منقولة
حكايـه ضيـــاء
الحلقه20
معاذ: رااح يقعد عندي بري ادخلي.
جيت نبي ناخد منه المفتااح ولما شفت دم ع البلوزه حطيت يدي ع راسي وعيطتتت.
انا: حييييييي.
معاذ: اسكتي اسكتي عادي ماتخافيش مصار شي.
انا: كييف مصااار شي دممم هذا ع بلوزتك يامعااذ دمم متشوفش انت.
معاذ: عاارفه دم ملا عصير رمان.
انا: بتهبلني انت😭.
معاذ: وانتي ناويه تشيبيني.
انا: ماتبيش نرفعك انا وله ماشياا بناادي ياسر متحلمش نقعد نتفرج علييك هكي وتتحرك من مكاانك نكمل عليك ونقتلك .
معاذ: ضيااء ياضياء ووووك شن هاالفرخه متسمعش لي حد اززفت... وقعد يضحك زي المجنون.
دخلت نجريي قابلتني ماما والنساوين حاولت نسلم عليهم بطريقه عااديه وهما يسألو فياا ونا مش معاهم بكل وطلعت وخليتهم يسألو وناا مستعجله نبي ياسر مشيت لجناح الي مقعمزين فييه الرجاله سلمت عليهم وطلعت نجري ندور ع ياسر شفت رناا وسمير واحمد وحمزه ومعاهم البنات واقفين نزلتلهم نجري لا سلاام لاهم يحزنون...
انا: ياسر وييين
رنا: مندري لكن شكله طلع علاش شن تبيه وخيرك داهشه هكي
انا: جعنك مادريتي تي نبييه ضروري...يااسمير مقالكش وييين.
سمير: لالا...نتصلك بيه؟
انا: لا منور تعاال حمزه معاااي.
حمزه: هيااا.
حنين: نمشي معااكم😒.
انا: قلللت حمزه نااا تراا فكيني من غيرتك تواا وهنيلي روووحك مش وقتك بكل.
رنا: ياضيوو شن في😯.
انا: توا نحكيلك بعدين.
وركبت انا وحمزه نجري ونقله اجري
حمزه: ضياء شن في خوفتيني.
انا: بنرفعو معاااذ للمستشفى.
حمزه: وييينه خيره شن صايرله .
وصلناا لي معاذ وكان وااقف ع سياره بكل بروود.
حمزه: معاااذ حييي شن الدم الي ع سوريه.
معاذ: ها جي التاني دم يعني حاجه غريبه شفتوها ولا كييف.
حمزه: اي عاارفه دم سبب الدم شن هوا؟
معاذ: أشر علياا👈وبدى يتبلاا😂.
انا: فنصت عيوني..الله ياكذااااب والله ياحمزه ماتصدقه رااه قتله متسوقش انت خليني ناا الي نسووق سكر راسه وماباش.
حمزه: عارفه تييس يلاا اركب هاتي ياضياء المفتاح نمشو بسيارتك هدوكا في القراج.
انا: عند معاذ.
معاذ: غير استهدى بلله وين بتمشي.
حمزه: نشوفو الجرح خيره ينزف.
معاذ: تي ياراجل واضحه العمليه نفتحت وصبت دم وتوا ندواهاا وتم الموضوع وانتم حشيشتكم تكبرو ف القصص اززح.
انا: حمزه متسمعش كلامه اسمع كلام الدكتور مرات تكون ملتهبه ولا حاجه لا قدر الله.
معاذ: ها بدت تفاول الاخت.
حمزه: جبد منه المفتاح وركب ولع السياره.
معاذ: حمزاوي برا وتعالا وقولي شن قالك الدكتور وان شاءلله لابااس علييك ياغالي😂.
حمزه: اركب ياتافه.
معاذ: مش راكب.
حمزه: علييك معيله اززح اركب مترقيهمش.
انا: اي حت نا رقهملي.
معاذ: قاعد نخااف من المستشفى😂.
انا: بلله شنو😂.
حمزه: هههه واطي والله رسمي ياضيااء قبل كاان يخاف من المستشفى.
معاذ: بما انكم فتحتاها هدرازي انزل ياحمزه ونهدرزو مع الشباب كلنا مع بعضينا.
حمزه: تفهميناا معاه ياضياء انا أيست منه.
انا: معاذ🙊.
