الأم (نجوى و شهاب)

31

دخلت انا وهو للاوتال العينين كل حاستهم علينا ففف اكره حاجة عندي هي هذي منحبش نكون محط الانظار كبس يدو علا يدي
-شهاب: راكي مليحة ما تتوتريش ابتسمي برك.
وين هي الابتسامة هذي كرشي وجعتني من الستراس هذا كل ضحكت ضحكة خفيفة و دخلنا للصالة استقبلونا الصحافيين يصورو حط يدو علا كتافي و يضحك وانا نتبسم كي البلهاء من بعد دخلنا
-شهاب: هاهو بابا تسلمي عليه تضحكي ما تحكيش بزاف سقسيه على صحتو من بعد استأذني وروحي مع نادية فهمتي.
-نجوى:ايه فهمت.
مشينا لعند باباه تلفت لينا و يتبسم حل يديه سلم على شهاب و انا كنت رح نمد يدي لقيتو جبدني لحضنو سلم عليا بالبوس
-صادق: مرحبا بيك.
-نجوى:بيك يعيشك واش احوالك ؟ صحتك ؟
-صادق: مليحة مليحة يا بنتي وانتي ؟
-نجوى:مليحة الحمد لله.
-صادق: واش شهاب معاك راهو مليح ولا مغلبك
-نجوى:ههه لا مش مغلبني خلاص.
-شهاب: هههه كيفاه نغلبها راهي روحي.
-نجوى:نستأذنكم انا.
مشيت كيما قالي رحت لعند نادية
-نجوى:صحيتي على لي درتيه.
-نادية: والله جيتي تفتقي تحبي شهاب يشوف مع غيرك هنا ؟
-نجوى:يشوف و من بعد افففف.
________
-صادق: ايه فسرلي الاخبار هذي كل لي طلعت وعلاه انا اخر واحد يسمع بلي مزوج.
-شهاب: حكاية طويلة يا بابا مش وقتها.
-صادق : لا وقتها.
-مسيو معليش نصوركم
-شهاب: ايه.
صورهم و مشا
-صادق: في ليلة و نهار نلقاك متزوج و بطفلة فسرلي.
-شهاب: راني متزوج عندي مدة بصح هي كانت خارج البلاد تعرفت عليها برا كي كنت في خدمة وهي رجعت هنا من بعد ما كملت قرايتها برا.
-صادق: يعني كانت تقرا برا؟
-شهاب: ايه.
-صادق: مليح.
-شهاب: سامحني نروح.
_____
الحفلة كانت مملة علخر الناس كل تتبسم من فوق قلبها وكلهم يجيو يسألوني على حالي و على سلين وانا نتبسم اففف طلعت روحي تلفت نشوف فيه واقف مع واحد يحكي وعينيه عليا من بعد شفتو جاي لعندي دورت عينيا نشوف بعيد
-شهاب: تجي نشطحو
مدلي يدو
-نجوى:لا مكان لاه نشطحو.
-شهاب: متنسايش لازم نمثلو بلي نحبو بعض.
نزلت راسي تنهدت و حطيت يدي في يدو ومشينا لوسط الصالة دورني ليه وحط يدو علا خصري لزني ليه قلبي رجف من يدو وقشعريرة حكمتني بلعت ريقي هزيت عينيا ليه وهو يشوف معايا مهزش عينيه مني زاد عقدني اكتر كنا نشطحو و للحظات حسيت غير انا وهو في هذيك البلاصة نحس فيه غير هو هزيت عينيا ليه مرة أخرى ميل راسو لعندي غمضت عينيا بسرعة لا مش ممكن يدي....قبل ما نخمم فيها لقيتو طبع بوسة على شفافي حبيت نبعد و ندزو وحنا هكذاك في وسط الناس مقدرتش خدودي رح يطرشقو دورت عينيا في كل بلاصة الناس كل عينيها علينا كبست على يدو بكل قوتي
-شهاب: اسسس الناس تتفرج فينا.
-نجوى:نحي يدك خليني نروح.
