حكايــة ضيــــاء
الحلقه9
انا: بااه يلاا Hoşçakal "ف امان الله"💞
نورا: سلاام 💕
سكرت من نورا وجيت بنتصل بي سامي سمعت دوشه مشيت للصاله الي مقعمزين فيهاا العويله والقيتهم كلهم واقفين بيطلعوو البرا بيغيرو جو طلعو وطلعت معااهم وشفت بابا كيف بيروح مشيتله جري وشويه والتويت رجلي التانيه..
انا: باباا اه اسمع ووه دهشت .
سعد: خيرك فهميني بشويه.
انا: نبي نروح معاك😣.
سعد: امك بتروح تواا حتي هياا.
انا: نعرفش.
سعد: اجري اسألهاا كان بتروح تعالي انتي وياها وكان بتقعد..وقصيت عليه.
انا: وكان بتقعد تعالي توا نروح بيك😁.
سعد: هههه بااه بري قدامك عشره دقايق ماجيتيش بنمشي.
انا: تي نجك ربي يخليك ليناا 😍😂💃.
سعد: ويخلييك بسرعه راه راحت دقيقه😎.
انا: هي هي ...وطرت جيهت ماما ومعاهاا نساوين نادتهاا ع جنب.
ليلى: هاا شنو تبي.
انا: امتاا بتروحي.
ليلى: مش مروحه بايته.
انا: نعم 😨.
ليلى: واضحه هاادي ف شور بنبات ياحبيبتي😜.
انا: ويهون عليك راجلك😂.
ليلى: ههههههه حتي امي ماتهونش علياا.
انا: رد ممتاز😂 المهم تواا انا بنروح مع بابا.
ليلى: علااش ماكش قاعده توا حناك تزعل منك.
انا: والله مانقدر تبيني نختش😵.
ليلى: بااه انتي وراحتك.
انا: لا يااكبدي مايهونش علياا بابا نخليه ف الحوش بروحه سااد مخلياته مرته نزيدهاا عليه انا.
ليلى: ربي يهديك ان شاءلله😂.
انا: ان شاءلله خنمشي قبل لا يروح علياا.
ليلى: بااه وسلمت عليها بي الخد😊😘.
مشيت سلمت علي العويله الي مقعمزين وملك شادتهاا علاش بتروحي حبيبه بااه عاوديهاا تاني حبوبه وهكذا بين حبيبه وحبوبه لين وصلتني للباب😂طلعت ركبت ف السياره.
انا: هاا ماعطلتش وله 😁.
سعد: لالا.
طلعناا وناا قعدت منستهاا ف الشوارع كا العاده ونفكر ف سامي شن بنقوله 😢... وصلناا نزلت ناا قدام البوابه وبابا طلع عنده مشوار ناا داخله قلت خلي نطق نسلم ع اميمه دخلت سلمت عليهاا وقعمزت شوياا نهدرز عليهاا وبعدها طلعت وانا طالعه ف الجنان رنا مقعمزه ف الدرجيحه شافتني جتني تجري😯.
رنا: حمدلله ع سلامه اليوم كيف قالولي ع الي صار امس 😢ياروحي انتي يحسابوك زيناا متعوده ع صوت الرصاص.
انا: ههههه مختشه الله يسلمك اي يااكبدي خلعه محترمه.
رنا: تعيشي وتاكلي غيرهاا😂.
انا: سافله😂.
رنا: تعالي نقعمزو.
انا: لالا بنمشي للحوش.
رنا: ولله ماصارهاا حلفت خلااص تعالي قعمزي من دون كلام.
انا: ف خاطري "عنشكلك اطلقيني بنكلم سامي" تي باه بشويه يادراه.
مشينا قعمزناا ف الدرجيحه.
رنا: مااه من الاول .
انا: بااه يلاا احكيلي شن صاير امس كل الي فهمته انك تحبي سمير باه غيره..
