حكايــة ضيـــــاء
الحلقه16
ياسر: خيرك شن في شغلتني
احمد: غير هيا ضروري
حمزه: خيرك يا راجل
احمد: ياودي بسرعه معاااذ مدااير حاادث كبير وف المستشفي.
ياسر: كيف هيا هيا ف اما مستشفي.
احمد: ف العام انا اتصل بيا صاحبي يخدم غادي قاللي وحتي عبدالرحمن معاه امتا دار الحادث.
الجماعه كلهاا دخلت بعضها وحمزه قعد يهدي فيهم وبيلحق حتي هوا.
حنين: لااااا كيف صاار هكي.
حمزه: حنين وسعي باالك معش تبكي وماتخلعوش امي توا نقولوهالها بشويه غير اهدو انتم تربحوو والله مناقص حتي نا ع نار زيكم.
حنين: كلاا منهااا ضيااء هياا الي عصبااته قبل لا يطلع مش حنرحمهاا لو صاارت ف معااذ حااجه والله نقتلهاا كان معااذ يصيرله حااجه😭.
رنا: وحدي ربك هدا مكتوب عيب تقولي هكي.
حنين: رااه خويااا خيركم هكي انتم عندكمش احسااس ولا كييف😭.
حسناء: تربحي حنين اسكتي كلنا حاسين غير اسكتي توا بابا وماما ينخلعو نطمنو عليه قبل وبعدين نقولولهم.
ريهام: ترا اتصل حمزه شوفهم.
حمزه: من بكري نتصل مايرد حد.
حنين: ااه يااربي.
فجأ نطت حنين تجري وناضو كلهم يجرو وراهاا
ف هدكا الوقت كنا نا وسامي قدام الباب شفنا ياسر واحمد حرقو العجل وطلعو قعدت نتصل بي ياسر مايردش زدت انشغلت لين شفت حنين جايه شوري وتجري وتبكي ويجرو وراهاا وينادو فيهاا فجعوني قلبي طااح.
حنين: كله منك انتي كلله منك.
حمزه: حنيييين بطلي واهدي خوك مافي شي ان شاءلله.
انا امتاا قال خوك أحمد وطلع وحمزه قدامي مافيش الا معااذ يعني😨.
حنين: انتي الي عصبتييه وخليتييه يدير حاادث خوي توا ف المستشفي استريحي استريحي...كانت تبكي بعبرتهاا وحسناء تبكي ورنا تبكي وريهام تهدي فيهم ورتاج مقعمزه ف جيها ومطبسه لوطه وامه كيف طالعه من حوش اميمه كانت ادور عليهم .
انا امتا قالتها حطييت ايدي ع فمي ودموع نزلو لا إراديا وشريط حياتي من حد لاجيت لي ليبيا مر قدامي ف تانيه ف هديكا اللحظه معرفتش شن الي يصير ولا شن الي يقولو فيه ومش مستوعبه انه معاذ ف المستشفي ابدا قعدت حاطه ايدي ع فمي ونبكي ونشوف لي حنين كيف منهاره والبنات كيف يبكو وحمزه يهدي فيهم وسامي يتصل ويسأل ولا مجيب وكيف جت عمتي سميره تجري وقلولهاا وبدت تعييط حتي هياا الدنيا نقلبت اول مره نشوف موقف زي هكي نا قعمزت حسيت رجلياا معش يجري فيهم دم وقعدت نبكي جاني سامي يسحابني دخت.
حمزه: طربحوووو بلله عليكم اسكتو تي حرااام عليكم تفااولوو عليه هكي خيركم.
سميره: أرفعنيي نشووف ولدي مش حنهداا ليين نشووفه اااخ ياااربي وووه ولدي يااكبدي ياارب اللطف بييه يااارب ماصايرله شي.
حمزه: حاظر غير اهدي ووحدي ربك انتي انسانه مؤمنه معش اديري هكي حسناء طيري جيبيلي المفتاح من بوي من غير مايحس متخليشي ينوض توا ينخلع ومرات يرتفعله السكر خلي نطمنو ونقولوله غدوا ويلاا حتي انتم ادخلو وتوا نكلموكم ومتقولوش لي حناي وجدي خلوهم راقدين.
حنين: بنمشي معاكم بلله عليك.
سامي: لا مفش مشي اقعدي هني الوقت متأخر وتوا اديرلهم هرجه والمستشفي فيها مرضى.