معاذ: متحاوليش وانت وجهك نقلب اشحطي عيونك لا يطيحو.
انا: خزي مافش منك أمل ياانت😂.
معاذ: ماه ياانتي اخطيني توا يبدا في مني امل وسعاد اخرا😉.
انا: بااه خلااص توا بنحكي جديات😠.
معاذ: احكي ياواعره😒.
انا: عندي خاطر عندك؟.
معاذ: لا عندي خيريه ليك.
انا: ياسااامط اسمعني.
معاذ: تي نا مش غير نسمع نشوف حت الشوف😍.
انا: بلله عليك برا للمستشفى اطمن وطمنا عليك وروح شن فيهاا من مشكله ع خااطري بلييز🙈.
معاذ: ياربي الصبر...وكان يشوفلي ونا حاطه ايديا ع وجهي.
انا: نحيت يدي ع وجهي القيته يشبحلي تحشمت نزلت عيوني وهوا ضحك فهم اني تحشمت...ونسينا حمزه ف السياره.
حمزه: ها شن صار معاكم سمعت اغاني الشحي كلهم الانه مافيش غيرهم وانتم قاعدين مكملتوش دوتكم.
انا: لا خلااص تم وافق معاذ...وشبحت لمعاذ😶🙊.
معاذ: هههه ملاا انتي وسعي من قدامي.
انا: حاظر اصلاا بنركب من خلف نا.
معاذ: تركبي عيينك والله مااك خاطتتهاا خطوه معانااا تضحكلهم يركبو علييك اززفت.
انا: الكلام هذا والتهزيب ليا انا😯.
معاذ: اي واقلبي تواا بيش ماتنضربيش قالت نمشي معاكم قاال تسحااب روحهاا ف تركياا.
انا: غمتت عندي وقعدت نشوفله.
معاذ: هياا اطلع حت انت خير مانفصل عليك.
حمزه: ضياء ارجعى وفكيناا منه النفسيه اهواا وامسحيهاا ف وجهي.
انا: لا عاادي...والتفتت بكل هدوء ومشيت ونا نفكر ف منفصم الشخصيه مره يعاملني كويس ومرااااات لا...قعمزت ع الشط وقعدت سرحانه ف البحر طبعاا مبااش حد يكلمني ولا يستفسر علي الي صاار الانه فهمو الموضوع كيف ماحليلوه لا اكتر.
رنا كانت واقفه ع سمير ومافيش حد يعرف انهم يحبو بعض الان كلهم يسحابوهم اصدقاء زي قبل وديماا جوهم هكي.
رنا: اسمع بنمشي نشوف ضياء ضروري منقدرش نصبر.
سمير: هيا حت نا بنمشي.
رنا: باه مرات بنحكو ف حاجات خصوصيه انت شن موقعك من الاعراب.
سمير: قدامي لا تتشلبخي.
رنا: بااه🙊.
سمير: صبرني ياارب😂
رنا: ربي يهديك امشي امشي.
.
.
.
كانت جنى ف الحمام وكيف طالعه القت حنين وجنات ف الدار مقعمزين ويخططو.
جنى: الحقيره الحيوانه والله توا تشوفي يارناا توا تشوفي.
جنات: فوتيهاا تي انتي فااتك نص عمرك بكري جت ضيااء تجري ومتخضرته وتحكي بسرعه تبي ياسر مالقتاش قالت لي حمزه تعال معااي ولي توا مافهمناش شن تبي فيهم.
جنى: اكيد مدايره فاالطه ولا حاجه.
حنين: شن تبي ف حمزه المشكله نتصل بي حمزه مايردش إدخل ف خويا ف معامعها الفرخه اهياا من حد لاجت واحناا مصايب فوق راسناا.
جنات: فكوناا منهم وتوا قولولي ريمو يبي يشوفني كيف يصير.
جنى: دخليش بييك يشدك حد فيهم اقعدي حاصله بعدين.
حنين: مااعليك فيهاا خليني ناا توا نرتبلك شوفي محمد وحمزه وياسر وحت معاذ الحصله مهنااش هادو متخافيش من ناحيتهم وسمير واحمد ووسام لوطه مكسدين مع البنات وكان صار وركبو فوق او اي شي جنى تتصل بيناا.
جنات: باه وين نتلاقوو.
حنين: ورا الاستراحاات يعني وين بتتلاقي قدام النااس ومطوليش شويه بس راه.