رنا: ياستي من انا صغيره نحب سمير وبعد ما كبرناا كلنا بديناا نتجمعو هلباا عند اميمه الان ف فتره جدي طلب مننا الشي هدا زي ماشفتي امس الجلسه العائليه طبعاا حكم يوميا المهم انا وسمير كناا متعلقين ببعضنا هلباا ونحكو ف كل شي لي بعض ونفهمو ع بعض هوا يعتبر فياا كا بنت خال بس وصديقه اما انا لا نحبه...قبل سنتين ع اساس جاته منحه وبيطلع يقرا البرا طبعاا استشار العيله ف الموضوع كلهم فرحوله الا اناا قتله لا وعلااش الانه المنحه مش بي هديكا الاهميه وهوا بسافر لي كندا انا التفكير طول ضرب ف انه ف بنات غادي يعني الغيره لعبت فياا طول والافندي سمير ماردش علياا بكل وقالي المنحه اهم ومش عارفه هلباا كلام هوا كلام عادي لكن وجعني وسافر وبعدهاا اناا مرضت وصار فياا وهوا جوه فوق الريح وسافر وفرحان ومن بعد ما مرضت وشفت الي صايرلي فتحت عقلي وعرفت انه اناا مش حنستفيد شي من الحب هدا غير وجع القلب فقررت ننسى سمير ونسيته وفجأ امس اول ماقابلني عرفت انه انا نكذب ع روحي نظرته امس هاكي فتحتلي جمييع الجروح الي كنت داستهم خلتني نذكر السنتين الي مشي فيهم وخلاني نتعذب فيهم ربي مايذوقك طعم الفرااق قداش صعب ياضيو وبدتت تبكي😭💔.
انا: وجعتني متت عليهاا قطعتني حطيت ايدي ع كتفها وقعدت نهدي فيهااا وبكتني معاهاا من امتاا قالت الفراق 💔.
رنا: اي هوا هدا رجع بعد انا قويت ويبي يهدملي حيااتي لكن المره هادي مش حنسمحله😏وتمسح ف دموعهاا.
انا: مش عارفه شن نقلك والله ماتتستاهلي كل هدا انتي بنيه طيبوبه ونسمع قطوسه ورايا تعيط ونسكهاا عيطه الانه خلعتناا واحني منسجمين ف الهدرزه 😂.
رنا: خزي خلعتني الحيوانه.
انا: بما اني نتعب مع القطاطيس جيت بنشوفهاا الانها متحركتش من مكانها استغربت قطسهم اهني ميخافوش ولا كيف😂قربت منهاا وبردو متحركتش قعمزتلهاا وجيت بنقيمهاا رناا تعيط علياا.
رنا: لاااا ضياااء شن اديري خمر رااه.
انا: ياقتوشه حلاتهاا كانت بني لونها وصغيره قمتهاا واكتشفت انهاا رجلهاا مجروحه جرح كبير هدا علااش متقدرش توقف...سكريلي فمك ومدي منديل من شنطتي خلي نمسحلهاا الدم.
رنا: شدي يااضيوو شن اديري بطلي احيي😵.
انا: رناا هنينا بسكاتك وشفيلناا حد يرفعناا للبيطري بسرعه بلله رجليها توجع فيهاا 😢.
رنا:😂😂ضياء خيرك شويا تانيه وتبكي ومن بيرفعك للبيطري مسكينه انتي تسحابي روحك ف تركيا.
انا: عارفه روحي ف ليبيا غير هياا قولي لي اي حد يرفعناا بلله علييك حرام تقعد هكي حطي نفسك مكانهاا.
رنا: لي هدرجه يعني انسانيه عندك بي نسبه عاليه يافرخه😂.
انا: والله ماوقت برادتك مااه ماتعرفيش قدااش نموت فيهم القطاطيس تي راهم زيناا حتي هما يحسو خيركم☹️ ...اتصلي بي ياسر ولا شوفيه كان قاعد.
رنا: هههه تمام.
انا: اصبري اصبري هاكي سيارة ال اف جي لي من ؟
رنا: لي معاذ🤷🏻♀.
انا: ازح لي البلا هكاا هي فوتي اتصلي بي ياسر وخلاص.
رنا: ياسر كيف طلع.
