حكايـة ضيـــــاء
الحلقه14
احمد: مش ف الحوش بكل ورجع للكتيبه تاني.
سميره: لاااه وتوا كيف قلت علااش مخليه يمشي بدل ماتوقفه ميشفعش الولد هدا مش جرب وشوياا ومشى فيها واحناا قلناا خلااص معش بيولي شن خطرله يااربي بس شن خطرله يااحسنااء جيبي الهااتف خلي نتصل بي خووك وكلمي بووك نوضييه.
احمد: فاصل ونواصل هدي روحك😂.
سميره: شن يضحك فييك ماه عندك الحق مش انت الي تاعب فيه وجايبه ومكبره هاادي كبد جيبي الهاتف بسرعه.
حسناء: باااهي.
سامي: احمد عليش الكذب.
احمد: غير اسكت خليهاا تحصل رعشه بسيطه مش حتأتر 😂.
حمزه: تي وربي الا عيل بعد لاشفت.
احمد: العب بعيد يا....
سامي: رسمي مش طبيعي امك هاادي علاش تخوف فيها ولا تبي يصير فيها حاجه بيش تحس راه واعره اسئل مجرب💔.
احمد: تي باه وانتم ولعتو فياا انبصرو احناا.
حمزه: الامور هادي ميبصروش فيها.
احمد: برا عااد ياميييي يوماا ياااام.
سميره: اسكت قاافل حتي هاتفه.
احمد: جي بجنبهاا..ياحنينه" كلمت معاذ المعتاده لما ينادي امه ديما يقولها ياحنينه" راه نبصر علييك😂مشي للأستراحه هوا والولاد بايت غاادي.
سميره: ترا احلف تكذب علياا وله.
احمد: ولله زي مانحكيلك.
سميره: وعلاش هاتفه مقفل.
سامي: مرات مافيشي شحن.
سميره: مش حنصدق لين نكلمه ولدي ونعرفه ماه دايرها قبل وماشي من غير مانعرفو وقافل هاتفه وجانه مصاب.
احمد: محرفهااا من كلمه قلتهاا.
حمزه: تستاهل مايجيك.
سميره: اتصل بواحد من صاحبه الي مشي معاهم للأستراحه .
احمد: ماعنديش ارقامهم وريحي روحك والله الا ف الاستراحه.
سميره: حمزه اتصل بي عبدالرحمن هما ديما مع بعض.
حمزه: توا نشوفلك كان عندي رقمه...استريحت احمد توا.
احمد: 😅😁.
سامي: وربي ماتستحي.
حمزه: القيته اهو نتصل بيه.
سميره: اي تربح وليدي.
حمزه: الو سلام عليكم.
عبدالرحمن: وعليكم السلاام.
حمزه: كيف الحال ياعبيد.
عبدالرحمن: بخير شجوك انت ياحبي ان شاءلله خير مش من عاويدك تتصل.
حمزه: كان مش الوقت جبرني راه ماتصلتش بيك يااهطل😂.
عبدالرحمن: ههههه باه تفضل ان شاءلله نطلع قده ونخدمك ف الي جابرك الوقت عليه.
حمزه: لا ساهله متخافش معاذ معااك.
احمد: افتحلها المايك بلله بيش تصدق.
عبدالرحمن: اي معاي خيره.
حمزه: وين انتم.
عبدالرحمن: ف الاستراحه.
سميره: قوله يعطيهولك ترا .
احمد: عليك حصله😂.
حمزه: عبييد اعطيهولي بلله.
عبدالرحمن: كم طعتي.
حمزه: هيا بلا جو.
عبدالرحمن: معااذ تعال حمزه خوك يبيك...هههه اهو معاك.
معاذ: ها عيت حنه ماصدقت افتكيت منكم لاحقيني لاحقيني يعني.
حمزه: استاحشناك ماه.
معاذ: من انتم 😂.
حمزه: خود امك تبيك.