جنات: لا تعالي معاي حت انتي باش كان صار شي تنقضي الموقف.
حنين: باه بااه.
جنات: يعني نتصل بيه تواا.
حنين: اي اتصلي سقديناا...اوي جنى نحن هناا.
جنى: لماا نوريها التافهاا.
حنين: اخطيهاا رااه هياا وضياء كلهم جايين معاهم...يعني انت الغالطه ف كلتاا الاحوال.
جنى: وحناي ديماا جايه معااي يعني يبرأ ف حناي تحكي لي خالو وتاكل ع راسها انسه رنا.
حنين: أميمه مدخليهاش خليناا نتهنو بطلعتناا بلله علييك مديريش عركه ع الفاضي.
جنات: اي صح فكينا خلي نتلاقه مع حبيبي وبعدين قربعها الدنياا.
جنى: الي هذا يدور ف مصلحته.
حنين: هههه اكيد.
.
.
.
رنا جت قعمزت بجنبي وسمير واقف قدامي حاولت نوضح روحي انه عااديه ومافياا شي واناا مشاعر واحاسيس العالم كلها فياا ومش عارفه فاش نفكر.
انا: اهلا بي روميو ووجوليت.
سمير: هههه عليك لقب قنين.
رنا: هابا عجبه ياكبدي.
سمير: مش عاجبك انتي يابنيه😉.
انا: ترا اخطونا من الجو اهواا عندي جفاف من ربي مش ناقصتكم.
رنا: هههه باه..وقعدت تشبحلي.
انا: نفهم فيهاا النظره هاادي.
سمير: حت نا نفهم فيه الجو هذا خلي نمشي بكرامتي ونخليكم ع راحتكم.
انا: وحق الله لما تقعد يعني واضحه ناا بنحكي لي رناا رناا بتحكيلك بعدين فاأسمع مني خير ماتسمع منهاا😂.
سمير: حي وحي😂
رنا: خزي مانديرش فيهاا ناا.
انا: مااه ياابنت عمي خليناا ف ارض الوااقع عااادي عاادي تحدت ف ارقى العائلات.
رنا: تف تف واطيه.
انا: شن تبي تعرفي باه.
رنا: اول حاجه علااش جيتي خايفه وتجري وتبي ياسر ورفعتي حمزه.
انا: مااه المختش الحيواان التااافه المتخلفف الي مايتسمى معااذ.
سمير: الله الله الله.
رنا: كملي فوتيه مريض زيه حت هذا.
سمير: قده الكلام هذا يافالحه انتي.
رنا: قده ونص😛.
انا: ووووه بتسمعو ولا نحلف معاد حاكيه كلمه.
رنا: لالا خلاص كملي كملي.
انا: طبعاا ماباش يخليني نا نسوق وهوا سااق السيااره زي الحقير وعمليته قاعداا طازه المفروض مايتعبش روحه هلبااا وامتاا وصلناا شفت ع سوريته دم معش عرفت شن ندير ناديت حمزه رفعه للمستشفى بعد جهد جهيد.
رنا: اييي عليك قصه.
سمير: توا نتصل بيهم.
انا: حقاا ياحقيره علااش مشيتو وخليتوني.
رنا: قصة طويله ياحنه.."وحكتلهاا قصة جنى شن دارت"
انا: هههه ان شاءلله ضربتيهاا جديات.
سمير: تي اسكتي سااكته بركت عليهااا خلتهاا هياا ورمله واحد الله واكيلك نا بروحي تفاجئت من هدا الذي امامي😂.
انا: هههه تي باه ناا مش معااهاا كان هذا خليناها تحت الرمله.
سمير: هههه نسييت انه الطيور ع اشكالهاا تقع.
انا: شكراا.
سمير: عفواا ولو.
رنا: شن قالك حمزه؟.
سمير: ف الطريق مروحين ومافي شي زي الجن حت مريض ماسلمتش من لساانه.
انا: 😁😍.
سمير: أوبااا ويين ع الابتساامه من الوذن للوذن😉.
انا: ءء شيئ شن فيهاا يعني باه الحمدلله ماطلع فييه شي كان هذا راه متت.
سمير: حيييي تصرييح هذاا ولا كييف.
رنا ميته ضحك علي عباطتي وكيف نفترش ف تفتريش مش طبيعي ابدا.
