الأم (نجوى و شهاب)

56

بدلت ل سلين عشيتها حطيتها في بلاصتها و انا دوشت و بدلت لبست روب نوار قصيرة توصل لركبتي حطيت مكياج خفيف حابة شهاب كي يشوفني يدهش قعدت نطل من الشرفة المنظر تاع برج ايفل سحرني في الليل و الاضواء تاعو الناس في الشارع شفت مع الساعة كانت 9 شهاب مرجعش مشيت قعدت على السرير مش حابة نكلمو مش حابة يقول اني نتعمد نكون معاه لكن هو قال يرجع و لحد الآن كل وعد قطعو عليا نفذو حطيت راسي على المخدة نستنا فيه رقدت من غير ما نحس من شدة التعب
................
رجع شهاب للغرفة كانت 9:40 دخل لقا نجوى راقدة وهي بثيابها حس بذنب كبير كي خلف وعدو لكن الوقت سرقو مع بلين غطاها و طبس عندها بعد شعرها على وجها و تبسم كي شاف الروج تعها تمسح من شفافها على خدها حط إبهامو على شفتها يمسح لي بقا منو حلت عينيها بعد يدو وتبسملها
-نجوى:جيت.
سألتو بصوت ضعيف ناعس
-شهاب: ايه جيت سامحيني طولت عليك سرقني الوقت مع الحكايات.
-نجوى:معليش.
تنهدت ورجعت غمضت عينيها وهو ناض مشا دوش و بدل و هز مخدة و غطا و رقد على الفوتاي.
فات نهار ولا في الخيال تجولنا ضحكنا لعبنا صورنا و تذوقنا كل شي باريس مشهورة بيه ...البروفيتيروليس.... كرواسون..... كونيليه دو بروشيه....الماكرون...و بلا ما ننسى الشكولا تاعهم لي متتنساش طعمتها اخيرا مشينا لمول كبير
-شهاب: هذا واحد من الفروع تعنا هنا.
-نجوى:واو صراحة يهبل.
-شهاب: مزلتي مشفتي والو هيا ندخلو.
دخلنا لكن شهاب كان مخطط لحاجة اخرى هو جابني هنا بش يخليني نشري روب للسهرة في الليل قالي بلي كاين عرض اوبرا عندو دعوات ليه و مستحيل واحد يجي لباريس و مايشوفش الاوبرا تعهم خيرت روب روز قصيرة عجبتو لكن سعرها خلاني نبلع ريقي زدت خيرت معاها اكسسوارات شريناهم و رجعنا للاوتال كي كنا داخلين لقينا بلين كي شفتها فسد يومي كلو جات تتبسم من بعيد حلت يديها في زوج حضنت شهاب و سلمت عليه بالبوس وتلفتت ليا
-بلين: نجوى كيفاه شفتي باريس عجبتك ؟ ههه اكيد تعجبك انتي واش شفتي من غيرها.
ضحكتلها نص ضحكة كان واضح بلي تستفز فيا
-بلين: شهاب واش رايك نخرجو اليوم
-شهاب: لا سامحيني اليوم عندي موعد.
حط يدو ورا ظهري وانا تبسمت بخبث و شفت معاها بنظرة انتصار و مشينا وخليناهاطلعنا للغرفة دوش شهاب و بدل ثيابو و هز سلين لي عشيتها انا و بدلتلها داها لعند البايبي سيتر في الاوتال وانا في هذاك الوقت دوشت و بدلت حطيت البرفان تاعي سشورت شعري و عملتو بوكلي من تحت شوية مكياج وروج في شفافي سكسي علخر حتى انا معرفتش روحي نسمع في الباب تحل تلفت لقيتو شهاب كان لابس كوستيم طالع ياخذ العقل وقفت نزلت الروب طلعت كي كنت قاعدة عينيه لمعو كي شافني خلا خدودي يطمطمو من الحشمة
-شهاب: طالعة تجنني.
-نجوى:حتى انت.
-شهاب: مرسي واذا جاهزة خلينا نروحو.
-نجوى:ايه عندي مشكل صغير.
تلفت ليا سألني بعينيه واش
-نجوى:سونسور تاع الروب مقدرتش نقفلو.
تبسم وقرب مني هزيت شعري حطيتو على جنب كنت نشوف معاه في المرايا عينيه دارو في بدني كل خلا قلبي يرعش بلعت ريقي وصوابعو لمسو بشرتي نحسهم حرقوني غمضت عينيا حليتهم لقيتو يشوف معايا هو تاني من المرايا تلفت ليه كانو عينيه يتحركو بسرعة في كل بلاصة من وجهي تبسمت
-نجوى:هيا نروحو.
مسح علا لحيتو و كح
-شهاب: احم ايه هيا.
مشيت زوج خطوات قبلو وتلفت نشوف شبيه ما تحركش لقيتو واقف ماد يدو ليا تبسمت ورجعت حكمت يدو صوابعو بين صوابعي مشا قبلي و سحبني وراه.