معاذ: خيركم شن سامعين شكلكم تودعو ياعيله 😕ولا كيف.
سامي:😂😂شكلهم.
معاذ: شكلك فاتح المايك.
سميره: وينك ياهم يابلي علاش قافل هاتفك توا تروح للحوش ها قتلك نشوفك وبعدين ولي.
معاذ: غير بشويه علينا ياحنينه عيب تهزبي فيا قدام النزيك ولد اختك واصلاا شويه وبنروح اجلو موتتكم ساعتين بس.
سميره: تواا قتلك.
معاذ: ايااح شن عرفتي بس بيش دايره الدوشه هادي كلها.
سميره: تعال وسكرفمك.
معاذ: مقبوله منك.
سميره: غصب عنك.
معاذ: حنينه.
سميره: نعم ياقلبي.
معاذ: احترمي طولي شويه.
سميره: هههه ربي يحفظك انت وطولك.
معاذ: اي توا تمام ويخليك ياغاليه.
سميره: هي سلامتك.
معاذ: سلام.
احمد: شن تريحتي توا .
سميره: قاعد عندك عين تحكي انت .
احمد: لا عندي فم يشوف .
سامي:😂😂 قويه منك .
سميره: باه باه يا احمد شايفهم ياسامي وله واحد يرفعلي ف ضغط والتاني السكر.
حمزه: الحمدلله والتالت ينزل فيهم صح وله وجي حضنها ويتبورد عليها.
سميره: ههههه اي انت مشاءلله عليك غير حول حول بنمشي للمطبخ ناديلي حسناء وحنين.
حمزه: من عيوني قداش عندي سوسو نا .
احمد: اشببح السحنون قداش عندي سوسو نا مش منك من الي مصبح ع صوتهاا.
حمزه: 😒😒عييل.
نزلو حنين وحسناء حنين مشت المطبخ قاعده متحشمه من سامي كيف انه امس خبطت فيه واليوم نازله من نومهاا مشفشه😂💔.
حسناء: اوو سامي نورت شنجوك.
احمد: ها حبي جت.
حسناء: بارد😝.
سامي: تمام شن امورك انتي.
حسناء: ماشياا والله.
احمد: حنين وين😂.
حمزه: مبسلك معش تتبارد عليهاا براده زي هادي ايووه احسلك.
احمد: يمه خفت..حنين ياحنيين فوونك تعالي خوديه.
حنين: "تعيط من المطبخ" معششش نبيه خوووده نقعه واشرب ميته لكن مردوووده يا احمد.
سامي: غير تعالي سلمي .
حنين: ...
حمزه: هههه نساتك انك اهني حنوو تعالي تعالي مدوريهمش .
حنين: جت تمشي وراسها لوطه..حمزه😢.
حمزه: جاهاا..ياعيون حمزه.
سامي: يصفق👏👏 تم المشهد ولا مزال😂.
احمد: ههههههه ووووه صحيت عليها.
سامي: ربي يكون ف عونك خالتي ننقانه رسمي الا عندك مجانين.
حمزه: خلينا العقل لييك..سلمي علي السامط هدا يكون ولد خالتنا.
سلمت حنين ع سامي ومحكتش ولا كلمه وهوا يشفلها ويضحك جابو الفطور وفطرو وطلع سامي جي شور حوشنا طق فتحله بابا.
سعد: اهلاا سامي شن جو تفضل تفضل.
ليلى: اووو سيمو شخبارك عاش من شافك.
سامي: هههه تمام الحمدلله كيف حالكم انتم وشن دايرين.
ماما&بابا: تمام الحمدلله.
سامي: امالاا وين ضياء.
سعد: مشت مع رنا بنت عمها.
سامي: اها.
سعد: اي امس قلتلي نبيك ف موضوع ان شاءلله خير.
ماما ناضت تسحابه موضوع خاص.
سامي: خير خير والله نبي نمشي للشرق قلت نقلكم بالك تمشو معاي تونسوني ومنه سياحه والقرار يرجع ليكم براحتكم طبعاا.
