🔪شمكارة زووهرة 🔪 (مكتملة )

البارت 44

بقيت معنقاه وهوا معنقني واحدة المدة متفرقنا حتا حسيت بي بوندبة وقف حدنا وحسيت بيه معجبوش الحال

بعدت منو ومسحت دموعي وبقيت كنشوف غير لتحت مقدرتش نهز عينيا فيهم بجوج وبالخصوص سليم حيت غير غادي نشوف ليه في عينيه غادي ننفاجر بالبكا حيت حسا براسي مشي هيا هديك بقيت مهبطة راسي حتا سمعت سليم قال ليا بصوت حنين بحال ديما

سليم : توحشتك بزاااااف الزوهرة خفت غير يكون واقع ليك شي حاجة مني مبقيتيش كتجوبيني في التيليفون

شفت فيه وأنا كولي ألم حابسة غير الدموع ديالي  في شفار عينيا 😢😥😢😢ومكرهتش نقول ليه متقدرش تخايل  أش واقع ليا هاداك الشي لي وقع ميطيحش ليك علي البال ولاكن دوماج منقدرش نقول داك الشي لي هازة في صدري
بقيت كنشوف فيه واحد العداد  عاد قلت وأنا مغدة من داخل ديالي.

أنا : متخافش أنا بخير وحمد لله هاد الساعة راك عارفني هدي الزوهرة وأجرك علي الله العز اللعشير كيف ديما

وضرت أبتسامة صفرة باش ميعيقش وخا حسيت بيه محيدش عينو عليا بحالي حاس بشي حاجة
بقينا كنشوفو في بعضياتنا حتا سمعنا داك الشيطان قال لسليم

أدهم : أهلا وسهلا يا أخا زوجتي زيارتك كانت مفاجأة جميلة حقاااااا نتمني أن تزورنا دائما

مني سمعتو بزربة درت عندو وشفت فيه وخنزرت وقلت ليه في خاطري الله ينزل عليك النعلة صبن صبن قبيلة عاد كنتي باغي تقتليه ودبا تصبغ فيه حشما بلحيا الله يعطينا وجهك نتقامشو بيه معا لمشاش أولد القرد

سليم مني شافو هدر معاه عجبو الحال وهوا يماط ليه أيدو باش يسلم عليه بغا يدير معاه الصواب هاد الساعة خلاه بلاكة ومشا جلس فوق الفوتاي وخشا أيدية في الجاكيط وقال ليا بعينيه باش نجي نجلس حداه أما سليم مني شافو دار معاه داك الأسلوب بان ليا تزير ومحملش راسو حيت خلا ليه أيدو معلقة في السما بلاما يسلم عليه مني شافني نشوف فيه دار براسو بحالي مواقع والو ومشا گلس وخا هكاك حسيت بيه معجبوش داك التصرف قلت ليه في خاطري صرك نتا أش داك ضسريه علي وجهو ديال الضسارة ولا ديال التسلام بحال هدا كون جاني في أيامي نخرى لبوه علي راسو ونزمر بصنطرة نخلي لبوه غير الدخان ولغبرة ولاكن دوماج

مشيت جلست حدا بوندبة وخليت شوية ديال لسباس بيناتنا باش منقربش ليه حولت نتمالك أعصابي ومنبينش داك الشي لي في لداخل ديالي وبديت كنهدر معا سليم كنسولو علي حالو وأحوالو وهوا كدالك كيسول فيا وداك الشيطان جبد تيليفون من جيبو وبدا كيخربق فيه ومرة مرة كيشوف فينا وكيسمع أش كنقولو شوية وهوا يبان ليا سليم متردد باغي يقول شي حاجة ومقادرش يقولها بقا كيشوف فيا واحد العداد عاد قال بتردد

سليم : واش سمعتي أخر الأخبار

أنا : (جاوبتو أنا بزربة حيت عرفتو أش بغا يقول  ) واش علي تائر