Unicode
မမကကျွန်မမနက်တိုင်းနိုးထရခြင်းရဲ့အကြောင်းပြချက်ဖြစ်သည်။
အခုမမကကျွန်မဘေးမှာအိပ်ပျော်နေသည်။ မနက်ခင်းနိုးထတိုင်းဒီမျက်နှာလေးကိုနေ့တိုင်းမြင်ရမည်ဆိုလျှင် ကျွန်မရဲ့နေ့ရက်တိုင်းဟာ ရက်ရာဇာပင်ဖြစ်သည်။
ကျွန်မ မမမနိုးအောင်အသာလေး လက်ချောင်းလေးများဖြင့်မမနှုတ်ခမ်းကိုထိကြည့်မိသည်။ ဒီနှုတ်ခမ်းတွေကိုကျွန်မပိုင်ဆိုင်ခွင့်ရခဲ့သည်တဲ့လား။
အခုချိန်ထိမနေ့ကအဖြစ်အပျက်ကခေါင်းထဲကမထွက်။ အိမ်မက်တစ်ခုလိုပင်။ အိမ်မက်ဆိုပင်မဲ့လဲ သိပ်ကိုပီပြင်ထင်ရှားလွန်းတဲ့အိမ်မက်တစ်ခု။
ကျွန်မဘဝမှာဘယ်တော့မှ မမေ့နိုုင်သည့်နေ့တစ်နေ့လေးအဖြစ်ကျန်ရစ်နေမည်ဖြစ်သည်။
အခုကျွန်မဘေးမှာရှိနေတဲ့မိန်းကလေးကို ကျွန်မဘဝတစ်ခုလုံးနှင့်ရင်းပြီး ချစ်မိသွားလိမ့်မည်ဟုမည်သူထင်မည်နည်း။
ကျွန်မက မိန်းကလေးတစ်ယောက်ကို ကျွန်မနှလုံးသားတစ်ခုလုံးပေး၍ ချစ်မိမည်ဟု ဘယ်တုန်းကမှမထင်ခဲ့ရိုးအမှန်ပါ။
စွယ်တော်ရွက်ကလေးတွေက နှစ်လွှာပေါင်းမှတစ်ရွက်ဖြစ်နိုင်သလို ကျွန်မရဲ့နှလုံးသားဟာလဲ မမအချစ်တွေနဲ့ပေါင်းစပ်မှပြီးပြည့်စုံနိုင်မှာပါ။
မမက ကျွန်မပျောက်ဆုံးနေသည့် နံရိုးတစ်ချောင်းရဲ့ပိုင်ရှင်ပင်ဖြစ်သည်။
~~~~
"သူများအိပ်နေတာကိုခိုးကြည့်နေတာမကောင်းဘူးနော်"
မမကမျက်စိမဖွင့်သေးဘဲ ကျွန်မကိုလှမ်းပြောလိုက်သည်။
"မမနိုးနေပြီလား"
"လီလီကမထိတထိတွေလာလုပ်နေမှတော့နိုးပြီပေါ့"
ဒါဆိုကျွန်မသူ့နှုတ်ခမ်းကိုကိုင်ကြည့်တာမမကသိနေတယ်ပေါ့။ အာ! မျက်နှာပူလိုက်တာ။ ရှက်စရာကြီး။
"နိုးနေရဲ့သားနဲ့ဘာလို့မထတာလဲ"
"လီလီဘာဆက်လုပ်မလဲလို့စောင့်နေတာ"
ESTÁS LEYENDO
Back To You
Romance" ဘယ်လိုအခက်အခဲတွေနဲ့ဘဲရင်ဆိုင်ရပါစေ မမရှိကို မရောက်ရောက်အောင်ပြန်လာခဲ့ပါမယ်" JenLisa Both Zawgyi/Unicode " ဘယ္လိုအခက္အခဲေတြနဲ႔ဘဲရင္ဆိုင္ရပါေစ မမရွိကို မေရာက္ေရာက္ေအာင္ျပန္လာခဲ့ပါမယ္" JenLisa
