حكايــة ضيــــاء
الحلقه10
انا: ايي هادم قصه توا نحكليك نشرب مياا الان ريقي بينشف
سامي: يلاا كلي اذان صاغيه 😄
انا: وووك حييي 😨
سامي: كنك😨
انا: ياامي😮
سامي: تي كنك يابلوه
انا: عنكبوته فاتت من بجنبي😱.
سامي: خزي ع منظرك عن شكلك مره وحده بااه الي مش بشبو كان هكاا شن اديري.
انا: 😂😂تشكر ادريم تي كان زقرلو راه هربت وخليتله الدنيا بما فيهاا.
سامي: اي حق شن وضع مسكنكن عجبك ولالا عااد انتي مايعجبك العجب لا صيام ف رجب كان تلقي الدنياا كلهاا بنفسجي وعنابي😂.
انا: ههههه حيوان ولله عجبتني عمي ياسر هوا المتكفل بي الديكور وكل شي نتعهاا يوهببل وداري دايرهاا بنفسجي ع فكره جت بصدفه محدش قله انه انا نحب البنفسجي😂 توا نبعتلك الصور بعدين ع نت.
سامي: هدا ياسر نفسه الي اتصلت بيه نا وله هوا نفسه الي اتصلتي منه بي نورا صح .
انا: اي هوا نفسه حقاا احكيلي كيف اتصلت بيه 😂.
سامي: خديت رقم من نورا ضربته رد علياا هوا قعدت نفترش وقتله نبي استاذ سعد عطاهولي حكيت مع باتك ع امل انه ندوي معاك قتله ضياء بجنبك قالي بعيده قتله سلمناا عليهم وسكرت وهوا هدا بااش تعرفي انتي قدااش مهمه بس😉.
انا: هههههه هبل عسسل رااك 😂😍.
سامي: ههههه عندي علم😌.
انا: ارخي روحك بلاش من التقه الزايده👊.
سامي: ان شاءلله😂 اي كنهم اهل باتك.
انا: ياسي عندك عمي رجب هدا الكبير عنده خمسه الي من بينهم حسناء وبنت اخرا اسمها حنين و3 اولاد احمد ومعاذ وحمزه...وعمي نجيب عنده اربعه 3بنات وولد..،وعمي ياسر مش مزوز قاعد مع جدي وأميمه طبعاا هادو كلهم عايشن ف سور واحد احني وياهم.
سامي: مشاءلله اهوو هناك من يطيرلك الكساد.
انا: اي كلهم حبوبين الا الفرخ معاذ مبرد ام امه خلي نقلك شن دار وحكيتله ع موقف نتع الرصاص لكن مابيتش نقله ع المستشفي ورجلي وانه قامني الانه بيفصل .
سامي: 😂😂ننقانه جوه من الاخير ههههه مسكين ميندريش عليك تخافي حت من عنكبوته.
انا: مافش جو بكل راه انت الي تضحك .
سامي: هههههه اي باه.
انا: اي وعندك رنا اكتر وحده جوهاا مليح نفس التفكير تحسه انا وياها وحقاا محكتلكش ع جهنم سعاد😂.
سامي: واحكي.
انا: عمتي سعاد عندهاا خمسه بنات تلاته كبار جني وجنات وجنان واتنين توؤم.
سامي: الله الله.
انا: اي ومانحكيلك المسمومه واختها😂.
سامي: حي عليك وحي.
انا: وانا منقصرش تعرفني.
سامي: انتي عااد شورك 😂👊.
انا: ملاا شن 😌.
سامي: اي وحسناء شجوها.
انا: وانت خيرك شاقي بحسناء😒.
سامي: 😂😂😂.
انا: تضحك😒 عادي تكلم قول.
سامي: ههههه كنك غرتي.
انا: غرت عينك غير انت شديت ف شن جوهاا ياسيدي جوهاا مليح بكل.
سامي: لا شديت لاشي انت تخرفي من راسك.
انا: اي اي انا نخرف.
سامي: بزبط 😂.
انا: مبردك.
سامي: سخنيني😜.
انا: سامط رااك ومش راشه ملح😂.
سامي: ههههه ع طاير قبل لا نتكلم.
انا: ماه مورقتلك.
سامي: كيف😕امتاا نقلك لهجتكم اصعب من لهجتنا تقولي كيف.
انا: هههههههه توا كيف بنشرحهاا معنهاا زارقه عليك بي لهجتكم فاطنتلك حاجه زي هكي.
سامي: ههههه اي فهمت.
انا: وياقهره لهجتكم حلوه بس صاعبه واحناا اخي لكن ساهله .
سامي: ههههه الي هدا مش عاجبه ماعنده توا نا نفضل لهجتكن اكتر مع انهاا صاعبه .
انا: اي ملاحضه حتي بديت تتكلم زيني مرات وانا نتكلم كيفك.
سامي: ماه من عاشر قوم تي نا بديت نخلط بين شرقاوي وغرباوي كلمه هكي وكلمه هكي.
انا: انت الحاله متطورا عندك يا الاخ.
سامي: اهاا بكل.
انا: حقاا شن صار ف سيارتك.
سامي: الاسبوع الجاي توصل ان شاءلله.
انا: ان شاءلله.
سامي: تعرفي بكرا شن في.
انا: شنو😯.
سامي: ف 24ساعه.
انا: حي حي حي ع ام البراده بنفهم دمك ولا شنو بزبط 😒.
سامي: حبر حمر ياستي😁 حق قليلي كيف حال ابله ليلى سلمي عليها واجد.
انا: هاوينها تهيج عند امهاا وجوهاا جميل يوصل سلامك ان شاءلله .
سامي: كنك مش معهاا.
انا: كنت معاها بكري وروحت ماه هيا بتبات وانا عنديش نيه .
سامي: اهاا قولي هكي.
انا: ايوااااااا هياا جايه...سيمو هيا سلام توا نحكو وقت تااني الباب يطق.
سامي: باه تمام ديري بالك ع روحك وسلمي ع الي يطق.
انا: هههه تمام حتي انت رد بالك ع روحك سلاام.
سكرت الخط وطلعت جري لي الباب
انا: من؟.
سعد: افتحي نا بوك منو يعني.
انا: هههه ووين مفتاحك؟
سعد: مش خديتيه مني يافالحه.
انا: اي نسيت😅.
سعد: باه الي مانستيش عمرك.
انا: 😒 يسلمو عليكم نورا وسامي بكري كلمتهم😅.
سعد: سلمهم سلمي عليهم .
انا: يوصل😉.