انا: باه مافيش كيف نجيبو المفاتيح من معاذ النم.
رنا: بااه ها جبنا المفاتيح من بيسوق.
انا: انا نسوق غير جيبيهم.
رنا: تعرفي تسوقي.
انا: اي غير بري سلم رنوش.
رنا: تبيهم يقرو عليناا الفاتحه اليوم ولا كيف.
انا: كيف.
رنا: يعني افرضي توا خديناا المفتاح وطلعناا نا وياك اولا معااذ حيقتلناا الان طلعنا بسيارته وتانياا حيقتلونا الان طلعناا بروحناا وهدا كله ع خاطر الانسه ضياء تبي تنقض قطوسه.
انا: يعني تواا متلاا نخليهاا تموت والله ماصارهاا 😢وجيت بنبكي الانه ولله وجعتني وهياا القطوس كيف تتوجع وتبي تنوض وتموي تخايلت نفسي مكانها.
رنا: اسسس بتبكيلي ع خاطر قطوسه اصبري نكلم معااذ يرفعك 😂.
انا: معااذ لالا فوتيه مانبيش نركب معااه.
رنا: مالاا خليهاا تموت.
انا: بااه بري ناديه الهم وبسرعه وانتي والا وحده من البنات تجي معاناا.
رنا: تمام ومشت تجري لي معاذ قتله وجتني ادف فيه وهوا حاط ايده ف جيوبه ومجكتر روحه ولابس نظرات وجوه فايح 😎.
انا: رناا خيرك مش مبدله مش ع اساس بتمشي معاياا.
معاذ: وانتي من رافعك الي تعزمي فيهاا.
انا: الكلمه الي قالهاا هدمتلي سنوني وخلاص العبره خنقتني لكن مابيتش نبكي قدامه..اوكي خديت شنطتي والقطوسه..نا ماشيه رنا هيا تعالي معاياا للحوش مافي حد لا ماما لا بابا وطبعاا درت روحي حوله لا شفته وطرشه لا سمعته😊جيت بنمشي.
رنا: فنصت في معاذ بمعني مش وقت برادتك توا 😡.
معاذ: جي يجري ووقف قدامي..اوي خيرك ياطشه انتي تاخدي ف الامور ع محمل الجد معش عرفت كيف نتعامل معاك تي نبصررررو ياهم وكم مره بنقلك معش اديرهالي لقطه متع مانسمعش فيك 😉.
انا: شفتله كملت كلامك😒.
معاذ: هياا هاتي بنتك واركبي خلي نرفعك للبيطري ماعمري خدمتهاا الخدمه هاادي قبل لكن لييك انتي مافش مشكله وان شاءلله تسامحيناا يا انسه ضياء 😜.
انا: جيت بنضحك شديتهاا وكنت بنقله لا مش ماشيه معاك وشفت للقطوسه سخفتني علااش نظلم فيهاا😂😂..ع خااطر القطوسه بس 😑.
معاذ: هههه بااه اركبي مكسح راسك ازح.
انا: نعم.
معاذ: ينعم عليك😅 وجي فتحلي الباب استغربت من اللقطه ومعااذ جوه جميل اليوم ويتعامل بي لطف فا ربك يستر.
انا: تشكر ادريم😕.
معاذ: عربي عربي المره هادي فهمنهاا شكراا غيره مش هنفهم يابنت العم 😅.
انا: بارك الله فيك شكرا لك صحيت منور بكل هكي تمام😒
معاذ: تمام😌غير خيرك قارنتهم؟
انا: يعني راكبه معااك وتبي جوي تمام صعبه هادي.
معاذ: حسستيني راكبه مع مجرم.
انا: مش بعيده علييك😏.
معاذ: راه الفكره الي واخدتتها علياا غلط 😌.
انا:😒.
حل السكوت وشوية وبدت القطوسه تموي
انا: ياروحي انتي ياقربوجه عارفه رجلك توجع فيك تحملي شويه ونوصلو معلش ياحبيبتي توا تكبري وتنسي ياعمري انتي😍😢.
