حكـايــة ضيـــــاء
الحلقه 7
رن فون ياسر
ياسر: رقم دولي😕..ضياء بالك صاحبتك
انا: لا اظن..رد كان هياا اعطيهالي
ياسر بعد من عليناا واناا مافكرتش انه نورا الغبيه مرات عطيته لي سامي عنقريب نضت ورااه وقتله اي صاحبتي لكن خلااص فات الفايت
ياسر: الو
سامي: ايوا السلام عليكم.
ياسر: وعليكم السلام خوي.
سامي: نهارك طيب 'دخل بعضه وبدي يفترش معرفش شن يقول😂' .
ياسر: تفضل اي خدامه ياغالي.
سامي: اه اي يزيد فضلك الاستاذ سعد سالم موجود عطاني الرقم هدا وقلي كان تبيني ضروري اتصل عليه😅.
ياسر: اي موجود مرحبتين بيك انا خوه.
سامي: بجوده.
ياسر: بيك اجود شويه ونعطيهولك...سعد ياسعد.
سعد: نعم.
ياسر: فيه واحد يبيك ع الهاتف .
سعد: هيا هياا ماقلكش منو.
ياسر: لالا انسيت نسأله😅.
سعد: هاته.
اعطي الهاتف لي بابا ورجع والفون مش ف يده وانا نغلي نبي نعرف منو .
.
سعد: الو مرحباا.
سامي: اهلين كيف الحال والصحه الحمدلله ع سلامتكم .
سعد: اووو سامي الله يسلمك شن جوك انت وشن جو تركياا .
سامي: تمام الحمدلله انتم اموركم تمام مش ناقصكن شي .
سعد: لا ولله تمام التمام كل شي صحيت وبارك الله فيك.
سامي: سلمك عمتي ليلي وضياء بجنبك.
سعد: لا ولله كل وحده ف جيهاا غدوا ان شاءلله بناخدو خطوط ونكلموكم بأذن الله.
سامي: ان شاءلله سلمناا عليهم واجد.
سعد: يوصل حتي انت سلم علي العيله كويس.
سامي: يوصل ...ف امان الله .
سعد: سلاماات.
سامي : سكر الخط...علييك بخت عطيب ازح😐.
.
.
.
سمير جي يسلم عليناا استغرب فياا متع منو انتي وياسر فهمه اما رناا عيونهاا ماقمتهمش فوق بكل ولا حتي حاولت تشوف لي سمير .
انا: رناا خلي روحك طبيعيه راه واضح عليك الارتباك
رنا: قامت عينها وشافتلي وعيونهاا معبياا دموع...كان بنقيمهم فيه بتنزل الدمعه.
انا: اس اس شدي فوني ع اساس تتفرجي ع صور.
رنا: هوا حق اعطيني نتفرج ع صور.
انا: ههههه انبااه.
ريهام: شن تحكو انتي ويااها.
انا: دخلكش خليك منسجمه غاادي 😛.
ريهام: خزي.
انا: ع وجهك
.سمير: وكأن العيله ناقصه هلباا.
احمد: معاذ ومحمد خوك طلعو ينسرفو وبنات سعاد شكلهم روحو وحنين اهيا جت.
حنين: خيرني اسمعت اسمي.
وسام: لادار ياكبدي.
انا: واخيرا تكلم نسحابك بكوش ماغير الي عددهم معاذ بكري.
وسام: هه دمك ولا حبر احمر.
انا: وحي تتبوسل معاها ياودي كبيره هادي😂.
حنين: البنت داخله وبي قوه ف العيله.
رنا: وشن واجعك😒.
انا: وجعاتك اي حاجه قولي معندكش مشكله بكل.
سمير: اضرب رنا تكلمت ياريتك جيتي من بكري ياحنو.
حنين: لالا كلمه وقلتهاا نبصر ههههه قصدك كانت ساكته غريبه.
رنا: ما الغريب الا الشيطان.
ريهام وحسناء ووسام يلعبو ف لعبه ف الفون مع بعضهم حنين ورتاج يهدرزو هما وحمزه واحمد ف حاله لاهي بي هاتفه..وسمير وياسر مع بعض وانا ورنا نتفرجو ع صور .
رنا: يهببل حبيبك قصدك غادي عادي تتلاقو وتطلعو وجوكم فري احناا اهني ممنوع كل شي .
