Alliance of a Broken Heart (Completed)

Chapter 13

Chapter 13

Nang matapos silang kumain agad silang lumabas ng restaurant. Nag-paalam naman sila kina Arthur bago tuluyang umalis. Napasimangot si Crystal habang nag-lalakad sila ni Aneth.

“Paano ko iimbitahan ni Ezekiel nyan.” Tila problemadong sabi nya.

Nag-taka naman si Aneth. “Bakit naman? Mayroon ba kayong problema o di kaya hindi pag-kakaunawaan?” Tanong niya.

Napakagat labi naman si Crystal. Patay, hindi nga pala alam ni Aneth ang nang-yari sa amin ni Ezekiel. Paano ko pa siya kakausapin mamaya?

Napangiti naman si Crystal. “Ah, eh... wala naman. Baka kasi busy lang si Ezekiel eh.” Pag-dadahilan nya.

Ngumuso naman si Aneth. “Hmmm... mayroon ka bang hindi sinasabi sa akin Crystal?” Nag-tatakang sabi pa niya sa kaibigan.

Nanlaki ang mata ni Crystal. “Wala ah, ikaw talaga kung ano ang iniisip mo dyan. Tara na nga manuod na tayo sa sinehan.” Hinila na nya ang nag-tataka pa din na si Aneth.

Hindi pa din mapakali si Crystal habang nasa pila sila sa pag-bili ng ticket sa sinehan. Hanggang sa makapasok sila sa loob parang wala pa din siya sa kanyang sarili.

Nakaupo na sila sa loob pero tahimik pa din si Crystal. Tingin naman ng tingin si Aneth sa kanya. “Umamin ka nga Crystal, ano ba ang nangyari sa inyo ni Ezekiel?” Seryosong tanong nya.

Nag-panic naman si Crystalsa tanong ni Aneth. “W-wala nga Aneth.” Pag-dadahilan na naman nya.

Tinitigan ni Aneth sa mga mata si Crystal. “Weh? Di nga? Aminin mo na kasi, alam kong meron kaya ka nag-kakaganyan.” Pamimilit pa nya.

Bumuntong hininga naman si Crystal. “Okay, fine. Nag-karoon lang kami ng konting tampuhan ni Ezekiel. That’s it.” Sabi nya.

Kumunot ang noo ni Aneth. “Iyon lang? Anong dahilan naman ng tampuhan nyo?” Tanong pa niya.

“Basta, simpleng tampuhan lang naman iyon.” Pag-iwas na sagot nya.

Hindi na nangulit pa si Aneth sa kaibigan dahil mag-sisimula na ang palabas. Natapos na at lahat ang movie nag-iisip pa din si Crystal kung paano nya kakausapin si Ezekiel.