🔪شمكارة زووهرة 🔪 (مكتملة )

البارت 12

مهم بقيت نعربط نعربط عليه بلحق مجاوبنيش و دخل لبيتو وصد الباب وراه وخلاني واقفة بلاكة حتا أنا مديتهاش فيه غير حيت صابح فيا الجوع ومقدا نتلاج معاه حتا ندير مزوووووط عاد نرجع نتفاهم معا ز...... بوه ونوريه كيفاش يسد الباب في وجهي بلا موجب شرع .......مهم خليتو

مشيت طليت في الصالون بان ليااا  دوك لق....... باركين يتغداو معا روسهم ويتحتو بشوية عليهم بشووية  بلاتي........ حاطين واحد القصرية ديال كسكسو وسيرين يتمزكو عليها ولعوااشق قرب قرب....الله يعطينا وجهم عمرت عليهم الباب مقلت ليهم لا سلام لا كلام وبديت نخنزر فيهم واااحد وااحد  ناوية على خزيت صااابحة مطلعة

بلحق غير شافتني مي عايشة بحالي معرت أشافت وهيا تجمع النوضة وتمات جيا عندي تجري غير وصلت عندي وهيا تجرني لكوزينة من درااعي

مي عايشة : ( وقفتني جنب التلاجة وبداات علياا بالكسيطة كيف ديماا ) مالكي بقيتي معمرة علينا الباب ياك لاباس تاني..... أجي گلسي هنا أنا غادي نحتي ليك شوية ذيال كسكسو في الطبسيل ونجيب ليك تغاداي هناااا

زووهرة  : أشنهوا أشنهوا مالي وليت كلب باش تحتي ليا الشايط من الگصعة والله متزيدي توجدي ليا لفطور باش نفطر كيف الناس , يحتا نجري ليك على هاد لقو...... لي مذيرة ليهم الشان وخايفة على الشوهة قداهم

مي عايشة : ( وهياا كتنهد وكتلفت ورااهاا ليكونوو كيسمعونااا ) صبري بلاتي وهاني معاك مالك ديما مزروبة متفاكيش الله يستر

زووهرة : ( بعدم الأستسلام ) مي راني هضرت راك عرفاني مكنبغيش نعاود هدرتي؟؟..... وعلاش نتي متخليش لدين مي لفطور شحال من مرة خاصني نصبح مصدعة ك..... معاك على هاد لفطور لعوج أيمتا باغا تفهمي راسك بسلامة

مي عايشة : الله يرضي عليك أبنتي لما  خاليني  نمشي نفرق الدجاجة حشومة نخليهم هازين أيذيهم وأنا معاك

وبدات تقلب في الجيب ديال التزارة ديالها جبدت منها عشرة الدراهم وقالت ليا

مي عايشة : هاكي جيبي قرعة ديال مونضة حمرة ديال ليترو باش يدوزو بيها كسكسو حيت بغيت نجيبها قبيلة ملقيت من نسخر وجيبي ليك برزيانة وفرماجة باش تفطري بيها وخودي الصرف لي شاط

زووهرة  :( وهياا مطلعة )  واش نتي مريضة في ك...... ولا شنو ؟؟؟علاش شحال غادي يشيط بسلامة؟؟؟ ونزيدك هاديك موناضة والله الى جبتها والله الى شربوها من عندي أنا بعدا مالهم أش جايبن ليا بسلامة باش تهلاي فيهم هاد التهلو كامل غادين يخدو ليا زوليخة نصري ( وخشات 10 دراهم في جيبهااا )

مي عايشة : والله مبقيتي تحشمي غير كمدتي عشرة الدراهم وباركة تفلفسي عليا من الصباح الله ينعل لي مايحشم

زووهرة  :( بتهديد )  عطياني منيااااار أيوا باز بقات في تخراج العينين هاني غادة نبشي نجيب ليا باش نفطر نلقا البراد ديال أتاي مشبشب والطيب فوق الميدة ولا مغادي يعجبك حال قدامك ضيافك لعزاز