل شويه يشوف للساعه" .
ياسر: احترم عمك ياحقير .
ع جية احمد
احمد: مش طالع عليك الدور بكل 😂.
معاذ: هههه برسمي مش ماشي معاك ابداً.
ياسر: حتي نا حسيت هي متبو شي.
معاذ: سلامتك .
احمد: اصبر حطني معاك ف الملعب.
ياسر: تمام .
ركب احمد مع ياسر وطلعو اما معاذ نزل الباكوات ويشوف ايمين ويسار خايف يغم عليه حد وبدت القطوسه تموي.
معاذ: تربحي اسكتي بلا فضايح .
.
.
بابا وماما دخلو رقدو قعدت مبومه بروحي نتفرج ع فيلم لين وصلني مسج من رقم..
" كل سنه وانتي طيبه يادريه وبطول العمر وعقبال مية شمعه💞"
اذكرت انه عيدميلادي زي الغبيه كنت نسياته والمسج ذكرني ضحكت وفرحت لكن من منو زعما وع ساعة12 بزبط رديت عليه بمسج "شكرا لكن من الانه الرقم مش مخزن عندي😕".
طول رد علياا
"اطلعي من الباب الخلفي متع المطبخ "
ييي علييك جو حزر فزر الي يديرو فيه مشيت للمطبخ فتحت الباب القيت قدامه باكوين فوق بعضهم صغير وكبير عيوني قلوب قلوب لما القيتهم😍😍 فتحت الباكو الاول قلت مرات فيه كرت مالقيتش وصلني مسج تقول يقرا ف افكاري😂
" ماتعبيش روحك مافيش كرت ادخلي ولمي غوفتك وافتحي الباكو تاني توا تعرفي من"
وقفت قعدت ندور بعيوني مافش حد دخلت وطول فتحت الباكو التاني القييت فيه قطوسه صغيره بيضاء فارسيه وعيونهاا زرق يااوخيتي تهبببل😭😍.
طرررت من الفرحه قعدت نقز ونعيط درت دوشه علي شوية وبابا طلعلي قعمزت وهديت وخديت القطوسه ف حجري قعدت نلعب بيهاا او بي الاحرا نمزرط فيها من الفرحه😂..خديت شهيق وزفير وعرفت انه معاذ من اول ماشفت القطوسه مش عارفه جاني شعور غريب اول مره نحس بيه وجيت نكتب ف مسج نتشكر فيه
" معاذ تشكر ادريم ع الهديه تشوك كوزال بصراحه متوقعتش يطلع منك كل هدا الاحساس ياعديم الاحساس😂".
رد علياا طول برساله متع واحد كان يستنى
" ههههه فكينا من كلام الشياطين ومش قتلك واخده عليا فكرة غلط وياحنه حاجه بسيطه تقتلها بي الهني "
اضحكت من كل قلبي ع كلام شياطين الانه مقايلي قبل معش تتكلمي تركي..رديت عليه
"بعيد السو عليها ان شاءلله فيك ولا فيها"
رد عليا
" شكراا يجي منك اكتر "
رديت عليه
" ولو العفو...تصبح ع خير♥️"
رد عليا
" قدامك الخير♥️"
حطيت الفون وفرحانه بنطير بي القتوسه عسسل😍 وطبعاا بعد وقت رجعلي عقلي استغربت كيف سامي متصلش حتي نورا كذلك الان ديماا هما اول وحدين ع12 بزبط يقولولي فيها رن الهاتف سحبته سامي طلعت رنا تعيد علياا وبعدها اتصلت حسناء حتي هياا ف الوقت هدا طارتلي برسمي من نورا وسامي دخلت ع الفيس والانستا قلت مرات نلقاهم دايريلي مشاركه ف منشور وبرضو مفش شي تنرفزت جت ساعه واحد ونص طفح الكيل سكرت الفون ودخلت لي داري فرغت باكو الشكولاته ف الدرج وكان ترتيبته حلوا ودخلت القطوسه حطيتهاا ف باكوهاا مابين شريتلها سرير ست الحسن وجمال😍 ورقدت ونا لقطت معاذ مامشيتش من بالي.
.
.
