منقولة
حكايـة ضيـــــاء
الحلقه17
رنا: خيييرك رااه مش ناقصيين خلايع
رتااج: حاطه ايديهاا ع فمهاا وتبكي..
رناا قامت التليفوون وشافت الي شافته رتااج طول دموعها نزلت وقبلتناا يابناات😭.
حسناء: رناااا شنو فيي.
رنا: معاذ وعبدالرحمن عطوكم عمرهم😭.
حنين: لاا تكذبي انتي لااااااا.
حسنااء: وووووك عليا مستححييل.
انا:...مياا سخونه وصبوها عليااا معيطش متكلمتش بكل كل الي نعرفه اني طلعت من بجنبهم ومشيت للمسبح.
البناات طلعو ومشو لي حوش جدي ويعيطو ع طول حسهم كلهم عرفو بدو يعيطو والجيران بدو يجو ودنياا زحمت وماما وبابا حت هما جو واميمه داخت عليهم ودنيا دخلت بعضهاا.
ليلى: رناا بنتي وين ضياء مش باتت عندكم امس.
رنا: اااه ياعمتي ليلى والله معارفه كانت معانا قبل شوي.
ليلى: امتاا صار كل هدا.
رنا: اامس كله امس 😭.
عمتي سعااد جت وتعيط وتندب هيا وجني وكلهم يتعايطو والي هذا يصبر ف التاني وماما ادور علياا
ناا قعمزت ع ركابي قدام المسبح وشريط حياتي مع معاذ يلف ويدور من الاول لي الاخير كيف طاح مره ف المسبح ودار روحه غرق ومات بيش يخوفني ياريته حت توا مش حق ولعب مش مستوعبه انه يقدر يخليني ويمشي كيف مش متخايله انه يمشي وهوا زعلان مني شن ذنبي نا ياالله...علااااااش يااربي انا شن دررت اول مره نحبب والله علااش خديت مني معااذ يااربي حرااام هوا قااعد صغير قااعد اااه يارب كيف بنقدر نعييش ناا يااربي كيف والله كيف قلبي بدي ينبض وتوا وقف لماا خديته مني يااربي نقدرش هكي والله مانقدر نستحمل اااه كله منييي ناااا يااريتني قعمزت يااريتني مانضت كللله مني ناااا ياارب خودني نااا نستااهل هوا ميستاهلش يااربي ارفعني عندك معاااه علاااش قااعده نااا علاااش لاااااااااااا مستحيييل مااات كذذب اااااااه قلبيي نااااار تحرررق يااااربي موعارها
ليلى : جت تجري ضيااااء بنتي خيرك ضيوو هني تعالي حبيبتي تعالي.
اناا: حضنتهاا طول صععععبه ياماما صعبببه حااااره رااه.
ليلى: تخوفنيش عليك يامي الله غالب عمرهم شن بديري...هي نوضي بري معاي غادي.
انا: مش قااااادره مش مصدقه حت انه ماات .
ماما خدتني ونوضتني ومشينا غاادي نااا ف عاالم تاني ونشوف ف الي يصير وكيف الرجاله يصبرو فيهم ويعطيو وزحمه صدقت الموضوع حق😭 وقفت بعيده قدام الباب.
ليلى: ضياء هيا ادخلي.
انا: دنياا بدت مضببه واظلم عندي طحت ع طولي معش نندري ع شي.
ليلى: بدت تعييط ضيااااااء مياااا بسرعه.
رنا: ضياااء...جت صبت علياا مياا ولا كأنهاا صبت دارو كل شي مفادش.
ليلى: نادي عمك بسررعه.
جي بابا يجري.
سعد: خيركمم خيرهاا ضياء.
ليلى: تربح بسرعه ياسعد داخت علينااا ومابتش تنوض درنالهاا كل شي.
قامني بابا وطول ع مستشفى وصلناا.
حمزه وسامي كانو ماشين للحوش بيش سامي ياخد حاجاته.
حمزه: مش هادي سيارة عمي سعد.
سامي: اي هياا.
حمزه: اكيد سمع وجاي يشوف معاذ.
سامي: حي حي وجونا يجرو...ضياااء كنهاااا؟.
ليلى: ااخ بنتي متحملتش ماعمرهاا شافت موقف زي هذا😭.
