🔪شمكارة زووهرة 🔪 (مكتملة )

البارت 15

نرجعو للحاضر فين كنا

بعد مشرب معايا خوياا سليم أتاي عيطو ليه للخدمة ماشا لخدمتو وأنا بقيت كنكمل فطوري معا فقت معطلة كنت جيعانة بزاف بقيت حتا خشيت في وجهي بالمعقول عاد ندت تگعدت باش نحيد عليا لعگز

مني كملت ديت لماعن لكوزينة ورجعت شعلت التلفازة بقيت كنقلب في القنوات مبان ليا حتا فيلم زوين وأنا يقول ليا واحد الراس نود نتهز ندربها بتسيقة لدار ونخمل شي شوية شحال السيد ميبقا يجيب ليا في الخدامة باش تخمليا مالو ولدني ونساني خاصني نعتامد على راسي شي شوية

المهم ندت درت واحد الزيف ديال حياتي فوق راسي باش نجمع بيه هاد الشعكاكة حتا نكمل ونمشطها ومشيت لبيت النعاس حليت ليه الشراجم باش يتهوا ويحيد منو ريحت لحزاق وريحت النعاس طرفتو مزيان وجمعت لحوايج المسخين لي كانو مليوحين في كل بلاصة ذرتهم في المصبانة أوطوماتيك يتصبنو ......ومشيت لصالون جبدتو مزيان وحليت ليه حتا هوا الشراجم ديالو وشطبتو خليتو كيشعل ومشيت تاني لكوزينة لي وحلت معاها عاام ....غير بغسيل الماعن لي لكتير ديالهم مجبود ولوسخ كرم عليهم مبغا يتحايد حيت غير كنكل فيهم ونخليهم فوق البوطاجي حتا نجبد وحدين خراين .....درت كيساان وطباسل في غسالة ديال لمااعن ولملاعن لكباار غسلتهم بأيدي ....... مني صاليت منها مشيت لطواليط ودوش وصرت عليهم بلحكان هاك بالك هاك بلاك بالتيد وجافيل وساني كروى حتا ولاو يشعلو ...... .. مني كملت لبست صندالتي ديال الميكة و هبطت الطارو ديال الزبل لحتو في بركاصة لي حدا باب العمارة صراحة شقيت بلمعقول كون كانت حديا مي عايشة الله يرحمها غادي تصدم فيا يبقى فمها محلول .......كنت معااهاا منهزش كااس ودبااا حااولت نعتاامد على رااسي
والناس لي شافني يبقا يشوف فيا وحال فمو حيت خارجة مگرطة لابسة غير حويج مقزبين حتا أنا مبغيتش ندير راسي فيهم حيت ممسلياش ليهم دركيا مهم رجعت لدار طلعت حيدت لحويج لي كانو في المكينة نشرتهم في الباركو ورجعت لكوزينة نطيب شي طويجين فاعل تارك وخا معنديش معا الطياب نتعلمو شي شوية عارفة سليم لي قال ليا غادي يطيبو وقلت معا راسي نطيبو أنا مالي أش صيرة ندير .
ندت ندت نكمل ما بديت مشيت لكوزية حليت التلاجة گاع الخضرة جبدتها كول حاجة خديت منها شي شوية
مهم من لخر الجا المنضر كاين والمداق الله وعلم وصوبت معاه شوية ديال شلايض كنت خديتهم من يوتيوب وعاد مشيت دربتها ليا بواحد التدويشة فاعلة تاركة وخرجت لبست عليا صورفيط وشعلت التلفازة وبقيت نتسنا في سليم حتا يجي وعاد نتعشاو بقيت جالسة جالسة جالسة مجاش هزيت التيليفون عيطت ليه قال ليا قال ليا غير خورجي تعشاي على برا أنا مزال معطل ولا نقدر مغاديش نجي جاوبتو بزربة

زووهرة :( معصبة ) ولاكن أسليم راني وجدت لعشا وقلت نتسناك حتا نتعشاو مجمعين أش درتي معايا قبيلة واش كتفلا ولا مالك من صباح وأنا واقفة وتقول ليا مغاديش تجي صراحة أنا لي ديرة فيك راسي يالله صافي بسلامة وطفيت عليه الخط بلاماا نسمع ليه