انا: بدل لا تضحكي ابعدي راجلك من قدامي لا نرتكب فيه جريمه.
سمير: بشويه بشويه معقوله توتر هذا كله😂معاااذ يديره.
انا: رناااا تفااهمي معااه اقعدو ف امهاا هي .
سمير: هههه غير تعالي وين مااشيه نبصر رااه.
رنا: حي ع امك انت بتفضحني قدامهاا ولا شنوو قلتلهاا معندااش علم يادرااه رد بالك تزلق مره تانيه😠.
سمير:حاظر من هاادي قبل هادي" اشر ع عيونه".
.
.
.
انا: بابا ياا بابا.
سعد: نعم.
انا: نبي شنطتي ويين.
سعد: قلت لي رنا تنزلهم منزلتهمش شكلهاا.
انا: اي.
سعد: بااه توا نمشي نجيبهالك.
انا: والله ماصارهاا توا نمشي ناا نجيبها بروحي أدخل انت.
سعد: باه هااك "ومدلي المفتاح".
خديت المفاتيح وماعنديش نيه ف الحيااة الجهد طاايح وحاسه روحي فااشله مش قادره حت نمشي وماكليت شي من الصبح ونايضه بكري وداخله بعضهاا...وزادهاا علياا معااذ كيف يعامل فياا مره يقرب ومره يبعد معش فهمت هوا شنوو مرات نحسه يبادلني الشعور ومرات نحسه يكهرني ف الدم واليوم جرحني وفرحني ف نفس الوقت لقطاته الي دارهم عجبتني لكن علااش يهزب نتقبل فكرة انه مايبيش يرفع بنت معااه المستشفى لكن مش هكي ع اقل قالهاا بي اسلوب والله كنت راح نتفهمه.
لكن مش هكي اخخخخخ وخلااص...ماعمرى جربته الشعور هذا اول مره نحسه صح حلووو لكن لما يكون من الطرفين والاتنين معترفين لي بعضهم صعب لماا تكوني تايها ومش عاارفه الطرف التاني اذا كان يبادلك الشعور او لا...خلييت عقلي وقلبي يتعاركو مع انه عاارفه قلبي رااح يفوز الانه توا كيف عينته هوا المدير او بي الاحرا معاذ الي خلاه يطلع للواقع ونا كنتش نبي نطلعه كاان عاجبني عقلي كيف مسيطر ع كل شي..لكن شن بندير هذا الحب ع قولتهم مش انت الي تحدده ولا انت الي تختاره هوا هكي يجي فجأ من دوون لا تحس ولا تتوقع.
ووقعدت هاذي الحورات كلهاا لين وصلت ف السياره خديت الشنطه وشفت كافي وجنينه فيهاا شوية العاب ضربتها ف عقلي ومشيت جيهت الكافي نبي ناخد كابتشينو نعدل مزاجي اشويه.
انا: لو سمحت.
الشاب: عيون اللو سمحت😍.
انا: زارتني الضحكه ع لقطته كيف نقلب لما شافني...سلم عيونك نبي كابتشينو لو تكرمت.
😕استغرب كيف قتله سلم عيونك😂والله ماكنت نقصد بيهاا حاجه لكن الله غاالب الي ضاربه النقص ضاربه وماكنتش نعرف انه الي تعطيه وجه ف ليبيا وتحكي معاه بأسلوب وتضحكيله يهزاا عليك ويسحاابك قليلت ادب والله عندهم الحق ماتمشي معااهم الا البنت الي تقلب ف عيونها تقول باربي خاربه😂لكن يلاا.
الشاب: حااظر😜.
قال لي الي وراه يجيب واحد كابتشينو قتله خليهم اتنيت اذكرت رنا ماه😅.
الشاب: حازم.
انا:😕.
الشاب: اسمي حازم😂.
انا: بااه عاشت الاسامي ياحازم.
الشاب: حي علي ام اسمي يهبل طالع منك قولي مره تانيه بلله عليك.
انا: اويي هيي انت اصحى خييرك فييش تحس قلناا نبي كابتشينو ماصدق بيتعرف الرااجل...اماا ابدااع تي شنو هذا.
الشاب: باه اسفين يا أنسه هذا الكابتشينو وعاوديها مره تانيه😜.
انا: شوية كراامه يااهو لي خوناا هذا محتاجهاا...وطلعت وخليته مفور توقعت يجي يعجني لكن مدرهااش😂.