سعد: تمام ولا يهمك راي ملييح منه نغيرو حتي جو امتاا مقرر تمشي.
سامي: زي ماتحبو انتم .
سعد: خلاص خير البر عاجلو غدوا نتوكلو ان شاءلله. ليلى: ماما جابت عصير وجت...ان شاءلله خير وين ماشين .
سعد: بنمشو كلنا غدوا للشرق ان شاءلله.
ليلى: تمام ميه ميه احسسن حاجه😍اتصل بي ضياء قلها تجي.
سعد: هاتفها هني .
سامي: معنها خلاص متفقين.
سعد: اي ان شاءلله بينا تليفون.
سامي: تمام هي ماتبو شي.
ليلى: وين اقعد كمل طاستك.
سامي: لا هوا هكا.
طلع سامي من عندنا شفته لما طالع بيبت عليه جااني.
سامي: ضيااء شن اديري اهني.
انا: اركب اركب توا نحكيلك.
سامي: اوو جديده تربي ف قطوس.
انا: اي ماليش هلباا توا المهم علاش مقتليش انك تعرف عيت عمي رجب.
سامي: انتي لما حكيتي عليهم عرفتهم طول وجيت بنقلك مصارش قلت خليها مفاجأه وننقانها فاجعه طاحت ع راسك.
انا: وملاا فاجعه.
سامي: شكراا😂.
انا: عفوا😓.
سامي: كنك قارنتهم؟.
انا: عادي تروح بياا.
سامي: ههههه وين ان شاءلله حوشكم قريب.
انا: لا مش هدا تروح بيا لي تركيا.
سامي: كنك ضياء حرارة ارتفعت ولا شن.
انا: نتكلم جدياات كرهتها العيشه اهني تخايل انه منتطلعش الي مره ف الاسبوع وها المره يا بنمشو لي مطعم ياسوق بس.
سامي: اهو توا بتطلعي.
انا: لا قاعده راه ميغركش المظهر انه ف سياره نعيش ف الدور بس واصلاا النم معاذ يخلي حد ف حاله.
سامي: شن دخل معاذ ف النص.
انا: مدخلاش غير نا نفسيه.
سامي: لالا حالتك متطوره وتخوف ومينسكتش عليها الصراحه.
انا: سامط .
سامي: رشيلي ملح .
انا: والله ماعندي خلوق لي حاجه.
سامي: باه كنك شن في عليش هدا كله.
انا: حكيتله ع قصة ماما.
سامي: وشن دخل معاذ برضو ف هادي القصه.
انا: معاذ هوا الي جابلي القطوسه ولقطته مليحه بكل لكن ماما كان نا مدرتش الدراما هاادي كلهاا راه مشت وقتله وخلتني ف موقف بايخ.
سامي: اوو جو باه وانتي عليش مهتمه واجد بي الموضوع حتي كان امك مشت قتله عاادي يعني.
انا: تي لالا مش عاادي بكل لقطه مش حلوه الصراحه.
سامي: يعني نفهم غلط ولا كيف😉.
انا: لا والله مافي حاجه متحطش ف بالك.
سامي: نحاول نصدقك.
انا: طز فيك جعنك ماصدقت.
سامي: كنك ياخمجه هدا كلام ليا انا سيمو.
انا: اي😛.
سامي: باه نوضي وتي شنطتك بيش نشيلك معايا لي تركيا بكرا.
انا: قصدك مروح غدوا😮.
سامي: اي صراحه جيت هني ع خاطرك وانتي مش معبرتني وتتكلمي من راس خشمك قلت نروح احسلي.
انا: سيمو والله ماصارهاا عاااد سامحني ام سوريي بش قصدي والله غير ف حاجات عكرو مزااجي وفرحت بجيتك قريب طرت علااش تقول هكي اقعد ماتروحش😢.
