MIJIN YA TA KO MIJINA

Page 19

💅🏼   MIJIN YA TA KO MIJINA  💅🏼

        BY HAERMEEBRAERH

Page 19:

Yana ganin suna qoqarin rufe gate din ya bude motar shi yana wani huci kamar zaki ya taka ya danne qofar da qafar shi ta hagu,mamakin qafar waye wannan Fahad yayi kan Anwar ya bude qofar cikin qarfi, ya fada ciki shima, naushi ya kai ma fuskar Fahad da iya qarfin shi, nan take Maleeka ta kwalla qara, yaran ta suka ruga da gudu suka qanqe ta, ta dafa kafadun su, kafin Fahad ya dago Anwar ya sake kai mishi naushi a baki, jini sai zuba yake, qafa ya sa zai dake shi ya riqe qafar, nan fa sukai ta naushe2, Ladeefa ce uwar dambe tana isa wajen ta shiga tsakiyar su, tana muzurai,

"Kai malam kai waye daga zuwa zaka hau dukar mana Yaya? Ko ka fita ko na maka dukan dahuwar gandar raqumi, kar ka ganni haka bana daukan raini,"

Watsata gefe Anwar yayi, yana nishi, ya zubda yawun bakin shi daya ji ya sauya ya tabbata jini ya zubar,

"Ashe dama zargin dana janye akan ku gaskiya ne, na zaci sharri aka maku, ashe da gaske ne, yau idona ya gane man komai, Fahad dan uwa fa na dauke ka fa, haka zaka min,ba zan taba yafe maka abinda ka min ba har duniya ta nade, ko a lahira bana fatan sake haduwa da kai Fahad, yau muka gama magana da Abba akan na maka magana muje mu nemo Maleeka duk inda take, sun yafe mata sun gano qarya aka mata, ashe ba qarya bane gaskiya ne, dole ne na koma a daren nan na sanar dasu ba zan iya bari sai gobe ba,"

Juyawa yayi a sukwane zai fita Fahad ya riqe shi,

"A kwance ka gan mu da kk ikirarin tabbatar da mu maciya amana ne? Ko kuma a jikina ka gan ta? Ko me ya baka tabbacin na ci amanar ka  baya, ba wanda ya bamu damar yin bayani aka yanke mana hukunci, a yanzu ma so kk ka yanke hukunci cikn fushi? To bismillah, ka je ka fada masu, Allah baya barin qarya ta zama a sama, zai bayyana gaskiyar mu,"

"Basshi ya tafi, ko ba komai ni na san wannan karon ba zan bar kalaman kowa su haye nawa ba, ina da baki, kuma nayi wayon da  ba ba zan zauna a na qaga min maganar da ba ita kenan ba,"

"Ki min shiru maciyiyyiya amana kawai, uban wa y baku izinin dakkon yara? Kun sa na kulle mutanen da ba su suka daukar min yara ba, ku ban yarana na wuce da su kar ku koya masu zaman iskancin da kuke,"

"Ai hukuncin cin amana da qarya suke karba, domin su ne suka ja komai, dik da ta bangaren sakina da kai banji haushin su ba, itace ta dace da kai dama, ban taba son ka ba Anwar, biyayya nama iyayena, Fahad shine zabina, shi nake so tin usul, Abba ya zaban kai, muka.hakura, yanzu da ka saken, ko da sanin su ko ba sanin su zamuyi aure, sai dai ka mutu,"

Dukan gate din yayi da qarfi ya fice, Fahad bai bata lokaci ba ya saka ta da yaran a mota, zatai musu ya nuna bacin ran shi, sannan ya bata umarnin dole fa yau zata gida, kuka ta saka sosai tana ita bata son zuwa, yq taimaka ya mata hakuriya barta, ta hakura da riqon yaran a yanzu yaje ya musu bayani ba sai taje ba.

"Haba my love, bakiji me ya fada ba? Tinda kk tafi Abba bai taba tsayawa anyi maganar ki ba sai yau, dan haka ba zan bar wannan damar ta wuce mu ba, dole muje a warware komai a yau, muje,"

Kifa kan ta tayi tana t kuka, kiran su Ladeefa yayi, yace zasu bishi dan su zama shaidar shi.

Nan da nan suka shige, gudu yake kamar zasu wani garin, a hanya suka ga motar Anwar, nan Fahad ya wuce shi, sai abun na su ya zama kamar masu tsere.

Kusan a tare suka shiga gidan, suna shiga suka fita, Anwae har tuntube yake ya riga su shiga, a can ciki kuwa jin shigowar motoci da gudu ya sa Umman Maleeka miqewa cikin sauri ta daga labule, ganin masu fitowa daga motar sai da ta kusa faduwa, Abban Maleeka ya riqe ta,  shima yana tsakanin murna da mamaki, ganin su nayi sun fara takawa zasu fita, a hanya suka hadu da su, zasu shigo, Anwar kamar wani qaramin yaro ya haukace tini ya fara magana ba kai, yana son ya nuna ma iyayen nasu har yanzu Maleeka da Fahad na cin amanar su.

"Kun ga mu je mu zauna muyi komai a nitse, bana son hayaniya, haka ba abinda zamu gane ai,"

Suna zama, Anwar ya fashe da kuka, saboda bai san me yake ji ba, ji yake kamar numfashin shi na fita kadan2, tashin hankali ne tsabar shi a tattare da shi, ga rin ya ma matar shi zata kasance da abokin daya dauka a dan uwa?