حنين: مدخلكش بيا انت بنمشي نا😭.
سامي: حمزه تفاهم معاها.
حمزه: اسمعي الكلام هيا يامي.
سامي: شافلي القاني متكيه ع عجله السياره وعقلي مش معاي نشوف قدامي ودموع ينزلو وخلااص... ضياء انتي كويسه😳.
انا:....
سامي: ضياء متفجعنيش عليك ارجوك.
انا: هزيتله براسي 😭😭.
سامي: ردي بالك ع روحك خلي هاتفك مفتوح توا نكلمك نطمنك.
انا: هزيتله براسي برضك.
مشو عمتي سميره وحمزه وسامي..ونا جتني رنا نهرت بكي من دون مانحكي ولا حت كلمه وكلهم مشو لي حوش عمي نجيب قعمزو ف الجنان نا قلتلهم خلوني بروحي وحنين كبدهاا دم ومحملتني مسئوليت الي راح يصير كله ونا تأنيب الضمير يقطع فيا تقطيع ماغير قلبي ولعت فيه ناار لما قالوهالي قعدت مقعمزه ومتكيه ع عجله ونذكر ف كل شي حركاته وبرادته وعصبيته كل شي كل شي وكيف اول ماجيت بيش قعد يتسهوك علياا وديماا لاعب فيا عشره ويجري بيا ويدير ف مقالب وهكي لكن اخر فتره هوا متكنطي مني ونا زعلانه منه كاان صارتله حاجه مش حنساامح روحي ابدااا😭💔.
.
.
.
ف المستشفى
وصلو احمد وياسر وخشو جري لي الرسبشن سئلو قالولهم دخلوه طول للعمليات والتاني الي معاه ف العنايه مشو للعمليات ومفش حد طلع بيش ياخدو منه اي معلومه.
ياسر مشي يدير ف اوراق واحمد واقف قدام العملياات وع اعصابه ومتوتر والدمعه ف عينه ويستنى ف حد فيهم يطلع ويتصل بي صاحبه الي قاله طااق عنده مشوار وجاي.
لين جااه ياسر.
ياسر: ها شن ماطلع حد.
احمد: لا .
ياسر: باه امتا اتصلو بيك ماقلولكش كيف داره الحادت وين ف من خبط من دخل فيهم.
احمد: اتصل بيا صاحبي قالي راه خوك داير حادت هوا وصاحبه تعال ف المستشفى.
ياسر: حي الولد انسنااه مش قالنا ف العنايه نمشي نشوفه ونجي.
احمد: اي صح برا شوفه راح من بالي.
ياسر مشي يشوف ف عبدالرحمن وسأل ع حالته قالوله مستقره وسأل ع معاذ قالوله والله مش معروف لما جابوه كان عنده نزيف ودخلوه ع عمليات طول
رجع لي احمد ع طلعت الممرضه تبي خمسه كياس دم
احمد: توا نمشي نجيب غير طمنينا ع حالته.
الممرضه: ادعوله وخلاص.
احمد: شن ادعوله وخلاص خوي شن فيه شن صايرله ياربي ..شد راسه حس انه خووه خلااص بيريح منهم.
ياسر: اهدا صبر بالك ان شاءلله راح ينوض بسلامه غابي فيه انت معاذ ديماا يخلع فينا.
احمد: ياارب .
ياسر: خليك انت توا نمشي نجيبهم نا.
طلع ياسر يجري ملقاش ف المستشفي مشي لي مصرف الدم .
دخلو سميره وسامي وقالولهم ف العمليات مشو طول للعمليات القو احمد غادي.
سميره: شافت احمد جاته حضناته هاا يااحمد شنو خووك تربح قولي متكذبش علياا.
احمد: ياامي صبري بالك وادعيله وامسحي دموعك وان شاءلله ينوض منهاا متاخفيش.
سميره: ياارب نوضلي وليدي ساالم ياارب عافيه واشفيه ياارب .
سامي: ان شاءلله يقوم بخير..باه شن قالولكم وكيف داره الحادت وامتاا صار هدا كله.
احمد: والله مش عارف كيف صار الي نعرفه انه لما داره معااه عبدالرحمن وتوا ف العنايه ونتصل بي خوه بنقله مايردش.
سميره: وووه علينااا ياربي يامولاي الطف بيهم😭😭.
احمد: يمه ادعيله مش حيفيد العيااط توا وينه حمزه مجااش معااكم.
