الأم (نجوى و شهاب)

02

حليت عينيا سلين تبكي حس كبير برا عركة جديدة في الحومة سلين خافت جبدتها لحضني نهدي فيها مديتلها ترضع بش تسكت ونحكيلها بش ترجع ترقد هي ترقد على صوتي نمسح على يدها الصغيرة ملمسها كيف القطن

-نجوى:اسس يا روح ماما غدوة ماما ترجع طباخة كبيرة وناس كل تعرفها غدوة نروحو من هنا تعيش بنتي في احسن حومة واحلى دار رح تكون عندك غرفة فيها بزاف العاب رح نشري سرير ليك رح يكون عندنا ما دافي في الشتا كلش تحلمي بيه رح يكون بين يديك حياتك مش راح تكون كيف حياتي ...

نحكي بصوت يهمس غمضت عينيا من التعب هدات نحس فيها رقدت
الصباح نضت في راحتي مكانش خدمة ومزال مكلمونيش فوت الصباح كلو مع بنتي
من جهة أخرى شهاب تقابل مع سي هارون

-شهاب: سي هارون مرحبا اتفضل اقعد.

-هارون: يزيد فضلك وليدي.

قعد وحط الاوراق تاع عقد البيع قدام شهاب هزهم يقلب فيهم من بعد حط صوابعو علا ذقنو تحت شفتو يحرك في سبابة على شفتو ويخمم من بعد طلع حاجبو

-شهاب: يعني شرط العقد تاعك اني نوفر خدمة للطفلة لي تخدم عندك؟

-هارون: نعم يا وليدي هذا الشرط راني مانتراجعش عليه راني منحبش نقطع رزق اي واحد.

عوج فمو و لاح يدو هز ستيلو و سنيا العقد

-شهاب: موافق سي هارون مبروك عليك وعليا.

وقف مد يدو لسي هارون يسلم عليه

-شهاب: تفضل الشاك تاعك سي هارون.

-هارون: الله يعينك وان شاء الله آية الرزق يا بني.

خرج سي هارون وهو قعد حط رجليه على المكتب شعل ڨارو وهز يقرا في العقد مرة أخرى من بعد كلم سكرتير تاعو دخل لعندو

-السكرتير:نعم مسيو شهاب.

رما الاوراق فوق المكتب نحا الڨارو من بين شفافو ونفخ

-شهاب: كلمو هذي نجوى *** غدوة تجي تبدا تخدم.(النجوم هذوك اللقب تاعها)
-السكريتير:حاضر لكن ويني السيرة تعها باه نسجلها.

-شهاب: لا ما تحتاج سيرة لا تسجلها مش مطولة معانا نحب تحطها تغسل في الكوزينة في الاوتال الكبير اكيد من اسبوع ماتزيدش معانا وتقدم استقالتها معندها حتى شهادة ولا كفاءة منقدرش نقبلها تخدم عندي يضر بسمعتي في السوق امشي دير كيما قلتلك.

-السكريتير:حاضر مسيو شهاب.

خرج وهو رجع للڨارو تاعو يلعب بيه بين شفافو من بعد وقف هز الفاست تاعو وخرج هو تاني
ً.ً...ً
كنت مع سلين ندوش فيها وقت لي كلموني على الخدمة الجديدة في الاوتال لكبير فرحت فرحة كبيرة مكنتش نتصور بين ليلة و نهار بش ننتقل من خدمة في كافيتريا لاوتال و زيد مش اوتال عادي و صغير راهو اكبر اوتال عندنا يجيو ليه من كل بلاد فنانين رؤساء رحت لعند سلين كنت حاطتها في بيدون صغير فيه ما دافي ندوش فيها هزيتها لفيت عليها المنشفة و نبوس فيها

-نجوى:يا روح ماما غدوة ماما تبدا تخدم في الاوتال لكبير سايي حلمي بش يتحقق يا روحي

كانت فرحانة وضحكتها نحسها سعات تفهمني واش نحكي ضحكتها الصغيرة لي مفيهاش اسنان عندي بالدنيا كي نشوفها نحس الدنيا بخير.