منقوله للامانه
حكايــة ضيـــــاء
الحلقه18
سعد: وانت راااجل ولد امك دير حااجه كان ماجبتش اخرتك.
ربيع: توا نشوف😏.
سعد: عارف دواك برا للمكتب ونا لاحقك.
ربيع: باه اهو بديت تفهم..
سعد: دخل ومتنرفز بكل وخايف ايدرلي حااجه ولا يخطفني.
ليلى: خيرك اللطف اتمتم.
سعد: الخسيييس ربيع القيته واقف ع ضياء البرا ويهدد غير مديلي دفتر الشيكات ماشيله توا.
ليلى: حي عليااا وصلت لي اهنى هياا خلااص نقولو لي ضياء معنها.
سعد: مش حنقلهاا الان كان قلتلهاا رااح تركب راسهاا وتمشي تشوفهم وهما راح يخدوهاا وحت لو قلتلها مش كويسين مش حتصدقني.
ليلى: بااه شن بدير منين جتناا المصيبه هاادي توا.
سعد: عاارف انه حيصير كل هذا من لما قررت نروح لي ليبيا...
ليلى: باه خلاص نرجعو لي تركيا مافيش حل تاني.
سعد: توا نسكته بي الفلوس كان ارضى كان مرضاش ف راسي موضوع بنفده وخلاص.
ليلى: شن هوا؟😯.
سعد: نزيد نفكر فيه ونقلك...
.
.
.
انا: الو فطوم وينك؟
فاطمه: هي اصبري نازلتلك.
انا: تمام.
نزلت فاطمه وسلمنا ع بعض وكانت طرف وجوهاا ملييح نا كبدت فيهاا من اول نظره فما بالك ياسر😂...قعدناا نحكو واكتر دوتنا ع ياسر...و بعتت مسج لي ياسر بيش يجي نضمتلهم لقاء ع اساس...
.
.
.
اما عند معاذ الولاد مخلوشي ابدا والماشي والجاي..
معاذ: قالوا درتولي عزاء رسمي الموضوع😂.
ياسر: تي اسكت قتلوك مرتين بي الحياة.
حمزه: مره احمد وتانيه رتاج لكن رتاج وبقوة الصراحه😂.
معاذ: لا رتاج بروحها قالولي عليها لكن احمد هادي جديده احكولي عليهاا ترا😂.
احمد: ههههه من توا يكذبو عليك راه.
ياسر: طبعا مشيت نا وحمزه لي مصرف الدم ورجعنا القينا عمك احمد مقعمز ف نص الممر وحاط ايده ع راسه ويبكى نا قلت معاذ خلاص مشى فيهاا جيته نجري قالي برا اعطيهم الدم ف هذاك الوقت قريب قتله تفي علييك ياتييس خلعتني غير فتت الموضوع الولد متأتر😂.
معاذ: هههههه منور ياحميده تعال تعال.
احمد: برا العب بعيد نا مابكيت الا ممرضه النم قتلي ادعيله وخلاص😂.
معاذ: تي عادي ياراجل اعترف انك تقدرش ع فراقي.
احمد: ههههه اي بكل.
حمزه: لا ومتشوفش معتز قلب المستشفى فوق لوطه.
معتز: باه ضم فمك.
معاذ: هههه حكولي عليه الولاد.
سمير: معاذ كيف درته الحادث.
معاذ: هوا قريب عشرين مره توا نحكيها لكن بما انك التغطيه ديما عندك ضعيفه راح نعاود تاني...ياسيدي ف طانطه وسياره عائليه اني ف كلتاا الاحوال كانت وحده فيهم راح تخبط فياا يعني الله يرحمنا الله يرحمنا كل الي فكرت فيه العيله الي ف سياره فيها صغار لكن في الشاحنه فيها شابين وقلت هما راح يعيشو يعني نموتو احنا خير من العيله حرام وف نص تفكير قلت لي عبدو شهههد وبعدهاا معش نندري ع شي وشوف سبحان الله احنا عيشنا والي ف الشاحنه توفو الله يرحمهم .
سمير: سبحان الله لكن عنجد تفكيرك وخلاص.
معاذ: تي تلعب ملاا😎.
ياسر: نا بنمشي من بيطلع معاي..سمير وحمزه طلعو معاه .
معتز: حت نا بنطلع ماتبي شي يانصي.
معاذ: لا انت اقهرني بس برا انتلف وانت ساكت ضروري تنوض المواجع يعني.