معاذ: ياريتني قطوسه☹️😹.
انا: كيف.
معاذ: خلاص معش القيتي ماديري تكلمي في قطوسه.
انا: تحس وتفهم علينا راه كان ماعندكش علم.
معاذ: شكلني بنغير طريقي شور قرقارش😅.
انا: وشن تطلع هادي😕.
معاذ: هادي فيها عيادة بيطريه كبيره😂.
انا: ياريت تسقد الان معش تتحمل .
معاذ: حاضر اخرتهاا قطوسه تتحكم فينا.
انا: حرام عليك ماتشوفش فيهاا تتوجع ماعندكش احساس انت..اي هوا حق نسيت ضميرك ميت يالله يأتر فيك انسان باش بتتأتر بحيوان .
معاذ: مش قتلك واخده علياا فكره غلط .
انا: صححهالي ياحنه.
معاذ: توا مع الوقت تصصح بروحهاا وتعرفي انك ضالمتني 😉.
انا: انت يااا جو نزار القباني فكك منه الان مش ماشي معااك رااه.
معاذ: هي فكك من طول اللسان احسللك 😉.
انا: غير تربح 😁.
معاذ: كيف حال رجلك اليوم؟
انا: تمام الحمدلله تبي تكمل ع تانيه.
معاذ: تي رااه مش اناا الي خليتك اطيحي ولا انا الي قتلك نقزي وانتم دكتاهاا فيااا انا كل الي درته خاوفتك وانتي كنتي خايفه قبل لا نجي اناا ومنسحابكش رقيقه لدرجة تخافي من السلاح واعتذرناا منك كم من مره وانتي قاعده تتجكتري عليناا معمرهاا صارتلي مع بنت رااه.
انا: الانك انت المصدر هدا علااش نقزت😡 وتوا صكر ع الموضوع الي صار صار واناا اصلاا نسيته حسيتكم كبرتو الموضوع وهوا صغير.
معاذ: ارخي روحك خلااص فوتي قتلك اسف😅.
انا: 😒👊.
معاذ: لكن هوا الوردي يدفي ف تدفي مش عاادي😂.
انا: ها ها ها حلال علييك .
معاذ: ومن رادهولك اصلااا...والصوره الي دايرته خلفيه نحيهاا.
انا: لا ولله بصفتك شن تعطى ف اوامر.
معاذ: بصفتي ولد عمك يعني .
انا: ومن امتاا.
معاذ: من تواا😉.
انا: خرف مش منحيتهاا وين الكلينكس.
معاذ: تي ماشي ماشي ف الدرج.
جيت بنفتح الدرج عيط عليااا 😵.
انا: تي خيرك فجعتني ازح نقص صوتك مااه من الاول قول فيه حاجه خصوصيه وخلااص .
معاذ: معاش نبي نسمعها ازح هادي اولاا😒 وتانياا مافيش خوصوصياا ولو حابه تفتحي افتحي مدخلنيش بلباقي😂.
انا: باه هيا نا توا نغمض عيوني وانت طلعلي كلينكس
معاذ: ههههههه عنجد تفكيرك وخلااص فوتي توا قريب نوصلو ويلفوهالهاا.
انا: ماه امتاا قلتلك حاجه خاصه قلتلي لا😂.
معاذ: ههههه اخطيني من النظرات هادو وافتحي
الدرج وها قتلك مدخلنيش بييك.
انا: شكله حبيبتك ع كبرهاا ف الدرج😑.
معاذ: ههههه لالا مش لدرجه هادي عااد .
انا: نفتح يعني😁😵.
معاذ: افتحي وانتي شويه تانيه تموتي من الفضول وها وصلناا اصلاا .
انا: فتحت الدرج وكان فيه مسدس صغير طبعاا انا تعابير وجهي دخلو بعضهم و معااذ ميت ضحك واناا يبست ف مكااني حتي القطوسه حولت من علياا
معاذ: ضيااء نحن هنااا مااه قتلك مدخلنيش لي شن يصير لكن سكرتي راسك😂😂.
انا: تضحك ياحيوااااااااااااان 😭😨.
