بأحد الفنادِق بالخرطُوم :يضَع آخر رشّة عطر ، يرتدي ساعتهُ الأنيقه ، ويتناول هاتفهُ بحثاً عن ذلك الاسم الذي اخذ حيّزاً كبيراً من روحه في الآوِنه الأخيره : ألو ، رحمَه .. دا أنا مازِن * الخرطوم - بحري :حامِد : أيوه يا عبدالله ياخُوي ، لالا طبعاً ، مابيناتنا والله ، المشاكِل فِي لكن الخوّه قُبّال دا كلو أكيد ، خلاص ياخُوي.. ان شاء الله الليله الاقِيك، بإذن الله، لا الموضوع دا عندي تَب ، الله يسلمَك ، الله يبارك فيك ، في رعاية الله.ماجده بتنهيده : اها ارتحتَ هسي؟حامد : ما ارتحتَ ياماجده ، قايله أُمك حتوافق بالسّاهِل؟ماجده : يا حامد الله يرضى عليك ، أمي صحِي كبّرت الموضوع لكن المرَه دي طردت ولدَا زاتو بصراحه بدون خجَل ! ح نرجَى منها شنو؟حامد : ماطردتو ، الولد دمّو فار عشان بحترِم اهل مرتو وكانت لحظة غضبماجده : أجي انتَ ماسمعتها وكت قالت ليهو البيت دا بيتي؟ طرده دي ولا ما طرده !حامد : ما طرده يا ماجده ، وامرُقي من راسي عليك الله انا ما ناقِصماجده : استغفر الله العظيم ، سمِح بِي راحتَكحامد بتنهيده : ياربي يا سِيدي ، تحقّق مقاصيدي * الخرطوم ، بحرِي : *بالرّاكوبه*حبوبه : أها يا ولدِي ، ان شاء الله مُرتاحأيمن : واللهِ النومه هِنا مريحه بشكلفارس من مدخَل الرّاكوبه : لسه ما جرّبت الباعوض والهناي، تاني كلمة راحه دي بتطير ليك من راسَكيضحَك الجميع ،حبوبه : ما تشتغل بيهُو ، الناموسيّه قاعده شي بجيك مَاففارس بضحكه : أصبحتُو كيفأيمن : الحمدلله في نعمَهحبوبه : يا ميَسا ، ماجده ، اجي بسم الله مالا هِي اسمها راح لَيأيمن بابتسامه : رحمهحبوبه : آي يارحمه ، تعالي شايِيك دا برَدفارس : حبوبه ، خالتي آمال في بِيتا؟حبوبه : آي قاعدهفارس : تمام انا ح امشي عاوزها في موضوع، وارجع للشايّحبوبه : خلاص كويِّس ... فارس : اححم ، احم ،تخرُج من غرفتها الى الصالَه إثر الصوت : فارِس !فارس بإبتسامه : صباح بلح الشّامميساء بضحكه: بلح شام شنو !فارس : ماعارفه من شفتِك اشتهيتويزداد صوت ضحكِها : والله انتَ ما نصيحفارس : جننتِيني انتيميساء : اححم احمم ، سبب الزياره شنو ماعوايدَك يعني؟فارس : اشتقتَ ليكميساء : عاين ما تتعولق أمِس شايفنِييضحك : رومانسيه ماف !ميساء : هئه ، في شاي عاوز؟فارس : سمِح كُبّي ، خالتي آمال وين؟ميساء : بِي غادي في المطبخ ، ليه؟فارس : لا ولا حاجه ، اجري انتي حبوبه دايرَاكميساء : جد؟فارس : آيميساء : سمِح كُب لي روحَك على بال ما أرجع ، اوعَى تدفق السكرفارس : ادفّقك؟ معقول !ميساء : ياخ ماتتعولق قُلنا !فارس : كلبه بدفّقكميساء بضحكه : آي كِدا أحبَك !فارس : بعشقِكتُغطي وجهها بحياء وتركُض ، يتأملها بإبتسامه حتى تتوارى عنه ، وينهض لـ لقاء أمها .. * أيمن : رحمة؟ إنتي هنا واحنا مُستنيِينك بالشاي رحمة : اء.. أيمنايمن : مالك؟رحمة : هنايأيمن : اتكلّميرحمة : لكن انت حتصرّخ زي المرّه ديك !ايمن بابتسامه : لالا أنا واحد بيتعلَّم من اخطاءُو !رحمة : ء..أيمن : قُوليرحمة : مازن وِصل وقال عاوز يزُورنا !