معتز: هههه توا تعيا تتطلع متخافش.
معاذ: اي غير امتى بس وبلله في واحد نزيك بكل كان تقدر حت هوا ترفعه الان بنتمرقد شويه.
احمد: هههه كأن عرفت ع من يلقح...اصلا بنطلع ندخن تمرقد.
معاذ: سمساام الهااري...ناديلي حنين وانت طالع
طلع احمد وناده حنين دخلو كلهم مع حنين.
معاذ: نا قلت حنين مش فريق الاهلي كله.
جني: ههه تبيناش نطلعو يعني.
معاذ: الدم مركز😒 مرارتي مش ناقصه.
رنا: ههههه عنشكلك.
معاذ: كأن في حد ناقص من الفريق.
رنا: غمزتله اي ضياء😉.
معاذ: هز بي راسه وضحكلها وحط عينه ف الهاتف وكلهم يهدرزو بجنبه.
رتاج: هههه قلتلهم العافن مايموتش.
معاذ: المخلوقه هاذي تقتل القتيل وتمشي ف جنازته وقاعده تمد ف وجهها نوضي ديري عصير حت بي الكذب.
رتاج: هههه حاظر لكن يامعاذ ماتشوفش كيف حنين دارت عليك.
معاذ: هههه عارفهاا تعالي تعالي كانت مقعمزه بجنبه حضنهاا..
" هما بطبيعتهم يحبو ف بعضهم هلباا اكتر خوت شفتهم هكي".
رنا: راعو شعوري شوياا عندنا جون سينا احنا ف الحوش.
معاذ: ابعتيه لي احمد توا يعلمه الحنيه.
ريهام: اشمعنه احمد اهو حت انت توا يتعلم منك.
معاذ: هههه لا انا مااه المشاعر هادي مؤقته تجي مره ف السنه مش ديما.
جنى: يوجع فيك الجرح ؟.
كلهم يضحكو ع سؤال جنى العبيط.
معاذ: لالا يدغدغ فياا.
دخلت حسناء.
حسناء: ياهوو يبوكم الداخل انتي وياها وياها.
البنات: ها جينااك.
معاذ: رناا.
رنا: انعم.
معاذ: يحك ف رقبته...ضياء وين مجتش هني بكل.
رنا: ضحكت...جت امس لكن اليوم لا علاش.
معاذ: معلاشش تقدري تقلبي توا.
رنا: هههه مصلحجي.
خشو البنات ويهدرزو ويضحكو ولاهين مع الناس الي يجو.
.
.
.
انا: اوو ياسر.
ياسر: ها يابارده شجك وشرايك ف مرتي بلله.
انا: تي حاجه صح نا كبدت فيهاا من اول نظره مابعدك انت ياراجل.
ياسر: هههه تافها باش تعرفي عمك بس.
انا: اي بكل فنيات حت ف اختيار البنات مش غير الديكور.
ياسر: هههه بااه سكريلي فممك لا تسببي مشكله توا .
فاطمه: جييت شن كنتو تحكو.!
ياسر: لا شي ضياء كانت بتروح بس وفنص فيا.
انا: اي هي بسلامه يافطومه وتشرفت بمعرفتك 😅.
فاطمه: وبيك اكتر ياسمحه خلينا نشوفوك عاد.
انا: لا متخافيش لين تملي مني ان شاءلله عش مزال هلبا اسبوعين وتقعدي جارتي واستلمي عاد نخليك تقولي ياكلمتي وليلي.
ياسر: هههه راه رسمي دوتها راح تندمي.
فاطمه: ههههه عادي خلاص تم حبيبتي ف اي وقت فاضيه ماعندي ماندير وبنكسد بروحي اصلا..
ياسر: لا والله😒.
انا: شفتهاا وله ها من توا لوحتك ف الساس.
ياسر: خليها تعبر عن مشاعرها توا.
فاطمه: ههه لالا كيف عااد ياسر الكل ف الكل حياتي نا.😜
ياسر: هههه اعقلي مش وقتك ف شغلك راه.
انا: فكونا من الفضايح نا مااشيه ياكبدي..سلاام
وطلعت ركبت ف سياره وصلني مسج كان معااذ نا عيوني قلوب قلوب😍.
المسج " زيارة المريض واجب😊"
ضحكت وفرحت بيه المسج قريب طرت😍تقول قالي نحبك😂.
.
.
.
