♥️تسريع الأحداات ❤️
بعد مرور ستة شهر
نمشيو عند الزوهرة لي مليوحة كاااااو بنعاس كل رجل مليوحة في جيه رجل فوق النموسية ولخرى في الأرض..... بسيف ميجراا ليها هاد الشي وهيا منعسات حتا لفجر حيت لبارح عاااد شدات العطلة وخراجاات تبدل الجو شي شوية تسهر وتبدل من الروتين اليومي لي ولفات ديما طبقووو .....حتا طلع ليها الدم بقات على نفس الوضعية حتا سمعت الدقان في الباب بداااااات كتحرك بشوية وهيا عينها مسدودين عليها بالنعاس...... تگلبت على جنبهاا لاخر وكملت نعااااسها ولاكن رجعت سمعت الدقان تاااااني........ صافي جعرت وهيا تنوذ كارها الوضعية شعرها واگف ولعينين ملصقين ولفم مريگ قول كانت في الماراااتون لابسة شورط ديال رجالة وتيشورط عندو القب حتا هوا ديال الرجالة واسع وخا هوكاك كتبان كيوت زين كيخرج منهاا كيتقطر ولحم بيض كيبري قول حبووبة ولا نبشة فيهاا دووور معاا مبقااتش كتخرج لشمش ولات تبان بحال شي گورية وحسن گاااع غير زهر لي مكااينش
الزوهرة :( وهياا مقندشة ) وشششششكووووووون ولخراااااااا وبلااااااااتي مالك على هاد الدقان وهرسيه نتاااا گاع
حلات الباب وهيا تلقاه شكون من غيرو لي غادي يجي عندها من غير عميد سليم بطبعت الحال غير حلات عليه وبدا دااك الديسك ديال ديما
سليم : ( معصب مطلع حاجب ومهبط لاخر ) متقوليش ليا راك بقا ناعسة حتا لدبا ؟؟؟
خليتو في الباب ودخلت سبقااااه مشيت تمغطت في الصالون لي جنب الباب حيت حسا براسي معنديش عضم صحيح غير نحط راسي على لمخدة نمشي في بحر الأحلام وبديت نهضر معاه بشووية وأنا ميتة بنعااس
زووهرة : ( وهياا كتحط رااسهاا على لكووطية ديال الصاالون ) وعليكم السلام وخا مقلتيهاش ونزيدك مكنتش ناعسة كنت كنلعب غير جرادة مالحة .....( وهياا صااعرة ) مالك أصحبي صابح مفيقني على صباح ياك ليوما عطلة تاني ولى حتا العطلة منرتاحوش فيها مقداتكش سيمانة ديال لفياق بكري
خلاني كنهضر ومشا لكوزينة كيحط الميكات لي جاب فوق البوطاجي وحط المقراج فوق البوطة باش يعمر أتاي مني كمل تم جاي عندي
سليم : على كاين شي حد مكيفيق حتا التلاثة ديال لعشية ومزال مفطرة ومزال ممغدية واش نتي عندك لعقل ولا مكتكسابيهش واش أنا فقت معا السبعة ومشيت لخدمة وكملت وقلت نجي ندير معاك كسكروط كيتصحاب ليا راك فايقة .....ونتيا مزال ناعسة وزيد عليها ممغدية مافطرة علاش مالك منعستيش بكري؟؟ وعلاش بقيتي سهرانة بسلامة؟؟؟؟ بلاتي بلاتي متقوليش ليا بلي كنتي سهرانة خارج وشربتي عوتاني دااك لعجب ؟؟جوبي بلا كدوب؟؟؟ وخرج فيا عينيه كيف ديما
زووهرة : ( كضور في عينيهاا ) راه غير جوج قريعات مداو مجابو غير باش نسيو الهم وصاافي
سليم :( نااض وقف وهواا معصب ) زوهررررررة شحال من مرى خاصني نبقا نهدر معاك على نفس الموضوع شحال من مرة خاصني نقول ليك متبقايش تشربي ......راه الشراب غادي يخرج عليك واش نتي مبغاش ديري عقلك ولا شنووو؟؟؟
أنت تقرأ
🔪شمكارة زووهرة 🔪 (مكتملة )
General Fiction💞بقلمي أنا الكاتبة ميراااال 💞 ⛔⛔لا أحلل النشر بدون ذكر أسمي ⛔⛔⛔ 💞قصة مغربية 💯في 💯 كتحي على فتاة عانات بزااااف في حيااااتها _فتاة عمرها عااااشت حياتها بحال باقي لبنات ولا دوزات مرهقتها بحال باقي فتيااات -قصة لفتاة مراهقة ومشاغبة ومتسلطة ف...
