جاوبتو وأنا كلي كنترعد بالخلعة لي شداتني من صبعي الصغير وطلعات ليا لمخ علي غفلة (خلتها نعيمة سميح علي غفلة ومقريت حسابو ومقريت حسابو علي غفلة علي غفلة وغادي يسفيها ليا وتاني غير لغنا درك ) سناني ولاو كيتقرقبو معا بعضياتهم وعاد زيد عليهم البولة لي وليت غير حبسها علي بونت وتخرج ليا معا رجليا وريق وليت كنحس بيه كيتصرط ليا بصعوبة ومشقت الأنفس 🤢🤢🤢🤢🤢🤢🤢🤢🤢🤢
أنا :(😥😢😥 وأنا كنترعد )في لحقيقة بغيت غير نش......وف ش....حا.....ل في س.....ا........ع....ة
باقي حتا مكملت كلامي حتا تم جاي قازدني بحال التور الهايج🐂🐂🐂( يعني التيران ديال الأسبانيا ) وعينه 👹👹مكيبشروش بالخير باينة ناوي علي خزيت
الصراحة أنا غير شفتو وعرفت القاضية حامضت حماضت وأنا نملص التيليفون لي كان مزال في أيدي طاح فوق الناموسية وصدقت واقفة علي رجليا شفت بزربة في جنابي وهزيت واحد الباز ديال الورد كان حديا فوق لكوفوزة وبلاما نتردد ولاو دقيقة وحدة دربيتو بيه جا ليه نيشان في الراس يعني وصط حجبانو حتا دم ديالو تلاح عليا بقوت الدربة لي عطيتو
أنا كان كيتصحاب ليا في الأول غير غادي ندربو غادي يطيح يسخف ولا غادي يغيب ويجي بموتو ولاكن طلع تحزيري مش في محلو كيف دربتو كيف بقا واقف بحال الشجرة لمصفصفة🌳🌳🌳🌳 باينة مولف علي لعصا ولمقاتلة وهاد الدربة لي دربتو جاتو غير مجرد خبشة بسيطة خبشتو بيها ولا غير لعبت معاه قشقاش
شد بلاصت الدربة بأيدو ورجع شاف فيا وعاود رجع شاف في أيدو لي بانت ليه كلها عمرات دم غير شافها وهوا يجعر لعروق ديال عينيه كانو غادي يتگلعو من بلاصتهم👀👀👹👹👹👹
الصراحة خلعني بان ليا بزربة ولا شخص أخر تبدل في دقيقة وحدة قول هزيتي راجل وحطيتي وحش👹👺👹👺 في بلاصتو هنا عرفت بلي هادي هيا لاخرة ليا معاه ممنهاش حيت مغاديش يدوزها ليا بساكت غير شفتو شاف فيا وعينه ولا حمرين بديت كندور بجنابي لاعلا وعصا نهز تاني شي حاجة ندافع بيها علي راسي ولا نهرب ولا نتلاح من الشجرم المهم منبقاش معاه في نفس البيت المهم نهرب برجليا قبل ميقتلني ولاكن لي بان ليا كان سرع مني أول حاجة دار مني وصل ليا شدني من دراوعي وزيرني مزيان و هز أيدو حتا لسما 👊👊👊👊👊وعطاها ليا حتا تردخت معا الحيط راسي حسيت بيه تقسم بحر الضربة صافي دخت مبقيتش قشعت عشرة علي حمار عينيا ضبو وطحت الأرض غير شافني طحت الأرض جا وقرب ليا وهزني من شعري حتا كان غادي يخلي الجلدة ديال راسي في صبعانو وصار ضرب مضرب ضرب مضرب ضرب ما ضرب غير بحالي كيضرب في البوكس ولا غي شي خيشة ديال الرملة ومعا دالك فمو مساكتش يعربط ويسب ويضرب ويعاير من لفوق بواحد اللغة مفهمت فيها والو لي فهمتو هوا غادي يقتلني ممنهاش
