بعيداً عن دار السلام

الاول

‏
أتساءل .. ؟
هل بإمكاني أن أكون نورًا ؟
ولو لشخص واحد فقط؟ هل يُمكنُني أن
أُعلّم شخصًا ما كيف يُشرق ولا ينطفئ
أبدًا ، هل تُراني أقدِر!
#بريق_ الجبوري
.
.
.
بغداد الساعه ٦:٠٠ صباحاً / في بيت بسيط جداً
مع نسمات الهواء الجافه القليله

والشمس المائله ذات النور المشع

سمعت خطوات تقترب وصوت يناديها

: كومن ولجن ماضل وكت راح تتاخرن على الدوام

شافت الساعه بالسته : همممم .. يمة بعد وكت بسته شعندج مسويه هجوم بهلصبح الاكشر

: انجبي وكومي ... سون ريوك مابيه حيل وابوكم يريد يطلع من وكت

كامت والنومة بعينها وتدردم
: اي اي بس اني بالبيت يكعدوني من غبشه .. وهاي  النايمه محد يمها

من تحت البطانيه صاحت : دورج مو دوري

اسيل : وجع يوجعج ياحيوانه صارلي ساعه اترزل وحدي وطلعتي كاعده

مها بنعاس : اسوله بربج نزلي سوي الريوك وباجر اني انزل قبلج

اسيل بتك عين وهي تطلع من الغرفه: حنزل .. واني اعلمج باجر

نزلت اسيل تدردم وتحجي

صاحها ابوها : هااا بويه الله يساعدج

اسيل ببتسامه كبيرة :هلوو بابا شونك

ابتسم الاب : بخير مدام صبحت بهلوجهه.

ام اسيل  : صخااامة اسيل يله فضيها

اسيل بركضه : جيت جيت مبين الحجيه غارت

صبو الريوك  وامها دزتها تصيحهم

وهي تدردم : بعد بعد اروح اوكلهم ... مو اني خدامتكم

ونزلت مها كاشخه ودتروح لدوام 

اسيل : بعد وكت ست جان انتظرتيني اجيبلج  الريوك ليمج

مها : لا اختي الغاليه .. ماحب اتعبج

اسيل باوعتلها صفح وراحت تكعد اخوها بس لكته كاعد 
: ها مهند كاعد يله انزل دنتريك
طلع مستعجل : ماريد تأخرت

اسيل عافته وراحت لغرفتها تبدل

بدلت ونزلت تتريك خلصو ريوك ومها اجاها الخط وابوهم طلع

امها : اسوله يمه عزليلياهن للمواعين واني اخضهن

اسيل بضجر باوعت لساعه لكتها سبعه ونص : اوك باقيلي نص ساعه عود هم كولي اسيل متشتغل وعجوزيه

امها : لا يروحي انتي نادره وين اكو مثلج

اسيل نفشت ريشها وكامت عزلت المواعين بسرعه ومشت لمدرستها

وبدى يومها مابين صديقات وحش بالعالم ودراسه
.
.
.
.
في احدى المحافظات الجنوبية
الساعه ٧:٠٠ صباحاً / في بيت فخم وواضح على اهله الغنى الفاحش.