سامي: إتصل بيه ياسر حطنا وعدا.
احمد: قبل نبيه يقول لي اهل عبدالرحمن...
طلعت الممرضه.
الممرضه: الددم بسرعه.
مشولهاا اكلهم
احمد: دقيقه ويوصل.
الممرضه: ياريت تستعجلو المريض فقد دم هلبااا وحالته خطيره.
سميره: طااحت ع طولهاا قامهاا سامي واحمد ودخلوهاا غرفه وجت ممرضه ركبتلهاا تغديه ومعهاا سامي واحمد يجري زي المهبوول ف الممر ويعيط ويتصل بي ياسر وحمزه.
احمد: تيي شن البلااااااد الغبره هااادي معقوله مااافيش دم ف مستشفي يعنييي لين يمووت بيش تستريحو يااعن....اااااخ وووقت اعوووج تي ردوو انتم الاتنيين خير بلاكم اززح.
قعمز ف نص الممر تقعميزت واحد معش ف ايده شي يديره معش عرف يوزع روحه يمشي لي امه الي داخت عليهم ولا يمشي يشوف شن صاار ف عبدالرحمن ولا يقعد يتفرج ع خوه الي يمووت قدامه قعد يبكي😢
جي ياسر وحمزه يجرو لما شاافو احمد مقعمز ويبكي يسحابو معااذ ترا شن صارله ياسر كمل شور احمد وحمزه شد راسه وبدي يبكي حت هواا.
يااسر: معااااذ شن صاار شن في متقولهااش بلله علييك.
احمد: بسرعه اعطيهم الدم 😢انا خلااص معش عندي حيل .
ياسر: مشي يجري اعطاهم اكيااس الدم ورجع..احمد نوض وامسح دموعك راك راجل.
احمد: امي دايخه ومركبيلهاا تغديه وخوي بين الحياة والموت وانا بروحي نجري بين هكي وهكي معش عرفت ماندير وقاعد تقولي رجوليه.
حمزه: امي وينهاا.
احمد: معاهاا سامي برا بلله قول لي اهل عبدالرحمن شكلهم مايعرفوش.
حمزه: قلت لي خوه .
سامي: ها شن صار شن قالولكم.
احمد: قااعد نفس الشئ مافيش حد يطلع يقلك الزبده امي شن جوهاا.
سامي: عطوهاا مهدئ ورقدت.
ياسر: حمزه من عرف غير الي حاضرين ان شاءلله غير ماقلتوش لي امي.
حمزه: لالا محدش عنده علم غيرناا كلهم راقدين.
سامي: طلع فونه وبعد عليهم واتصل بياا.
انا: قاعده ف مكاني ونستوعب ف شن الي يصير ودموعي موقفوش بكل ف هذكا الوقت عرفت انه نا نحب معاذ ونعشقه اخره الان ماعمره صارلي هكي شعور الي نحس بيه توا مش مفهوم ابدا...شفت الفون سامي يتصل فتحت الخط ونستنا فيه شن بيقولي ونا بعبرتي والكلمه ماتطلع الا بعد الف واسطه😭
سامي: الو ضياء كيف حالك توا.
انا: معاااذ معااذ شن حالته شننن فييه ااه😭.
سامي: ضياء بطلي بكي كنك ومعاذ حالته قاعده مش معروفه .
انا: بنجي للمستشفى نقدرش نستنااا نا 😭.
سامي: ضياء اعقلي وبلاش هبال صباح رباح انا بنعدي معاهم توا ردي بالك ع روحك.
انا: كلمني طمني .
سامي: تمام .
.
.
.
رتاج: هيا بنات نخشو الداخل ندوى بدت تنزل.
حنين: نبيش ندخل خلوني نا هني لين نطمن ع معاذ قبل .
حسناء: حتي نا.
رنا: انا بنمشي لي ضياء قاعده مقعمزه حتي هيا البراا .
ريهام: ناديها تقعمز معاناا.
حنين: لاااا منبيش نشوف وجها.
رنا: باه باه.
جتني رنا القتني ف مكاني.
رنا: ضياء نوضي ادخلي معايا اغسلي وجهك.
انا:...
رنا: تحبيه صح وله.
انا: هزيتلها بي راسي بي معني اي.
