أسفه ع التأخير
حكايـة ضيــاء
الحلقه8
وعرف انه ليا من صورتي الي حطتها خلفيه حاول يفتحه ماقدرش الانه بصمه ورمز مأمن من جميع الجهات جاب فونه ووفتح ع الكاميرا وصور الخلفيه😒وحط الهواتف بجنبه وع اساس بيتمدد راح ف سابع نومه
.
انا مجانيش نوم ولا حتي طشه ورجلي تسطر فياا حطيتلها مرهم وقعدت نتقلب يمين يسار ملييت ونبي فوني الي نسيته ع الصالون شفت الساعه القيتها 4 فكرت انه نمشي نجيبه اكيد ما قامه حد الانه تحت امخده مايبانش وبعدين تفكرت انه ف ليبيا شن طلعني ف وقت زي هدا وماما وبابا راقدين كان يلقيني حد فتت الموضوع..نضت ندور ف الكوجينه خديت شوكولاته وطلعت قعمزت ع Tv مالقيت شي نتفرج عليه فدييت وقررت نقوي قلبي ونطلع نجيب فوني والي بيصير يصير درت شرشافي علياا وطلعت من الباب الخلفي الان المسافه اقرب ونمشي ع روس صوابعي ونشوف وراي زي السراقين😂 وصلت ف الصالون
انا: ووووك علياا خلعني الهم الاحرف ناوي يجيبلي السكر خزي " معاذ كان راقد ع صالون وداخل ف بعضه واسحبته بينوض من عيطتي وجيت بنولي لكن امتاا مدارش ولا ردت فعل عرفته ف سابع حلمه دورت ف مكان الي حطيته فيه مهناش 😅" وين الفون ياربي شفت طول لي معاذ عرفته هوا واخده حاطه بجنب ايده خديته بشويه وحسيت معاذ مسقع وعرفت انه مبلول وف الصقع زي هدا راقد البرا شن يقوله عقله كنت نبي نوضه لكن قلت توا يدرلي العار واصلاا ميستاهلش حتي انه الواحد يسخف عليه جيت بنمشي وبعدين وليت ضميري بأنبني كان خليته بلا غطاء ومبلول ماعنديش حل الا الشرشاف الي علياا حطيته عليه ومع انه والله مايستاهل لكن يلاا الي هدا يخدم بي اصله...دخلت نجري قبل لا يشوفني حد حطيت الهاتف ف شحن ورقدت هدا وين استريحت لماا رجعت ولدي جنبي😂
.
.
.
نضت الصبح علي عياط ماما تبيني نوتي روحي الان بنمشو لي اهلهاا طبعا ماما هيا وحيدة العيله
.
اما معاذ ناض استغرب في الشرشاف الي فوقه وامتاا شاف تليفوني مهناش عرفني اناا الي حطيته قعد يضحك ويهز براسه زي الهبل ناض حط الشرشاف عليه ومشي لي حوشهم قبل لا يشوفه جدي ويدرله قصه لاقاه احمد ماشي لي عمله
معاذ: صباح الخدمه ووجع الرأس.
احمد: صباح النور😱 وين بتت امس.
معاذ: ف المسبح.
احمد: وشن الوردي هدا السمكه الي تعاكس فيك امس غطاتك بيه😂.
معاذ: براده ع صبح ماتجيش بكل .
احمد: غير من وين حصلته.
معاذ: الله المستعان برا لي شغلك سلم خوي توا تتأخر نا داخل منرقد 😴.
احمد: مرقد جدي الي رقد ماعاد ناض.
معاذ: مشكور😪👋.
.احمد: ولو العفو😌.
.
.
انا مابيتش نوض الانه ماشبعتش ف نوم جي بابا ينوض فياا .
سعد: ضيووو هيا نوضي.
انا: بابا حرام عليكم خلوني نرقد راه راقده الفجر 😩.
سعد: ليلى شنو رقمك عجبك كان معجبكش شدي خودي رقم ضياء😆😁.
ليلى: لالا تمام خليلهاا هيا المميزه ماعندي ماندير بيهاا.
نضت واقفه 😳.
انا: بابا غر تتكلم رسمي ولا تجري بياا باش انوض
😳.
سعد: من امتااا نجري بيك اناا😂.
انا: غير هياا وينهاا😍 وانت رايق ع صبح اليوم ربك يستر.
