حكايـة ضيـــاء ...... منقولة ☺
الحلقه 3
سامي: ضياء
انا: نعم
سامي: سامحيني امبدري مرديتش عليك كنت جنب الولاد وتوا كيف روحت.
انا: لا عادي.
سامي: ضيو كنك مش ع بعضك باكيه صح؟
انا: كيف عرفت !
سامي: قلبي قلي😍..علييك عباطه فيك واضح صوتك باكيه لمهم توا عليش البكي ف يوم زي هدا.
انا: ههه بارد ، ماه غدوا رحلتناا وكنت نضم في حاجاتي فا غمت عندي فا بكيت فا انت اتصلت فا رديت.
سامي: فا انا حسيت بيك فاحكيت الانه عارف انه بنرايف عليك واجد ياهمي 💔.
انا: والله حتي انا قداش بنستاحشكم وبنستاحش لمتكم وهدرزتكم ..وقطع علياا.
سامي: ضيو راه نورا مش معاناا ف الهاتف يعني تقدري تتكلمي بي صيغة الفرد مش الجماعه.
انا: ههههه خزي عليك .
سامي: قصدي يعني بجو الجميل هكي احكي بي المفرد .
انا: هههه حاظر ياسي باه شن كنت نحكي اناا.
سامي: هههه كنتي تقولي بنستاحشكم مابنستاحشكم قصدي بنستاحشك عليك عدوا ازح😂.
انا: هههههههه انبااه قتلك حتي انا وربي بنستاحشكم و..قطع علياا.
سامي: زكري لمن كنت نخرف انا توا.
انا: هههه انبصر ياشكل..حقاا.
سامي:كنك؟
انا: صوتي متغيرش😅!
سامي: هههههههه عنبوفيتك فاهمه قلب المواضيع
غلط.
انا: هههه لاا والله ماصارهاا نحكي جد يادراه.
سامي: تي قاعد نفسه شن بيتغير فيه يعني ياغبو😂.
انا: ماه قصدي مافيشي نقاء ولا اي شي .
سامي: ههههه ضيو شكله نضربلك فيوز اخر وربك يستر.
انا: مااه ياعبيط نكلم فيك من ايفون الجديد اليوم جاني هديه.
سامي: اووووو قولي هكي من الاول مبروك مبروك تكسريه بي الهني 💓.
انا: هههه الله يبارك فيك 💞.
سامي: من جابه لك ؟
انا: بابا جبيلي ايفون وماما فلست بيها ف مول قتلي خودي ماتبي وانا ماقصرتش .
سامي: ومذكرتيش خوك حتي ف طرف بكلاوه.
انا: تي كيف عااد وهوا انت تنتسا😉
سامي: هههه حتي نا قلت .
انا: وانت شن الجو عندك شن هداياك؟
سامي: ياستي اناا قالو بياخدولي سياره عرفتيهاا الي مره ورتهالك قتلك هادي ماتفهم شي اوني الي لونهاا زيتوني هديكا ناوي نكبطهم فيها.
انا: اي اي اذكرتهاا.
سامي: ايواا هيا هاكي بناخدهاا ان شاءلله.
انا: يعني انا مش حنركب فيهاا خساره😢.
سامي: خلاص معش واخدهاا اهم شي انتي.
انا:مبروك مسبقاا 😂.
سامي: الله يبارك فييك ويهنيك ويخليك ويعطيك .
انا: ههههه تعرف .
سامي: منعرفش.
انا: خليني نحكي.
سامي: هههه باه .
انا: توا بيجونا الجرات ومعنديش نيه نوض ندير اي شي ولا حتي نغير فاشله .
سامي: تي فوتيهم واقعدي احكي معاياا احسلك .
انا: مصحك ضروري انوض واصلاا نسمع ف صوت برا شكله نورا جت .
سامي: ع طاري نورا توا نحكو بعدين انتي توا نوضي وردي بالك ع روحك 💖.
انا: انبااه اناا بكري كنت بنقلك انه والله بنستاحشك وبنستاحش طلعاتنا وهدرزتنا ونعلياا من لهجتك وطريقه الي تحكي بها قداش بنستحشهاا وهلباا حاجات وتفاصيل بسيطه تربطني بيك بنستاحشهاا وربي مافيش منك احلي صديق ف الدنياا واحسن شي صار ف حياتي ان تعرفت عليك😍.
سامي: ...
انا: الوو سامي وين رحت.
سامي: ضياء الي كانت تحكي.
انا: هههه اي.
سامي: وووه تي وربي انتي الي مانك عاديه انتي الي احلي واحسن واجمل واغلي شي صار ف حياتي اكلهاا😍❤.
انا: ياربي ياربي🙈🙈.
سامي: هههه نجك لياا 😘.
انا: ولياا نجكك هيا طير تواا.
سامي: باه سلامات وسلمي ع فرخه نورا 😜.
انا: ان شاءلله يوصل سلام💞.