طلعت ومشيت من طريق الرئسيه ونا ف طريق نشووف حنين وجنات واقفه ع ولد وشادلهاا ايدها ناا مشيت جيهتهم من دون تفكير قولولي شن دخلك ياضياء فيهم لكن خفت علي حنين الصراحه الان معااذ وحمزه ع جيا وكاان شافهاا مصيبتها الحرفه لما يقتلوهاا.
امتا شافوني دخلو بعضهم الاتنين
حنين: ضيااء😳.
انا: اي ضياء يافالحه منك ليهاا شن اديرو اهني.
جنات: حبيبتي زي ماشايفه واقفه ع حبيبي وزوجي المستقبلي.
انا: ضحكت من قلب قلبي😂😂...👏احلفي بااه بلله عليك خليك دقيقه قريب يوصلو الولاد وقوليلهم الكلام هذا بيش تضمنيه رسمي زوجك المستقبلي😂.
رامي: عفواا اختي تفضلي شن تبي انتي.
انا: هههه دجاجه طلع عندهاا لساان وتعرف تتكلم وشكلهاا خاافت.
طبعا رامي الدخان بدي يطلع من وذانه😂وحنين خاايفه بتموت وقريب تندب وجناات ترعش مع بعضها.
رامي: اوزني كلااامك خيرلك مانبييش نغلط فيييك فا ردي باالك ع روحك ياسمحه.
لما قاالهاا بطريقه خبيته بديت نعلى ف صوتي ونتكلم بصبعي👉وايدي التانيه فيهاا الكابتشينو باارك الله فيه حازم حطهولي ف صفره😂 وحنين ع اساس تسكت فياا اماا جنات مصدومه من حقيقت زوجها المستقبلي ع قولتها😂.
انا: حسستني تي اعلااا ما في خيلك اركبه كمشه دحنسين بسقلييف خزيي.
حنين: ضيااء تربحي اخطي الشر وخلييه يهدرز بروحه.
انا: انتي خلييك حساابك عند حمزه ومعاذ واحمد مش عندي.
معاذ: حمززه وقف وقف وقف.
حمزه: تي خيرك.
معاذ نزل يجري لماا شافني نتناقش مع الولد وقريب نضربه...جناات شافت معااذ هربت معش شفناهاا قعدنا نا وحنين شاادتني...وصل فيناا معااذ ويجي للولد بوكس لا يقراا لا يكتب طبعاا الولد مرداش الانه واضح من شكله بنوته.
حمزه: معااذ استهدى بلله خلي نفهمو الموضوع قبببل انتم شن جيبكم اهنى.
معاذ: ضيااااااااااااء من وييين تعرفييه😠😠.
انا: استكيت اتبكشت معش عرفت شن نحكي قعدت نشوفله ومصدومه.
معاذ: احكييي هذااااا حبيييب القلللب وله هذااا الي تكلمي فيييه بجنبي بكل عييييين وقحه ولااااا احكييي قوولي.
حمزه: معاااذ سكرفمك وابعد من علي الولد بتقتله بين ايديك.
معاذ:ياا....ما..ياعن...
حمزه: معاااااااذ تي اسكت ياراجل ف بنااات قداامك.
معاذ: يااعنبوفيتكم تي شن قااعديين اديروو اهني درقوو وجهكم من قداامي.
معاذ التفتلناا والولد هرب يجري جي بيلحقه شده حمزه.
حمزه: تي فوته يااراجل اززح.
طبعا حنين تبكي وانا واقفه ومتنحه ف معااذ وعصبيته وغيرته ومنظره وخاايفه علي عمليته ومتكنطيه منه ومتخلطه.
معاذ: حنيين انت شن جييبك معاهاا اذاا هياا ادير ف موواعيد شن جييبك انتي قوليي.
طبعاا اكتر شي نكرهاا الظلم قعدت نشوفله وعيوني معبياات دمووع لكن شي مابتش انزلهم.
حنين: طبعاا تحكي وتواكوك وتبكي..ءءء ماه هذا ياامعااذ.
معاذ: نسمممع سقديني احكييي.
حمزه: بشويه عليهاا..حنين اهدي وقوليلي الي صار.
حنين: كنا ف القهوه ولما طلعنا هوا قعد ينابش ويعاكس مشت ضياء ردت عليه وحصلت معاه وبس هوا هذا😭😭.