رنا: عرفتك اصلاا❤يلاا باه نوضي توضي وصلي وادعيله ومعش تبكي بتفضحي روحك رااه امبكري يسحابوك تبكي وطحتي ع خااطر حنين كشخت عليك لكن نا فهمتك طوول.
انا: باه هاتي ايدك مش قادره نوقف...دخلتني رنا توضيت وصليت وادعيتله وجتني القطوسه اذكرت كيف مشينا للبيطري ويتسهوك عليا وامتاا جابهالي قعدت نبكي تاني 😭.
رنا: ضيااء بطلي بلله علييك وانتم توا تبكو ومدايرين حاله وهوا مرات مافيه شي.
انا: قالي سامي حالته مش معروفه وانتم زي ماقلتي مايردوش عليكم كان حاله باهي راه سامي طمني وردو عليكم قالولكم😭.
رنا: بوك عنده علم.
انا: لالا بابا راقد.
رنا: تعرفي مافيش حد من العيله يعرف غير الي شفتيهم بكري والباقي كلهم راقدين.
انا: خلوهم توا الصبح يعرفو علاش تفجعو فيهم😢.
رنا: اي حتي احني قلنا هكي.
انا: نضت نبدل...حنين وحسناء كيف حالهم توا.
رنا: خيرك علاش تبدلي 😯.
انا: بنمشي للمستشفي .
رنا: بلاا ختش قعمزي واسكتي خيرك انتي هبلتي الدنياا ليل رااه وماغير هكي بنت وماشيه للمستشفى بصفتك شنو اخته امه بوه خيرك اعقلي وارزني راه النااس مش فالحه غيير ف تحبريك القصص.
انا: مدخليش بيهم الناس نا كل مايهمني معاذ توا بسس الباقي ف الساس.
رنا: تي وراسك مااك خطيتهاا خطوه برا الحوش توا كاان اديري ما اديري.
انا: خرفييي.
رنا: قولي لي امك بنبات عند رنا وهيا بري معانا غادي.
انا:تعرفي وله توا بنسمع كلاامك لكن صدقيني تطلع الشمس مش حتلقيني.
رنا: باه ساهل بعدين.
كلمت ماما وقعدت تستجوب وكذبت عليها وخديت مفاتيح السياره وطلعناا...نا طلعت وجيت بنركب ف السياره اذكرت كيف يبينيش نطلع بروحي وقالي اي شي تبيه نجيبهولك ناا بديت نبكي بعبرتي جت رنا حضنتني وقعدت تهدي فيا بعدين مشينا لي حوشهم ومابتش نحكي ولا كلمه مع انه حنين تلقح وتاخد وتحط لكن عذرتهاا💔.
.
.
.
ف المستشفى
جي صاحب احمد وبما انه يشتغل غادي فا خلوه يدخل.
احمد: ها شن ياكمال طمني.
كمال: الدكاتره بيديرو الي يقدرو عليه والباقي ع ربي ادعوله ينوض بسلامه ان شاءلله.
احمد: اميين يااارب بااه كان فيهاا كيف نطلعوه البرا عاادي نديرو اي شي غير يقولناا بس.
كمال: والله معارف توا نشوف الجو ونرجعلك..
احمد: صحيت نردوهلك ف الافراح.
كمال: عيب عاد مش بينا ماعنديش فيه جميل...
شويه هكي وجو صحااب معاذ كلهم وزحمة الدنياا وجي معتز هذا صاحب معاذ وعبدالرحمن هلباا وقعد يعيط ودار حااله.
ياسر: معتزز خلااص اسكت يارااجل رااك ف مستشفى وقدام عمليات خيرك.
معتز: تي يايااسر راهم ضربتين ع راس تووجع💔.
ياسر: الله غالب.
معتز: تي كيييف صاار هكي كاانو بيخطمو علياا باش نمشو نكسدوا عنده قالي عندك خمسه ونلقااك واتي... وووينهم توا شووف ويين واحد تحت العمليه وتاني ف العنايه يااريتني معاااهم مش عدل هما الدااخل وناا البراا مش عدل.
احمد:😔.
ياسر: مكتوبلهم شن بدير.
الشباب طلعو بي معتز البرا الانه مداير دوشه.
معتز: بااااه خلااص اطلقوني خلوني بنمشي لي عبدالرحمن تي حوول ياارااجل اززفت.
طلقوه مشي لي عبدالرحمن ف العنايه القي اهله كلهم غادي وامه تبكي وصاير فيهم جي لي خوه سئله قاله حالته مستقره لكن ماخلو حد يدخل.