حمزه: ان شاءلله لابااس عليها.
ليلى: عظم الله اجرك ياولدي وربي يصبركم .
حمزه:😕 خالتي شن تقولي ف من.
ليلى: معندكش علم😯.
حمزه: علم شنو في شن صاير.
ليلى: معاذ خوك😔.
حمزه: تي غير من قلكم مات اوني خوي فوق قاعد حي .
ليلى: بي الحق الحمدلله ياارب😢 راه براا قلهم يسحاابوه مات والحوش كله مقلووب عياطاات والجيران جو حت هماا واحنا ضياء طاحت عليناا جيناا اهني.
حمزه: من قلهم😱هي نا ماشي سامي بتمشي.
سامي: لا قاعد برا انت بسرعه.
حمزه طلع طلقه.
ليلى: ها شن ياسعد.
سعد: ركبولهاا التغديه وقالولي اطلع.
ليلى: معاذ ولد خوك قاعد عايش الخبر طلع كذب الحمدلله.
سعد: الحمدلله ياارب الحمدلله خلي نتصل نقولهاا ليهم حت هاتفي ف الحوش خلي نمشي نقولهالهم وخلااص.
سامي: تريح عمي سعد عدا حمزه يخبرهن.
سعد: حقا سامي شن جابك انت هني وكيف صاار هذا كله ووين معاذ تواا والولد الي معاه حت هوا قاعد عايش ولا توفى.
سامي: الاتنين قاعدين عايشين معاذ داروله عمليه وتوا تحت الملااحظه والي معااه ف العناايه وهدا صار بعد ما انتم دخلتو بشويه.
سعد: ليلى انتي خليك نمشي نشوف الجماعه الفووق.
سامي: حت خالتي سميره اهني مركبيلهاا تغذيه كان بتشوفيهاا.
ليلى: حق راحت من بالي مقبلتنيش غادي توا انشوفهاا.
ماما دخلت لي عمتي سميره وبابا وسامي ركبو للشباب فوق وبابا قعد يحكليلهم ف الي صار وطارتله منهم وكشخ عليهم وقلهم مفروض قلتونا واتصلتو ولا درتو اي حاجه.
ياسر: الحق فيناا نسيناهم بكل اززفت.
احمد: قعدناا لاهيين والهواتف ملوحات وع اساس انتم معندكمش علم قلناا نقولولكم لماا ينوض.
سامي: باه من قلهم.
ياسر: اي مزبووط من كذب عليهم .
سعد: مش عارف لكن قالو كاتبينهاا ع نت ما نت والله مانجبلكش الموضوع كويس.
احمد: ايي صح صاحبي اتصل بياا قالي الدوه الي ع فيس في منها قتله مش وقتك هوا توا وقت فيس قالي خوك معاذ وصاحبه وين قتله ف المستشفي قالي عايشين قتله اي قالي منزلين صورة الحادث وع اساس متوفين قتله كذب متصدقش وسكرت منه ونسييت العيله بكل ماجاش في بالي انهم راح يفتحو نت بكل ازح.
سعد: توا خلاص الي صار صار كيف حال معاذ توا شن قالولكم.
ياسر: ان شاءلله خيير قاعد تحت الملاحظه .
.
.
.
حمزه وصل خلا السياره مفتوحه ونزل يجري القي الدنياا زحمه وصوتهم جايب لي اخر الشارع القي بوه مقعمز وحاط ايده ع راسه ويبكي.
حمزه: بويااا نوض قييم رااسك معااذ قاعد عاايش الخبر كذب نوض نرفعك تشوفه كان مش مصدق.
رجب: كييف شن تقول.
حمزه: والله زي مانقلك معاذ عايش.
رجب: الحمدلله يااارب الحمدلله وينه تواا.
حمزه: ف المستشفي اركب السياره توا نجيك خلي نقلهم.
دخل حمزه يجري شافته حنين جت طول اضبطاته وحسناء حت هيااا وعمته سعاد وجداه لتمو عليه لين خلوه يبكي تخايل الموقف كان حق.
حمزه: يااعيله اسكتوو خيركم معاااذ قااعد عاايش والله الا عايش علااش تفاولوو عليه.
حنين: تكذب صح.
حمزه: والله زي مانحكيلك ياحنين معش تعيطي امسحي دموعك.
