Back To You

Ep5

Unicode

သွေးသားမတော်စပ်တဲ့သူစိမ်းတစ်ယောက်ကို ရင်နှင့်အမျှရင်းပြီးချစ်ရတာလဲ ဒုက္ခတစ်မျိုးလို့တစ်ချို့ကပြောကြတယ်။
ဒါပင်မဲ့ မမ ကိုချစ်ရတာ ဒုက္ခလို့တော့ကျွန်မ မသတ်မှတ်ထားပါဘူး။

မမကကျွန်မအတွက်တော့ ပန်ရမှာတောင်နှမြောလို့ ဖန်ပေါင်းလေးထဲထည့်သိမ်းထားပြီး တစ်စိမ့်စိမ့်ထိုင်ကြည့်နေချင်တဲ့ ပန်းလေးတစ်ပွင့်ပါ။

ညတိုင်း မမကိုသိပ်ချစ်ပါတယ်လို့ ကောင်းကင်ကြီးကိုမော့ကြည့်ရင်းပြောမိတယ်။ မမ မကြားနိုင်တဲ့တစ်ဖက်ကနေပေါ့။
~~~~~

" ဆိုတော့ကား အဆုံးသတ်ကိုဆွဲချလိုက်မယ်ဆိုရင်ဖြင့် နင်က Jennie unnie ကိုသဘောကျတယ်ပေါ့"

ဒီနေ့ပြခန်းမှာလူရှင်းတာနဲ့ မမအပေါ်ထားတဲ့ကျွန်မရဲ့ခံစားချက်တွေကို ချယ်အားပြောပြနေသည်။

ချယ်ယောင်းက ကျွန်မအပေါ်နားလည်ပေးနိုင်ဆုံး ကျွန်မယုံကြည်ရဆုံးသူငယ်ချင်းလဲဖြစ်သည်လေ။

အနဲဆုံးတစ်ယောက်ထဲမျိုသိပ်ခံစားနေရတာထက်စာရင် ချယ်ယောင်းကိုရင်ဖွင်ပြောလိုက်တာက ခံစားရပိုသက်သာနိုင်မည်။

"သဘောကျတာမဟုတ်ဘူး။ ချစ်မိသွားတာ"

"ငါကမမကိုချစ်တာ ငါ့နှလုံးသားတစ်ခုလုံးနဲ့ရင်းပြီး"

"လီဆာ နင်ဆေးများမှားသောက်မိသလား"

"နင်တော်တော်ပြောင်းလဲသွားတာဘဲ။ အရင်ကငါသိတဲ့လာလီဆာဆိုတာ မိန်းကလေးတစ်ယောက်ကိုစိတ်ဝင်စားဖို့မပြောနဲ့ အချစ်ဆိုတာတောင်ဘာမှန်းမသိတဲ့လူကလေ"

" လူတိုင်းကအချစ်နဲ့တွေ့ရင်ပြောင်းလဲသွားတတ်တာသဘာဝဘဲ"

"အေးပါနင်တော့ မမ မမ နဲ့ရူးနေပြီ"

"ချယ်!"

"အင်းပြောလေ..."

"နင်ငါကိုကူညီမယ်မလား"

"ဘာကိုလဲ..."

"ငါ့ကိုမမနဲ့ပတ်သတ်ပြီးနင်သိသလောက်ပြောပြပါလား"

"မမရဲ့အကြိုက်တွေ၊ မမရဲ့အပြုအမူတွေ၊ မမဘဝအကြောင်း နောက်ပြီး........."