سامي: هههه نبصر عليك وانتي بتبكي يااهمي وتي شنطتك بنعدو للشرق بكرا كلمت باتك ووافق.
انا: خزي ولله ماتسحتي خلعتني وترا احلف انه بنمشو😍،
سامي: والله😂.
انا: وووووه احسن واحد انت.
سامي: عارف يلا نوضي نعطيك حاجات بعتتهم نورا.
انا: نورا هاادي تغيرت من لما بدت تكلم ف وليد وربك يسترهاا وخلاص.
سامي: كنهاا.
انا: توا نحكيلك بعدين هيا نزل دوشه معاك.
سامي: لا دوشه لا هدوء نزلي قطوستك بروحك عارفتني منحبهمش.
انا: ههههه شفتي يابنتي خالك مايحبكش.
سامي: ههه ربي يتبت عليناا العقل والدين .
انا: اسمع سامي نقلك حاجه.
سامي: قولي.
انا: منقدرش نمشي معاك توا معاذ يشوفنا ويدير قصه جيبهم انت وخلاص.
سامي: حي ع خوافه ضياء تخااف من ولد ياودي كبيره هادي.
انا: مش قصة خوف ولكن😅.
سامي: باه باه صدقتك هيا قدامي معاذ مش ف الحوش .
انا: غصبن عنك😛.
سامي: خيرلك.
انا: انباه🙊.
مشينا نا وسامي قتله توا نستناك بجنب الشجره الي مقابله الحوش دخل وجاب ف ايده كيستين كبار وجي.
سامي: هي تفضلي وبطوول عمرك ان شاءلله.
انا: تشكر ادريم😍🙈.
احنا واقفين دخلت سيارة معاذ ودرسها بكل غل لين دارت صوت ناا قلت بينزل بيفصل علياا وبسمعني كلام يجرح مرة تانيه اكتر ماسمع لكن صار العكس نزل بكل هدوء.
معاذ: خير ياسامي ربي يعاون 👋.
سامي: سلمك.
ودخل طول حسيت بي استكراد مش عادي بكل مع انه هوا الغالط معااي تمام نا اغلطت ف لقطه متع سامي لكن هوا زودها بي الكلام الي قاله ولقطات الاستحقار الي يدير فيهم.
انا: هاا استريحت برا عااد اهو شافناا الدراه والله حسيييت انه بيجي وشوفناا.
سامي: باه كنك مكبره الموضوع عادي يعني.
انا: وووك ياربي الصبر هات خنمشي نا اليوم الواضح من بدايته تبشر بي الخير.
سامي: باه اسفين بشويه علينا.
انا: فوتني سامي.
سامي: باه فتناك بري هي .
انا: زعلت .
سامي: لا اموري طيبه غير خففي من العصبيه طلعيها علي الي معصبك شن دخلي اناا.
انا: ان شاءلله😊باه امتا بتمشو غدوا.
سامي: مش عارف علي باتك شن يقول.
انا: باه.
سامي: بري شن قاعده واقفه ولا تبيني نوصلك.
انا: ياريت الانه كيف بنشد الاكياس وف ايدي دوشه.
سامي: عليك قصه هاتي هاتي.
انا: كان تبيش عادي خليني توا نرجعلهم.
سامي: بريي واسكتي.
مشينا وحطيت القطوسه ف السياره ودخلت للحوش وسامي ولآا.