سعد: هههه باه يلاا بري ادخلي الحمام وافطري ووتي روحك وتعالي نعطيهالك.
انا: لا عااد ميصيرش منهاا الدوه هادي.
ليلى: يصير يصير😂.
انا: قوانين جديده هادي.. كوني محضر خير ياليلو.
سعد: ها شن الفطور واتي.
ليلى: اي واتي.
انا: تمام بكل صحيتو ومنورين ويجي منكم اكتر😒.
ومشيت وناا بنطير من الفرحه ع خاطر واخيراا بنكلم سامي ونورا مستاحشتهم لين خلااص كل شي درته فيسع فيسع حتي المرهم حطيته ع رجلي بلا نيه وطلعت نجري..هيااا بابا هات الشفره ها الحمدلله واتيه وجوي جميل😎.
سعد: بسم الله بشويه وانتي بطيري افطري قبل.
انا: ماتبيش بعد لا نفطر نظم الدنياا وندرلك غداء ولا اي شي تاني😐عليك ذل اززح😒.
سعد: لالا افطري بس😂.
انا: ع فكره انا صايمه اليوم😄.
سعد: بلاا كذب وهدا تكمليه توا.
انا: ولله ماصرهاا جي ف الوقت الي معنديش فيه نيه وقلي كولي كان جعانه مهنااك حد يدورني .
سعد: انا قلت كولي😉...وطلع الشفره يورلي فيهاا.
انا: تي حاظر ولله لما ناكله وياليلو كان بتزيدي سندويش غيره ماعندكش مشكله عارفه بنتك تريبيا😂.
ليلي: غير كملي هدا قبل😂.
انا: ولا يهمك😘.
ليلى: ربي يهديك ان شاءلله😂.
انا: اجمعين😁.
ليلى:😒.
انا: مش عليك ع ليلات وحدات تانيات ليلي الي عندنا مشاءلله عليهاا هاديهاا ربي ومافيش زيها 😂.
ليلى: غير بشويه لا تنخنقي.
انا: كان نخنقت ف رقبة زوزك يوكل فيا غصب وهدا كله ع خاطر شفره توا يقولو ماتت ف سبيل شفره.
ليلى: ها بدت تفترش ياسعد اعطيهاا الشفره و فكني من دوشتهاا.
انا:😊😌.
سعد: تعالي خوديها صرعتينا وانتي مسكتيش بكل .
انا: شكراا🙈🙊.
بابا وماما: شافو لي بعض 😮 شن الهدوء الي نزل فجاء.
انا:😶انا نستنا فيكم ع طاوله الي برا وطلعت بي كل هدوء وانا ف داخلي هرجه فرحااانه قريب نطير قعمزت ع طاوله وركبت الشفره جيت بنتصل بي سامي ولا نورا لكن قلت بعدين نكلمهم بي راحتي احسن..نبي نفتح نت ع شفره نعرفش كيف قلت نتصل بي ياسر نسأله الان هوا الوحيد الي عندي رقمه اتصلت بيه رد ف الاخير .
ياسر: السلام عليكم.
انا: وعليكم السلام صباح الخير.
ياسر: اووو ضيو صباح الورد شجوك وكيف حال رجلك تواا .
انا: تمام الحمدلله شخبارك انت.
ياسر: ولله ماشياا الحمدلله هدا رقمك.
انا: اي لياا.
ياسر: تمام بكل توا نسجله.
انا: انباه.
ياسر: اليوم قاعدين ف الحوش .
انا: لا علااش.
ياسر: هههه لا قبل بنجي نتغدا عندكم .
انا: الحمدلله مش قاعدين ف الحوش😂.
ياسر: هههههه تي باه باه غير اليوم دارك توصل وبيركباهاا هدا علاش.
انا: لا كان الموضوع هكي تفضلو ف اي وقت مرحبتين بيكم انت والي معااك😅.
ياسر: ملاا انتي وخلااص😂.
انا: امتاا بيركبهاا يعني نروح نالقهاا ان شاءلله
.ياسر: ع العصر ان شاءلله.
انا: باااه كويس بكل😜.
ياسر: اي وين ماشين.
انا: عند اهل ماما.
ياسر: اسمهم خوالك يافرخه😂.
انا: عند اهل ماما عند خوالي سيم سيم😅.
ياسر: باه بعد لا تروحي تعالي كسدي معانا ف الجنان الخلفي.
