منقوله
حكايـة ضيــــاء
الحلقه22
حسن: ساااامي رد بااالك السيااااره قداااامك سااامي.." حط ايده ع راسه ويستنى امتاا سامي يخبط ف السياره"
سامي: شفت قداش الموت حااره هذا ناا توا متت من داخل متت.
حسن: تي شوياا وودرتناا ياراا عليش ادير ف روحك هكي قلناا من اول راهي مش لييك ومعقوله تخلي بنت تلعب فيك هكي.
سامي: معششش تقولهاا لياا بنت ادير فيك هكي هذااا القلب شن بندرله الله غاااالب ناار والعه فييه مانقدرش نطفيهاا الا ب هكي ضروري ندير هك وااااك يااربي الصبر.
حسن: باه انزل بنسوق انا.
نزل حسن وساق هواا ووقف ع المقهى خدي لي سامي قهوه بيش يصحصح وروح بيه للحوش وبات معاه.
ف الصبح ناض سامي وفتح فونه القي وليد متصل ومني مكالمات ورساله كاتبتله فيهاا انه فرحاانه وافتح ياهمي متشغلنيش نبي نحكيلك...فكر بينه وبين نفسه وقرر خلااص ينسى حبه ويخليني زي اخت وصديقه كيف قبل.
سامي: ياااحسونه ياازق صبي باالك خلي نعدو وليد متصل يبينى ضروري.
حسن: ووه مش متعاركين انتم شن يبي فيك.
سامي: مانعرفش قال ضروري وف الاخر يبقى رفيقنا ومانقدرش نرخى بيه غير هيا.
حسن: كنك مولي طيب ونزيك.
سامي: هههههه صبي ياواطي احسلك.
حسن: ان شاءلله خير😯كنت نحلم امس ولا انت نفسك الي امس.
سامي: هههه ماتبنيش نضحك ولا كيف يعني نشد راسي ونقعمز ف الحوش ونقعد نشرب خلااص انساه امس ياراا نحنا ولاد النهارده.
حسن: لالا بي العكس مادبياا غير بسرعه هادي استغربت.
سامي: ههههه تستغربهاا مني.
حسن: اي الصراحه مش مصدق.
سامي: باه ها شوف بمن بنتصل...اتصل بياا وفتح المايك طبعاا نا شفت الرقم ردييت طول.
انا: الو يااهم يادرااه يااحقير ياازفت يااساافل يلي ماتستحي عليييييش قاافل فوونك متقولش في وحده تسأل علياا وباالهاا مشغول علياا خزي علييك وع وجهك تف تف ع منظرك.
حسن: اظن ان القدر طاح وتهزقت يارفيقي.
سامي: ههههه شن مزال مقلتيشي.
انا: من بجنبك😱
سامي: حسن هذا.
انا: اه هذا من العيله عادي وتعال جاي قلي علاش قافل فونك😣.
سامي: امس مشيت لي انقره ونسيت نرفع معاي الشحن قفل ومعش دورته لين روحت.
انا: خزيي خوفتني.
سامي: نجك.
انا: كنك سيمو.
سامي: شي.
انا: متوكد.
سامي: هههه متأكد
انا: باه اس حنين جايه بنسكر تمام وبعدين نحكو.
سامي: عطيها لياا.
انا: من
سامي: حنين.
انا: كيف من امتاا نغاار راه😠
سامي: هههه غاري ع معاذ انتي💔
انا: باه بااه حت انت نغاار علييك مش خوياا😢.
سامي: باه مديهاا يلاا.
انا: ان شاءلله غير توصل.
سامي: شكلهاا ف الشارع التاني هيا.
انا: هههه ضروري تتبرع بدم انت.
سامي: ههه ان شاءلله .
حنين: ضياء نبيك ف موضوع.
انا: هاك شدي سامي يبي يحكي معاك قبل وبعدها ساهل.
حنين: بيحكي معاي ناا😳.
انا: ع الخط راه وانتي وجهك ولا الوان.
حنين: احم.
سامي: ههههه شن جوك يامجنونه.