معاذ: هههههههه صوتك يامجنونه راك ف شارع .
انا: يامجرم ياعديييم الاحسااس ياالي بلا ضمير خزي علييك😐.
معاذ: بااه كملتي ولامزال😆كان فيه تهزيبه تانيه خليهاا لي بعدين الان تواا ياريت تنزلي رااه انا مش ع حسابك وراياا مشاوير😎.
انا: نزلت وشفت القطوسه عنده خديتهاا منه...هاتهاا لا حتي هاادي تقضى عليهاا شن ذنبهاا المسكينه.
معاذ: ههههه لا هكي بالغتي اختناا...غير خشي خشي لا فيك كف تواا يحول الدلع هدا كله .
انا: اياااه كان ناا ندلع راه مش هدا حالي 😏.
معاذ: مصيبه هادي متتدلعش وهكي ملاا كان تتدلع معنها تشوف البوخوصه يغمى عليهاا.
انا: خيرك التمتم احكي بصوت عالي خلي نسمعووك .
معاذ: قتلك انت حشااك من الدلع امي تدلع .
انا: حااق امك تتدلع 😱😂.
معاذ: لا توا بتتشلبخي رسمي .
انا: هههههه ومشيت نجري من بحدااه ودخلت لدكتور وعاينهاا وخليهاا عنده الان هياا يعني مش متربيه بااش نقدر نخادهاا اناا ومش حنقدر ندير بالي عليهاا زيهم فخليتهاا وقريب بكيت عليهاا ع سبله دموع ع اي شي 😢💔
معاذ: هادي قبل شويه تعرفت عليهاا وشافتها وقريب تبكي عليهاا والمشكله انه حيوان املاا كان انسان كيف اديري .
انا: تي ناا نحب ف القطاطيس اكتر من البني ادم وتي الحيوانات الي هازي عليهم عندهم احساس اكتر منك.
معاذ: زكري يعني ضروري ادخلي انك انت بلا احساس ف النص 😪.
انا: حقيقه لا يمكن انكارهاا ياروحي🤷🏻♀.
معاذ: يا شنو😳😍.
انا: هههههه مش بطريقه الي فهمتها رد بالك يمشي بالك لي بعيد يعني خلاص تمو البشريه باش نحبك انت.
معاذ: باه باه وانتي تماديتي علي معطاك ربي اركبي قدامي ملفته للأنتبااه الجماعه كلهاا تشوفلك.
انا: امتاا شفت معاذ تكنطاا ركبت بدون مانحكي وحتي اناا ركزت انه الناس تشوفلي.
ف طريق مافيش حد تكلم ومعاذ شغل الميوزك ع حسين الجسمي رعاك الله وبدي يدربك ع دومان ويغني معاهاا انا نصدمت فيه معقوله هدا الي قبل دقيقه كان متعصب نقلب مزاجه لي فوق الريح تي شن المريض هدا😑😨.
انا: يوك ارتك😕.
معاذ: عربي ولا اسكتي عن التفلسف الزايد.
انا: ها سكتنا😐.
عم السكوت وصلناا ودخل ودرس جنب حوشنا جيت بننزل جبدني من شعري.
انا: ااه شعري يابارد خيرك😠.
معاذ: لو تغطيه بوشاح شعرك هدا يكون احسن 💞😉.
انا: 😑.
معاذ: ماتبي شي.
انا: شكراا ع توصيله 😊.
معاذ: ولوو العفو.
.
.
.
.
ف تركيا
سامي: بااه مبروك ياعرفي واخيراا.
وليد: هههه اي ولله .
سامي: منور وجهك وصافي وعيونك ترا كيف تحسهن يضحكن يارا 😂.
وليد: ههههه صح فرحان لكن حسيتك بالغت بي الوصف ع اقل خير من وجهك الي رايح كيف الليمه وعيونك الحمر تقول تتعاطى .
سامي: قلة النوم والتعب ياخاال.
وليد: ع اساس رجل اعمال شن وراك مترتاحش.
سامي: تفكير😑.