انا: قهرتك فهمتي الموضوع غلط حبيب عينك هدا صديقي وزي خوياا وعندي بدنيا وانا لي حد الان قلبي قاعد مسكر بي قفل والقفل ف البحر.
رنا: اي فهمتك لكن صحه ليكم عايشين احنا هنا كان بنت وقفت علي ولد بس يديرو فيها العار وحي ع امه الي بيطلع القفل من البحر قصدي نياله😂.
انا: ههههه داعيه عليه امه المسكين.
رنا: ههههه هادم بس الصور.
انا: لالا غير الفون جديد وهادو متع اخر يوم بس عندي ف لاب هلباا وف الفون الاول حتي هوا توا نوريهملك.
رنا: تمام.
انا: مافيش حد يحب حد من الكش الي مقعمزين.
رنا: لالا كلهم يعتبرو فيهم زي الخوت الا انا كسرت الروتين .
انا: فهمت انهاا تحب سمير..كيف؟
رنا: توا نحكيلك بعدين..وعندك جنى معجبه بي معاذ لكن معاذ مش قايمهاا من ارضها.
انا: ههههه يمشو مع بعض الاتنين شر.
رنا: لالا معاذ مش هكي بكل انتي قاعده متعرفيش بلعكس طييب بكل صح عنده ف الوجيج وجو يكلم ف بنات هلباا ومشاكلي درجه اولى لكن اصلي وديماا قايم القدر.
انا: هههه صار هكي مش باين عليه.
ياسر: اسمع انا توا بنادي ع ضياء وانت شوف رنا خيرهاا رااه كان جوهاا تمام قبل لا تجي انت.
سمير: تمام منور بكل😜.
ياسر: ضيااء يا ضياء تعالي بنوريك حاجه.
انا: هيا..ونخستني رنا بي معني ماتمشيش غمزتلها ومشيت.
بدلنا الاماكن انا وسمير
انا: نعموش ان شاءلله خير.
ياسر: خير نبي سمير يقعمز غادي بس.
انا: اي حسيت بي الوضع مكركب.
ياسر: قصتهم قصه..حقا تعالي نوريك دارك صورتهالك.
انا: ام ترا نشوف؟.
ياسر: وين التليفون اي حقاا نسيت عند بوك.
انا: من الي اتصل بيه بكري 😁.
ياسر: المره هادي بنقلك مره جايه معش تسألي شكله واحد من الشركه ولا صاحبه سمعته يقله اوو سامي.
انا: سامي😮😱.
ياسر: اي خيرك نصدمتي.
انا: لا شي.
زارتني الضحكه الهبل شن مداير زعماا😂
عند رنا وسمير
جي سمير قعمز بجنب رنا هيا يبست معش قدرت تتحرك ولا ادير اي شي
سمير: علااش هدا كله.
رنا: ...
سمير: نسأل انا.
رنا: ...
سمير: ماه كنا محلانا قبل لا نسافر اقراب ونحكو ونهدرزو ونبصرو واول ماروحت اتصلت بيك ماتبيش تردي خيرك نقلبتي فجأ .
رنا: قلتها بروحك قبل لا تسافر وناضت وخلاته.
انا كنت منتبها معاهم وسمعت صوت رصاص عيطت وسكرت وذاني.
انا: شنو هدا هياا ندخلو صوت رصاص.
العيله كلهاا نفشخت ضحك انا استغربت فيهم قلت شكلني حكيت نكته وانا منعرفش.
انا: خيركم تضحكو😮وقت ضحك تواا.
احمد: وووووه بطني ههههههه معش نقدر حد يفهمها بلله.
وع دخلت معاذ ومحمد.
معاذ: خيركم 😂.
واناا نشوف لي معاذ شاد سلاح في ايده ونسكهاا عيطه لدرجة هوا نفجع.
انا: ياسر ولد خوك ف ايده سلااح اناا بندخل انتم مش طبيعين بكل.
العيله :😂😂😂 ومافيش حد فهمني شن الي يصير كلهم يضحكو والي بيجي يحكي يبدا يضحك
معاذ: سحب وعرفني توا نخاف منه فابنستلم التهديد انا سمعت صوت السحبه وكنت واقفه فوق كرسي ونعيط عليهم ونقزت بنجري حسيت برجلي التوت ودنياا بدت تلف بياا.
معاذ يطلق واناا مش مستوعبه الي يصير وقفت ف مكاني معش قدرت نتحرك وحطيت يدي ع وذاني وراسي يدور ورجلي توجع فيا من التنقيزه.
