الأم (نجوى و شهاب)

10

خرجت هايمة في الطريق كلامو مزال يتعاود في عقلي رحت نجيب سلين من عند سلطانة اكيد راح تسقسيني علاه رجعت ففف غلبت مش قادرة حتى نحكي قعدت في دروج المدخل تاع البناية حطيت يدي على خدي نخمم جا ايمن قص عليا تخمامي
-ايمن: اعطيني 5 دينار.
-نجوى:اعطيني انت 5 دينار لكان عندك؟
دزيتو وتنهدت
-نجوى:متقراش انت.
-ايمن: مزلت صغير.
-نجوى:اعطيني السكين هذي نشوفها
نحيتلو سكين نتفرج فيه
-يعني مليحة كاينة خدمة نجي معاك.
-ايمن: لا والله حد لا قبل يخليني نسرقو.
-نجوى:بفف كيفاه نديرو درك.
-ايمن: وانتي وش هذا لابسة كيف الطبيبة؟
ضحكت من قلبي
-نجوى:طبيبة تاع الماعون هههه
وقفت طالعة
-ايمن: اعطني سكين تاعي.
-نجوى:امشي من هنا هيا راني طالعة عند امك نقلها.
طلعت لعند سلطانة حلتلي الباب وجهي ابيض
-سلطانة : نجوى وش كاين وشبيه وجهك هكذا
-نجوى:غير متسقسيش يا سلطانة
-سلطانة: ادخلي ادخلي واش لي منسقسيش
دخلت لداخل
-نجوى:ايه سكين كان عند ولدك.
-سلطانة: اااه رح يهبلني صحيتي ادخلي ادخلي سلين راهي راقدة.
قعدنا وحكيتلها على دراكولا واش قالي وكيفاه كنت ناوية نجيب سلفة اه كي نتفكر نار تشعل في قلبي نحس روحي رخيصة
رجعت مع سلين للدار سلطانة مسكينة عاونتني قالتلي بلي مش رح تدي عليا خلاص الشهر هذا حطيت سلين على السرير وهي تضحك معايا طبست عليها نبوس في يديها الصغار
-نجوى:حبيبت ماماها زينة متخافيش امك هنا رح تلقا حل.
نضت حليت نتفرج في حوايج عندي سلسلة ذهب نتذكر يوم خرجت من الميتم مدوهالي مع حوايجي قالو كانت معايا يوم لقاوني يعني هي ممكن تكون لامي علاه نخبيها متعنيلي شي كيما تخلات عليا هي انا نتخلى على ذكرى تعها حطيتها في علبة صغيرة قررت نبعيها خبيتها في الدرج مع شوية تاع دراهم قررت نقص المصاريف غدوة نوض بكري نروح نخدم مش لازم عليا نركب كنت ندور في الدار و نحكي مع سلين
-نجوى:تفكرت نجاة لي مقابلة دار سلطانة خياطة تخدم الحرج باليد كون نعاونها وندي دراهم بعد الخدمة كي نرجع للدار نخيط شوية ايه خدمة باهية فيها مدخول.
رحت تمديت قدام سلين رجعت تقعد عندها قريب 7 اشهر درك تلعب مش حاسة بشي متعرف والو على الدنيا و الوحوش لي فيها والناس الاستغلالية.حليت عينيا الصباح 6 حاسة روحي مرقدتش خلاص سلين عادت متشبعش من صدري تبكي بزاف هدتني ببكاها نضت نكرر في رجليا نغسل اصلا كي نتفكر بلي رايحة نخدم ونشوف الخماج هذاك معدتش متحملتو نفخت بالقوي غسلت وجهي بما بارد ومشيت بدلت الدنيا من طول عمرها خايبة وبش تعيشي فيها لازم يكون قلبك ميت 6:30 خرجت من الدار مكان حتى حد برا وحدي انا وسلين طلعت لعند سلطانة كلمتها في التليفون تحل الباب بش منفجعهمش
-سلطانة: يا بنتي الدنيا خالية كيفاه تروحي تمشي حتى للخدمة.
-نجوى:متخافيش عليا.
بست سلين من جبهتها راقدة و رحت نمشي مجيت نوصل رجليا تكسرو دخلت بدلت وقفنا نستناو وجه الهم يعدي شفتو كي دخل قلبي نحسو نزل لرجليا تحت مشا يشوف و يحكي وصل قدامي قلبي عاود طلع حصل في حنجرتي و قشعريرة مشات في بدني كل
-شهاب: اتنفسي مدموزال نجوى اتنفسي
جبدت نفس طويل كنت قاطعة نفس تاعي من خوفي شفتي نحسها ترعش محبيتش نشوف معاه نشوف تحت
-شهاب: راني نستنا فيك في المكتب تاعي.
مشا وانا بلعت ريقي فففف اكيد راح يحاسبني على الكف لي داها و الطوموبيل اكيد رح يحاوزني من الخدمة آه بدات الندامة يعني انا محتاجة هاذ الخدمة مكانش لازم ندير هكذا ...سكت صوت تفكيري وانا واقفة في باب مكتبو
-تفضلي راهو يستنا فيك
بلعت ريقي دقدقت و سمعت صوتو يقلي ادخلي حليت الباب ودخلت نلعب بصوابعي من التوتر ما تحركش من بلاصتو هو
-شهاب: يعني كنت شبه متأكد بلي مش رح ترجعي راني حاير فيك كيفاه رجعتي.
-نجوى:مكانش سبب يخليني منرجعش.
-شهاب: ايه و واش تفسيرك للكف لي مديتيلي.
منعرفش منين جبت الشجاعة لي راني نجاوب بيها لكن جاوبتو
-نجوى:اعتبرها رد ليك.
-شهاب: انا قدمت عرض ترفضيه و ايه او لا مش بكف.
-نجوى:عرض كيف لي قدمتو يستاهل غير هاذ الرد.
-شهاب: تعرفي اخر واحد مد يدو علا وجهي شكون؟
هزيت راسي نشوف معاه وحركتو لا
-شهاب: مكانش عمرو واحد مد يدو ضربني كف.
بلعت ريقي نفس تاعي بدا يتسارع نضراتو تخوف
-شهاب: تأكدي الكف لي كليتو راح تاكلي انتي اضعاف مضاعفة منو و بالنسبة الطوموبيل تكلفة الزجاج و الصبغة و التصليح رح نرسلها بأسمك يعني تقدري تعتبري نص شهرية تاعك راحت اتفضلي برا واقفلي وراك الباب.
حكا بلا مايشوف معايا عينيه مغروسين في شاشة تع بيسي قدامو انا مشيت بخطوات صغيرة و ثقيلة للباب نحس بصدمة لكن عالاقل ما طردنيش لكن لي كنت مخخطة ليه كلو طاح في الما قلت يلزم نقص مصاريف رحت خربت طوموبيل تاعو نضرب في راسي
-نجوى:اه من فهامتك اه.
تلفت لقيت السكرتير يشوف فيا باهت.