ونضت بسرعه ساويت روحي وطلعت جري القيت ام زكي اول الحاضرين وكاالعاده موقفتش هدرزه سلمت عليهاا ودخلت المطبخ مع شهيناز وقعدت نرتب معاهاا وبدو الجارات يوصلو ونورا قعده ماجتش استغربت مع ان امهاا جت...بدينا ف التقديم قدمنا وجت لمه حلوه وقعدت نستنا ف نورا الكلبه قعمزت بجنبهم شوياا وبدو عااد ف الاسئله .
انا: انستونا😊.
الجارات: الله يأنسك .
كريمه: شن وين ناويه تدخلي تواا ههه ولاتبي تدخلي حوش راجلك 😉.
انا: "ف خاطري علييك دم مركز عندهاا ازح كانك علياا كان نلقا ندخل ف الحيط وهوا وينه الراجل الي بندخل حوشه😂"...ان شاءلله ناويه طب الراجل بعد الشهاده ياعمتي كريمه😉.
كريمه: وباه ان شاءلله بي التوفيق وانشوفوك دكتوره
انا: تسلمى...عمتي ربيعه"ام نورا" نورا وينها طولت مش ع اساس بتجي .
ربيعه: اي بتجي اتصلي بيها شوفيها.
انا: ان شاءلله نمشي نجيب تليفوني ونتصل بيها.
ربيعه: بااه.
ماما"ليلى": ضيوو حبيبتي جيبيلي معااك تليفوني وانتي نازله.
انا: انباه ان شاءلله.
ركبت جري واتصلت بي نورا مرديتش عاودت اتصلت برضو مرديتش تعصبت منهاا علااش مجيتش وعلاش متردش... شفت الدار القيتها محوسه شوياا ضميتها ونزلت عطيت لي ماما فونها ودق الجرس مشيت نفتح وتقابلني نورا الحقيره وف يدهاا شنطه واكياس
انا: جيتي ياتافهاا تعرفي رقيتهملي خيرك عطلتي ناس عنقريب تروح علاش جايه اصلاا كان تروحي خير 😒.
نورا: ههههه ولله ما مروحه الا غدوا الصبح ولزي ليين تدهشي.
انا: تراا احلفي انك بايته😍.
نورا: وربي😂.
انا: ووووووه احلي نورا ولله😘.
نورا: هههه باه تحشمي وشدي من علياا ها الكياس وحطيهم ف دارك وماتفتحيهمش وخليني نتفضل اذا ممكن طبعاا😂.
انا: مصح وجهك ادخلي حطي بروحك تعرفي الطريق🌚.
نورا: خزي عليك استقبال شكلي بنروح😂.
انا: ضيوف الي زيك انا نعرفهم باردين لصقه😒.
نورا: باه باه ياضيو انا مروحه " دخلت ومشت شور داري واناا قعدت شاده باب الحوش نشوفلها".
انا: مش بتروحي😜.
نورا: ريحي روحك قاعده ع قلبك اناا اليوم 😛.
انا: تي كيف تقعدي ع قلبي وانتي فيه😍.
نورا: ووووه علياا وين نمشي اناا توا من الكلام الكبير هدا😂🙈.
انا: هههههه هبله حطي الي في ايدك والحقيني للمطبخ😉😂.
نورا: تماام
.
.
.
ف ليبيا
اميمه"خديجه": قتلك يارجوبه خوك سعد امتاا بيروح.
رجب"عمي": قالي طيارتهم غدوا ف ليل ان شاءلله.
اميمه:انشاءلله يوصلو سالمين غانمين لينا وقت عليهم ياكبدي قداش مستاحشينهم واخيراا بيرجعو ووليدي بيسكن جنبي.
رجب: ان شاءلله يامي.
اميمه: باه قتلك فيلتهم جاهزه منقصها شي.
رجب: اي كل شي تمام ماه ولدك ياسر هوا الي فرشهاله ورتبها ع ذوقه سعد موصيه اول شغل ليه هوا الا دار بنته خليهاا قال هيا تختارها ع راحتها وكيف ماتبي هياا.
اميمه: اي وباه يعني الجمعه الصبح ان شاءلله يكونو ف ليبيا.
رجب: اي ان شاءلله 4ساعات بي الكتير ويكونو ف ليبيا يعني يوصلو مرات ف ليل امخر.
اميمه: باه ومن بيجيبهم من المطار.
رجب: قال مايجيني حد توا ناخد تاكسي.
اميمه: شن تاكسي بعقله هوا متخلوشي ابعت حد يجيبه بيروح ف تاكسي وف ليل مخر ومعاه بنته ومراته مش بروحه راه.
رجب: اي حتي انا قلت مرات كان ياسر فاضي هوا يمشي يجيبه الانه انا ماسك ف ليل وكان مش فاضي توا نبعت حد من الولاد كاترين.
اميمه: اي باه يعني نديرو غدي ونلمو العيله اكلهم وبنجيب طباخه العيله مشاءلله هلبين.
رجب: انا نقول ديريها عشاء احسن يامي ع اقل يرتاحو وينضمو امورهم.
اميمه: باه معنهاا عشاء ان شاءلله.