دخلت طول لي داري من غير مانحكي فتحت الاكياس الي عطاهملي سامي ف الكيس الاول القيت صندوق حلوى وشكلاته الي نحبهاا😍وكوب عليه صورتي نا ونورا عرفت انه من نورا والكيس التاني فيه قفطان لونه وردي لي الكعبه منفوش شويا وفيه زي اللؤلؤ طلعته وعرفته طوول سامي الانه صاير موقف عليه القفطان هدا 😍😂"مره انا وسامي ونورا ف مول كنا متعاندين وياخدو ويحطو ع شن بيكون الرهان وهما ماشين خطمنا من بجنب محل وكان القفطان هدا معروض نا عجبني هبلت فيه قلتلهم بتجيبولي القفطان هدا كان طلعت نا صح قالو باه دخلناا سألنا بكم طلع غالي هلباا😂 وف الاخير طلعت نا الرابحه لكن مشرهوليش الان غالي قلتلهم لا" وتوا سامي الحيوان جابه😍نوضت نجرب فيه وطلع عليا حاجه صح علقته وطلعت شنطه صغيره وحطيت فيها الي نبيه وسمعت الاذان توضيت وصليت وقعمزت ع نت القيت نورا بعتتلي رديت عليهاا مع انه معنديش نيه وتشكرتهاا وسكرت
.
.
.
سميره: طيب فيك شرفت.
معاذ: باه ها جيت اي خدمه تانيه.
سميره: لا خلاص المهم شفتك اي وحقا باش ترفعني بعدين لي عمتك نجوى.
احمد: اوو معاذ روحت ياطيري وجي حط ايده عليه.
معاذ: حول حول مش ناقصك .
احمد: خيره هدا.
معاذ: ما خيرني شي ياراجل فوتني.
احمد: باه فتناك برا وانت ع سبله .
جي بيمشي لداره قابلاته حنين.
حنين: معااذ عادي ترفعني اليوم لي صاحبتي.
معاذ: اييييي علينااا معاذ معااذ يرزيكم فييه ان شاءلله هالمعااذ متدهشوش طلبااات تراا اقلبي من قدامي لا صحبتك لا سو اخطي ام اميي اطلعي من راسي انا من غير شي راقيلي.
جت سميره وحمزه يجرو.
سميره: خيركم اللطف شن صار.
معاذ دخل للدار ومعدلش عليهم وحنين خنقتها العبره وبدت تبكي وحمزه يفهم منها ف الموضوع وهيا تبكي وتتكلم معاذ سمعهاا وجعاته وعرف روحه غالط حتي كان تعصب مفروض مكشخش عليها طلع بعد ماهدي شويه يراضي فيها ع اساس القيها مقعمزه ع صالون هيا شفاته ناضت.
معاذ: غير شنو حنوون زعلانه غير تعالي تعالي.
حنين:...
معاذ: تي تعاااالي.
حنين: ولت وقفت قدامه وراسهاا لوطه وقالبه وجها.
معاذ: هههه شكلك رسمي حرجتي مني توا ف وحده تزعل من خوها.
حمزه: لما يكون خوهاا غالط بتزعل اكيد.
معاذ: ام زكي اطلع منها...هالو حنو حنون حنيوا متزعليش مني بكري امك تتشرط ونا راقيلي وانتي جيتي بعدهاا طول فصلت عليك ياستي اسفيين ومنك السموحه.
حنين: بتضحك وبتبكي مش مصدقه انه معاذ الي يتكلم مسكينه.
معاذ: ها شن قلناا.
حمزه: هادي مترضاش ببلاش .
معاذ: عادي الي تبيه نحيبهولهاا قداش عندي حنين ناا.
حنين:😳 .
معاذ: بري البسي وتعالي نستنا فيك ف السياره.
حنين: اقسسم.
معاذ: دواهم ياكبدي😂بري بري.
حنين: تتكلم جديات .
معاذ: عندك ربع ساعه بس سقدي.
حنين: باه تسمح بمرافق ولالا.
معاذ: لا واستعجلي بلله.
حنين: تمام.
معاذ: امييي ياا اميي هي وتي روحك بيش نرفعك حتي انتي مره وحده.
سميره: ان شاءلله .
حمزه: تحطني حتي نا ف طريقك.
معاذ: شوف بالك بوي مرات حتي هوا يبيني نحطه ف شي مكان معندكش علم بديت نشتغل سواق عندكم ماه.
حمزه: ههههه.
معاذ: تضحك وعلاش متمشيش في سيارتك.
حمزه: واقفه.
معاذ: احسسن.