"Fahad yi mana bayani tinda shi kuka zai,"

Labari ya basu akan komai, tin daga sanda suka dawo gidan da zama, tin son Maleeka da ya ke tin bata da wayo har ta girma, da yanda Abba ya bawa Anwar ita, da zaman shi a gidan Maleeka har zuwan ta abuja, da dawowar ta Kano da abinda ya faru yau, komai bai rage va,  Abba kan shi sai da ya tausaya ma Maleeka dan jin irin hakuri da biyayyar da tai a gidan Anwar, amma kuma suka samu maqiya suka shiga tsakani, ba su tsaya sun saurari hanzarin su ba, ko Anwar sai a sannan ya san wasu abubuwan, jikin shi ne yayi sanyi, amma ya zai yi, sai a yanzu yake jin matsanancin son Maleeka, (ta haramta gare ka, dan ka sake Fahad na kuma so)

Maleeka da yaran ta suka qanqame ta suna taya ta kokawa ta takure tana ta kuka, taqi daga kan ta ta kalli kowa

"Zo nan 'ya ta, ke din abar alfahari ce a gare mu, mun maki mummunar fassara ashe abinda muke zata ba haka bane, kai kuma Fahad Allah ya maka albarka da ka riqe soyayyar ta da amana baka keta alfarmar aure ba, amma munyi kuskure gaba dayan mu koda ma ace kun kusanci juna, laifin mu ne, tinda kun samu kusanci sosai, alhalin ku ba muharraman juba bane, Allah ya kiyaye gaba,"

"Wannan gaskiya ne Abban Maleeka, dan haka muna neman gafarar ku gaba dayan ku, musammab Maleeka, ki dawo gare mu, tinda kk tafi na rasa nutsuwa ta, saboda yawan tinani yanzu haka hawan jini gareni, dan Allah ki dawo gida, Abban maleeka ka sa baki"

Maleeka matsawa tai kusa da mahaifiyar ta har yanzu bata ce komai ba sai kuka, burin ta daya taji Abban ta yace ta dawo gida, zata dawo cikin frin ciki, ba zata sake kwana a waje ba in ba dakin ta ba, dake cikin gidan iyayen ta.

"Abba kace wani abu akan mata ta da yarana"

Sai a sannan Maleeka ta samu bakin magana.

"Matar ka? Matar ka fa kace? Amma dai ina jin ka manta saki nawa kamin ko? And ko ma saki nawa kamin kai koda da auren ka a kaina dole ka saken a yau, saboda kai ma kasan ka gwadamin rashin imanin da ba zan iya fadan shi anan ba, gaba 'ya'yan ka da iyaye na saboda kar su tsane ka, Anwae Fahad nake so tin fil azal, biyayya ce tasa na aure ka,ga yara nan, sai su zaba zasu bika ko zasu bini, banda ja in zasu bika, amma sai ka sake aure, dan ba zasu zauna a hannun ka ba aure ba,"

Kuka ya saka yana ba kowa hakuri, ya tabbata ya cuci kan shi cuta mafi muni, bak riqe auren ta da kyau ba, ga shi yanzu ya rasa ta, ina zai saka kan shi? Kuma tabbas sun fishi gaskiya, miqewa yayi yana hade hanya zai fita, Fahad ya bi bayan shi, ya kama kafadar shi,

"Ya kamata muje mu kwanta, dare yayi, kar ka koma gida kai daya, kaga ba kowa ko ka koma, mu bar abinda ya wuce a baya mu kalli gaba,"

Abba yaji dadin hakan, dan ko ba komai ya masu tarbiyya me kyu dikan su, sai abinda ba a rasa ba na halin mutum da zaka iya zama malami dan ka dan iska.

Gyada kai yayi alamar ya amince, dan haka juyawa sukai Fahad ne ya iya furta musu sai da safe, ya ja hannun Anwar suka wuce.

Maleeka kallon su tayi, ta ji tausayin Anwar dan ta tabbata ya rasa komai, yanzu abin a tausaya masa ne, addu'a ta masa a ranta Allah ya bashi mace ta gari, musamman dan yaran ta su samu mai riqon su da gaskiya.

Daga nan Umma ta nuna masu dakin da zasu kwana zuwa gobe,dan Abba yace dare yayi kar su fita, gobe sun zauna suji ya akai suka hadu da juna.

Umma da kyar ta hakura ta koma dakin ta, dan ji take da za a bata dama da diyar ta zata kwana, amma Alhamdu lilLAAH suna gida daya, in ba aure ba bata fatan su sake rabuwa.

Samha da Ladeefa sai yaba yanayin gidan suke, Maleeka jin ta take kamar sabuwar haihuwa, nan suka baza hira, yara sunyi bacci a jikin su, Maleeka ta kai su dakin da Umman ta ta nuna mata nan suke kwana in sun je, dakin an qawata shi da kayan alatu, kala2 na yara, ya sha adon pink da white, sai wanda ya gani kawai.

Addu'a ta shafa masu ta fito ta kalli parlourn nasu, tana tuno da rayuwar sa sukai a gidan, ta dade a wajen kan ta koma, ta isko duk sinyi bacci, itama kwantawa tayi, tayi addu'a ta kwanta........

*Mujira zuwa safiya muji ya zata kaya inshaa Allah, Much love Fans*❤