انا: ماماا..ودخت ومعش نندري ع شي.
معاذ: لوح الي ف ايده وجي يجري...ضيااء ضياء هادي شن صارلهاا مياااااا بسررررعه.
ياسر: معاااااذ شن درت ياهم وين ضربت انت بالك جت فيهاا وحده بسرعه نولع السيااره جيبههااا وتعاله
مشي ياسر ومشي ورااه احمد يجري والعيله دخلت بعضهاا ومعااذ معش عرف شن يدير قامني ورفعني وقال للقاعدين متقولو لي حد لين نكلموكم.
حسناء:بااه طمنونا.
معاذ: ضيااء نوضي شن درت انا ياربي مش قصدي اناا ولله ماقصدي منسحبكش تخافي منه لي ها الدرجه.
انا:....خارج التغطيه.
معاذ: خير اصلهاا الطريق طولت ازح.
انا: بديت نخترف بنوض..ماماا نبي ماماا.
معاذ: ضيااء شن تحسي اصبري شويه عنقريب نوصلو للسياره.
اناا استقظت انه معاذ وقايمني فتحت عيوني طشه😮.
انا: نزلني يامتوحش😭.
معاذ: اسكتي مش وقت الدوه تواا.
انا: نزلني مافياا شي
.معاذ: وصلناا.
ياسر: ركبهاا بسرعه.
ناا قعده متسخسخه مش فاهمه شن الي قاعد يصير بزبط ركبناا التالي انا ومعاذ وطلع ياسر بسرعته ع اول مصحه درس ونزلني وع الاسعااف طول .
نوضت صحصحت والقيت روحي ع سرير والدكتوره وياسر فوقي.
الدكتوره: من شن تشكي.
ياسر: ولله مانعرف شن نقلك الحق..قصيت عليه
انا: نقزت من فوق الكرسي بي طريقه غلط رجلي كأنهاا صارلهاا ألتواء وبعدهاا دخت معش نندري ع شي وتوا تسطر فياا.
الدكتوره: اي عندك لحمه انتلسط من مكانهاا وهدا الشي سببلك فشل ودختي توا بنعطيك مرهم باش ترجع لي مكانهاا.
ياسر: باه نقدرو نروحو بيهاا اليوم دكتوره.
الدكتوره: اي وان شاءلله لاباس عليهاا.
ياسر: الله لا يوريك باس صحيتي.
الدكتوره: سلمك ولو هدا واجبي.
وطلعنا انا وياسر شادني من ايدي وانا نردح لا هوا تكلم ولا انا .
احمد: ها شن قالولهاا 😯.
ياسر: هاك سوق واسكت.
معاذ وجه داخل بعضه وراسه لوطه ومقامش عينه فياا ومتكلمش بكل واناا راكبتلي صفار مكشره وساكته درس نزل ياسر جاب الدوا وركب.
وصلناا نزلنا.
احمد: حمدلله ع سلامه.
انا: الله يسلمك..ياسر بابا قاعد ولا روح.
ياسر: روح هاك دواك وان شاءلله لاباس علييك و امسحهاا ف وجهي مالكش يومين اهناا ومشيتي المستشفي سامحيناا.
انا: لا عاادي مش ذنبك وشفت لي معاذ نظرت استحقار مطبس راسه ويحرك ف رشاده ومرتبك..
انا: بنمشي شور حوشنا .
معاذ: ضياااء
انا وقفت ومابيتش نقبله
معاذ: جي وقف قدامي..اسف.
انا: معااااذ ابعععد من قداااامي ونكلم فيه بي ايدي ودموعي بدو ينزلو زي المطر ياريت معش توريني وجهك اذا ممكن يعني اوكي انا حطيتلك ملح ف القهوه مش معني تردهالي بي السلاح.
معاذ: لا ولله ماهكي اناا كن.
انا: مانبي نسمع شي وبلله وسع من تلاا وجهي. ومشييت ونبكي بصوت تقول ترا من مات.
معاذ خبط يده ف السياره ومشي
انا قعمزت قدام الفيلاا وبكيت لين شبعت مش من لقطة معاذ بس ولا اني مشيت المستشفي ولا الانه رجلي توجع فياا..بس هكي حسيت روحي بروحي واستاحشت سامي ونورا وتركياا والموقف الي صار وكله وان انا ف ليبيا معش فهمت شي قعدت نبكي بعدين اذكرت انه تليفوني قعد غادي مابيتش نمشي نجيبه خليه قعدت ع تليفون هياا حلال عليهم عنقريب انا متت💔
.