حنين: تمام الحمدلله شخبارك انت.
سامي: ماشي والله...وع خشت حسن يعيط يبي يطلع صار العكس😂.
حنين: منو هذا الي يعيط بجنبك.
سامي: هذا حسن رفيقي.
حنين: منو حسن.
سامي: ههههه موضوعك طويل انتي تبي نحكيلك جيبي رقمك حقا عليش معنديش.
حنين: رقمي😦.
انا: رقم عيينك مافيش.
سامي: انتي اسكتي شن حرك شعيرك من طاجينك...حنين هاا شن قلتي.
انا: البنت تبلعمت نصمتت حت الدم معش يجري ف عروقها😂.
سامي: هههه عارفهاا.
انا: انت ياعريف.
سامي: وين مشت الفرخه.
انا: هههه راحت فيهاا اس سيمو تبيني توا هيا ف موضوع تمام نحكو بعدين.
سامي: مااشي وقلهاا ياامجقجقه ولد خالتك هاتي الرقم وانت ساكته.
انا: هههه اوك سلام.
سامي: سلام.
حنين: الحيوان😱.
انا: هي منرضاش فيه راه.
حنين: ضيااء معش نقدر نصبر امس كنت بنحكيلك لكن معش القيتك.
انا: شنو في.
حنين: اولا انا اسفه علي كل شي درتهولك وكنت نعرفكش كويس لكن توا عرفت قداش انك فرخه عسل وفيش منك.
انا: باه وتانيا.
حنين: وتانيا ردي بالك من جنى الحسد والحقد يدير هلبا حاجات.
انا: باه شكرا.
حنين: مسامحتني🙊
انا: هههه عاادي يعني نعرفش نزعل نا راه وجهي زينقو.
حنين: ووووه تهبلي رااك ياارتني مااناشبتك من الاول.
وجت حضنتني.
انا: ههههه مختشه.
معاذ: دومهاااا يااارب شن الي جمعكم ع بعض .
انا: 😨.
حنين: قول مشاءلله لا تاخدنا بالعين.
معاذ: اي بكل شكالات زيكم يتاخدو بالعين ماه.
حنين: هههه صقع عليك.
معاذ: يلاا دردحي من قدام وجهي توا.
وجيت نا بنمشي😂.
معاذ: تعالي جاي مش عليك وانتي ماصدقتي.
حنين: هههه عليا نا عنهاا هاوينك ضياء عاد.
انا: قولي لي ياسر يجي ينقضني.
معاذ: اشببح بينقضك مني متأكده.
انا: اها🙊.
معاذ: لا والله.
انا: اممم كنك.
معاذ: كني ويهز ف راسه.
انا: ههه شبدير.
معاذ: انتي شنبديري الي توخري ووراك بحر ومافش ولا مهرب😉.
انا: يعني العدو من امامكم والبحر من خلفكم😂.
معاذ: يعني نا العدو😉.
انا: حييي خيرهااا عمتي سمييره.
درتهاا بالجو بيش يقبل للخلف ونا نهرب المعنى العام للعب صغار😂هربت.
انا: ووووه يابابا.
معاذ: هههه وقفي خيرلك الانه كان وصلت فيك مش حيحصل خير.
انا: قبلتله وطلعت لساني وكملت جري.
خبطت ف محمد😂.
انا: تي ماتشوفش قدامك.
محمد: من الي مايشوفش قدامه انتي الي بلا فرينوات.
معاذ: متخليهاش تمشي يامحمد.
محمد: باه اجري مانقدرش نسيطر عليهاا الهايشه هادي.
معاذ: ياحماار العمليه كان هذا راه من بكري حصلت عليها.
انا: هايشه ف عيينك ابعد والله نعييط متخليشي يشدني بيضربني😢😂.
محمد: ههههه رسمي بتضربهاا.
معاذ: مش غير ضرب تي قتل.
انا: باباااا يااباباااا تعلالهم.
محمد: تي مسكينه الجماعه كلها تفطر مش حيسمعك حد.
انا: يح بيني وصلت يامعاذ اهلا وسهلا😅.
