همسات زوجية

التشطيف المهبلي

#التشطيف_المهبلي خرافة ولا علاج ؟!!

-🚨 في الحقيقة معظم السيدات في مصر مقتنعين تماماً بفايدة التشطيف المهبلي وإنه بيحسن الروائح الكريهة والالتهابات ، ومش بس في مصر ، بره مصر كمان لما عملوا إحصائية في الولايات المتحدة الأمريكية لاقوا إن 20 -40 % من السيدات بيستخدموا التشطيف المهبلي.

-❌ لما نرجع للأساس الطبي هنلاقي إن التشطيف المهبلي ليس له أي أهمية طبية تذكر ، معظم السيدات بيستخدموه إما لعلاج الالتهابات أو إزالة الروائح الكريهة أو لو مش عايزة حمل بتستخدمه بعد العلاقة الزوجية .

⛔️- الدراسات أثبتت إن ضرره أكبر من فايدته وإن ممكن يؤدي لبعض التغيرات في عنق الرحم واللي ممكن تؤدي إلى زيادة حدوث سرطانات عنق الرحم وممكن يعمل التهابات داخل الحوض وفي الأنابيب والمبايض وده يؤدي لحدوث التصاقات وعقم لا قدر الله وكثرة استخدامه قد يكون سبب في الإصابة ببطانة الرحم المهاجرة

❌- لذلك احنا بنقول إن أضرار التشطيف المهبلي أكتر بكتير من فايدته

🚷** أكيد هسمع السؤال المعهود طيب ازاي انظف نفسي ؟
- ربنا سبحانه وتعالى خلق طريقة طبيعية للمهبل بيخليه ينظف نفسه بنفسه واحنا مش مضطرين أبداً اننا ندخل حاجة في المهبل عشان ننظفه ، بالعكس دخول أي مادة داخل المهبل بتغير من حموضة المهبل واللي عاملة توازن طبيعي وبتحمي المهبل من الالتهابات
-
لذلك نحن لا ننصح إطلاقاً باستخدام أي تشطيف مهبلي مهما كان نوعه
- تقدري تستخدمي فقط الماء الفاتر – مش ساقع ولا سخن – بدون أي اضافات للتشطيف الخارج فقط ، ولازم تتأكدي من جفاف المنطقة تماماً بعد التشطيف وفي كل وقت عشان ميحصلش عدوى ولا التهابات