اماا عندهم قاعدين مقعمزين وحال عليهم التوتر ويحكو ف القصه ويعاودو فيهاا....خش عليهم ياسر كلهم وقفو يسألو فيه علياا وحكالهم
ريهام: باه الحمدلله..انا بنركب نقول لي رنا متعرفش بعدين ادريلناا قصة مقتوليش.
حسناء: اكيد رتاج قتلها اصبري نمشو نطقو ف ضياء قبل.
ياسر: تعالي تعالي وين قلتيلي بتمشي حسناء هانم
.حسناء: لي ضياء.
حمزه: تحشمي ع وجهك شوياا البنت محصله تخظريته من خوك تواا واحناا مقصرناش نسحابهاا زيناا متعوده ع رصاص ونسيناا انه البنت حساسه ورقيقه وجايه من تركيا قاعده جديده ع جو اهوا.
ياسر: زي ماقلك قعمزي ف مكانك .
وسام: باه وين معاذ.
حسناء: اي حق وينه.
احمد: خلينه قدام البوابه ع اساس بيلحقنا.
حنين: متشفوش وجهه لماا طاحت ضياء لوح الكلاشن ومشيلها يجري وكان خاايف عليهاا هلبا.
احمد: واطي خافهاا تموت ويحصل فيهاا.
حنين: تي لالا مش هكي والله غير انت مشفتاش كيف دار عليهاا وقعد يعيط جيبو ميااا.
احمد: بااه حنين يحبهاا ويموت فيهاا هدا الي تبي توصليله انتي 😂.
حنين: ايواا 😂.
وسام: لا اظن انه يحبهاا مش متع حب معاذ يلعب صح اما يحب لا .
احمد: اشبح هدا صدقهاا😂.
سمير: اوي ياخال وين وصلت.
ياسر: توا نبي وينه الكلاشن الي حذفه معاذ بكري.
حمزه: محمد رفعه معاه مسح اتار الحرب حتي الرصاص قامه امبكري..وتي حقاا مش طلعت اختك عبير تسأل ع صوت الرصاصة قالت المرا نخلعت الداخل .
حسناء: اي حق معش عرفناا شن نقولو.
ياسر: شن قلتولهاا.
وسام: حمزه قالهاا انه ف عرس خطم من بجنبناا وقعد يفترش ويغازل فيهاا باش نست الموضوع😂.
حمزه: ههههه واطي ولله ماينفع فيكم الخير باه الي انقضتكم هياا سئلت والجماعه تبكشت.
احمد: ههههه مسألتش عرس من.
حمزه: لالا حتي كان سألت بنقلها عرس الاخ معاذ ديماا هوا بي اعراسه ومشاكله.
ياسر: ههه رسمي مش عارف امتاا بيكبر ويعقل ويسيب الوجيج هدا كله ويفكناا.
احمد: اسمعو امتاا يجي ماحد يكلمه فيه الموضوع هوا بروحه متأتر يسحابهاا بتموت بكري.
حسناء: اي حتي ناا كيف بنقولهاا.
حمزه: سبحان الله حتي انا😂.
حنين: هاباا طلعو كلهم مشاءلله حسين بي خوهم املاا حتي اناا😂 وناضت حنين من بجنبهم بتكلم جني.
احمد: تي بري ياشكل.
حسناء: ياعديمه الاحساس.
حمزه: يابارده
.وسام: هههه شكله القلب معباا.
ياسر: فوتوه الموضوع ماتكبروشي توا الي صار صار...وشكلكم مطولين ع ما اعتقد حوش خوي رجب قريب والعيله كلهاا اهني يلاا الطريق مش طويله نوض منك ليهاا انتلف من قدام وجهي صدعتولي راسي من غير مطرود يلا.
احمد،حمزه،حسناء:😅😅😅عيني عينك.
ياسر: ماه باردين مايمشيش معاكم الا هكي .
سمير: جايني الدور نروح بي كرامتي ارجل😂.
وسام: ارفعني معاك بلله متخافش مش بعيد راه الحوش الي بعد هادم😂.
ياسر: هههههه لا انت ساسي اقعد مستاحشينك لكن هادم وجوه الفقر ديما انا وياهم خلي يروحو باش يفضالناا الجو😉.
احمد: ايواا توا الكلمه هادي معش بتخليني نتزحزح من مكاني .