انا:😳"طبعاا الشيطان وقف يصفق معاي ع الكذبه المساويه الي اخترعتها حنين ف دقيقه".
حمزه: باه باه خلااص اسكتي.
معاذ: محفظاتك حت الدسكه مشاءلله 👏.
حنين: لا والله مهناك منهاا الدوه هادي بكل ياامعااذ ان بعد الظن أثم.
معاذ: بري من قداامي ونشوفك يااحنين فاايته الحد ولا جايه شوور القهوه وربي نحشلك رجلك كاان ف نااس متعوده مش اديري زيهم انتي.
حنين: حاظر ومشت تجري.
معاذ: حمزه تقدر تمشي نبي نتفاهم مع الهانم الي بضيع العيله.
انا: طبعا نسمع ف كل الاهانات وساكته مش عارفه شن جاني ف العاده نرد لكن لماا شفت كيف كبر الموضوع وانا اساسا مدخليش فيه وجعتني روحي ماعمري انحطيت فيه الموقف هذا معااذ وظلمه لياا وكيف جنات اساس البلى طلعت منه زي الشعره من العجين حنين وكذبتهاا يعني كله ابتلااء وظلم.
معاذ قرب مني وشدني من مرفقي بكل غل لين طاحت القهوه ويحكي ويضغط ع سنونه.
معاذ: الجوو الي اديري فيييه هني ماايمشيش معااي بكل وديماا لما بديري حااجه غلط اتفكري انك ف ليبياا وانه ف معااذ كاان عمي الله غاالب مش لاهي بييك فأنا رااح نرجع نربييك وقسمااا عظماا نسمع ياضياااء بي حااجه هكي ولا هكي اعتبري رووحك ميته.
طبعا انا نسمع ومش مستوعبه الي يقول فيه كل كلمت ظلم يقول فيهاا تنزل كيف الناار ع قلبي الغبي الحيوان امتاا بيعرف انه نا نحبه هواا وماعمري حبيت حد لا قبله لا بعده معااذ بي الي داره اليوم حسيت نظرته لياا وحده جايه من تركياا صايعه وليها ف جو العلاقات قلت انه مستحيل رااح يحبني ف حياته وهوا هكي نظرته لياا.
معاذ: احكي خيرك ساكته هه عندك الحق ماعندكش ماتقولي لي انه...وزاد اضغط ع ايدي لعند حسيتهاا ووجعتني.
انا: طول الدمعه نزلت على ايد معااذ.
معاذ طلق يدي طول لما حس بدمعه نزلت
انا شديت ايدي مكان الوجع وماقبلتلاش ابد لفيت ومشيت نزلت بكل هدوء للشط لكن بعدت اشوي قعمزت ع رمله مانبش نشوف ولا حد انهرت بكى اذكرت حياتي كيف كانت وكيف اصبحت التغير الجدري الي حصل فيهاا غيرني حت ناا من داخل داخلي.
حطيت ايدي ف الشنطه وطلعت كلنكس مسحت الكابتشينو الي ع ايدي وخديت الفون القيت 30مكالمه من سامي اتصلت بيه طول الانه كنت محتاجاته💔
سامي: ضيااااء تي وينك ياابنتي شغلتيني علييك وين كان فونك بلله.
انا: سامي.
سامي: كنك ضيو😯.
انا: لماا قال كنك تم بديت نبكي بعبرتي.
سامي: قلبي كنك تبكي شنو في من ضايقك.
انا: استاحشتكم يااسامي استحشت تركيااا تعرف نتمنى لو يووم بس يرجع من اياام قبل يووم بس يااسامي خلااص معش نقدر من حد جيت لليبيا ونا نبكي تحملت وااجد لكن توصل للظلم والتبلي هادي هلبااا عليااا ومع هذاا كله قااعده نقاوم ع خاطر ماما وبابا مانبهمش يزعلو والله مانكذب علييك ف نااس مشاءلله عليهم زي رنا وحسناء وياسر مش مقصرين معااي بكل ويهبلو كيف يتعاملو معااي لكن التانين معش نطيق حت نشوفهم اااه وخلااص ياسيمو.
سامي: نعلياا نا هذا كله صااير ف غاليتي ونا منعلمش.
انا: اي والله ياسيمو😭.
سامي: بااه يامشفشفه امسحي دموعك ع خاطري راهم غالياات عليااا.
