My Childhood Sweet Heart (A Gangster Love Story) COMPLETED

CHAPTER 21

AN: Maraming salamat po sa mga nagbabasa nito, dahil sa totoo lang ito talaga ang unang story na ginawa ko sa una ko na acct. Enjoy reading while smiling...

=======================================

Mazel

Muli kong ibinaba itong laptop ng marinig ko ang boses ni, Allen. Dahil balak ko na talagang ibato ito kay Duncan, dahil nakakainis talaga siya. Alam mo 'yung pakiramdam na kinikilig ka pero ayaw mo ipahalata, ugh!

"Sweetheart, bakit? Nag-aaway na naman kayo?" nangingiting tanong ni, Allen.

Inisnaban ko lang si Allen, dahil isa pa itong mapang-asar lang. Napasulyap naman ako dito sa demonyo na 'to at hndi ko alam kung namalikmata lang ba ako, dahil parang ngumiti si Duncan, ngumiti ba talaga s'ya?

"Best musta na!"

Nagising naman bigla ang diwa ko sa lakas ng boses ni, Joyce. Gumanti naman ako ng yakap sa kan'ya.

"Bakit nandito kayong lahat?" Nagtatakang tanong ko sa kanila at mga nakangiti lang sila sa akin.

"Niyaya lang ako ni baby, Allen koh." ngiting sagot ni Joyce. 

Nag-upuan naman sila Dwane at Jex sa bakante na mga  upuan, samantalang nakasampa naman si Jex sa may sandalan nang inuupuan ni Duncan.

"Ano bang pinag-aawayan niyo dito sa laptop?"

Kausap muli sa akin ni Allen, kasi nasa gitna nila ako ni Joyce. Parehong naghihintay sila sa sagot ko habang si Duncan na prenting nakaupo habang nakabuka pa ang mga hita at todo sandal sa sopa namin na luma na.

"Eh, nakakaasar 'yan eh! Mali naman 'yung password na binigay niya!" asar kong sagot kay, Allen. Tumawa naman bigla si Allen, pati na rin si Jex at Dwane kasama si, Vincent.

"Ano bang password nito? Ulitin natin." Tapos kinuha niya 'yung laptop sa lamesa pinatong niya sa hita niya.

Bigla akong natigilan kasi parang nalunok ko ata ang dila ko at isa pa hindi ko kayang bigkasin 'yung sinabi ni Duncan kanina.

"Best, sige na sabihin muna para mabuksan na 'yan." Baling naman sa akin ni, Joyce.

"A-eh kasi....." hirap kong pagsasalita at tila kinakapos ako ng paghinga, pasimpleng tiningnan ko si Duncan Pero mukhang wala siyang pakialam.

"I said, I love you."

Napalingon kaming lahat lalo naman ako kasi hindi ko inaasahan na uulitin niya at sa akin talaga siya nakatingin. Pakiramdam ko gusto ko ng lumubog sa kinauupuan ko ngayon sa halo-halong pakiramdam.

Parang kinikiliti ang buong parte ng katawan ko sa pagbigkas niya muli habang si Joyce, nakikita ko na nangingiti na lang ito bigla.

"Ayon naman pala ang password," wika ulit ni, Allen.

Hndi ko magawang tingnan si Allen, pati na rin ang iba dahil pakiramdam ko lahat sila mga nakangiti. "Mali naman kasi sinubukan ko," mahinang bigkas ko na medyo nakayuko.

"Ano ba ang sagot sa, I love you?" Walang emosyon na  sabi ni, Vincent.

Ako naman nanlalaki na ata ulo ko sa hindi malaman kung paano magre-react o kung paano itatago ang kilig at kabang nararamdaman ko ngayon. Napaisip naman ako at natahimik sila hanggang sa kusang lumabas sa bibig ko ang katagang.

"I love you too," sa pagkakasalita ko hindi ko alam kung bakit sa pagbigkas ko no'n ay kasabay nang pagtingin ko kay, Duncan. Pakiramdam ko nangangapal na ang mukha ko dahil sa bigla akong nahiya at nangapal ang magkabilaan na pisngi ko.