حنين: حضناته بي قوة .
أميمه بدت تزغرط وكلهم فرحو انهم طلعوا عايشين وأميمه بعد مازغرطت قعدت تكشخ ع رتاج والبنات الانه خلعوهم😂💔وحمزه حكالهم ع حالته والجماعه هدت كلهاا.
حمزه: هي حنين حولي عاد بوي يستنى ف السياره بنرفعه.
حنين: نمشي معااك بلله.
حمزه: لالا توا نتصل بيكم.
حنين: اي زي المره الاولي بتتصل والله لماا نمشي معاك وراس حمزه.
حمزه: باه هياا البسي عبايتك والحقيني.
حسناء: واناا 😢.
حمزه: حت انتي تعالي هي.
جني: ارفعني معااكم😭.
حمزه: لا عااد مش كلكم مع بعضكم.
سعاد: توا نمشو احني لماا ينوض تربح سلم حمزه توصل طمنى.
حمزه: ان شاءلله ولا يهمك .
طلع بيهم حمزه ومشو لي المستشفى
ع فاطمه: رنا اتصلي شوفي عمتك ليلى شن صار ف ضياء.
رنا: كلمتهاا قتلي ركبولهاا تغذيه وقاعده راقده توا.
أميمه: وووه خيرهاا حت هياا اللطف.
فاطمه: وسعي بالك يايام البنت متحملتش الموقف الي صار داخت.
أميمه: ييييي كله من المحتوناات الحرف هادو الي ميتأكدوش قبل مايديرو الحاجه بنوت مزتت.
رتاج: جتهاا هستيريت ضحك فرحانه انه معاذ عايش وتضحك ع كلام أميمه وانهاا هياا السبب ف الدوشه الي صارت كلها😂.
.
.
.
ف المستشفى ركب حمزه وبوه الفوق والبنات مشو لي امهم ولقاهاا نايضه قعمزو معاهاا.
حسناء: جاتك عمتي ليلى.
سميره: اي كانت اهني قبل شويه طلعت بتشوف بنتهاا.
حنين: تستاهل .
حسناء: حنيييين سكري فمك.
سميره: علاش تقولي هكي ع البنت شن دارتلك.
حسناء: مادارت شي بنتك النفسيه..انا بنمشي نشوفهاا.
طلعت حسناء وجت القت ماما مقعمزه سلمت عليهاا ونا ف هدكا الوقت راقده عاطيني منوم ونا مرقدتش من امس يعني منوم مع نوم من ربي دخلت ف غيبوبه...
عبدالرحمن ناض وحولوه ع قسم سمع معتز طول مشاله .
معتز: حمدلله ع سلاامه يانصي.
عبدالرحمن: معاذ وين متكذبش عليااا بلله علييك ناا شفته الضربه جت فيه هواا.
معتز: معاذ امس داروله عمليه وتواا تحت الملاحظه ...رن فونه كان حمزه تغيرو تعابير وجه وقال ان شاءلله خير ورد...الو.
حمزه: تعاال يامجقجق معاذ ناض الي قالب عليه الدنيااا توا ادخله ياسر واحمد بتحصل دور لحق انا بندخل بعدهم😂.
معتز: اقسسسم هي اني جاااي...عمره طوييل الهم التاني نااض💞.
عبدالرحمن: ساعدني بنمشي معااك نبي نشوفه.
بوه: قعمز واسكت كيف طالع من العنايه رااك.
معتز: تي وين بتمشي ورجليك مجبسه وحالتك حاله.
عبدالرحمن: بتساعدوني ولا نمشي بروحي.
معتز: شاف لي بو عبدالرحمن...ياعمي خلاص سكر راسه توا مش حيقتنع لا مني لا منك.
بوه: تسكير الراس شوره عاد.
ساعدوه ونزلو ف أصنصير دخل عبدالرحمن الي كان منسند ع معتز وقالهم الدكتور اخر واحدين يدخلوا..الانه كيف نايض وقاعد تعبان ودكتور بروحه مصدوم قلهم معجزه الصراحه طلع من عينهاا وناض بعد بيوم يعني سبحان الله وحمدلله ع سلامته..
معاذ قاعد دايخ من البنج وينوض ويرجع يرقد دخلو عليه عبدالرحمن ومعتز وشافو صاحبهم كيف حالته قعدو يحكو فوق راسه فتح عيونه شاف عبدالرحمن ابتسم ..
