الأم (نجوى و شهاب)

59

قعدت شوية بكيت على غبائي مش انا لي حطيتلو شرط انو ميحبنيش كيفاه رجعت انا حبيتو هو اصلا راجل و زيد شرب وليل و دنيا داخلة بعضها برومنسية اكيد رح تتحرك غرائز تاعو لكنها مجرد غريزة مش مشاعر ولا كنت رح نسلم روحي ليه لمجرد نزوة عابرة عندو الحق احسن شي انو ماصار والو بيناتنا نغسل في وجهي نسمع في صوت الباب نشفت و خرجت نشوف بففف بلين كانت واقفة في الباب هذاك لي مزال رجعت تجي للغرفة
-بلين : هههه شفتك هربت ونسيت ساعة تاع يدك عندي قلت نجيبهالك.
-شهاب: اه مرسي بلين.
-بلين: بلا مزية راني تحت اذا حبيتو تنزلو باااي مواااح.
هزت يدها بععتلو بوسة في الهوا جابتلو ساعة تاعو نساها ؟؟ وين نساها قفل الباب وراها وانا كنت مزلت واقفة نشوف معاه نستنا في الشرح تاعو حطها علا يدو لبسها و شاف معايا
-نجوى:نسيتها عندها ؟ يعني بايت البارح عندها.
قلبي كان واجعني مع انو واضح كنت ندعي في قلبي يقلي لا مكنتش بايت عندها
-شهاب: ايه كي خرجت لقيتها و سهرنا و شربت بزيادة و مقدرتش نرجع هنا قلت انتي اكيد تكوني رقدتي و سلين هنا تاني.
بلعت ريقي و تبسمت قلبي نحس فيه مقبوض
-نجوى:ايه مكش مضطر تشرحلي هذي حياتك الخاصة يعني مش كأنو صح متزوجين ونغير عليك هههه .
-شهاب: لا مش هكذا نجوى استناي نفهمك.
كان باين من وجهو انو خاف يجرحني وانا مكنتش نقدر نخليه يحسني ضعيفة
-نجوى:شهاب من فضلك متكبرش الحكاية ههه شبيك مش في العقد تعنا قلتلك متحبنيش وانت قلتلي ما تحبينيش.
تبسمت و مشيت بسرعة من قدامو بش عينيا ميفضحوش لي نحس فيه مشيت هزيت سلين لي فاقت من النوم
-نجوى:ندوش سلين نبدللها و نلبس و ننزل.
-شهاب: تحبي ننزلو للبيسين.
-نجوى:ايه فكرة مليحة اسبقني وانا نلحقك كي نكمل.
-شهاب: اوكي.
____
خرج من الغرفة نزل تحت تأنيب الضمير ياكل فيه كان نادم انو انجر ورا نزواتو و قرب منها هو يحبها لكن يحس انو يحب يحميها فقط وندم اكثر انو هرب منها وراح لعند بلين كيفاه رح يشرح موقفو وكيفاه رح يتخلص من بلين كانو افكارو مشوشة ومشاعرو اكثر
-بلين: بسسس فاش راك تخمم و سارح؟
ضحك ضحكة خفيفة
-شهاب: شي.
-بلين: ايه باش تعوضني على الصباح هربت و خليتني.
-شهاب: كنتي راقدة محبيتش نقلقك
حضنتو بزوج يدين لفتهم على رقبتو
-بلين: معليش تعرف بلي عمري نقلق منك و زيد ليلة البارح اكدتلي بلي صح كنت مفتقدتك و توحشتك في حياتي.
ضحك و نحالها يديها
-شهاب: بلين خلينا منتسرعوش كانت ليلة وحدة و متنسايش عندك واحد في حياتك.
-بلين: منحبوش تعرف بلي راني معاه بسبب بابا.
-شهاب: بلين من فضلك.
-بلين: صحا اوكي مش وقتو، المهم واش راح دير اليوم؟
-شهاب: نازلين للبيسين.
-بلين: نقدر نجي ؟
تنهد من بعد حرك راسو ايه
-شهاب: تقدري تجي
نزل تحت قعد نحا التريكو لبس لينات بعد شوية جات بلين لابسة مايو في الروز قعدت قدامو نحات قعدت غير بالمايو 2بياس
-بلين: شهاب معليش تحطلي واقي الشمس على ظهري و كتافي.
عوج فمو و حكمو من يدها وهي دورت لجيهتو هزت شعرها على جنب.
كملت و بدلت ل سلين وليا لبست روب قصيرة تاع ربيع سيبت شعري حطيت روج خفيف و نزلت لعندو وقفت من بعيد نشوف فيه وين هو ويا ليتني ما شفتو كان قاعد و البقرة تاع بلين قريب تقعد في حجرو وهو يمس فيها وهي تضحك حالة فمها بففف و شبه عريانة قاعد معاها و مش لابس تريكو اييي سلين راكي تشوفي واش درتي كون خليتيني البارح عشت معاه اللحظة كون راهو هنا معايا مش مع هذي لي تقول هاربة من كاش مجلة تاع ازياء يعني الواحد ما يكذبش هي زينة منروحوش هيا نرجعو
...جيت راجعة هز راسو شافني عملي بيدو ارواحي بففف هيا لازمك تعاونيني
-نجوى:صباح الخير بلين كيفاه صبحتي؟
-بلين: اوه يعني صبحت روعة عندي مدة مفقتش الصباح وانا نحس هكذا.
-نجوى:اممم كثر خير شهاب.
-شهاب: هههه نجوى اقعدي علاه واقفة ارواحي هنا.
-نجوى:ايه كنت نشوف اذا تكون نسيت بلاصة محطيتلهاش واقي الشمس عليها لكن الحمد لله قست كلش هههه عندك موهبة.
مشيت قعدت و شفت وجهو راح الوان و جا الوان
-شهاب: هههه دمك خفيف.
-نجوى:مرسي.
-بلين: اوووه بنتك تهبل اكيد تشبه لباباها.
طلعت حاجبي وش قصدها يعني انا ما نشبه لوالو
-شهاب: هههه تشبه امها دات زين تعها.
-نجوى:والله انتي لي تحكمي عرفتي باباها من صغرو يعني تقدري تقولي اذا تشبهلو ولا لا.
-بلين: كيفاه؟
-شهاب: لاااا هههه بنات وشبيكم؟
-نجوى:مش تعرفي شهاب من بكري ؟
-بلين: اوه بنتو مكنتش نعرف
تلفتت شافت معاه وطلعت حاجبها
-نجوى:مش هو راجلي يعني هي بنتو.
-بلين: هو قالي ..
-شهاب: ايه بنتي قلتلك هي بنتي.
-بلين: اوكي
تبسمت و قعدت تغزل و شهاب تلفت ليا يخزر فيا بنظرة تاعو هذيك عملت روحي ولا علابالي نلعب مع سلين و نشوف معاه من تحت ل تحت حك خشمو بعصب و عض شفتو
هذاك الصباح ما جا يفوت حتى طلعت روحي وانا نتفرج في بلين تعرض في بدنها قدام شهاب رايحة جاية بسيف لا قررت تروح تلفت ليا
-شهاب: علاه درتي هكذا ؟
جاوبت وانا نتغابى
-نجوى:وش درت؟
-شهاب: راكي فاهمة مليح واش نقصد.
-نجوى:هي تستفز فيا مشفتهاش علاه محكيتش معاها هي.
-شهاب: اففف.
-نجوى:انا راجعة للغرفة اقعد وحدك
نضت.
-شهاب: استناي حتى انا طالع.