انا: لا اظن انجي.
ياسر: علااش "يستعبط".
انا: بنروح بنرتب حوايجي الان قعدات زي ماهماا وبنظم اموري يوم تاني ان شاءلله.
ياسر: باه تمام ع راحتك.
انا: قتلك كيف نفتح نت ع شفره اهناا معندكمش انتم شبكة wi-fi ولا كيف .
ياسر: لا موجود انتي تبيه اليوم ضروري ماه يبي حجز وجو .
انا: لا مش ضروري توا نمشي الايام هادي بي نت الشفره غير قلي كيف نشترك بس .
ياسر: علاش نت الشفره واصلاا ضعيف حاله نت الشفره نقلك ترا افتحي الwi-fi عندك شوفي كان توصلك الشبكه ولالا.
انا: دقيقه بس...اي ف شبكتين وحده اسمهاا شعبه😕 والتانيه اورنج .
ياسر: فوتيهاا شعبه متع معاذ وتعالي افتحي ع الاورنج بيقلك كلمة المرور اكتبي رقمي توا ينفتحلك النت وجوك تمام بكل لا نت شفره لا غيره .
انا: تمام مشكور وصحيت تعبتك معاي 🙈.
ياسر: ولو العفو وبلاش منه الكلاام هدا خير ماتنضربي.
انا: هههه خلاص سكتت.
ياسر: بااه طيري توا خلي نوض نجريلك ع دارك.
انا: باه تمام ربي يعاونك 😜😍😘.
ياسر: اجمعيين..سلام😉.
انا: سلام.
طبعاا سكرت ومابيتش نفتح نت الان نفس الشي كان فتحت بنحكي مع سامي ونورا وبنطولو واحنا توا بنطلعو فا قلت خليهاا بعدين لما نروح نفتح وخلااص
طلعت ماما وبابا وركبنا السياره وماشيين شور خوالي ف الطريق قعدت غير نشوف لي الشوارع والناس وكيف الدنياا صاير فيها بابا وماما يهدرزو بابا نسي الطريق وماما تقوله من هني ومن هني ودخلو ف عالم😂ليين وصلنا واخيراا طبعاا عايشين ف الريف يعني ف الدواخل مش ف المدينه ماما طول بدت تبكي قبل لاتنزل من اول ماشافت الحوش بدت تبكي
ليلي: كل شي قاعد زي ماهوا😢.
انا: 💔وجعتني وندمت ع كل الي درته الان مانبيش انجي اهني وهكي بعد شفت كيف ماماا وبابا مستاحشين اهليهم هلباا عندهم الحق الغربه تقطع وتوجع هلباا وقررت انه حتي كان انا مش عاجبني الوضع نوضح العكس مانبيش نخليهم ينشغلو علياا الانهم اهم شي ف دنيتي كان نشوفهم زعلانين مش عارفه شن يصير فياا ف ضروري نفرحهم زي مايفرحو فياا ومش منقصين علياا شي والي نطلبه يكون عندي".
ماما دخلت طول تجري وحنينه جتهاا تجري ونهارت بكي وتظبت وتبوس فيهاا وانا وبابا قعدنا نسلمو ع جدي بي الاحضان وشكله جوه جميل انا حبيته😍😂.
جدي علي: شوف الفصعونه كبرت وراحت صبيه مشاءلله عليهاا.
سعد: اي ولله كبرتناا حتي احنا.
جدي: ماعينك فيه قاعد شباب.
انا: هههه.
وجت ماما وحنينه ماما حضنت جدي وقعدت تبكي وهوا يقولهاا خلااص يابنتي الله غالب هدا سعد خداك مننا وانتي وحديتنا ودمعه ف عينه واضح عليه انه فقدهاا.
انا: امتاا قال خداك مننا وانتي واحيدتنا دمعتي طول نزلت تخايلت روحي هكي بعد سنين لا ولله مانخليهم حاره ياكبدي 😢💔.
سلمناا ع حنينه وبعدين طلعت مرا من الحوش الي بجنبهم تنشر ف الفرشه وامتا شافتنا جت تجري وتنادي ف ماما وتبكي عرفت طول انهاا بنت عمهاا الي زي اختها الي تحكيلي عليها قبل .
ماما: هاااااااله ❤💞وطول حضنتهاا وفتحو مناحه تانيه خلوني نبكي ازح😢.