معاذ: قاعد عايش انت😩.
عبدالرحمن: هههه قاعد ع قلبك.
معتز:😂😂العافن مايموتش.
معاذ: هوا حت انت هني.
معتز: حمدلله ع سلامتك ياطيري.
معاذ: سلمكك اااميي وين.
جت الممرضه قالتلهم اطلعوا طلعو..
حمزه: اوو عباادي حمدلله ع سلامه زي الجن تقولش امس كان بيموت😂.
عبدالرحمن: بارك الله فيك يجي منك اكتر😂.
معتز: احمد.
احمد: ايوا.
معتز: امك وين؟.
احمد: لوطه علاش.
معتز: معاذ يسأل عليهاا.
احمد: ناض وتكلم 😳.
معتز: اي ياحبيبي حت انت شوف من الي دخله😂.
احمد: اي بكل غير بصدفه دخلتو الاخرين واكيد وجعتوله راسه بيش ناض.
معتز: بزبط.
.
.
.
حسناء: ها شن عمتي ناضت ضياء.
ليلى: لا يابنتي ع حطت ايدك.
حسناء: اصلاا حت امس مرقدتش بكل هذا علاش اكيد.
ليلى: اي شن صار ف خوك الحشمه سامحوني مامشيتش حت طقيت فيه الفوق.
حسناء: لالا الحمدلله ناض ياعمتي ولا يهمك هوا احنا مخلوناش نركبو الفوق توا احمد جي خدي ماما بيش تشوف معاذ.
ليلى: بااه الحمدلله حمدلله ع سلامته😍.
حسناء: الله يسلمك.
.
.
.
حنين كيف راكبه مع امهاا تلاقو هما وسامي كان نازل بيشوفني.
سامي: اوو خالتي سميره لابااس عليك وحمدلله ع سلامت معاذ وربي يطولك ف عمره.
سميره: الله يسلمك ياولدي.
حنين مطبسه راسها متحشمه من سامي كيف قللت ادبهاا معاه.
سميره: من في عند معاذ.
سامي: صحابه كلهم وولاد العيله.
سميره: عمك رجب معاهم.
سامي: اها.
سميره: ملا حنين ولي انتي بري مع اختك حسناء فكينا من خوك احمد توا يدير قصه.
مشت عمتي سميره كملت طريقهاا وحنين جت بتلحقهاا ولا كأن امها قالت حاجه تبي تشوف خوهاا.
جت ايمين جهاا سامي ايمين جت ايسار جاها يساار
حنين: حول كذا نبي نشوف خويا.
سامي: هوا انتي شكلك متسمعي ف كلام حد حت امك الواضح.
حنين: اي يلاا وسع من قدامي مش ناقصتك..راه نوم ومش راقده بكل وماكله مش واكله وعيوني يوجعو فياا وراسي مصدع من غير شي حول من قدامي وخليني نمشي ع حالي احسن.
سامي: باه تعالي نرفعك لي احمد وحصلي منه تكشيخه قدام الولاد هداك الوقت ترتاحي انتي وجهك وجه هزايب اصلاا.
حنين: بلله شنوو باه برا كمل طريقك مدخلكش فياا انا وجهي وجه تهزيب حاجه تخصني هادي.
سامي: باه يلاا وشدهاا من يدهااا.
حنين: نصدمت من لقطه وقعدت تعيط..حوول ايدك بنطيييح.
سامي: بطلي عيااط الناس تبحت فيناا..
حنين: تي اطلللق يدي ياااهم.
هياا تعيط وهوا ياجبل مايهزك ريح😂والناس تشوفلهم من حظ سامي انه مافيش شباب كان هكاا رحمت الله وعليه سامي.
سامي: تسكتي نطلق.
حنين: باه ها سكتت والله كان يشفوك لما يقتلوك راك ف ليبيا مش ف تركيا...اطلق.
سامي: عفواا خوي وين الكفتيريا.
الراجل: ف الدور الي تحت اول ممر لا التاني ع ايدك اليسار.
سامي: تمام تسلم ياغالي.
حنين: باه اطلق حشمتناا قدام النااس رااه مرات يقابلناا حد يعرفني ويفهم غللط هادي اولاا وتانياا وجعتلي ايدي.