معاذ: توا يح بينك.
انا: ووووووه والله نلم عليك النااس.
معاذ: اسكتي مصيبتك الحرفه.
محمد: اكيد ترا شن درتي بيش معاذ حطك ف راسه.
انا: كون محضر خير انت والله مادرت حاجه.
محمد: هههه نسأل الله العظيم رب العرش العظيم ان يشفيكم .
انا: اجمعين💦
معاذ متنح فياا ومبتسم وحاط ايده ف جيوبه.
معاذ: شن بندير فيك تواا.
انا: باه شن العقاب و المطلوب نديره🙊؟😢
معاذ: انتي حقيقيه ❤؟
انا: كيف😦!
معاذ: شي فوتي الموضوع.
انا: انباه نقدر نمشي.
معاذ: علاش تتهربي؟.
انا: "ازلطت وعش عرفت شن نقول"... هربتش اني قدامك صح كنت بنهرب لكن مصارش😅.
معاذ: هههه باه ضياء ركزي معاي.
انا: هاا.
معاذ: لا مش هكي ياحبيبتي قيمي راسك وعينك ف عيني كذا.
انا لما قال حبيبتي تحشمت دخلت بعضي وف خاطري ياربااه ماهذا الكائن😍حاولت انه الي صار امس منفكراش فيه لي انه بيسألني رايك ونا امتاا بنجاوب نعرفش شن يصيرلي.
معاذ: اوي نتكلم ناا.
انا: نقدرش.
معاذ: شن هوا الي متقدريشي😔💔.
انا: نقدرش نقيم عيني ف عينك.
معاذ: علاش😂.
انا: معاااذ ماتعرفش تخطاني.
معاذ: الحاجه الوحيده الي منعرفهاش ع قد ماحاولت ماقدرررتش.
انا:😳.
شفت حمزه وحنين ورنا وريهام كيف طالعين وواقفين بعيد ناا امتاا شفتهم عيوني قلوب قلوب نتع جاك الفرج ياتارك الصلاة😂.
انا: يازيزوووو تعال تعال.
معاذ: صار زيزو تمام خلاص توا نمشي نا الي مسببلك ازمه عندك علاش تنادي فيه.
انا: بش قصدي حاجه غير حنين تناديله هك بس.
طبعا مشي وراقيله وخلاني واقفه حت كلامي ماكملته وحسيت روحي غالطه ف لقطت الدلع وبسلتهاا وبيختهاا وكترت علي ماوصوني.
حمزه: ها شنو.
انا: خوووك وله بيطلع مرييض نفسي.
حمزه: قدييمه هادي نسحابه عندك حاجه جديده.
انا: عيله كلهاا شكلها.
حمزه: باه شن دارلك من مصيبه تانيه.
انا: ماداار شي فوتني...كله منك.
حمزه: شن درتلك اللطف ياارب😂.
انا: اوووف.
حمزه: معش تنفخي حرام يهز ف العرش.
انا: باه بااه.
.
.
.
ف تركيا.
نورا: يعرف انه نا معاك.
وليد: لا.
نورا: بااه هاات الكلب ياكلب😂.
وليد: منو الكلب؟.
نورا: انا انا😂.زعماا يعجبه؟
وليد: اي يحبهم النوعيه هادي.
نورا: غريب الانسان اهوا مايحبش القطس والكلاب عادي.
وليد: اي...اهو يتصل وصل.
اشرله بيده وجي هوا وحسن.
سامي: نعم تفضل شنو في.
مشافش لي نورا بكل.
نورا: سامي..وقطع عليها.
سامي: سألت وليد وعلي ماأعتقد عنده لسان ويعرف يتكلم.
نورا: تحكي وتبكي..سااامي عمري ماتوقعت يجي يووم ويصير هك بيناا قلناا بنقعدو اخوات لي اخر العمر ومافيش حد يقدر يفرقناا ضياء بعدت ومعش بدت زي قبل وهذا شي يوووجع فيااا هلبااا وحت انت بتبعد لا هكي بتحطمولي قلبي😭💔.
سامي: انتي الي فسدتي كل شي وانتي الي بديتي تبعدي.
