🔪شمكارة زووهرة 🔪 (مكتملة )

البارت الأول

نعرفكم براسي بعدا عاد نمشو لمسگي

سميتي زوهرة ومن لا يعرفوها ولي ميكعرفهاش غادي يولي يعرفها مزيااان  عندي 17 عام .

شحال هادي مسمعت شي حد كيعيط ليا بسميتي لحقيقيقة لي هيااا.* زوووووهرة* ،حيت في الذرب عندناا  كيعيطو ليا غير الشمكارة هز الشمكارة حط الشمكارة حتا ولفت على هاد الأسم نسبة قليلة لي كيعيطو ليا بسميتي

نوصف ليكم راسي المضهر الخارجي لا علاقة ديما كنلبس قبيات كباار علياا  ديال لولاد واسعين ومعاهم سراول ديال كيطما حتا هواا وااسعين  ولااا سراول جينز  مقطعين ومستوورين وأكترية كنلبس لكحل في لكحل ناادراا فااش كنلبس ألواان ، الصرااحة أنا وااحد البنت خااطيني جلابة أيفاازي ولقفطاان ولا لغووب بحال لبنات ولا بيجامة ديال داار هااد الشي بيني وبينوو غير الخير والأحساان ،وديمااا كتلقااا فووق راسي كسكيطة ولا قب ديال القبية ،من لاخر معنديش معاا ملابس ديال لبناات ولا دااك الشي ديال مرااهقاات ولا دااك الشي ديال زوااق ولمزير هااد الشي خاطيني

شعري طويل  واصل ليا تحت ترمتي  لونو كحل بحال الضلام

ولاكن كيعدبني في لغسيل ولمشيط ديما كنبغي نقطع دين مو ولاكن جداتي مكتخلينيش حتا لدبا معرفاش السباب علاش لهدا مكنقطعوش باش منخصرش ليها خاطرها أوصافي حيت قالت لياا هاا السخط هاا رضاا الى قطعتيه

أما على وجهي معرفش كيفاش غادي نفسرو ليكم على حساب كيفما كتگوليا جداتي وجهك كان بيض بيااض التلج  ولاكن معا الشمس ولا زرك بحال دنجالة حيت مكندخلش من الشمس نهار ومطاال وأنا نطوطح في ذروبة وزنااقي ،الصرااحة لهومااا الزنقة ولا ندخل لدااار