حمزه: ههههه مفضاكم بي النسبه ليا تصبحو ع خير حنين هياا.
حنين: توا نجي هي.
حسناء: حتي انا تصبحو ع خير.
احمد: قدامكم انا 😂يلاا.
ياسر: ههههه قدامكم الخير.
سمير: حتي انا هوا هكاا بنروح ورايا عشرين موال غدواا ان شاءلله.
ياسر: زينه😒 وانت الي اسمك احمد مش بتقعد اقعد كسد معاياا.
احمد: ووووه باعه ف دقيقه الي كان شاد بيه ضهره قبل شويه.
سمير: هههههه قهرتك.
ياسر: كسرتلي ضهري ياخال😂.
وسام رن فونه.
وسام: مبردكم ازح رااكم شيابين مفروض كل واحد بي مرته تواا ومشي.
ياسر: غيير شد انت مع الي نضت ع خاطرهاا وخليناا نفرحو بيك مانبو شي تااني.
وسام: ان شاءلله ان شاءلله😂.
سمير: هياا هوا هكا ليلتكم سعيده.
احمد: هياا هكا هو نايض نمشي معااك.
ياسر: حتي انا بنوض توا نوصلكم.
سمير: غير لا ياراجل فكك.
احمد: طريق طويله فوتك يابرو.
ياسر: ياودي حلفت خلااص بنوصلكم يعني بنوصلكم😂.
سمير: حشيش اورجنالي😂.
ياسر: بي الزبط😌😹.
وقابلهم معاذ كان جاي شورهم.
احمد: معاااذ وين ياراجل هيا ولي معانا مافي حد غادي.
معاذ: فوتني يا... مش ناقصك المسبح جوه جميل.
احمد: اي متقوليش داخل توا تي صقع ياهم توا تمرض.
معاذ: خرررف ..وسلب التيشرت وحذف الهاتف ع الكرسي وجري لي المسبح وهووب.
احمد: جاايك ياخوي مصارش من النوم سهفني حتي هوا سلب التيشرت وطول ف المسبح وهووب.
معاذ: حي ع امهاا ازح قداش تريح فيااا اللقطه اهياا امتاا تنقز ف المياا تم جميع الهموم بح .
احمد: تي غير شني مني ياراجل حسيتك كبرت الموضوع.
معاذ: توا نحكيلك اصبر شويه..اوي سمير تعاال جرب مليحه رااه.
سمير: لالا كتر الله خيرك قاعد نبي نعيش.
معاذ: باه درق روح ياسر تعال حصل غطسه.
ياسر: تي صقع فكني.
معاذ: ملح بتفوتك لكن.
احمد: جيب معااك صناره ف سمكة قرش الي تدحنس عليك ديماا.
سمير: ياعن جوكم مش طبعين 😂.
ياسر: اقسم 😂😍.
معاذ: قسمبلله ومعهاا اختهاا تعاكس فياا من بكري لكن انا مش مدورهاا😅.
احمد: حي ياياسر ألحق تبي رقمك 😂.
ياسر: هياا سمير سعيده تعرف الطريق ومشالهم يجري وبووم ف المسبح .
سمير: عيله كلها تبي مستشفى 😂 وروح.
المسبح نقلب وميتين ضحك ع خاطر الدلافين المرسومات ف المسبح يعاكسو فيهم😂.
ياسر: تي كم الرقم يابنتي.
معاذ: اصبر نفهم ف لغتهم اناا نقول وانت احمد ترجمله.
احمد: تم😂.
معاذ: اه لو سمحتي اختي شن قلتي عاودي ماسمعتش.
ياسر: وووه😂😂 عليك بساله.
معاذ: اكتب اكتب سردين سردين قرقوز شلباا.
احمد: يعني سبعه سبعه خمسه تلاته😂😂.
ياسر:😂😂مزال تلاته ارقام.
معاذ: اصبر مش حافظته رقمهاا من البدايه هكي بشويه ع المرا.
احمد: تنادي فيك ياسر شكلها بتعطيهولك ف ورقه😂.
ياسر: تتعاطو ف نفس نوعية الحشيش انت وياه 😂.
معاذ: لالا خوت نفس خفة الدم..حي ياسر انزل مستعجله.
ياسر: مش نازل الي يبيني يجيني.
احمد: ههههه غير تربح.
ونزل معاذ لي الرسمه الي لوطا مسهاا ورجع واحمد وياسر ميتين ضحك 😂.