نورا: عاارفه انا السبب وجايه باش نصلح وبججججد اسفه وسامحني وحقك علي راسي من فوق الانه مانقدرش نخلييك تزعل مني وياريت نرجعو كيف قبل واحسن.
وليد: يارفيقي سامحني حت ناا غلطت فيك ومش بقصدي.
حسن: نمشي نجيب سنكر ونجيكم.
وليد: هههه تافه اقعد.
نورا: والله جد ياساامي نقدروش بلاك نحناا🙈.
سامي: مش عارفه شن نقلكن😕.
وليد: ماتقول شي شد هذا.
حسن: اووو فيهاا هدايه ياسامي سمحهم دغري.
سامي: هههه سكر فمك.
فتح الهديه وطلع الكلب.
حسن: اخرتهاا كلب ياكلااب عااد افهمهاا انت شن قصدهم بيهاا ياسامي😂حي حي حي نوراا اسف مش قصدي عليك راه نقصد ع الوليد الكلب😱.
وليد: واطيي😂.
سامي: مش قتلك تسكر فمك احسن😂.
حسن: بورفيق شكله عجبه الكلب تي حوله من تغرك عفنن يارا.
سامي: نا عجبني الوضع هك اطلع منهاا كبدت عليه خلااص ان شاءلله نحطه فوق راسي.
نورا: صافي يالبن🙈.
سامي: لا أمعليف حليب.
وليد: مدام قال هك معنهاا الوضع تمام😍.
سامي: قصدكم بدون غدي الصلحه ماتمشيش راه.
حسن: اي صح هذا الكلام السليم.
وليد: ههههه خلاص الغدي علياا.
نورا: ناا بنروح توا ضروري ماما تستنى فياا.
وليد: باه هيا نوصلهاا ونرجعلكم.
سامي: نورا.
نورا: نعم😍.
سامي: "مطبس يلعب بي الكلب"...تنسيش تكلمي ضياء.
نورا: مفكره فيهاا نبي نحكي معاهاا سكايب ضروري.
سامي: بااه تمام يلاا مربوحه.
نورا: سلام.
.
.
.
نا مقعمزه معااهم وخلااص بننفجر معش نقدر نتحمل نبي انوض نكلمه.
حكيت لي رناا وقتلي انتي الغالطه زادتني علي مابياا.
فات الوقت وتغدو وهدرزوا ولعبو طائره كلهم من الكبير للصغير..وجي وقت نروحو ومعاذ مجاش ابد💔.
انا: رنااا حسناء بتركبو معااي راه.
رنا: ايي ف شوور.
انا: حمزه.
حمزه: هاا.
انا: عصاا ع ضهرك تي وين مفتاح السياره.
حمزه: عند معاااذ.
انا: انبااه..طبعا القيتهاا فرصه بيش نتصل بي معااذ...اتصلت قعد يضبح وقت وبعدين رد...الو.
معاذ: تفضلي.
انا: معليشي يعني اذا ممكن مفتاح السياره عندك ونبو نروحو عادي تجيبه.
معاذ: تمام حاجه اخراا؟
انا: انلا.
معاذ: باه سلام
انا: معااذ
معاذ: نعم
انا: لا خلاص شي فوت😅.
معاذ: باه سلام وصكر طول.
انا: ماعجبتنيش اللقطه ماجاشي حت اشوية فضول ازح اووووف حيوااااان.
سعد: ديماا ندعيلك بالهدايه لكن ماتوقعتك توصلي لمرحله تكلمي روحك😕.
انا: ههههه بابا والله ماني ناقصه.
سعد: خيرك شنو في؟
انا: الحيوان ولد خوك الي قولوله معاذ امبكري جابني ف سيارتي وقعدو المفاتيح عنده.
سعد: عيب يابابا ياحبيبتي تقولي ع ولد عمك حيوان وبعدين توا يجيبهم ماعندهم وين ريحات.
انا: تسخف انت يابابا تي بيطلع مريض نفسياا قولها لي عمي ضروري يعالجه.
