همسات زوجية

تحية واحترام لولد آدم

#تحية_احترام

😍تحية لكل زوج ميعرفش ينام قبل ما يقعد مع اهل بيته و يستأنس بيهم و يعرف اخبارهم

❤️تحية لكل زوج مبيعرفش ينام و زوجته زعلانة و دمعتها على خدها

💙تحية لكل زوج بيفهم زوجتة من قبل ما تتكلم

💚تحية لكل زوج عارف ان بوكيه الورد اهم من كيلو كباب

❤️تحية لكل زوج بيهتم يفسح زوجته و يحسسها انه مستنى الفسحة دى زيها بالظبط

💙تحية لكل زوج بيطبب على زوجته ..و يقبل جبينها و يذكرها بحنان بيت والدها اللى غابت عنه

💞تحية لكل زوج عارف و مدرك انه اتجوز انثى ..ست يعنى مش راجل زيه ..فطبيعى تكون مختلفة عنه ..طبيعى اللى يفرحها مختلف و اللى يوجعها كمان مختلف

💜تحية لكل زوج بيعرف يقول اسف

💚تحية لكل زوج قادر يهتم بالتفاصيل الصغيرة و يشوفها

💙تحية لكل زوج بيحسس زوجته باهميتها مهما طالت سنين زواجهم

💚تحية لكل زوج متعاون بيساعد . و يسامح على التقصير

❤️تحية لكل زوج بيهتم بزيارة اهل زوجته من غير ما يحسسها ان ده تفضل منه و كرم متحلمش بيه

💚تحيه لكل زوج عرف يخلى ولاده بحبوه كأب مش خزنة و لا بنك يصرف و خلاص

💜تحية لكل زوج بيقدر يذاكر لولاده و لو مرة فى الاسبوع

❤️تحية لكل زوج بيرد على زوجته لما تكلمه و هو بيتفرج على التليفزيون و تحية اكبر للى بيطفى التليفزيون عشان يسمعها

💙تحية لكل زوج بيدى زوجته مصروف مهما كان قليل

💜تحية لكل زوج بيقتدى بالرسول صلى الله عليه و سلم و بيتقى الله فى اهل بيته

الزوجة كائن حى يعيش و يتعايش
بس لازم تعرف هى بتعيش على ايه قبل ما تتطلب منها تعيش و تتعايش ..