-شهاب: اسسس درك نروحو.
كملنا الشطحة هذيك مخي يغلي وانا كل نفور عصبت منو نحب نقز عليه نتفو مضطرة نتحمل حتى تخلص الحفلة السخيفة هذي كملت بصورة جماعية مع العايلة باباه و جدو و جداتو و نادية وانا و هو بعدها خرجنا حلي الباب طلعت و ركب من جهتو و مشا الشوفور وصلنا نزلنا نستنا بفارغ الصبر نوصل للدار دخلت. طلعت طول للغرفةدخلت للدار من وجها عرف بلي هي مغششة و بش تطرشق عرف بلي اول ما يوصلو بش تعمل فيها حكاية طويلة و عريضة هو اصلا مش فاهم كيفاه حتى قرب عليها مش فايق كيفاه باسها لكن هو مقدرش يقاوم بدنها الصغير بين يديه شفايفها بروج هو يعشق روج و برفان لي حاطتها سلبتو مش مصدق انها نفس الطفلة لي عرفها لي ثيابها مهدرشة و شفايفها مشققة مش مصدق انها نفس الطفلة لي جات لغرفتو بش تبات معاه ليلة مقابل دراهم في لحضة نسا كلش نسا كل حد يوقف بينو و بينها نسا اتفاقيتهم ونسا الناس و نسا روحو غطس في شفايفها كان مضطر انو يعمل هكذاك حس بحاجة شديدة لهذيك البوسة شفايفها كانو يتحداو فيه يقرب عليهم وهو قبل التحدي قفل الباب وراه سمعها كي طربقت باب الغرفة خرجت ريتا من الصالة
-ريتا: مسيو شهاب كلش مليح؟
-شهاب: ايه مرسي ريتا الشوفور يستنا فيك تقدري تروحي.
-ريتا: تصبحو علا خير.
خرجت وهو عاود قفل الباب وراها وتنهد
-وش من خير فففف
___________
دخلت للغرفة و طربقت الباب رميت بوشات لي في يدي قعدت نرجع في النفس تفكرت سلين عاودت خرجت رحت لعندها شفتها كانت راقدة في سابع نومة حطيت يدي نمسح على شعرها من بعد خرجت نشوف وين راح تلفت نسمع فيه في الغرفة مشيت وانا نخض حليت الباب ودخلت ربعت يديا و نخزر فيه وهو مش معبرني ينحي في الكرافات حطها في الخزانة
-نجوى:واش تسمي لي درتو؟؟
شاف معايا بطرف عين وهو ينحي في الساعة حطها علا طاولة جنب السرير
-نجوى:نحكي معاك رد عليا واش هذا لي درتو؟-
شهاب: حتى شي.
وقف يحل في الشوميز لي لابسها
-نجوى:كيفاه حتى شي واش تسمي هذيك البوسة اتفاقيتنا ما جاش فيها هكذا كان شرطي انك ماتقربش عليا وانت قلت انا محال نقرب على وحدة كيفك كي تكون وحدي على وجه الدنيا.
-شهاب: قلت على جزيرة مهجورة
-نجوى:ما تبدلش الهدرة انا نحب نفسخ الاتفاقية و راني رايحة.
-شهاب: واش قصدك تفسخي الاتفاقية؟؟
-نجوى:لانك تعديت على شرط من تاعي.
شفت كي تغيرو ملامح وجهو عينيه ظلامو
-شهاب: يعني انتي قضيتي مصلحتك و بش تفسخي الاتفاقية.
-نجوى:هيه وافهم كيما حبيت.
-شهاب: مكانش تكملي لي بديتيه بعد 6 اشهر يخلص كلش.
-نجوى:لا اصلا مزال ما وقعت على حتى شي وانت تعديت على شروطي.
-شهاب: واش من شروط كل لي كاين بوسة باش نبين بلي حنا صح متزوجين ونحبو بعض مكان والو من لي في مخك و شوفي انتي لي كنتي جاية تباتي معايا على جال الدراهم واش يفرق على هذا.