ياسر: وووووه وربي مريض ترا وريني الرقم 😂.
احمد: مريض ع ميت متكي😂اتنين احرف من بعضكم.. شن ف جمبري ف الرقم 😂
ياسر: ههههههه عنشكلكم خلاص بطلو براده بنقلبهاا جديات.
معاذ: اقلب ياحنه.
ياسر: طبعاا اليوم الموقف الي صار...وقطع عليه معاذ:زكري اقلب الدسكه مش جوي فايح توا علاش تعكر فيه.
ياسر: تي مش هكي ياهم ضروري نصلحو الي درناه عيب البنت حكم اول يوم معانا دخلنهاا المستشفي.
معاذ: باه والمطلوب.
ياسر: تق وتأكد انه ضياء معش بتجي اهني من بعد الي صار والمطلوب بنخططو لي زرده نطلعوهاا العيله اكلهاا.
معاذ: باه وخطيطو انا شن دخلي.
ياسر: وووك راسه معشش فيه سوداني مايقدر حد يتفاهم معااه..تعال احمد نطلعو نخطيطو انت متفهم شي ف مشاريع زي هادو.
معاذ: اي ديرو فيا خير اطلعو بلله .
طلعو احمد وياسر يتفقو انه بيدرولنا زرده واتفقو ع الدنيا اكلهاا لكن قاعدين محتارين بيسألوهم قبل اذا ف مصيف ولا غابه.
.
.
.
اما ريهام ركبت قعدت تهدرز هيا ورتاج والقت رنا راقده كانت تبي تقلهاا لكن محبتش تنوضهاا من نومها
وحنين وحسناء
حسناء ركبت رقدت طول وحنين كلمت جني واخبار اوليه كل يلي صار...وجنى بما انهاا تحب معاذ وهياا كارهتني من غير سبب وتوا زاد الكره الان معاذ ع اساس خاف علياا وقامني وهكي 😒.
اماا اناا بعد مافشيت غلي وبكيت دخلت القيت بابا راقد وماما تتفرج مشيتلهاا.
ليلى: خيرهاا رجلك علاش تردحي 😱.
انا: اهدي وقعمزي توا نفهمك 😁.
ليلى: شن صاير خيرك باكيه😱.
انا: كنت نجري شوي طحت رجلي التوت وعارفه بنتك قعده زي المفرخ ع ابسط شي نبكي.
ليلى: وعلااش تجري تسحابي روحك صغيره😡.
انا: عاجبك الكبر يعني😛.
ليلى: اعقلي وارزني واشحطي روحك سادك طفشه وهبال.
انا: 😒😒 توا بنفهم تنصحي فياا وانتي مخلياا راجلك راقد بروحه وجايه تابعلي ف مسلسل يناري علييك يابابا 😂.
ليلى: هههه ولله ماتستحي توا نشوفوك انتي ياحنه.
انا: منخليشي يرقد بروحه ياكبدي😍.
ليلى: شن تقولي.
انا: قتلك حشاني مش متزوجه اصلاا يلاا نلها بروحي باش نلهاا بي عيله 😂.
ليلى: هاباا الايام بيناا وتوا نشوفو تعيس الحظ الي بياخدك.
انا: تي امه تدعيله ف كل صلاه الي بياخدني😌.
ليلى: قصدك تدعي عليه😂.
انا: 😒😒كملي مسلسلك انا بندوش وبنجي بنرقد ف مكاني الي مقعمزه فيه توا يعني افهمي😉.
ليلى: باه فهمناا وانتي تلزي.
انا: ايواا.
دخلت دوشت وطلعت ساويت شناطي الي امبكري قلبتهم رديت كل شي لي مكانه باش غدوا ان شاءلله بيجيبولي اثاث داري ونستقر😂خديت شرشاف ومخده وطلعت ماما دخلت رقدت واناا مش جايني نوم جبت اللاب وكسدت عليه .
.
.
.
ياسر واحمد دخلو بيرقدو ..اما معاذ طلع من المسبح لبس تيشرت وحط منشف عليه وقعمز وبعد شويه جي اشعار لي فوني الي نسياته انا ع الصالون انتبهله وجي قامه وعرف انه ليا من صورتي الي حطتها خلفيه حاول يفتحه ماقدرش الانه بصمه ورمز مأمن من جميع الجهات جاب فونه و....
.
.
.
.
يتبع ✨