معتز: السلام عليكم.
الممرضه: وعليكم السلام.
معتز:مش طارق الفلاني يخدم اهني.
الممرضه: اي.
معتز: موجود توا.
الممرضه: اهاا شويه ويجي.
معتز: تمام.
شويه هكي وجي طارق يكون قريب معتز ويخدم ف العنايه قاله معتز انه يبي يشوف عبدالرحمن دخل طارق شاف عبدالرحمن وبعدين لبس معتز لبسه ودخل حت هوا جي وقف فوق عبدالرحمن.
معتز: ها يانصي نوض عااد مش من عاويدك تحب النوم هكي...ياعبيد نوض راه هلباا هكي انت ومعاذ تكسرولي ضهري💔.
قعد متنح ف صاحبه الي وجهه كله خدوش وجسمه كله اجهزه ورجله مجبسه ويكلم فيه مايردش.
طارق: معتز هيا خلااص.
معتز: هياا😔...صحيت طروقه تعبتك معاي.
طارق: سلمك ولا يهمك.
طلع معتز بعد هدي شويه وجي وين مقاعمزين الشباب....
.
.
.
سامي طلع قدام المستشفي ويتصل بي واحد يعرفه ف المطار ويبي يقله اجلهاا يومين تانيات..
سامي: كييف.
الراجل: زي ماقتلك.
سامي: تي كنك نقلك نبي نأجلهاا تقلي اليوم الساعه 8نا قلت بنأجلهاا مش بنقدمها.
الراجل: ياودي ياسامي والله ماعندي ماندريلك راه اهني الطياران ناقص هلباا يعني فرصتك اليوم الساعه8 الصبح كان هكا معش بتحصلهاا بكل..
سامي: باه تمام احجزلي فيهاا والغي الحجز الاول وخلاص توا انشوف اموري ونكلمك.
الراجل: تي ملتغي الاول من غير ماتقول اصلاا باه نظم امورك وكلمني.
سامي: ياودي عجب يلاا سلاام.
الراجل: سلاام.
سكر ساامي وراكبتلاا صفاار كيف بيمشي وبيخلي الولاد وخالته ونا والجماعه هكي وكان بيقعد مرات معش بيحصل كيف يرجع تركيا اخره وتأشيره ما تأشيره قصه يعني وزياده خوه الي لي توا مايعرفش فاقرر يرجع وخلاص ماعنده حل غيره...
.
.
.
طلعو الدكاتره وقالولهم عنده كسر ف ايده ونزيف ف الدماغ وجرح كبير حاولنا نسيطرو عليه ووقفناه وهوا ساعدناا بنيت جسمه كويسه وتحمل وتوا بيقعد تحت الملاحظه لين تستقر حالته..
اطمنو شويه ويبو يدخلو يشوفوه مخلهمش وحمزه مشي طمن امه القيها كيف باديه تنوض وتصحصح وقاعده تبكي...ونسو البنات مره وحده ومحدش كلمهم ولا جي شورهم
.
.
.
اما عندناا الي هاادي ف وادي ومافش حد عقله ف راسه دخلناا للدار وقعدنا مقعمزين نا ماسكه روحي ودموعي بيش مايشكو ف شي وحنين تبكي منشفتش الدمعه من ع خدها وتخلي فيا حت نا نبكي 😢 وحسناء مقعمزه تقرا ف القرآن وريهام راقده ورنا تحوس بيناتنا وكل شوي تمشي عند وحده تصبر فيهاا ورتاج ع فيس بالك تلقا حاجه وكل شوي تتصل بيهم ياسر مايردش واحمد مقفل وحمزه ناسيه ف الحوش ونا نتصل بي سامي ميردش حت هوا
فات الوقت وأذن الفجر صليناا ورجعنا نفس التقعميزه كنت بنمشي للمستشفي مخلتنيش رنا قتلي يطلع الضي قبل
فجأ هكي ناضت رتاج وقفت وحطت ايدها ع فمهاا وترعش نا قلبي بدي يدق ف 200 من لقطتهاا كلناا وقفناا
رنا: خيييرك رااه مش ناقصيين خلايع.
رتااج: حاطه ايديهاا ع فمهاا وتبكي..
رناا قامت التليفوون وشافت الي شافته رتااج طول دموعها نزلت وقبلتناا يا..
.
.
.
يتبع