انا: غصبن عني والله وزيدتهاا علياا نورا حت هياا تغيرت واجد معاي.
سامي: فجريهم كلهم ف الساس اهم شي انتي وراحتك.
انا: الكلام ساهل.
سامي: باه معاذ وين ف الاكشن هذا كله.
انا: بلله متكلمنييش علييه كارهته ف الدم ف الوقت الحاالي متجيبش سيرته.
سامي: اوباا موضوع كبير معنها.
انا:"بلقطت غباء فضحت روحي وقلتله" تعال جاي من قلك انه نا نحب معاذ.
سامي: ااك توا قلتيها معنهاا رسمي الموضوع كنت حااس وسألتك قبل تحبيه مابتيش تجاوبي ونعاود نسألك تاني تحبيه؟.
انا: مش عارفه.
سامي: ضيااااء.
انا: انعم.
سامي: قولي الي في قلبك فضيه مش انا صديقك احكي اذا تحبيه او لا.
انا: اي نحبه.
سامي:...
انا: الوو.
سامي: اي بااه وشن اخراا.
انا: تعررف اكتر حد بكااني واكتر حد حبيته مش عاارفه كيف حبيته ولا كيف صاار هكي حااولت نتفادا القصه وكل ماحولت ننسى ونحيها من راسي تزيد تتبت اكتر خلااص معش قدرت ولا نقدر نعيش بلاا مانشوفه ولا نتعاارك معااه تفكيري كله و عقلي وقلبي معااه اول مره نحس اتجاه حد بأحساس كيف هذا قد ماتكلمت مش حنقدر نوصفهولك امتاا نشوفه نحس ف روحي بنطير من الفرحه وامتاا يتكلم وامتاا يغاار يهبل يولي وحت امتاا يتعصب اي كلمه يقولهاا تأتر فياا هوا غيير عن الكل بس لييش هكي يصير اناا والله نحبه وهوا ديماا شااك فياا ويسحابني نحب غيره خااطري نقله نحببك انت وبس لكن مش قاادره نفسي ماسمحتليش مش عاارفه شن ندير يااسيمو ضاايعه ونفترش هلباا من امبكري فا متركزش هلباا ع الكلاام.
سامي: ضياء سكري تواا وليد ينادي.
انا: مش متعركين انت ووليد.
سامي: قصدي حسن هي اوكي.
انا: باه اوكي 😕.
استغربت خيره سامي ماعمره دارهاا اللقطه هادي حت كان في حد ينادي فييه يقعد يسمعني لماا نتكلم واذكرت كلامي الي قلته حسييت روحي فترشت هلباا وهوا ف الاخر صديقي وزي خوياا
فأكيد بغاار وووه علييك غباء فياا...عاودت اتصلت بيه القيته مقفل زادت غمت عندي.
ركبت فوق حنين وجنات ماقبلونيش قابلتني رنا وحسناء القيتهم يديرو ف صفره الانه حت هما ماتغدوش.
رنا: ضيوو ادخلي بدلي وتعاالي بيش ناكلو.
انا: ماعندش نيه بكل.
حسناء: غير بري بدلي وبعدهاا تعالي توا نتفاهمو.
انا: ههه انباه.
دخلت بدلت وخديناا الصفره ع خاطر نا قلتلهم ناكلو البراا كان تبوني ناكل فرشناا ع الشط وكان فااضي مافيش هلباا وقعمزناا وقعدنا ناكلو والبنات يهدرزو ونا مش معاهم.
حسناء: هيي ضيااء خيرك بلله شن صااير معاك مش ع بعضك بكل ومن بكري نهدرزو وانت ف عااام تااني.
انا: تخافيش مافي شي غير سامي حرجان مني ومش عارفه كيف نراضيه.
حسناء: بااه اضحكي توا يرضى بروحه وغصبن عنه😂.
انا: ههه لا كيف عاد.
احمد: حسسنااااا تعااالي نبييك .
حسناء: بااااااه اني جاايه...يلاا بنات انستو بعضكم نمشي نشوفه ونجي.
انا: تمام.
رنا: سامي حرجان ومش عارفه كيف نراضيه يلاا اطلعي بي الحقيقه كان حسناء صدقاتك فأنا مصدقتكش.
انا: هههه ياوخيتي سلمهاا رااك تهبلي تفهمي فياا ع طااير نجك لياا.
