🔪شمكارة زووهرة 🔪 (مكتملة )

البارت الثامن

بداو الناس لي في القهوة كيغوتو ومخلوعين مني شافو الدم وكيشوفو فيا كأني مجرمة ولا معرت أشنو ......في هاد اللحضة محملتش راسي وبديت كنغووت عليهم حيت تجننت ديال بصح

زووهرة : مالنا مالنا يا هاد ل...... كتفرجو فيا مالي قاتلة روووح .... يالله كولشي يمشي لمحالو. والله م...... دركو وجاهكم عليا يتا ........ بقيت نعربط نعربط حتا بان ليا السيد لي ضربت سخف حدا لول لي كنت حتا هوا ضربتو بلكرسي ودم عمر الجليج غير حولي ومدبوح في الأرض

مول القهوة جا كيجري من شاف الجوقة مجمعة وبدا كيغوت على حر جهدو : عيطو على البوليس عيطو على لومبيلونس غادي طيح عليا روح هنا ويصدقو صادين ليا قهوتييييي

زوووهرة :(جااوبتوو ببرودة ديال النفس ومن دااخل ميحس بياا غير الله بركت فوق واحد لكرسي كان ورياا وبديت كنمسح في نيفي وفمي من الدم ) وتا غير بشوية عليك رااني مغاادة هااربة فين ....عيط على البوليس وعيط على رجال الدرك وزيد حتا لبومبية الى بغيت مالك غادي تخلعني بيهم راه ختك حباسة وملفا على الحبس عادي جدااااااا أعشيري

تااائر مني شاف القضية حماضت حمضات جا شدهاا من أيدها وبدا غادي جرها معااه لخارج القهوة وهوا في قمة العصاب ديالو حيت محملش يبقاو العينين موجهة عليهم ....وهياا كتعاامل بالبرودة دياال النفس هااد الشي ستاافزوو بزااف مكاانش كيصحااب ليه البرهووشة غاادي تكوون بحال هكاا ....طير معاا الطيور متحشم مترمش

بلسان البطلة

زووهرة : مني شفتو دار داك ستون بديت كنغوت عليه وتحيد عليا أيدك مالك يتصحاب ليك غادين يخلعوني بالبوليس حيد والله لتفكيت معا بوهم ليوما راه قالك ضبحة ولا ربحة ولا سير ....والله الى دوزتهم ليهم بالباارد

تااائر مني شافني مبغيتش نسكت ليه ضورني لعندو بجهد وشدني من دراوعي وزير عليهم مزيان وبدا كيغوت عليا من لفوق حتا تشااش كيطير على وجهي

تااائر : غادي تسكتي مغداااش تسكتي غاادي نردخ دين مك معا هاد الحيط حتااا يبانوو ليك سناانك في لارض .......جربي تهضري راك عيقتي فوق لقياس والله ومسكتي حتا نخلي ضار بوك سكت ليك شوية طلعتي ليا فوق راسي .....( بالأمر حااد ) ودبا غادي تسكتي وديري لي قلت ليك عليه بلاما تمرضيني في كر...... ألبرهووشة

وشاف في مول القهوى وقال ليه

تااائر :( بالأمر حااد قال ليه وهواا معصب وفي نفس الوقت شانق على زووهرة ) نتا الى جاو البوليس راك كتعرف فين كنسكن بلاما نبقا هنا ونصدق خاسر معاا خويااا,غير كمل هدرتو معاه وكمل الطريق لخارج لعند الشاريع ,ونزار تابعنا من لور
غير وصلني حدا الطوموبيل ديالو وحل الباب ديال لور ودفعني دخلت ولاح ليا الكسكيط تاعي لي طاحت لي مني كنت مضاربة جبها ليا في الوجه وردخ عليا الباب حتا كان غادي يلوحو من بلاصتو ومشا عند مول القهوى لي كان تابعنا كيغوت على تااااائر تلفت عندوو تااائر وهواا معصب