سامي: وثالثاا😁.
حنين: فش ثالثااا الا انك تبي طريحه ياقليل الادب توا هكي تشد ايدي بدون اذن مني يعني.
سامي: انتي لساانك طوييل ويبي القص ونا لي حد الان قاعد ساكتلك وكانك سمعتي الكلام من اول مره راه مصارش هذا.
حنين: اويي قاعد سكتلي بتضربني متلاا..
سامي: يجوز.
حنين: لا والله.
سامي: هي تدخلي معاي الانه مافيش امان انك تقعدي ف مكانك.
حنين: برا تخافك مانيش هاربه.
دخل سامي الكفتيريا وخدي بريوش وعصير لي حنين وشكلاته وخدالي نا وماما...
سامي: يلاا كولي توا الانه انت مش انت وانت جعان انحسك بنت كويسه ورقيقه وطيوبه غير الجوع مأتر عليك توا بس 😂.
حنين: هههه صحيت ماخطريش.
سامي: تي انتي غير شفتيه بديتي ترجعي لي طبيعتك الحمدلله هي كولي😂.
حنين: ههه والله ماعندي نيه.
سامي: علي الطلاق لما تاكلي.
حنين: اووف😣.
كلت حنين شويه وقعدو يمشو جايين لينا احنا ويهدرزو.
حنين: ولي من هادو؟.
سامي: لي عمتي ليلى وضياء.
حنين: اممم...سامي.
سامي: نعم.
حنين: أسفه🙈.
سامي: ع شنو اسفه قتلك نا مكنتيش ف وعيك😂.
حنين: هه ع الي صار امس صراحه كنتش ف وعي رسمي.
سامي: نا مادورنيش بكل عاذرك لكن ضياء هيا الي غلطي ف حقهاا والي محيرني انتي عليش درتي هكي؟ .
حنين: معااذ لما طلع معصب منهاا هياا ونا ف هذاكاا الوقت ماشفت شي قدامي الا انه ضياء هياا السبب وفشيت غلي فيهااا.
سامي: وعليش معاذ عصب منهاا؟.
حنين: اييي قصه طويله ديماا هما يتناقرو وديما وهماا وقصصهم من اول ماجت ضياء ديماا هيا ومعاذ مقالب ف بعض ومرات جوهم سمح ومرات تلقاهم زي الفار والقطوس..والمره هاادي عصباته طلع متنرفز وهكي وصار الي صار.
سامي: اهاا هوا هكي.
حنين: اي خييرك .
سامي: لا شي حقا انت كم مواليد؟.
حنين: ف شن جي سؤالك مش عارفه.
سامي: ههههه نبي نعرف يعني بنت خالتي الي لسانهاا اطول منهاا مواليد كم شن الغريب ف الموضوع.
حنين: لا حقكك مواليد 99 نا.
سامي: ههه انتي الطشه مواليد99 جوو والله.
حنين: خيرني ياحنه ناا قصيره من ربي شن بندير يعني😐.
سامي: لا سمحه اصلاا هكي.
حنين:" تحشمت ودخلت بعضهاا وبدت تسرع ف مشيتهاا" ووصلت ودخلت طوول.
وسامي يضحك عليهاا😂..ودخل بعدهاا وهيا راسهاا لوطاا ومشبحتلاش بكل.
سامي: السلام عليكم.
ليلى: وعليكم السلاام.
سامي: قاعده موعتش غريبه.
ليلى: اي ياسامي مش عارفهاا خيرهاا طولت.
سامي: جي فوق راسي..ضياء ضيااء.
ونا نضت استاقظت انه سامي فوقي.
انا: همم.
سامي: هي نوضي ياخميرة النوم سادك .
ليلى: ناضت ناضت.
حسناء: ياريتك جيت بكري ياسامي.
انا: طبعاا قاعده مش مستوعبه نا وين...امتاا شفت حسناء وحنين واقفين قلت شكله الي صاار كله بكري نا كنت نحلم ومعاذ مصرله شي.
سامي: شن الوضع.
انا: امتى جيت هني وشن صار.
سامي: بعد الفجر جيتي.
انا: حسناء معاذ ماات "ودمعتي طول نزلت" ولا نا نحلم وسكرت عيوني نستنا ف ردهاا.
