حكاية ضيــــــاء
الحلقه30 والاخيره
نضت علي مسج من عماد من صدمتي بي المسج ماقدرتش نصدق قلت اكيد يبصر ويدير في الجو البارد كان مكتوب ف المسج" ضياء انا اسف اليوم مسافر لي تركيا ان شاءلله ربي يهنيك" مادرتش اي اهميه للمسج ضحكت ف خاطري قلت ياريت اديرها جديات وتسافر وتفكني من وجهك.
جتني رنا تجري ونقزت علي سرير وحضنتني.
رنا: ياحيواااانه بتمشي وتخليني هك تعودت عليك وع دوشتك تعودت ضروري يوميا نجي للحوش نلقاك فيه مش عارفه كيف غدوا بنجي ومش حنلقاك فيه😢😭.
انا: توا نقعدو نحكو يامخمجه مش ناسياتك عاد يلاا عجلوها انتي وسمير وتجوزو والحقيني تركيا.
رنا: لا اظن يصير مننا😓.
انا: رناا انتي وسمير لي بعض متزوديهاش عاد خلاص عطيتيه درس ياحليلك راه الحاجه لما تزيد ع حدها.
رنا: باه باه يصير خير المهم توا الزفه درتها متع حسين الجسمي والي بيدخل عليها عماد هلا صرت شريك بعمرك.
انا: وحقربي ماعااد نكلمك كاان جديات درتيها تي من امتاا لي امتا لصار شريكي بعمره.
رنا: ههههه باه نبصر عليك يلا نوضي وقت ع كوافيرا.
انا: تمام💔.
كملنا انا ورنا كل شي وطلعنالهم بدو يزغرطو ويغنو وماما تبكي جيت حضنتها الانه محتاجاته الحضن هذا حت لو مش امي الحقيقه ف الاخير هيا الي ربتني ورضعتني حضنتها وبكيت بكيت بكيت نبكي علي مصير حياتي الي مش عارفه شن مزال بيصير فيها نبكي علي امي وبوي الي ماتو وخلوني نبكي ع الكذبه الي كنت عايشه فيها نبكي ع اول حب ف حياتي ضااع مني ومش عارفه كيف نحب بعده نبكي علي الشهرين الي جيت عشتهم في ليبيا تقول قرنين مش شهرين عشت فيهم كل شعور ممكن انه نعيشه في حياتي مريت فيهم بكل شي نبكي ع فراقي لي اهلي الي هما مش اهلي نبكي ع رنا الي بنستاحشها علي من بنبكي بزبط نفسي وجعتني هلبااا حراام تمر بي هذا كله في مره وحده ومحدش يعرف شي كله مخلياته ف قلبي الي من دااخل خلاااااااااص بيتفجر قريب يحكي ويقلهم نبي نرتاااح حرام عليكم خلوني ف حالي.
سلمت علي الكل وطلعت انا ورنا وصممت انه نطلع بسيارتي مانبي حد يرفعني كلهم قعدو يقولو كيف عروسه وتمشي بروحها للمزين الي نذكر فيه انه قلتلهم تخافكم مش حنهرب اهيا رنا معاي.
وطلعت ونا نبكي مش قاادره حسيت انه حياتي بدت ف الحرب وبدي الدمار يجيها من جميع الجهات رنا حاولت تهديني لكن شي.
رنا: ضيااء بنقلك حاجه.
انا: قولي😭.
رنا تحك ف راسها: ءءا معش تبكي بلله عليك.
انا: ضحكت ف عز بكاي علي رنا نسحابها ترا شن بتقول حاجه مفيده يعني.
وفعلا مسحت دموعي ونزلنا للكوفيرا وبدت فيا.
بعد ساعات هك جتني رنا تجري حضنتني وفرحاااااااانه قريب اطير لدرجة انا استغربت فيها هادي خيرها.
رنا: مبرووووووك يااضيو ياقلبي انتي مبرووك😍.
انا: الله يبارك فيك علاش باه توا وين تفكرتي انه بنتزوج ولا كيف.
البنت: 😂😂.
رنا: ياامختشه مش اليوم فاتحتك قروها توا حسناء قتلي😒😚😍.
انا: باه😔💔.
رنا: تي افرحي ياهمي اليوم عرسك خلاص عاد.
انا: رنا خييرك تقول ماتعرفي شي ازح وخيرك فرحانه تقول انتي الي عرسك.
رنا: ترا قولي شن صاااااار😍😍😍.
انا: شنو.
رنا: سمييير ف فاتحتك كلم بابا عليا وبابا واااافق🙈🙈🙈🙈.
انا: احلفييي ننقانه الا راجل😍😍😍مبرووك ياعيوني😍.
رنا: الله يباارك فييك🙈😚.
انا: اي عاد قوليلي هك من الاول استغربت نا خيرها الفرخه فرحانتلي علي الحياه الهنيه الي ماشيتلها.
رنا: ياحيوانه وحقربي فرحانتلك اكتر مني.
انا:ع شنو ياحسره💔.
.
.
.
.
الحوش نقلب زغاريط وفرحانين ومش فاهمين ومستغربين وزحمه والي يبارك والي يسأل ودخلت الدنيا بعضها كلهم فرحانين قريب يطيرو.