هاله: ااه ياخيتي هناا علييك تخليناا السنين هادي كلهاا وتمشي محره فراقك ياااكبيدتي 😭💔.
ليلى: حتي ناا صعبه علياا لكن الله غالب شن بديري اهوو روحت خلاص التوبه معش مولياا.
انا: زمطت ريقي من كلمة معش مولياا غمتلي تخايلت معش نولو والله ماصارهاا😣.
بابا وجدي وحنينه دخلو وانا قاعده واقفه نتفرج ع الدنياا وع ماما وهاله.
هاله: شافتلي وعيطت ان شاءلله هادي بنتك وجت سلمت علياا الصلاة ع النبي.
انا: عليه الف صلاة والسلام 😂.
ليلى: امالاا ملوكه وين.
هاله: والله ف الحوش توا إنادها تساير ضياء.
ليلى: هي نادهاا وتعالي نهدرزو مستاحشتك ياعافنه.
هاله: يعلم الله حتي انا قداش مستاحشتك😍😘.
انا دخلت وقعمزت بجنب حنينه وقعدت نهدرز انا وياها جوهاا يهبل متقوليش عزوز بكل ودخلت ماما انضمتلناا وقعد تهدرز هيا وامها وبعدين جت خالت ماما دخلت سلمت علينا وقعدت تبكي هيا وماما. وبعدهاا خشت للمطبخ وقدمتلنا عصير وشوكولا ومعش شفناها اكيد اطيب ف الغدا 😂.
انا صبري بدي ينفد نبي نكلم سيمو رايفتله الحيوان اكتر من نورا..
بعدها جت هاله وملك بنتهاا وشكلها الفرخه اسم ع مسماا واضح عليهاا هاديا وبراءه ورقي سلمت عليناا وقعمزت جنبي وطبعاا بما انه من المعتااد نكون انا الطرف الي يبدا فبديت 😅.
انا: اهلاا ملوكه شن جوك.
ملك: تمام الحمدلله كيف حالك انتي.
انا: الحمدلله سنه شنو توا.
ملك: بندخل تانيه تانوي ان شاءلله.
انا: بي التوفيق ان شاءلله مقررا علمي ولا ادبي.
ملك: علمي وانتي سنه شنو.
انا: بندخل كليه.
ملك: مشاءلله مش باين عليك .
انا: تسلمي
وقعدنا نهدرزو كلمه مني وكلمه منها لين امها درتلهاا لقطه براسهاا هكي ماعمره امي درتهالي 😂 اللقطه زي مافهمتهاا نوضي للكوجينه عاوينهم بالك يبو حاجه😅 ناضت البنت استأذنت ومشت مسكينه😂
.
.
.
ف تركياا
سامي داخل بعضه ومش عارف شن الي يصير معاه ويستنا ف اتصالي ونورا تستنى ف اتصال وليد شكله الفرخه طاحت وكبدت ووليد يبي يتصل خايف من ردة فعل نورا ولفي بينا يادنيا😂.
رن نقال نورا ناضت بسرعه تسحابه وليد😂.
نورا: ها يادراه .
سامي: شكراا هيا سلام.
نورا: حي يامختش وين ماشي انا نبصر عليك خيرك رايح حساس هكي.
سامي: هي بلله خليهاا ف سرك.
نورا: غير شنو منو صايره حاجه نعرفوهاش ولا كيف😉.
سامي: امتاا نفهم انا شن الي صاير معايا قبل و بعدين توا نقلك😂💔.
نورا: بااه تمام😂قتلك.
سامي: شن كلمك وليد😉.
نورا: لا قصدك انت عاطيه الرقم 😯.
سامي: اي عاطيهوله مسكين اكيد خايف😂.
نورا: حسستوني غوله ازح 😡.
سامي: هههههه لالا حشاك اي شن كنتي بتقولي.'
نورا: استحشت ضيو😢.
سامي: ايواااا وانا هدا عليش قاعد مش فاهم شن صاير معايا.
نورا: كيف😕😨.
سامي: فوتي نفترش المهم انتي شن اديري توا .
نورا: قاعده ناكل😂❤.
سامي: تخصصك عااد.
نورا: يس😛.
سامي: صحه صحه اسمعي.
نورا: سلمك نعم.
سامي: كان حكت معاك ضياء كلميني تقول معندهااش الا رقمك معندهاش رقمي شكلهاا😒.