حسناء: الحمدلله طلع عايش والي صار كله مزبوط متحلميش ساعه فيهاا اللطف الخبر طلع كذب والي ع نت ماتو اصحاب الشاحنه مش معاذ وصاحبه.
انا: حطيت يدي ع وجهي ونبكي وفرحانه قريب نطير الانه قااعد عايش شعوور ماينتوصفش الصراحه.
قعدو يهدرزو علياا وقالولي انه ناض 😍وانا تفكيري وحواسي كلهم عند معااذ ونفكر كييف بنشوفه.
احمد: امي بتروحي راه اليوم .
سميره: نشوف ولدي نروح.
احمد: باه يطلعو من عنده الدكاتره وتوا نحاول ندخلك.
طلعو الدكاتره وطمنوهم انه حالته ف تحسن الحمدلله ويطلع بعد اسبوع ان شاءلله دخلت عمتي سميره شافته وطبعاا ضروري من دموع.
معاذ: هيي ياحنينه علاش البكي توا ها قدامك مافيني شي.
سميره: لا مافيك شي والجبس والجروح والتخيط.
معاذ: صح والله مفروض درت حادث وقلت للسياره متخبشنيش بلله عليك😂.
سميره: الواضح انه الدم الي زادوهولك احرف من دمك الاول.
معاذ: لكن شني بلله مش طايرتلكم الكسااد.
سميره: لا بي الاحراا رعشتنى ومرمرتناا حت بنت عمك اهى راقده ف المستشفى من وراا خلايعك.
معاذ: من فيهم؟😯.
سميره: ضياء بنت سعد مسكينه متحملتش مش متعوده ع جو وع خلايعك.
معاذ: ضيااااء اهنى ف المستشفى😮.
سميره: اي خيرك.
معاذ: خيرهاا شن فيهاا.
سميره: داخت وصار فيهاا جابوهاا اهلهاا وتوا قاعده لوطى.
معاذ: اهاا😳.
سميره: اي شن يوجع فييك الجرح.
معاذ: لالا ابداا.
سميره: باه الحمدلله.
.
.
.
انا: سامي مش طايرتك قريب شن قاعد ادير اهنى.
سامي: الغيتهاا الرحله وانتي توزعي بطريقه غير مباشره.
انا: لا والله ماصارهاا.
سامي: هههه هي نا ماشي ماتبو شي.
انا وماما وحسناء: لا سلامتك.
سامي قبل لي حنين القيهاا ترقد وتنوض ضحك عليهاا.
سامي: حسناء بتروحو انتم ولاا.
حسناء: اي ان شاءلله.
سامي: باه ملاا جهزو رواحكم مابين شفت حمزه ونجيكم ونوضى الاخت الي راقده ع روحها.
حنين: نايضه😒.
سامي: اي بكل😂.
.
.
.
مشي سامي وناده حمزه وروحو البنات وامهم ومعاذ حولوه ع قسم مع عبدالرحمن وقعد يتسهوك عليهم قالهم خلاص تم منبوش مرافق احناا رفقه ونرافقو بعض خلاا كلهم يروحو حلف عليهم شي مايقعدوش...ونا جي بابا طق فيناا وروح الانه نا بايته...ماما رقدت مسكينه تعبت ونا عقلي كله عند معاذ والنوم طاير سلم مارقدت عااد...
معاذ: عبدالرحمن عبدوو.
عبدالرحمن: همم.
معاذ: رقدت ياحيوان.
عبدالرحمن:...
معاذ: نوم الهنااء😂...وناض وهوا يتوجع وحاط ايده ع الجرح ويمشي يادوبك قاعد سكران.
انا ماجنيش نوم او بي الاحرا مش حنرقد لين نشوف معاذ سألت ممرضه قالتي ف الدور التالت مشيت للمصعد.
وينفتح المصعد ومن نشوفلكم عمكم معااذ لا اهني الصدمه قعدت اصلاا نشوفله ويشوفلي لين تسكر المصعد نا نفشخت ضحك ع لقطه ساويت روحي فيسع نفتح تاني شبحلي ونا قلبي ف ال200
معاذ: القلوب عند بعضها ولا كيف☹️♥️.
انا:..
معاذ: تدخلي ولا نطلع نا.