كي قالي هكاك حسيت كون تتشق الارض ندخل فيها تعباو عينيا بدموع وشفتي ترعش عضيتها بش ما نبينش
-نجوى:انت واحد حقير و آخر مرة تمد يدك عليا منسمحلكش راك فاهم ندمت لي وافقت علا لعبة هذي معاك.
-شهاب: ما وافقتيش على خاطري وافقتي على خاطر بنتك وانا على خاطر بابا يعني في زوج عندنا مصلحة من هاذا الشي ما تتضاهريش انك ضحية.
-نجوى:غدوة نحب تجيب الاوراق نوقعوهم في زوج و تجيبلي نسخة ليا الحمد لله لي راحت جداتك لاني مش متحملة نشوفك.
خرجت و طربقت الباب ورايا ومشيت للغرفة لي كانت فيها جداتو و تمديت على السرير نبكي سمعت صوت في الخارج مشيت نجري حليت الباب لقيتو رما ثيابي كلهم خارج الغرفة من بعد خزر فيا و طربق الباب في وجهي
-نجوى:حقير خماج.
مشيت طبست هزيت تريكو من ثيابي نبات بيه و رحت لعند سلين هزيتها و رجعت للغرفة حطيتها على السرير بدلت لبست التريكو و رقدت قدامها حطيتها في حضني
-نجوى: متخافيش يا روحي طول ما انا حية انتي رح تكوني بخير حتى لو كنت مضطرة نعيش مع دراكولا 6 اشهر.
غمضت عينيا ورقدت
الصباح حليت عينيا على تدقديق في الباب
-ريتا: مدام
-نجوى:نعم ريتا ادخلي.
حلت الباب و دخلت
-ريتا: مدام مسيو شهاب طلب مني نفيقك و نقلك تلبسي و تنزلي لعندو بش تخرجو
-نجوى:وين نخرجو.
-ريتا: مش عارفة.
وقفت هكذاك اففف مجبتش حتى سروال
-نجوى:ريتا من فضلك جيبيلي حاجة نلبسها
-ريتا: حاضر.
خرجت و رجعت جابتلي ثياب تاع خروج نفخت من بعد الساعة و مشيت لقيتها لمت الثياب المرمية كلها رحت غسلت وجهي لميت شعري لفوق ونزلت لعندو وقفت عاقدة حواجبي
-شهاب: اذا واجدة بش تخرجو هيا.
-نجوى:وين ؟
-شهاب: للمحامي بش توقعي الاتفاقية.
عوجت فمي من بعد مشيت لبست صباطي هزيت ساك و قلت ل ريتا تفطر سلين كي نرجع نغسللها و نبدللها
خرجت معاه كلمة ما حكيتها حتى وصلنا لمكتب المحامي دخلنا قعدنا حط الاوراق قدامنا
-مسيو شهاب كتبت لي طلبتو مني و مزال غير توقيع تعكم.
-شهاب: تفضلي اقرايه واذا موافقة وقعي
هزيت نقرا فيه.
-بعد 6 اشهر ينتهي الزواج
-لا يوجد عمل
-لا تلامس جسدي و لا كلام الا عند الضرورة
-لا يسمح بعلاقة حتى الانفصال نهائيا
-يجب ان يصدق الكل قصة الزواج
-لا احبه
-لا يحبني
-شهاب: واش قرارك.
-نجوى:معجبنيش شرط انو مكانش خدمة.
-شهاب: تنحيه نحي شرط من شروطك.
-نجوى:كيما واش ؟
-هز الاوراق و أشار لشرط -لا تلامس جسدي
وجهي طلع حمر ضيقت عينيا نخزر فيه حقير يستغل في الموقف هزيت الستيلو وانا نغزل و وقعت هز وقع هو تاني و عطاني نسخة من الاوراق ونسخة للمحامي و خرجنا
-شهاب: استناي نوصلك.
-نجوى:متحكيش معايا غير للضرورة متنساش و نرجع وحدي.
مشيت حكمت طاكسي و خليتو.