وليد: ف شن تفكر يانصي هات ماعندك بالك نحلو ونشيل من عليك.
سامي: اشر ع قلبه💔👉...كان تقدر تشيل شيل.
وليد: اوووو موضوعك طويل جديده هاادي من امتاا.
سامي: هههههه بيستلمني براا كلم نورا وفكني من شرك.
وليد: تي ماني متزحزح من هني لين تحكي.
ويرن هاتف وليد الاتنين ضحكو يسحابوهاا نورا شوي طلع صاحبهم عابد.
وليد: ريح راسك مش رااد عليه يلاا احكي غير منو الي قدرت تحتل قلبك.
سامي: خدي الهاتف ورد بدل وليد
سامي يتهرب من وليد وميت ضحك.
سامي: ها ياعابد شجوو.
عابد: تمام من مش وليد ااه سامي شن امورك انت ياطير عاش من شافك .
سامي: تعيش تمام الحمدلله انت الي معش نقو فيك رايح تتجكتر.
عابد: ههههه تي من الي يتجكتر.
سامي: امي انت شن تبي متصل من الاخير.
عابد: فرخ واطي ومنحط وين انتم تواا معاك وليد صح.
سامي: اها ف كافي@#$
عابد: تم جايكم.
سامي: غير اصبر من عازمك وانت ديما زااقب بينتنا مرات نبو نحكو حاجه نحناا😂.
عابد: قده الكلام الي تحكي فيه😉.
سامي: تي مرحبتين بيك تي نخليلك الكرسي ونقمعز ع الارض وكان تبيني نطلع نقمعز برا ع القطران معندكش مشكله بكل يارا 😂.
عابد: ههههه عنجد دماغك خمسه ونوصل.
سامي: سقد بلله الان وليد زعملي كبدي من بكري سكنان مابطلش😒.
عابد: تم😂😂.
سكر من عابد وشاف لي وليد الي كان حاط رجل ع رجل ويهز ف راسه ويشوف لي سامي بمعني كملت ولا مزال .
وليد: من هوا السكان.
سامي: عابد يارا نفخهم 😁😅 .
وليد: هههههه يحليلك من ربي.
سامي: تييييييي اسسسسكت رقم ليبي ياراا 😵😵😍😍.
وليد: بااه وين المشكله رد .
سامي: قعد متنح ف الرقم لين فصل ومردش...عن جد امم الحظ.
وليد: خود وحط ف الحظ هدا غبااء اماا انت ابدااع الرقم قدامك ماه رديت.
سامي: باه باه سكرلي فمك عارفينك فالح .
وليد: الحق فياا اناا يا...
ع جيت عابد
عابد: تي اسكت ياربع رااك ف قهوه وف ليبين يفهمو ف الي تقول فيه تحشم شويه😂.
سامي: بلله قوله وعلمه تعالاا جيت ف وقتك هدا الكرسي ليك كيف ما اتفقناا نا معدي نقمعز ع القطران .
عابد: تتكلم من جدك 😕😂.
سامي: لا من سيدي قمعز ومتكترش دواا.
وليد: تفضل تفضل ياعبيد هدا توا خليه يخرط تعبان متعدلش عليه.
سامي: منور ياصحيح طلعناا اقعد فيهاا.
وليد: مربوحه محلاا فراقك.
طلع سامي وقعد وليد وعابد يهدرزو
.
.
.
.
اماا انا دخلت خديت دوش سريع وطلعت ونا نسشور ف شعري اذكرت لقطة معاذ كيف قلي غطيه وكيف تكنطا لماا شاف الناس تشوفلي وفكرت فيها عنده الحق علاش نلبسش وشاح دخلت الفكره راسي كملت ومشيت شور المطبخ الايامات هادو الشهيه مفتوحه بدرجه كبيره حسييت روحي نورا كيف بديت ناكل ونجوع هلباا واذكرت كيف كانت هياا ديماا تاكل ف حصتي وسامي ديما يلبس فيهاا ع الماكله ضربت ع راسي حي ساامي كيف بنكلمه يحليلي بي اماا عين بنحكي معااه😂😭💔المشاعر تخلطت عندي قمت الفون واتصلت مردش استغربت وزدت خفت😂😨طلعت للجنان فتحت نت ع امل نلقاه فاتح طلع مش فاتح لا هوا ولا نورا القيتهم باعتيلي مسجات رديت علي نورا وبعتلهاا الصور الي مصورتهم وجيت بنبعتهم لي سامي لقيته فتح طرت من الفرحه😍
طول اتصلت بيه من الشفره الان النت ضعيف..بدي الخط يضبح وكل تضبيحه اناا نرعش فيهاا تقول اول مره نحكي مع سامي 😂😨 .