انا:...
معاذ: معنهاا تدخلي انتي وجبدني من ايدي نا نشوفله وخلااص هذا شن يدير شن يفعل...ضغط ع بطمه..قال عموما الله يسلمك...وان شاءلله لاباس عليك حت انتي مش قصدي نخضرتك ف جرتي.
انا: نا ضحكت الانه موقحني حت حمدلله ع سلامه مقلتهااش...حمدلله ع سلاامه...لا عادي ولا يهمك غير انا حساسه بزياده.
معاذ: كان العزا بي الطلبه...اي المهم شن كنتي اديري ف نص الليل البراا.
انا: شي او ع قولتك ماه نا لواده ومهنتي ندور من حوش لي حوش ف الليل يعني قعدت ع مستشفى نفس الشي نا دمعتي شادتتها بسيف...وهي ان شاءلله ماتشوف شر ليلتك سعيده.
معاذ: ضياء اصبري بنقلك اااه وشد ع جرحه
نا كيف كنت طالعه وليت نجري مانبش نغلط نفس الغلطه تاني .
انا: خييرك شنوو في شن تحس ناديلك الدكتور
معاذ: اااه لالا مايحتاجش بري لي مكانك انتي.
انا: نقدرش نخلييك وانت هكي.
معاذ: كان قريب مني ونا شاده ف مرفقه شبحلي جت عيني ف عينه نا واطيت عيني طول..أسف أسف الانه طلع مني كلام مكانش المفروض نقوله الانه عارفه يجرح اسف انه خليتك تبكي واسف ع كل شي درته فييك امتى درت الحادت شفت الموت بعيوني واول شي جي ف باالي كيف بنموت وانت زعلانه مني..قطعت عليه
انا: نا دمعه طول نزلت..باه سكفمك بعيد السوء برا ارتاح توا مش وقته الكلام هذا الي تقول فيه...طلعت وخليته خفت يشوفناا حد...رجعت وقعدت نفكر ونفكر ونفكر لين دخت ورقدت..
.
.
.
فاات اسبوع وطلع معاذ من المستشفى وداروله عشاء كبير وياسر حدد موعد العرس بعد اسبوعين وبعد شهر نبدو قرايه...ونا معش شفت معاذ بكل من يوم المستشفى...وسامي حت هوا سافر عن طريق تونس...وسمير قااعد ورا رناا لين خليهاا تكلمه وبدو يتكلمو وازمة معاذ دارتلهم حل وشوية حاجات كذا😂...وجي يوم الي بنطلع فيه واخيراا بسيارتي اي نسييت نقلكم بابا واخدلي سياره هدية عيدميلادي غير توا وين تمو اجرأتهاا بيش جابهاا أودي الانه عارفني نحبهم فرحت بيها صراحة وتوا جايتني جامعه يعني ف وقتهاا...المهم طلعت الان بنتلاقو نا وخاطيبت ياسر بنمشيلهاا ف العياده اتفقنا.
نا طالعه قدام البوابه من برا ف سياره مدرسه بيبلي استغربت فتحت الروشن..
ربيع: السلام عليكم.
انا: وعليكم السلام خوي تفضل.
ربيع: سعد سالم يسكن هناياا.
انا: اها تفضل نا بنته نضبحلك عليه.
ربيع: اهليين تشرفنا لالا توا نستنااه.
ع طلعت بابا شافه سرع ف مشيته.
سعد: ضياء بري يابنتي شن قاعده اديري اهني.
انا: لا انى ماشيه كنت بناديك صاحبك يبيك مشى انت جيت.
ربيع: سوقي بشويه ياسموحه وردي بالك من الطريق.
انا: هدا خيره حسيته مش طبيعي من نظراته بعدين قلت مرات مريض ولا حاجه.
.
.
.
سعد: علي شن ناوي انت بزبط.
ربيع: نبي نتعرف ع بنت اختي شن عيب ولا حرام.
سعد: ماعندك علاش تتعرف عليهاا واصحك عينك نشوف وجهك مزال عند الباب.
ربيع: لا معش بتشوفني وجه البنت وحفظته والسياره وحفظتتها يعني شوف جووك.
سعد: وانت راااجل ولد امك دير حااجه كان ماجبتش اخرتك.
ربيع:..
.
.
.
يتبع