رنا: ولياا نجك اطلعي بزبده.
انا: ههههه باه طبعاا مش ركبت بنجيب الشنطه و..."حكتلهاا كل القصه من طقطق لي سلام عليكم وطبعاا رنا منصدمه من حقارة حنين وجنات ووجعتها كيف معاذ تعامل معاي هكي".
رنا: بي عقلهم هاادو كيف قدرو يديرو هكي جناات الكلبه تي لماا نقتلهم ولماا نفضحهاا الحقيره.
انا: فوتيهم خلااص معااذ حط ف راسه فكرة انه انا عندي حبيب تاني وانه اناا صايعه ومتع علاقاات خلييه ربي يهنيه هوا وافكااره انا بنحااول ننسى الانه الواضح مايحبنيش.
رنا: بي العكس وحق الله يحبك صح هزب وقال كلام كبير لكن صدقيني من وراا غيرته.
انا: خلااص سكريه الموضوع ومعش تفتحيه الانه نا من ربي مشوشه وزادهاا ساامي اخراا حكيتله انه نحب معاذ حسيته اضايق وسكر.
رنا: حيي كمااا يطلع يحبك😱.
انا: لالا مستحيل تي كيف الخوت رااه.
رنا: يااودي.
انا: سكفمك قلت لا يعني لا😠.
رنا: ههه بااه هدي وجنات وحنين حساابهم عندي ماعليك فيهم.
انا: ردي بااالك تجي شورهم خليهم الدنياا دواره وسيوره الحق يطلع كاان مش توا بعديين علااش نستعجل ناا ربي ياخدلي حقي دامني مظلومه وربك ماينسى حد ف الاخير.
رنا: اي لكن والله مايستحو.
انا: يلاا شن بديري الي اختشو ماتو فجريهم مدوريهمش كأنهم مش موجودين.
رنا: اقواا عليهم يعجبني تفكيرك ع قد مأنك مجنونه وطير شر ع قد ما انك طيبه وقلبك كبير.
انا: تعلمي تعلمي يااغبو😂.
رنا: هههه اهو ليه ليه.
انا: شنجو سميرك؟.
رنا: مختش نااس تكبر تعقل وهوا يكبر يهبل😂😍ياخياا عسسل يقطر.
انا: ههههه عادي صفة مشتركه ف العيله مش غريبه هادي ومش قتلك بلله علييك اول ماجيت هوا ليك ان شاءلله ربي يحفظكم يارنو وتكملو مع بعض ع هذا النحو😍.
رنا: اميين ياارب ويحققلك ماتتمنى لي انك بجد تستاهلي كل خيير😍.
ياسر: رسمي كلامهاا.
انا: اووو يااسر وينك يااعريس لك وحشه.
ياسر: هههه شن جوكم شن جيبكم هني ريا وسكينه
رنا: زي ماتشوف كنا ناكلو.
ياسر: صحه صحه.
انا ورنا: سلمك سلمك.
.
.
.
جنات: حنو رسمي زعلتي مني.
حنين: درقي وجهك من قداامي ماعندكش احسااس انتي ماعندكش ضمير مدايره عملتك وجوك تمام وهربتي بكل عين وقحه ولا كأنك درتي حااجه تي شنو هذاا بيووع تعرفي حصلتي ضياء المسكينه ف القصه لكن طلعت ارجل منك ودرقت عليك وعلياا وحصلت هزاايب ومعاذ ضلمهاا هلبااا ومابتش تتكلم ولا كلمه ولا حت الدافع ع نفسهاا مع انهاا بريئه.
جنات: تستاهل ماجيها حقيره تجي تكلم وتعارك رامي قدام عيوني وهوا الحقير يعاكس فيهاا اخراا.
حنين: الانك انتيي غبيه صدقتييه وانا اغبى مشيت معااك والبنت كاانت نيتهاا وااضحه وصاافياا ماتبينااش نطيحو ف مشااكل لكن احنى فهمنيهاا غلط وطلعتي ف الاخير ماتستحيش ع وجهك وهربتي جبانه.
جنات: العبي بعيد فخار يكسر بعضه.
حنين: بااه تمام نا ماشياا نلعب.
جنات: ايواا بري حبيبتي.
طلعت حنين من بجنب جنات ومشت شوور معااذ والولاد.
حنين: معاذ ترا تعال شويه.
معاذ:..
.
.
.
.
يتبع