سامي: الوو.
انا: هوا قال الو اناا مش عارفه شن صارلي طول الدمعه نزلت سخونه ياكبدي😢😭💔.
سامي: ضيااء.
انا: امتاا قال اسمي وعارف ان انا المتصله بديت نبكي بعبرتي تقول ترا من مات 😂.
سامي: عليش البكي تواا ياشفشفه تخافيش مش دايرلك قصه الان عارف اكيد المعلومه وصلاتك امبدري😂😍.
انا:😂😂😭 نبكي ونضحك الان فاهم الجو ياوخياتي عسسل.
سامي: هبله اضحكي ولا ابكي وحده من الاتنين مش زوز مع بعضهن ولااتكلمي راه قاعد مسمعتش صوتك الي مرايف عليه 💔.
انا: رايفتلللللكم وااجد رايفت لي كل شي ياسيمو كل شي هادو يومين وهكي صاير فيااا كان نقعد عمري كله اهني نموت والله نمووت بلاكم مانبش نوضح انه اناا مش طايقه العيشه اهني كارهتهاا قبل لا نحبهاا لكن ضروري نتبت العكس ع خاطر بابا وماما فرحانين الانهم بجنب ناسهم فاناا منبش نكون انانيه ونلبز عليهم.
سامي: نجيلي الصوت السمح الزعلاان الواعي الفهمان بطلي بكي ياهمي ع خاطري والله غاالب هدا المكتوب ماعندك ماتغيري فيه وع اساس اناا الي نقدر نعيش بلااك بلله اسكتي ماتشوفيش تركياا دير العار من غيرك تي كنتي منورتهاا ياطشه عديتي وماقعد شي ليه طعمه..الا نوراا ووليد كاسبينهاا وقاعده نوراا تاكل زي قبل وناا ع حالي وانتي وحسن غبرتوها.
انا:😭💔زيد اقهرني ع اساس نا لياا سنه باعده قالك زي قبل قال.
سامي: هههههه انتي شن الامور عندك.
انا: هههههه بلله ناا حياتي بدت مليئه بي المغامرات كل شويه قصه.
سامي: نجيلي هالضحكه ياربي😍😂.
انا: سيمو بطل غزل توا خليني نحكيلك المكالمه دوليه ياهم.
سامي: سكري توا نعاودلك ياشعاته😂.
انا: لا شن معنى شعاته😵.
سامي: قفاصه معنها😂.
انا: بااه شكراا ياواطي 😂💔.
سامي: العفو.
وسكر علياا الحيوان عرفته بديرهاا نا دخلت جري للحوش وهوا اتصل.
انا: علااش الجو اهواا الي ادير فيه عش اديره خيرلك.
سامي: له له له شن بديري يعني😏.
انا: حت شي😂.
سامي: خوافه😜.
انا: من خاف سلم ياكبدي😛.
سامي: هههه وباه اي شن جوهم هي نبدو بي خوالك شن جوهم .
انا: جدي وحنينه جوهم حلو لكن كساد للمليوون .
سامي: 😂😂واهل باتك شن وضعهم حقيتي حسناء ياحنه.
انا: ايي هادم قصه توا نحكليك نشرب مياا الان ريقي بينشف .
سامي: يلاا كلي اذان صاغيه 😄.
انا: وووك حييي 😨.
سامي: كنك😨.
.
.
.
.
يتبعحكايــة ضيــــاء
الحلقه9