سعد: ههههه اسكتي ياحليلك...وهيا تعالي اركبي معانا وتوا يجيبها هوا السياره.
انا: ماني متحركه الا بي سيارتي.
سعد: هياا بلا لعب صغار شن بنيدرولك تواا.
انا: لا متخافش اهو جاي اتصلت بيه يجيبه.
سعد: اه باه كان هكي رد بالك ع روحك معنهاا.
انا: ان شااءلله متوصيش.
.
.
.
العيله كلهاا طلعت قعدنا نا ورنا وحنين وحسناء نستنو ف معاذ ومعاناا حمزه ووساام ف سياره بروحهم...ونفخوهم لين شرف الاستاذ معاذ جاي مع محمد.
حمزه: طييب فييك.
معاذ: هادو شن قعدهم اهني.
انا: وين بنمشو ملااا.
معاذ: ماحدش كلمك.
حسناء: 😂 تم قصف الجبهه.
انا:😒😔.
حمزه: هيا سلامتكم .
معاذ: تعال جاي وهادم من بيروح بيهم.
حمزه:تي ضياء ياراجل امالا علاش يستنوا.
معاذ: هه تي اضحك براا سلم خووي توكل حت انت عقلك اتاكل شكله.
محمد: باه اتبتو ع راي شويا تانيه ويزروناا.
معاذ: برا يابوفتاا منك لييه روح توا نروح بي ها القطيع قالك ضياء تروح بيهم عبو عليكم بكري خزي ع هكي شكالاات.
محمد: اعصااابك يااحارقهم يلااا ربي يعيينك.
معاذ: اقلب زومتك.
انا استكيت فيه هوا الي بيسوق هذا خيره وحقربي مااافي حد يسقمه كل مرا براي شن المخلوق هذا بجنني.
معاذ: الشمس زارقه فيا ولا كيف😉.
انا: 😐😐.
معاذ: هي اركبو انتم فاش تستنو.
حسناء: من القدام.
معاذ: ضياء من قدام.
انا: مانش راكبه😐.
معاذ: اركبوا انتم اركبوا...كيف قلتيلي.
انا: مانش راكبه.
معاذ: في من تعاندي.
انا: ماحد.
معاذ: وبعدين.
انا:😐.
معاذ: هياا راني قاعد مصبر بالي ومانبيش نفصل فأركبي باالتي هيا احسن.
رنا: ضيو بلله عليك اركبي وفوتينا من الجو.
انا: المال مال ابوناا والغرب قايين يطردونا.
معاذ: شن تفتفتي.
مشيت ركبت طول مع انه هوا المفروض يحرج لكن نا قلبتها عليه😂💔.
ركبناا والاخ ينكت ف الطريق.
حنين: شغل الميوزك.
معاذ: دقيقه وقف اشارة مرور وطبس فتح الدرج طبعا الدرج فيه فلاشات وروج وريحه ومستكه وورق...بيطلع الفلاش طلع الروج شافلي ولوحه من الروشن ناا كأني لوح قلبي ضربته ع راسه بما انه كان مطبس هوا نفشخ ضحك ع ردة الفعل الي درتهاا.
انا: تي خيرك اززح تعرف بكم شاريته هذا.
معاذ: اولا تي وازح معش نبي نسمعهم وتانيااا " قالها بشويه" مش ضروري الانه تهبلي بلاه😍.
طبعا رنا فاهمه الجو وحنين حاسه وحسناء مستغربه😂.
باعد وشغل الميوزك ويضحك عليا كيف خدودي حمر .
معاذ: واخيراا حاجه عربي ومش الشحي.
حنين: خليها خليهاا اصاله مليحه.
معاذ: لا اهياا مليحه.
حنين: مبيخ ذوقكك.
معاذ: علاا الصوت ع الاخره وغمزلي وقبل للروشن ويمشي في ايده ع جبهته.
وامتاا يدير معاذ اللقطه هادي فهوا يا متوتر يا متلبك يامتحشم ههههه كلهم نفس المعني المهم حاجه كيف هكي ماعرفتش كيف نوصفها😍.
.
.
