الأم (نجوى و شهاب)

43

بعد ما قعدت نص ساعة نحاول نستجمع شجاعتي شاف حالو عليا يظن اني وحدة من هذوك البنات لي يتأثرو بيه وبالكاريزما تاعو لااا بففف هو صح انا نتأثر مش غير نتأثر نذوب جملة بصح مش لازم نكون ساهلة رقدت سلين نزلت نوجد الغدا مكانش بفف وين هو دخلت للكوزينة لقيتو يقص في الفلفل و يحضر في الدجاج طلعت حاجبي و تبسمت
-نجوى:نوووو مسيو شهاب بحد ذاتو في الكوزينة كيفاه حتى؟
-شهاب: عندي مواهب بزاف مزلتي مشفتيهاش.
مشيت جبدت الكرسي مقابلو وقعدت نتفرج فيه يدي على خدي تنهدت
-نجوى:ايه واش هي المواهب الاخرى لي عندك.
-شهاب: تتصوري انا خريج جامعة واش ؟
-نجوى:جامعة كيف تصبح دراكولا هههههه
هز عينيه خزر فيا من بعد غرس السكين في اللوح بكل قوتو بقا مرشوق في اللوح تاع التقطيع وحط يديه علا الطاولة عروقو كلها مشدودة تبسمت
-شهاب: دراكولا ؟
-نجوى:😅😅ههه نضحك معاك شبيك قلقت.
-شهاب: هكذا تشوفيني ؟
-نجوى:يمكن مرات و مرات نشوفك حنين و مرات نشوفك اسوء من دراكولا.
-شهاب: ايه كي تتصرفي كيف الاغبياء اكيد نتصرف معاك هكذاك عموما متخرج ادب عربي.
-نجوى:ههههههههه
رجع يقص في الفلفل وانا ضحكت بصوت و قلت بين شفافي
-نجوى:عربي كاين والادب مكانش هههههه
لكنو سمعني رجع حط السكين من يدو مسح يديه
-شهاب: اواه انتي لازمك تأديب.
نزلت نجري من الكرسي هربت وهو لحقني يجري ورايا
-نجوى:والله نضحك والله مش قصدي نحكي هكذا والله متأدب عاللخر تاني.
-شهاب: غير اوقفي وين راكي لانو راح نحكمك انتي لازمك تتأدبي.
-نجوى:والله انت حنين مش دراكولا و قلبك حليب و مرات قهوة مرة والله سامحني.
كنت نجري ورا الطاولة و هو مقابلني يجني من نهرب من رجعت نلهث
-شهاب: تجي ولا نجي انا.
-نجوى:لا ما تجيش
فجأة طلع فوق الطاولة برجلو جاي لعندي استغليت الفرصة خرجت من الصالة نجري وصلت للدروج طالعة لغرفتي تلقفني يدو من ورا من وسطي كنت في حضنو حكمني بزوج يدين محوطني كنت نلهث جبدني بعيد على الدرجات دورني لعندو مقابلتو حصرني مع الحيط
-شهاب: وين رايحة وين ؟
نرجع في النفس مزلت مش مستوعبة اني بينو و بين الحيط محصورة
-شهاب: واش ندير فيك درك؟ قولي
شفت معاه يديه علا الحيط نفس تاعو سخون يضرب في وجهي عينيه لي كي نشوف معاهم نغرق فيهم رموشو كحلة لحيتو قلبي رايح يتجلط اكيد قبل ما نكمل 6 اشهر جاوبت بصوت حنين
-نجوى:ما دريلي والو
تبسمت شبه تبسيمة يادوب تحركو شفافي
-شهاب: واش رايك في بوسة تأدبك ؟
بلعت حلقي كلو هاذ المرة مش ريقي نشوف فيه يقرب مني تفكرت الحلم حصرت مع الحيط اكثر هو يقرب وانا ننزل بظهري مع الحيط حتى نزلت تحت قاعدة وهو يشوف معايا هربت من تحت ذراعو و جيت هاربة حكمني من مرفقي دورت ليه
-نجوى:لا ااا
-شهاب: وين هاربة ؟
حركت عينيا من و من وحطيت صبعي على وذني
-نجوى:اوه راك تسمع
نظرة حيرة في عينيه
-شهاب: واش ؟
-نجوى:صوت سلين اووو سلين راهي تبكي سيبني تكون فطنت وخافت.
نفارع فيه نجبد في يدي و هو يضحك يعني كأنو صح نقدر نجبد يدي من يدو
-شهاب: مسمعت والو مش قاعدة تبكي
-نجوى:تبكي تبكي صدقني انت متعرفش هي تبكي بلا صوت هكذا هي.
طلع حاجبو يستهزئ
-شهاب: وصوت الغولة لي كل ما ندخل نسمعو تع شكون ؟
سكتت وهو تبسم سيبني
-شهاب: سايي هيا برك مراح نديرلك والو ارواحي نحكيو.
مشا رجع للكوزينة و انا بهت محال حكيت عينيا و قرصت روحي اكيد هذا هو مشا هكذا و يقلي نحكيو مش هو لي حط قانون منحكيوش غير وقت الضرورة مشيت وراه طليت عليه بشوية كان يكمل في الغدا عادي ايه مشيت رجعت قعدت مقابلتو لكن مستعدة كون يتحرك نهرب
-شهاب: احكيلي وش حابة ديري في المستقبل يعني بعد ما يخلصو الستة أشهر هذو.
-نجوى:مش عارفة لكن حابة تكون عندي خدمة محترمة و فيها ربح مليح حابة نعيش متهنية بلا ما نضطر نخمم في الفواتير و كلشي.
-شهاب: كيما واش ؟
-نحب نكون شاف كبير عندي مطعم تاعي يعني.
-شهاب: تعرفي طيبي ؟
-نجوى:اكيد عندي وصفاة بزاف اخترعتها حتى اني كاتبتها بش نهار نحل مطعم تاعي نطيبها.
وقف برهة يشوف معايا نظرة جدية مشفتهاش في عينيه قبل خلاني نتوتر تبسمت ودورت عينيا في الارجاء
-شهاب: نقدر نعاونك في حاجة بما انو حابة تكوني شاف نخليك ديري تكوين عند احسن شاف عندي واش رايك؟؟
في هذاك اللحظة توهمت اني نحلم انو يكذب وقفت حطيت يديا على فمي
-نجوى:يزي
-شهاب: واش لي يزي
-نجوى:ما تضحك عليا
-شهاب: نحكي صح واش رايك
ضربت يديا على الطاولة بكل قوتي
-نجوى:كيفاه وش راي انت من كل عقلك تسأل فيا على رايي اكيد هيه موافقة.
ضحك علا طول صوتو
-شهاب: سايي سايي ريحي روحك ههههه ههههههه
-نجوى:يوووه فرحتني.
-شهاب: ايه تفكرت تاني اليوم معروضين عشا عند اهلي بش تحضري روحك.
-نجوى:حاضر من اليوم راني تحت امرك و مانزيد نفسد والو نوعدك.
-شهاب: مليح.