.
احمد يتصل بي معاذ كم من مره مايردش رجع اتصل تاني
معاذ: هاا عيت حنه ماتخلوش حد يرقد ف حاله اززح😴😡.
احمد: تي نوض منوض انت من امتاا ترقد الوقت هدا.
معاذ: من اليوم لخص شن تبي.
احمد: نوض جيب سامي من المطار.
معاذ: نخدم عند امك تي العب بعيد ومن سامي .
احمد: سامي ولد خالتك ياحمار.
معاذ: ييي التاني توا خطرله يروح لما بنرقد .
احمد: ههههه تي الولد يستنى برا.
معاذ: بلعقل انت طالع وجوك جميل وانا راقد من المفروض يجيبه.
احمد: اكيد انت 😂.
معاذ: اكيد امك برا ملح بنررررقد.
احمد: ياسطل معنديش سياره نوض.
معاذ: خود من اي حد.
احمد: تي غير هيا .
معاذ: اطلع من راسي مانيش ماشي.
احمد: قرار نهائي.
معاذ: نهائي ونص.
احمد: باه وجهك توا نمشيله انا غير وتي المربوعه بس.
معاذ: راك متصل برقم الغلط لاني سواق العيله ولاني شغاله متعكم .
احمد: مبرد دمك برا تمرقد توا نوض سونا وخلااص.
معاذ: ماه من الاول.
سكر واتصل بي حسناء.
احمد: ايواا ياقلبي.
حسناء: شن تبي نفهم فيك راه.
احمد: نايضه ولا راقده
.حسناء: نكلم فيك من الحلم.
احمد: هههه باه نوضي ديري دورا ع المربوعه وحطي فيها مخدتين وشراشف ووتي سفره كان فيها كيف.
حسناء: توا ندير كل شي الا السفره اخطاني منهاا بلله اشري من المطعم واحسبني😂.
احمد: به تمام هي وجهك ساعه ونكون ف الحوش.
حسناء: من الي جاي معاك.
احمد: خليها مفاجأه.
حسناء: هههههه شارب حاجه انت عليك خرط مفاجأة شنو.
احمد: هههه توا تعرفو لما يوصل.
حسناء: ان شاءلله خير وخلااص.
احمد: ان شاءلله😂متفكريش هلباا ياعمري.
حسناء: تي وربي مااك صافي انت.
احمد: اي عارف احمد مش صافي.
حسناء: ههه مبسلك.
احمد: سلاام.
سكر احمد وخدي سياره من صاحبه ومشي للمطار بيجيب سامي وصل نزل وقعد يدور ف سامي وهوا قدامه😂 مشي شوره طول لما اتأكد انه هوا سلمو ع بعض.
احمد: والله ماعرفتك ياولد.
سامي: فطنتلك وانت تبحت ف الناس اكلهن.
احمد: مادرتش فينا خير خالتي لما تجوزت شرقاوي.
سامي: الله يرحمهاا.
احمد: امين...لكن بجو هكي احكي غرباوي والله مانفهم كويس ف شرقاوي عارفين لهجتكم مليحه لكن احكي غرباوي اليومين هادو كان فيهاا كيف.
سامي: هههه باه وانت شديت ف الموضوع.
احمد: ايواا يلاا قدامي هات الشناطي عليك.
سامي: تي اسكت ف شعور غريب مش فاهمه بكل.
احمد: هههه الوطنيه الوطنيه.
سامي: زعما وربي مش مفهوم بكل.
احمد: عادي عادي تصير هيا.
طلعو من المطار وركبو السياره وسامي قاعد مش مستوعب الي يصير معاه كأنه ف حلم..كان ليه وقت يبي يجي لي ليبيا مقدرش الانه ماعنده حد فيها الا خالته وامه وبوه متوفين 💔 وخوه من يوم يومه البرا من بلاد لي بلاد وهوا بعد ماتت امه قعد مع خوه واستقرو ف تركيا لما كان اولي اعدادي وف هدا الوقت انا تعرفت ع سامي وكانت احلي معرفه الصراحه تعرفت ع خو مجبتاش امي ع صديق مش بي العشره لكن بي المواقف💞.
